Morgunblaðið - 06.05.1993, Blaðsíða 1

Morgunblaðið - 06.05.1993, Blaðsíða 1
80 SIÐUR B/C ffrttttoMafeib STOFNAÐ 1913 100. tbl. 81. árg. FIMMTUDAGUR 6. MAI 1993 Prentsmiðja Morgunblaðsins Ljósmynd/Varnarliðið í Keflavfk ORRUSTUÞOTA af gerðinni F-15 frá varnarstöðinni í Keflavík fylgist með sovéskri herflugvél af gerðinni „Bear D" í nágrenni íslands. Hámarki náði flugumferð Sovétmanna við ísland árið 1985 er þotur varnarliðsins flugu í veg fyrir 170 sovéskar herflugvélar. Bandarísk stjórnvöld undirbúa breytingar á varnarviðbúnaði á Islandi Mikill niðurskurður er fyrirhugaður í Keflavík Kostnaðarsamur rekstur Keflavíkurstöðvarinnar talinn kalla á fækkun flugvéla - Skoðanaágreiningur milli Pentagon og stjórnkerfisins - Islensk sendinefnd væntanleg til Washington Washington. Frá Agnesi Bragadóttur blaðamanni Morjrunblaðsins. MIKILL niðurskurður á starfsemi og umsvifum bandaríska varnarliðs- ins í Keflavík er nú í undirbúningi meðal bandarískra stjórnvalda. Samkvæmt upplýsingum Morgunblaðsins úr bandaríska stjórnkerfinu er einkum horfi til þess að minnka flugvélaflota Bandaríkjahers á íslandi. Væru allar P-3 flugvélar hersins og F-15 orrustuþotur kallað- ar heim til Bandaríkjanna hefði slikt i för með sér um 1400 manna fækkun í varnarliðinu. Samkvæmt heimildum Morgunblaðsins hafa ofangreindar breytingar verið til umræðu í bandaríska varnarmála- ráðuneytinu (Pentagon) og utanrikisráðuneytinu að undanförnu. Utanríkisráðuneyti íslands barst nýverið skeyti þar sem hugmyndir í þessa veru voru reifaðar. Bandarísk stjórnvöld telja samkvæmt upplýsingum Morgunblaðsins nauðsyn á breytingum og vilja í kjölfar loka kalda stríðsins draga úr hernaðarum- svifum sínum í Evrópu. Auk þess leggja bandarísk stjórnvöld áherslu á að fram- fylgja þeirri stefnu Biils Clintons Banda- ríkjaforseta að draga úr fjárlagahalla. Augljóst er talið að skoðanaágreiningur er innan bandaríska stjórnkerfisins, á milli Pentagon og stjórnmálamanna um hversu langt skuli ganga í niðurskurðinum. Óskað eftir viðræðum Til stóð.að bandarísk sendinefnd færi héðan frá Washington til íslands til við- ræðna við íslensk stjórnvöld nú í byrjun maí um breytt og minna hlutverk herstöðv- arinnar í Keflavík. Heimildir Morgunblaðs- ins herma á hinn bóginn að íslensk stjórn- völd hafi óskað eftir því að senda viðræðu- nefnd hingað til Washington og að fallist hafi verið á það. Sendinefnd frá íslandi er því væntanleg innan skamms til Wash- ington. Samkvæmt upplýsingum bandarískra stjórnvalda hefur það ekki komið til tals að hætta allri starfsemi á vegum varnarl- iðsins í Keflavík en meðal annars mun það hafa verið til skoðunar að kalla allan flug- flota Bandaríkjahers á íslandi heim til Bandaríkjanna. Rætt er um að tveir val- kostir séu til staðar: annars vegar veruleg- ur niðurskurður sem hefði í för með sér ofangreinda fækkun í herliði Bandaríkja- manna á íslandi; hins vegar margvíslegar smávægilegar breytingar. Sá fyrri er talinn mun líklegri niðurstaða, en þó er mögulegt að bil beggja verði farið. Bandarísk stjórn- völd horfa til þess hversu kostnaðarsamur rekstur herstöðvarinnar í Keflavík er í sam- anburði við aðrar herstöðvar. „Við viður- kennum þó, þrátt fyrir allt, að við erum með tvíhliða varnarsamning við ísland, sem við erum ekki með við nokkurt annað ríki og þann samning munum við virða," sagði talsmaður Bandaríkjastjórnar í samtali við blaðamann Morgunblaðsins. Loftvarnir og kafbátaleit P-3 vélar og F-15 þotur Bandaríkja- manna í Keflavík hafa annast loftvarnar- og kafbátaeftirlit, einkum með sovéskum flugvélum og kafbátum. Þetta hlutverk flugvélanna telja bandarísk stjórnvöld að sé nú einungis fyrir hendi að mjög tak- mörkuðu leyti. Fram til ársins 1985 voru 12 herþotur af gerðinni F-4 staðsettar hér á landi. Þegar umsvif Sovétmanna jukust um miðjan áratuginn voru þær endurnýjað- ar og til íslands komu 18 þotur af gerð- inni F-15 „Eagle". Þær eru nú tólf en fækkunin var ákveðin sumarið 1991 Háttsettir starfsmenn Pentagon sögðu fyrr í þessari viku að verið væri að kanna að hve miklu leyti væri hægt að skera nið- ur starfsemi þessa á Keflavíkurflugvelli. Morgunblaðið hefur upplýsingar um að íslensk stjórnvöld hafi bent þeim banda- rísku á að þrátt fyrir hrun Sovétríkjanna væru Rússar enn með mikinn herafla í norðri og af þeim sökum væri óráðlegt að stórdraga úr styrk varnarliðsins í Keflavík. Bandarísk stjórnvöld hafa lýst því sjónarmiði sínu að eðlilegt væri að íslensk og bandarísk stjórnvöld skiptu með sér rekstrarkostnaði af Keflavíkurflugvelli, þar sem hann væri ekki einungis herflugvöllur heldur einnig aðalflugvöllur landsins. Ákvörðun innan skamms Bandarísk stjórnvöld líta þannig á að þótt starfsemi herstöðvarinnar í Keflavík komi tii með að taka umtalsverðum breyt- ingum, muni stöðin áfram hafa hlutverki að gegna svo sem fyrir millilendingar fyrir bandarískar herflugvélar. Jafnframt er litið þannig á að afram sé hernaðarleg staðsetn- ing landsins mikilvæg jafnvel þótt aðstæður í heiminum hafi dregið úr þýðingu Keflavík- urstöðvarinnar um stundarsakir hið minnsta. Rætt er um að endanlegar ákvarð- anir verði að liggja fyrir innan skamms vegna afgreiðslu fjárlaga Bandaríkjaþings. Boða samráð við íslendinga Bandarísk stjórnvöld leggja áherslu á að þótt fyrirhugaðar séu ákveðnar breyt- ingar á starfsemi og umsvifum varnarliðs- ins í Keflavík þá hafí ekkert endanlega verið ákveðið. Að sögn heimildarmanna blaðsins verður reynt að taka allar slíkar ákvarðanir í eins miklu samráði við íslensk stjórnvöld og unnt er. Ekki liggur enn fyr- ir hvenær breytingar munu taka gildi. Rætt er um að ákveðnar breytingar verði gerðar þegar í stað en aðrar á lengri tíma. Reuter. Friðarviðræður í Bosníu Konstantin Mitsotakis, forsætisráðherra Grikklands, sem sést hér ásamt Radovan Karadzic, leiðtoga Bosníu-Serba, hvatti í gærkvbldi til að friðaráætlunin yrði sam- þykkt án skilyrða. Bosníu-Serbar setja skilyrði Pale, Brussel. Reuter. FLEST benti í gærkvöldi til að fulltrúa- samkunda Bosníu-Serba myndi sam- þykkja alþjóðlega friðaráætlun um Bosn- íu. Greindi Ta/y'ug--fréttastofan frá þessu og sagði samþykkið vera háð því skil- yrði að refsiaðgerðum gegn fyrrverandi Júgóslavíu verði aflétt innan þriggja vikna. Þá eru Bosníu-Serbar sagðir krefjast þess að þau landsvæði sem eru í höndum Serba verði tengd saman. Owen lávarður, samn- ingamaður Evrópubandalagsins í friðarvið- ræðunum, hafði fyrr um daginn sagt að Serb- ar gætu engin skilyrði sett. Þeim stæðu ein- ungis tveir kostir til boða, að samþykkja eða hafna samkomulaginu.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.