Morgunblaðið - 12.04.1992, Qupperneq 1

112 SIÐUR B/C
87. tbl. 80. árg.
Gæludýraeig-
endur huggaðir
HARMI slegnir gæludýraeigendur í
Baiidaríkjunum geta nú fengið þann
stuðning og þá huggun sem þeir þurfa
á að halda þegar ástvinir þeirra, hund-
ar, kettir, fuglar og fleiri dýr, hafa burt-
kallast úr þessum heimi. Hefur verið
komið á fót sérstakri símaþjónustu í
dýralækningadeild Flórídaháskóla og
þangað getur fólk liringt í raunum sín-
um. „Grátur, einmanakennd og þung-
lyndi eru eðlileg viðbrögð við andláti
gæludýrsins og stundum þarf að full-
vissa fólk um, að allt sé með felldu með
þessar tilfinningar," segir dýralæknirinn
Thomas Lane en fyrirtæki sem framleið-
ir lyf fyrir dýr stendur aðallega straum
af kostnaðinum.
Stalín lét drepa
200 Norðmenn
RÚSSNESK sljórnvöld viðurkenna nú
að Stalín hafi látið gjöreyða norskri land-
nemabyggð á strönd Kólaskaga í hreins-
ununum á fjórða áratugnum. Um það
bil 200 Norðmenn munu hafa verið fang-
elsaðir, pyntaðir og drepnir. Ríkissak-
sóknarinn í Múrmansk mælir með að
afkomendum þeirra verði greiddar bæt-
ur. „Það sem gerðist var hörmulegt,"
segir Viktor Kruglov saksóknari. „Norð-
mennirnir voru iðjusamt og duglegt fólk
og það var alls engin ástæða til að refsa
þeim fyrir liðhlaup eða njósnir." Sagan
um gleymdu Norðmennina frá Stalins-
tímanum var rakin i fréttaþætti í norska
ríkisútvarpinu, NRK, og hefur vakið
mikla athygli í Noregi. Tveir kvikmynda-
höfundar hafa þegar ákveðið að festa
þessa sögu á filmu. Norðmennirnir
bjuggu í litlum þorpum á strönd Kóla-
skaga og stunduðu meðal annars fisk-
róðra, landbúnað og hreindýrarækt.
Flestir komu þeir þangað á síðustu öld,
eftir að hafa fengið boð Rússakeisara
um að taka sér bólfestu í ríki hans.
Gullöld græn-
ingjanna liðin
BRESKIR græningjar mega muna sinn
fífil fegurri en í kosningunum á Bret-
landi á fimmtudag fengu þeir ekki einn
tiunda hluta þess fylgis sem þeir fengu
í kosningunum til Evrópuþingsins 1989.
Nú var uppskeran hjá þeim 1,3% at-
kvæða en 15% fyrir þremur árum, sú
mesta sem nokkur græningjaflokkur
hefur fengið í kosningum. Bauð þó flokk-
urinn fram í fleiri kjördæmum en áður,
eða 245. Missti hann alls staðar af trygg-
ingarfénu, sem tapast ef flokkur fær
minna en 5% atkvæða. Aðeins einn fram-
bjóðandi flokksins hlaut meira en 2.000
atkvæði í sínu kjördæmi.
SUNNUDAGUR 12. APRÍL 1992 PRENTSMIÐJA MORGUNBLAÐSINS
Morgunblaðið/Sverrir
Páskarnir nálgast
Mikið úrval páskaeggja er í hillum verslana landsins enda I augum á hluta úrvalsins í Konfektbúðinni í Kringlunni
páskahátíðin að nálgast. Þessi drengur horfði löngunar- I þegar ljósmyndarinn var þar á ferð fyrir helgina.
v
Evrópudómstóllinn sam-
þykkir EES-samninginn
Brussel. Frá Kristófer M. Kristinssyni, fréttaritara Morpinblaðsins.
EVRÓPUDÓMSTÓLLINN hefur lagt blessun sína yfir áætlanir um stofnun stærsta
markaðsbandalags í heimi, Evrópska efnahagssvæðisins, EES, sem tengir saman
19 ríki, 12 aðildarríki Evrópubandalagsins, EB, og sjö aðildarríki Evrópska frí-
verslunarbandalagsins, EFTA. Var skýrt frá þessu í Brussel og Luxemborg í gær
en dómararnir hafa þann fyrirvara á, að úrskurðir EB-EFTA-nefndarinnar, sem
á að skera úr um hugsanleg deilumál, stangist ekki á við úrskurði Evrópudómstóls-
ins.
Samningurinn um Evrópska efnahags-
svæðið komst í uppnám í nóvember síðast-
liðnum þegar Evrópudómstóllinn komst að
þeirri niðurstöðu, að ákvæðið um sameigin-
legan dómstól bryti í bága við Rómarsátt-
málann, stofnsamning Evrópubandalagsins.
Var þá sest að samningaborðinu að nýju
en Evrópuþingið, sem hefur áhyggjur af,
að völd þess minnki með tilkomu EES,
krafðist þess, að dómstóllinn tæki endur-
skoðaðan samninginn aftur til úrskurðar.
í niðurstöðu dómstólsins segir, að öll rík-
in verði að ábyrgjast, að álit EB-EFTA-
nefndarinnar gangi ekki gegn úrskurðum
Evrópudómstólsins en hér er um tæknilegt
atriði að ræða en ekki efnislega aðfinnslu.
Þá er tekið fram, að ákvæðið um meðhöndl-
un samkeppnismála sé í samræmi við lög
og reglur EB. í athugasemdum með álitinu
kemur einnig fram, að nokkur atriði í
samningsákvæðunum geti orkað tvímælis
en um þau verði að láta reynsluna skera úr.
Umfjöllun Evrópudómstólsins hefur vald-
ið verulegum töfum á staðfestingu EES-
samningsins og er óttast, að í sumum ríkj-
anna, einkum Sviss, gefist ekki tími til að
staðfesta hann fyrir 1. janúar 1993. Raunar
er talið nokkuð ljóst, að sú tímasetning
muni ekki standast alveg enda verður samn-
ingurinn að fá staðfestingu allra þjóðþing-
anna 19 auk Evrópuþingsins.
Aðildarríki Evrópska efnahagssvæðisins
verða EFTA-löndin Austurríki, Finnland,
ísland, Noregur, Sviss, Svíþjóð og Liechten-
stein og EB-löndin Belgía, Bretland, Dan-
mörk, Frakkland, Grikkland, Holland, ír-
land, Ítalía, Luxemborg, Portúgal, Spánn
og Þýskaland.
Sjá „Hindrun rutt . . . á bls. 2.
♦ ••
BL0ÐV0LLUM
♦ ♦
VEGAUUS BÖRN