Morgunblaðið - 14.04.1994, Qupperneq 49

MORGUNBLAÐIÐ FIMMTUDAGUR 14. APRÍL 1994
49
Björgvin GuðniÞor-
björnsson - Minning
Fæddur 9. júlí 1914
Dáinn 31. mars 1994
Stór skörð eru höggvin í skóla-
systkinahópinn, sem útskrifaðist úr
Verslunarskóla íslands 30. apríl
1934. Meðal þeirra var Björgvin
Þorbjörnsspn aðalbókari, sem að-
eins vantaði einn mánuð til að ná
60 ára útskriftarafmælinu.
Það æxlaðist einhvern veginn
þannig að við Björgvin settumst
hlið við hlið þegar Vilhjálmur Þ.
Gíslason setti Verslunarskólann í
fyrsta sinni og hóf þar með farsælt
starf sitt sem skólamaður. Þar með
hófust kynni okkar Björgvins, sem
voru mér ómetanleg vegna þess
hvernig hann og fjölskylda hans
tóku mér. Þau þijú ár, sem við sát-
um þá á skólabekk, var ég, ásamt
öðrum skólabróður okkar, daglegur
gestur á heimili Björgvins á Bald-
ursgötu 24. Við mættum þar kl. 9
sex daga vikunnar og lásum saman
lexíurnar sem skilað var í kennslu-
stundina effir hádegið. Þetta reynd-
ist okkur öllum hagkvæmt fyrir-
komulag og varð árangur okkar í
skólanum betri heldur en annars
hefði orðið.
Mjög var þægilegt að umgangast
Björgvin. Hann hreifst af skáta-
starfinu og var þar félagi í mörg
ár. Jók það félagsþroska unglinga
og víðsýni.
Á kreppuárunum 1932-1935
þegar atvinnuleysi herjaði í höfuð-
borginni fór ég í atvinnuleit austur
fyrir fjall. Það voru glaðværir ungir
menn sem þá komu austur til okkar
hjónanna í heimsóknir, mest fyrir
atbeina Björgvins. Það voru oft
ógleymanlegar samverustundir.
Hann var glaður á góðri stund og
það þótt ekki væri haft vín um
hönd, því að því er ég best veit
notaði hann aldrei áfengi.
Hann hóf feril sinn sem verslun-
armaður í Haraldarbúð, sem var
virtasta verslun í sinni grein í bæn-
um og þangað völdust aðeins þeir
starfsmenn, sem höfðu aðlaðandi
framkomu og vildu gera viðskipta-
manninum til hæfis.
Með Björgvin er genginn traust-
ur og vinsæll starfsmaður, ágætur
félagi og tryggur vinur.
Kona mín og ég þökkum honum
samfylgdina og vottum aðstandend-
um hans okkar innilegustu samúð.
Erlingur Dagsson.
Nú er Björgvin vinur og foringi
okkar eldri skáta um langt skeið
„farinn heim“ eins og við skátar
orðum það að fyrirmynd stofnanda
ERFIDRYKKJUR
P E R L A in sími 620200
Erfidrykkjur
Glæsileg kiiíli-
hlaðlxird íallegir
salir og mjög
góö þjónusta.
Upplýsingar
í sínia 2 23 22
FLUGLEIÐIR
HÍTKL LIFTLKlllK
skátahreyfingarinnar, Baden Pow-
ell.
Björgvin Þorbjörnsson gekk ung-
ur til starfa í skátahreyfingunni.
Fyrir stríð voru starfandi tvö skáta-
félög drengja í Reykjavík: Væringj-
ar og Ernir. Skátafélagið Væringjar
hafði verið stofnað 2. nóvember
1912 af sr. Friðriki Friðrikssyni,
sem grein frá KFUM. Félagsstarfið
varð öflugt þrátt fyrir húsnæðis-
skort og komið í nokkuð fastar
skorður, þegar Björgvin og síðan
þrír bræður hans gerðust skátar í
Væringjum í 1. sveit, en þá voru
þijár sveitir í félaginu. Björgvin var
þeirra elstur og því foringinn, en
Þorsteinn, Sveinbjörn og Sigurbjörn
komu líka mjög við sögu í skáta-
starfinu.
Þeir bjuggu hjá foreldrum sínum
á Baldursgötu og varð heimilið því
oft miðstöðin þaðan sem skátastarf-
seminni var stjórnað á árunum fyr-
ir 1940 og reyndar síðar líka. Þeir
bræður voru lengi hinir traustustu
liðsmenn í skátastarfinu, sem alltaf
mátti treysta á.
Árið 1938 varð það úr að áður-
nefnd skátafélög drengja voru sam-
einuð og myndað eitt skátafélag í
Reykjavík sem hlaut nafnið Skáta-
félag Reykjavíkur. í fyrstu stjórn
þess, sem skapaði ný viðhorf, var
Björgvin Þorbjörnsson gjaldkeri og
má segja að þeir bræður hafi um
langt árabil gætt ijármála skáta í
Reykjavík af stakri samviskusemi
og röggsemi. Síðar varð Björgvin
Þorbjörnsson félagsforingi Skátafé-
lags Reykjavíkur um skeið.
Það var mannbætandi fyrir unga
drengi að kynnast Björgvini og
ómetanlegt að njóta síðan stuðnings
hans við vandasöm stjórnarstörf.
Ég minnist þátttöku hans á ýmsum
stórum skátamótum og leiðsagnar
í ýmsum málum þegar til fram-
kvæmda kom. Þá var hann alltaf
jákvæður og hvetjandi.
t
Eiginkona mín, móðir okkar, tengda-
móftir og amma,
SIGURRÓS JÓNSDÓTTIR,
dvalarheimilinu Höfða,
verður jarftsungin frá Akraneskirkju
föstudaginn 15. apríl kl. 14.00.
Þeim, sem vilja minnast hinnar látnu,
er bent á dvalarheimilið Höfða.
Sveinbjörn Valgeirsson.
börn, tengdabörn og barnabörn.
t
Elskulegur vinur okkar og frændi,
RAFN ÞORSTEINSSON
bóndi,
Hrafntóftum,
verður jarðsunginn frá Oddakirkju laugardaginn 16. apríl
kl. 14.00.
Blóm og kransar afþakkaðir. Þeim sem vildu minnast hans er
bent á Oddakirkju.
Pálína Jónsdóttir,
Björgúlfur Þorvarðsson,
Grétar Björnsson
og aðrir vandamenn.
t
Þökkum innilega auðsýnda samúð og vinarþel við andlát og útför
móður minnar, tengdamóður, ömmu, langömmu og frænku,
SIGRÍÐAR HALLDÓRSDÓTTUR,
Hliðardal (Skipholti 66),
fyrrv. framkvæmdastjóra,
Vélsmiðju Einars Guðbrandssonar.
ída B. Einarsdóttir,
Páll V. Sigurðsson,
og fjölskyldurnar frá Hliðardal.
t
Hugheilar þakkir sendum við þeim, sem
sýndu okkur samúð og vinarhug við
fráfall og útför elskulegs eiginmanns
míns, föður okkar, tengdaföður, afa og
langafa,
JÓHANNS ÁGÚSTS GUÐNASONAR,
Selnesi 36,
Breiðdalsvík.
Sérstakar þakkir til starfsfólks
Sjúkrahúss Seyðisfjarðar.
Sigurbjörg Einarsdóttir,
Unnur Ágústsdóttir, Hörður Benediktsson,
Hjörtur Agústsson, Jóhanna Guðmundsdóttir,
barnabörn og barnabarnabarn.
Ekki hefur það verið minna virði
að finna vináttu hans, þó að sam-
verustundirnar hafi verið færri síð-
ustu árin.
Gamlir skátar kveðja nú foringja
sinn og góðan vin um árabil. Hann
var sá sem ailtaf var treyst á og
aldrei brást.
Við flytjum börnum hans og að-
standendum samúðarkveðjur og í
huga okkar er þakklæti fyrir störf
hans og vináttu alla tíð.
Páll Gíslason,
fyrrv. skátahöfðingi.
Kveðja frá
íslenskum skátum
Björgvin Þorbjörnsson gekk ung-
ur til liðs við skátahreyfinguna og
starfaði fyrst innan vébanda skáta-
félagsins Væringja í Reykjavík.
Hann gat sér gott orð sem góður
og traustur féiagi. Honum voru
snemma falin trúnaðarstörf fyrir
skátafélagið og árið 1938 sat hann
í nefnd þeirri sem vann að samein-
ingu skátafélaganna Væringja og
Arna í Reykjavík og var fyrsti gjald-
keri hins nýja félags, Skátafélags
Reykjavíkur. Björgvin Þorbjörnsson
varð ári síðar félagsforingi Skátafé-
lags Reykjavíkur og sat jafnframt
í stjórn Bandalags íslenskra skáta
og var gjaldkeri þess.
Öll störf sín í þágu skátahreyf-
ingarinnar vann Björgvin af stakri
prýði og var afar laginn í öllum
samskiptum sínum við yngri skáta.
Hann var maður hæglátur en flutti
mál sitt af festu og hvikaði ekki frá
þeim málstað sem hann taldi rétt-
an. Hann var maður sátta og sam-
lyndis, en slíkir menn ná jafnan
árangri í störfum sínum. Þótt
Björgvin hafi verið einn af frum-
heijum skátahreyfingarinnar og
látið mest að sér kveða meðan hann
var ungur að árum fylgdi hann
heils hugar kallinu eitt sinn sem
skáti ávallt skáti. Hann var ólatur
við að fylgjast með störfum skáta,
sótti reglulega öll skátamót, fylgd-
ist vei með tjaldbúðarstörfum og
veitti ungum skátum oft holl ráð
með þeirri hæversku sem honum
var eðlislæg. Hann átti sjálfur góð-
ar minningar úr skátastarfi, sem
hann stundaði af kappi ásamt
bræðrum sínum, og fór þar fram-
sækin sveit.
Þegar hann heimsótti skátamót
að Úlfljótsvatni árið 1992, þá nokk-
uð farinn að heilsu, var honum efst
í huga að mótsstjórnin færi nægjan-
legum viðurkenningarorðum um
snyrtilegar tjaldbúðirnar, hann
minnti á að ævinlega reyndu skát-
arnir að gera sitt besta og hann
vissi að dálítið hrós að afloknu verki
eflir og hvetur til dáða og er mikil-
vægt veganesti ungum skáta sem
hefur reynt að leggja sig fram.
Björgvin Þorbjörnsson var góður
skáti og drengur góður, íslenskir
skátar minnast starfa hans með
þakklæti og virðingu og flytja fjöl-
skyldu hans einlægar samúðar-
kveðjur.
Stjórn Bandalags
íslenskra skáta.
t
Útför eiginmanns míns, föður, tengdaföður og afa,
KRISTJÁNS K. JÓNASSONAR,
er lést 5. apríl síðastliðinn, verður gerð frá ísafjarðarkapellu, laug-
ardaginn 16. apríl, kl. 14.00.
Hansína Einarsdóttir,
Einar Valur Kristjánsson, Guðrún Aspelund,
Kristinn Þórir Kristjánsson, Berglind Óladóttir,
Steinar Örn Kristjánsson, María Valsdóttir,
Ólöf Jóna Kristjánsdóttir, Björgvin Hjörvarsson,
Guðmundur Annas KristjánssoiSvanhiidur Ósk Garðarsdótti
og barnabörn.
t
Hjartans þakkir fyrir auðsýnda samúð, vináttu og hlýhug við and-
lát og útför sonar okkar, föður og bróður,
SIGMARS BJÖRNSSONAR,
Grundarstig 2.
Björn Gunnlaugsson, Ragnhildur Magnúsdóttir,
Hulda Kristín Sigmarsdóttir,
Björn Elvar Sigmarsson,
Magnús Björnsson.
t
Ég sendi innilegar þakkirfyrir auðsýnda samúð og vinarhug vegna
andláts og jarðarfarar,
HANS PEDERSEN
Þingvallastræti 42,
Akureyri.
Sérstakar þakkir til lyflækningadeildar Fjórðungssjúkrahússins á
Akureyri og Búnaðarsambands Eyjafjarðar.
Rósa Pedersen og fjölskylda.
Lokað
Vegna útfarar ALBERTS GUÐMUNDSSONAR,
fyrrverandi iðnaðarráðherra, eru skrifstofur Fjár-
málaráðuneytisins lokaðar frá kl. 13-15 í dag,
fimmtudaginn 14. apríl.
Fjármálaráðuneytið.
Lokað
Vegna útfarar ALBERTS GUÐMUNDSSONAR,
fyrrverandi iðnaðarráðherra, eru skrifstofur Iðnað-
ar- og viðskiptaráðuneytis lokaðar eftir hádegi í
dag, fimmtudaginn 14. apríl.
Iðnaðar- og viðskiptaráðuneyti.