Morgunblaðið - 14.04.1994, Blaðsíða 64

Whnt HEWLETT
1IWM PACKARD
---------------UMÐOÐIÐ
HPÁ ÍSLANDI H F
Höfdabakka 9, Reykjavík, sími (91) 671000
Frá möguleika til veruleika
1. vinningur
MORGUNBLADIF), KRINGLAN 1 103 REYKJA VÍK
SÍMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTI 85
FIMMTUDAGUR 14. APRÍL 1994
VERÐ í LAUSASÖLU 125 KR. MEÐ VSK.
Tvö snjó-
flóð við
Isafjarð-
arflugvöll
TVÖ siyóflóð féllu úr Kirkjubóls-
hlíð rétt innan við flugstöðina á
ísafjarðarfiugvelli síðdegis í
gær. Flóðin voru um 70 metra
breið og fór annað þeirra yfir
veginn. Eins féll snjóflóð yfir
veginn á Breiðadalsheiði.
„Þetta var ægilegt sjónarspil,
eitthvað sem maður gleymir ekki,“
sagði Egill Ibsen Óskarsson flug-
maður hjá Flugfélaginu Erni, en
hann var sjónarvottur að flóðunum
^ ^em féllu úr Kirkjubólshlíð. Flóðin
féllu um 400 metrum utar en flóðin
síðastliðinn sunnudag.
Fyrra flóðið féll klukkan 16.40
og það síðara og stærra 10 til 15
mínútum síðar. „Fyrst heyrðist eins
og hvellur og svo ægilegar drunur
þegar flóðin steyptust niður hlíð-
ina,“ segir Egill. „Jörðin titraði og
rúður nötruðu þegar þetta fossaði
niður. Seinna flóðið minnti mig
helst á fossinn Dynjanda í Arnar-
firði. Það ruddist yfir veginn og
stoppaði um 200 metra frá flug-
stöðvarbyggingunni. Það var flutn-
ingabíll nýfarinn framhjá og ekki
að spytja að leikslokum ef hann
hefði orðið fyrir flóðinu."
Vegurinn var ruddur í gærkvöldi
og segir Egill að flóðið á veginum
hafi verið 3 til 5 metra djúpt.
Morgunblaðið/RAX
Umvafinn ungviðinu
Sauðburður er nú hafinn og þegar eru tvær ær bomar hjá Páli Magnússyni bónda á Hvassafelli undir
Eyjafjöllum, sem fór í gær að sýna Gísla, 2 ára barnabarni sínu, nýborin lömbin.
9,5 millj. í Gullpotti
Hreinsað til
á borðinu
- segir vinningshafinn
REYKVlSKUR iðnaðarmaður og
fjölskyldufaðir á sextugsaldri
varð fyrstur til að fá Gullpottinn
í Gullnámunni, happdrættisvélum
HHÍ. Vinningurinn var 9.539.116
krónur og vannst í spilasal Há-
spennu, Laugavegi 118, í hádeginu
í gær.
„Þvílík ósköp, það er ekki hægt
að lýsa því hvað þetta kemur sér
vel,“ sagði vinningshafinn í samtali
við Morgunblaðið. „Það verður held-
ur betur hægt að hreinsa til á borð-
inu.“
Sá heppni kvaðst hafa lagt undir
350 krónur í svonefndum Línukassa.
„Ég var búinn að fá þijú til fjögur
þúsund þegar sá stóri kom,“ sagði
maðurinn. Þegar Gullpotturinn
vannst blikkuðu öll ljós á vélinni og
úr henni hljómaði tónlist. „Sem betur
fer voru fáir þarna inni og strákarn-
ir sem vinna þarna drógu mig á bak-
við, enda fór að safnast að fólk.“
Vinningshafinn kvaðst ekki ætla
að breyta lífsháttum sínum að neinu
marki. Hann ætlar að greiða upp
skuldir og reiknaði með að kaupa
ríkisskuldabréf fyrir afganginn.
„Mér hefur ailtaf þótt vænt um há-
skólann og ekki hefur væntumþykjan
minnkað í dag,“ sagði þessi fyrsti
handhafi Gullpottsins.
Davíð Oddsson forsætisráðherra um árangur og næstu skref í vaxtamálum
Strandaði við
Djúpavog
FÆREYSKUR fiskibátur með
sjö manna áhöfn strandaði við
höfnina á Djúpavogi um mið-
nætti í gærkvöldi. Ahöfnin var
ekki talin í hættu, að sögn
' Landhelgisgæslu og bátar
voru komnir að til að ná bátn-
um á flot, þegar Morgunblaðið
fór í prentun.
Báturinn var á leið frá Djúpa-
vogi þegar hann tók niðri rétt
utan við höfnina. Smábátar fóru
þegar til aðstoðar og stærri skip
voru væntanleg til að taka hann
í tog. Suðvestan kaldi var við
Djúpavog í nótt.
Svigrúm hér á landi til
frekari vaxtalækkana
Ríkisstjórnin mun beita sér fyrir vaxtalækkunum með tiltækum markaðstækjum
DAVÍÐ Oddsson forsætisráð-
herra segir vera efnahagsleg-
ar forsendur fyrir frekari
lækkun vaxta. Hann segir rík-
isstjórnina munu beita sér fyr-
ir frekari vaxtalækkunum með
þeim markaðstækjum sem til
staðar séu. Forsætisráðherra
Tillögur meirihluta sjávarútvegsnefndar kynntar stjórnarliði
Samráðsnefnd stofnuð og
þrengt að framsali kvóta
LAGT er til að komið verði á samstarfsnefnd útvegsmanna og sjó-
manna til að skera úr ágreiningsmálum vegna kvótakaupa, að ekki
megi skerða skiptaverðmæti vegna kvótakaupa eða leigu, gerð er
tillaga um reglur sem hamla verslun með kvóta, tilfærslu banndaga
krókaleyfisbáta og reglur um þróunarsjóð.
Tillögur meirihluta sjávarútvegs-
nefndar um breytingar á frumvörp-
^m um fiskveiðistjórnun og þróun-
arsjóð voru kynntar þingflokkum
stjórnarflokkanna í gær. Eftir því
sem heimildir blaðsins herma er
lagt til að komið verði á fót sam-
starfsnefnd til að skera úr ágrein-
ingsmálum þegar menn telja að við-
skipti með aflaheimildir hafi haft
áhrif á skiptakjör sjómanna. Nefnd-
in verði 5 manna, VSÍ og LÍÚ skipi
einn fulltrúa hvort, samtök sjó-
manna tvo og ráðherra oddamann.
Lagðar eru til breytingar á regl-
um um skiptaverðmæti og greiðslu-
miðlun. Ekki verður leyft að draga
kostnað vegna kaupa eða leigu á
aflamarki frá heildarverðmæti afla.
Eins eru ákvæði um að hækka
geymslurétt aflamarks. Ef bátur
veiðir ekki að minnsta kosti helming
af aflamarki sínu í tvö ár eða leng-
ur er lagt til að aflamark falli niður.
Tillaga er um að banndagar
krókabáta verði færðir til þannig
að veiðibann verði föstudag, laugar-
dag og sunnudag aðra hvora helgi
og veiðar áfram bannaðar í desem-
ber og janúar. Þá verður krókabát-
um ekki leyft að velja sér kvóta.
Krókabátum verður leyft að stunda
botndýraveiðar og geta sótt um
grásleppuleyfi eftir sem áður.
Þróunarsjóður
Lagt er til að stjórn Þróunarsjóðs
verði heimilt að veija peningum til
markaðssetningar, þróunar- og ný-
sköpunarmála. Fallið verði frá að
þinglýsa banni við að fiskvinnslu-
hús, sem hafa verið úrelt, verði
aftur notuð til fiskvinnslu. Þannig
verður sá möguleiki fyrir hendi að
hús sem búið er að úrelda verði
aftur notuð ef aðstæður breytast.
rekur í grein, sem hann ritar
í Morgunblaðið í dag, fimm
ástæður þess að forsendur séu
fyrir hendi fyrir frekari vaxta-
lækkun.
„í fyrsta lagi eru engin teikn
um þensluhættu eða jafnvægis-
leysi í viðskiptum við önnur lönd,“
segir í grein Davíðs. „í öðru lagi
er raungengi krónunnar mjög lágt
um þessar mundir og því engin
gengisáhætta fylgjandi íslensku
krónunni. í þriðja lagi eru raun-
vextir háir á Islandi í samanburði
við önnur lönd, þótt bilið í þessu
efni hafi minnkað mjög að undan-
förnu. í fjórða lagi getur vaxta-
munur bankanna minnkað þegar
aðlögunarvandi þeirra vegna fjár-
hagserfiðleika frá liðnum árum er
að baki ... í fimmta lagi er stefnt
að því að fjárlagahalli verði minni
á næsta ári en á þessu ári auk
þess sem fjármálaráðherra vinnur
nú að viðmiðunarfjárlagavinnu
fyrir næstu þrjú ár, þar sem for-
sendan er sú að eyða fjárlagahalla
ríkisins."
5% raunvextir háir
Forsætisráðherra segir að það
fari ekki á milli mála að 5% raun-
vextir á verðtryggðum ríkis-
skuldabréfum séu háir, sama á
hvaða mælikvarða sé litið. Raun-
vextir samskonar skuldabréfa séu
til dæmis 3,3% í Svíþjóð. Hann
kveður hugsanlegt að frekari end-
urskoðun á fjármagnsmarkaðnum
sé tímabær, svo sem í þá veru að
ríkið geti gefíð út fleiri tegundir
verðbréfa, endurskoða megi það
fyrirkomulag sem er á fjármögnun
húsbréfa. Forsætisráðherra segir
það vekja sérstaka athygli hve
seint inn- og útlánavextir banka
fylgi eftir lækkun á markaðnum
og eins hitt hvernig forráðamenn
lífeyrissjóðanna hafi haldið að sér
höndum við fjármögnun húsnæð-
iskerfisins.
Forsætisráðherra kveður mikil-
vægt að samstaða ríki í þessum
efnum. Orðrétt segir hann: „Að
öllu samanlögðu er því svigrúm
hér á landi til vaxtalækkana. Rík-
isstjórnin mun beita sér fyrir frek-
ari lækkunum með þeim markaðs-
tækjum sem til staðar eru. Mun
fjármálaráðherra ekki lengur
binda sig við 5% vexti á verð-
tryggðum ríkisskuldabréfum held-
ur miða kaup sín við lægri tölu
þannig að vextir geti fylgt efna-
hagslegum forsendum á hveijum
tíma.“
Sjá grein Davíðs Oddssonar
forsætisráðherra í miðopnu:
„Árangur í vaxtamálum og
næstu skref“.