Morgunblaðið - 14.04.1994, Blaðsíða 60
60
MORGUNBLAÐIÐ FIMMTUDAGUR 14. APRIL 1994
ÍÞRÓTTIR UNGLINGA
Spennandi
ÍSLANDSMÓTI yngri flokka í -handknattleik lauk um helgina þegar
leikið var í þriðja og fjórða flokki. Óhætt er að segja að keppni
hafi verið mjög spennandi og skemmtileg en í fjölmörgum leikjum
þurfti að skera úr um úrslit með framlengingu vegna þess að jafnt
var eftir hefðbundinn leiktíma.
Við höfum hingað til tapað fyrir
þeim í úrslitaleikjum og það
var kominn tími til að sýna að við
hefðum þann „karakter" sem
þyrfti til að vinna svona leiki,“
sögðu fyrirliðar KR í 3. flokíd
kvenna, þær Sæunn Stefánsdóttir
og Sigríður Kristjánsdóttir eftir að
KR hafði lagt ÍR að velli í úrslita-
leik sem tvívegis þurfti að fram-
lengja. KR leiddi leikinn lengst og
hafði yfir 8:5 um miðbik síðari
hálfleiksins. ÍR jafnaði 8:8 og því
var framlengt í 2 x 5 mínútur.
Jafnt var eftir þá framlengingu
10:10 en KR-stúlkurnar náðu sér
á strik í seinni framlengingunni
og sigruðu 13:11.
„Við unnum bikarinn og lce-cup
og vildum bæta þessum bikar í
safnið. Þetta var góður leikur sem
•bæði lið gátu unnið og það var
leiðinlegt að það skyldum ekki
vera við, en við nýttum færin illa,“
sagði Hrafnhildur Skúladóttir, fyr-
irliði ÍR eftir leikinn.
Víkingar hrepptu þriðja sætið í
þessum flokki með 10:9 sigri á
Stjörnunni. Margrét Egilsdóttir
skoraði sigurmark Víkings úr au-
kakasti eftir að flautað hafði verið
til leiksloka.
Úrslit í bráðabana
ÍR varð íslandsmeistari í þriðja
flokki karla og óhætt að segja að
það hafi komið mörgum á óvart
enda hafa KA, FH og KR verið á
toppnum og lítill gaumur gefinn
að IR, ef undanskilinn er mikil
gagnrýni í einu dagblaðanna fyrr
í vetur fyrir óagaða framkomu á
einu mótinu. Ekki skal dæmt um
það hér hvort að sú gagnrýni hafi
verið á rökum reist en ÍR-ingar
geta leikið stórskemmtilegan
handknattleik. Það sýndu þeir
gegn KA í bráðfjörugum úrslitaleik
þar sem Reykjavíkurliðið knúði
fram sigur 30:29 í bráðabana eftir
að liðin höfðu verið jöfn eftir hefð-
bundinn leiktíma og tvær fram-
lengingar.
KA var lengst af-með forystuna
í leiknum og hafði yfir 20:18 þeg-
ar ein og hálf mínúta var til leiks-
loka. Sverrir Sverrisson, jafnaði
leikinn síðan fyrir ÍR á síðustu
sekúndu leiksins og því var fram-
lengt. Eftir tvær framlengingar
var staðan ennþá jöfn 29:29 og
var því gripið til bráðabana. KA
vann hlutkestið og byrjaði með
knöttinn en sókn þeirra rann út í
sandinn. ÍR hóf sókn sem endaði
BreKKugata 3, 600 ÁKureyri,
sími: 96-12999 Fax 96-12990 og 12581
með marki Ragnars Óskarssonar
úr vítakasti.
„Þetta var ótrúlegur leikur en
ég get einna helst þakkað sigurinn
því að við komumst í okkar besta
form á hárréttum tíma,“ sagði
Ragnar eftir leikinn. Óskar Braga-
son fyrirliði KA var vonsvikinn
eftir leikinn. „Við vorum tveimur
mörkum yfir þegar ein og hálf
mínúta var eftir og segja má að
það hafi verið kæruleysi að missa
leikinn í framlengingu. KA, FH og
KR hafa verið með sterkustu liðin
í vetur en IR kom mjög á óvart.“
Valur kom á óvart
KR og FH hafa verið í efstu sætun-
um á mótum í fjórða flokki kvenna
í vetur en Valur skaust á toppinn
á réttum tíma þegar liðið sigraði
FH 9:6 í úrslitaleik í Valsheimil-
inu. „Byijunin hafði mikið að
segja, við skoruðum tvö fyrstu
mörkin og það hjálpaði okkur mik-
ið,“ sagði Hafrún Kristjánsdóttir,
fyrirliði Vals.
„Við erum búnar að vinna þær
á Ice-cup og á tveimur mótum en
klúðruðum þessu núna,“ sagði
fyrirliði FH, Brynja Björk Jóns-
dóttir.
Mikill kraftur í KR
„Við spiluðum góða vörn og
undirbjuggum okkur vel fyrir mót-
ið. Ég mundi segja að við höfum
átt þetta skilið enda vorum búnar
að bíða lengi eftir þessum titli,“
sagði Brynjar Agnarsson, fyrirliði
KR í fjórða flokki.
KR-strákarnir léku allan úrslita-
leikinn gegn KA af miklum krafti
og slökuðu aldrei á þó liðið næði
snemma forystunni. Segja má að
vendipunkturinn hafi verið lok fyrri
hálfleiksins en þá skoruðu KR-ing-
ar sex mörk gegn aðeins einu
marki KA og breyttu stöðunni úr
4:5 í 10:6 en þannig var staðan í
leikhléi. Norðanmenn virtust aldrei
líklegir til að brúa það bil. „Við
nýttum færin illa og gerðum mikið
af mistökum í sókninni," sagði
Anton Þórarinsson, fyrirliði KA í
fjórða flokki.
Fylkir sem tapaði fyrir KR eftir
framlengdan leik í undanúrslitun-
um sigraði FH stórt 25:16 í leikn-
um um þriðja sætið.
IR - íslandsmeistari í 3. flokki karla
í handknattleik.
Aftari röð frá vinstri: Karl Erlings-
son, aðst. þjálfari, Jón Sigurðsson,
Helgi Þórsson, Ólafur Örn Jósefsson,
Sæþór Matthíasson, Róbert Hjálmtýs-
son og Erlendur Isfeld þjálfari.
Fremri röð frá vinstri: Ölafur Sigur-
jónsson, Pétur Magnússon, Sverrir
Sverrisson fyrirliði, Oli Geir Stefáns-
son og Ragnar Þór Óskarsson.
KR - íslandsmeistari í 3. flokki
kvenna í handknattleik.
Aftari röð frá vinstri: Björn Péturs-
son, varaform. handknattleiksd. KR,
Vigdís Finnsdóttir aðst.þjálfari, Jó-
hanna Indriðadóttir, Agústa E.
Bjömsdóttir, Sigríður Kristjánsdóttir,
Sigríður Birna Jónsdóttir, Harpa Ing-
ólfsdóttir, Inga Gunnarsdóttir, Edda
Kristinsdóttir og Björn Eiríksson þjálf-
ari.
Fremri röð frá vinstri: Elísabet
Ámadóttir, Valdís Fjölnisdóttir, Krist-
ín Jóhannesdóttir, Alda Guðmunds-
dóttir, Sæunn Stefánsdóttir, Ragn-
Morgunblaðið/Frosti
KR - íslandsmeistari í 4. flokki karla. Aftari röð frá vinstri: Björn Pétursson, varaform. handknattleiksd. KR, Valerí Moutagarov þjálfari,
Jóhann Eiríksson, Guðni Þorsteinsson, Bjarki Hvannberg, Björgvin Vilhjálmsson og Ágúst Jóhannsson, aðstoðarþjálfari. Fremri röð frá vinstri:
Búi Bentsen, Agnar Stefánsson, Brynjar Agnarsson fyrirliði, Árni Pjetursson, Hreiðar Guðmundsson, Ásgrímur Sigurðsson og Agnar Snædal
liðsstjóri.
Valur - íslandsmeistari í 4. flokki kvenna í handknattleik. Aftari röð frá vinstri: Sveinborg Gunnarsdóttir, Hera Grímsdóttir, Sigurlaug Rúna
Rúnarsdóttir, Sigrún Ásgeirsdóttir, Heiður Baldursdóttir, Eva Benediktsdóttir og Mikael Abkashev þjálfari. Fremri röð frá vinstri: íris Halldórs-
dóttir, Ásdís Gréta Hjálmarsdóttir, Hildur S. Jónsdóttir, Sigríður Jóna Gunnarsdóttir, Hafrún Kristjándsdóttir og Arna Grímsdóttir.