Morgunblaðið - 03.06.1994, Page 4

4 FÖSTUDAGUR 3. JÚNÍ 1994
MORGUNBLAÐIÐ
FRÉTTIR
Jón Baidvin um flokksþing Alþýðuflokks
Ekki á döfinni að
taka afstöðu til
aðildar að ESB
JÓN Baldvin Hannibalsson, formaður Alþýðuflokksins, segist ekki hafa
neina trú á að ágreiningur verði um afstöðuna til Evrópusambandsins á
flokksþinginu eftir viku en í Morgunblaðinu i gær sagði Jóhanna Sigurðar-
dóttir að ótímabært væri að óska eftir að flokksþingið taki afstöðu til
ESB og að málið væri ekki á dagskrá.
Jón Baldvin sagði ummæli Jó-
hönnu endurspegla misskilning á
eðli málsins. „í þeim málefnahópi
sem unnið hefur að undirbúningnum
hefur það ekki hvarflað að neinum
manni að leggja fyrir flokksþing
ályktun til ákvörðunar um að ísland
eigi að sækja um aðild. Þaðan af
síður að taka afstöðu til aðildar. Það
gera menn ekki fyrr en fyrir lægju
niðurstöður samninga,“ sagði Jón
Baldvin.
Hann sagði að á flokksþinginu
yrði Evrópustefnan tekin til ræki-
legrar skoðunar og alþýðuflokks-
menn myndu m.a. veita fyrir sér
hvort ísland geti þegar til lengri tíma
er litið staðið eitt Evrópuríkja utan
slíkra samtaka eða hvort annarra
kosta væri völ.
„Eftir að fullljóst væri að öll Norð-
urlöndin hefðu staðfest inngöngu
sína í þjóðaratkvæðagreiðslu, þá telj-
um við að því verði ekki lengur frest-
að að við gerum upp hug okkar. Þar
með væri verið að ýta af stað ferli
sem tekur í fljótu bragði séð eitt og
hálft til tvö ár,“ sagði hann.
Enginn ágreiningur
„Það er mikill misskilningur að
halda, að hægt sé í formannsfram-
boði allt í einu að grípa þetta mál
og reyna að skapa um það ágrein-
ing. Eg held að ágreiningurinn sé
enginn um málið og þar að auki er
það ekki þannig vaxið að það verði
tekin ákvörðun á þessu flokksþingi
um svo viðamikið mál. Það er ekki
tímabært, því er í ég sammála, en
ég er gersamlega ósammála því að
málið sé ekki á dagskrá. Það er á
dagskrá og er mál málanna í þjóðfé-
lagsumræðunni á komandi mánuð-
um og misserum," sagði Jón Baldvin.
Morgunblaðið/Arnór
Valt út fyrir veg
FLUTNINGABÍLL með tengivagn valt út af veginum í Hvalfirði
skömmu fyrir hádegi í gær. Okumaður bílsins var fluttur á sjúkra-
hús á Akranesi. Bíllinn skemmdist mikið. Samkvæmt upplýsingum
lögreglunnar í Borgarnesi er ekki Ijóst hvað olli óhappinu.
Morgunblaðið/Kristinn
BORGARFULLTRÚARNIR Sveinn Andri Sveinsson, Katrín
Fjeldsted, Anna K. Jónsdóttir, Júlíus Hafstein, Páll Gíslason,
Magnús L. Sveinsson, Kristín Á. Ólafsdóttir og Sigurjón Péturs-
son, eru meðal þeirra borgarfulltrúa sem eru að hætta.
Tíu borgar-
fulltrúar
kveðja
TÍU AF fimmtán núverandi borg-
arfulltrúum munu ekki sitja í
borgarstjórn á kjörtímabilinu sem
er að hefjast. Árni Sigfússon
borgarstjóri þakkaði þeim störf í
þágu borgarbúa í lok borgar-
sljórnarfundar í gær um leið og
hann kvaddi borgarstjórn sem
borgarstjóri. Þá tóku einnigtil
máls borgarfulltrúarnir Siguijón
Pétursson, Páll Gíslason, Kristín
Á. Ólafsdóttir og Magnús L.
Sveinsson og þökkuðu gott sam-
starf á liðnum árum.
Þeir borgarfulltrúar sem láta
af störfum nú eru Magnús L.
Sveinsson, sem setið hefur í borg-
arstjórn frá 1974, þar af sem for-
seti borgarstjórnar frá 1985. Dav-
íð Oddsson, sem varð borgarfull-
trúi árið 1974 og borgarstjóri frá
1982 til 1991. Páll Gíslason, sem
varð borgarfulltrúi árið 1974 og
forseti borgarstjórnar fyrri hluta
árs 1985. Katrín Fjeldsted varð
borgarfulltrúi 1982, Kristín Á.
Ólafsdóttir og Júlíus Hafstein,
árið 1986. Sveinn Andri Svejns-
son, Anna K. Jónsdóttir og Ólína
Þorvarðardóttir, borgarfulltrúar
frá árinu 1990, og Siguijón Pét-
ursson.
Siguijón kveður borgarstjóm
og borgarráð.eftir 24 ár, þar af
21 sem aðalfulltrúi í borgarráði
og forseti borgarstjórnar árin
Magnús L. Sveinsson.
1978 til 1982. „Þetta verður mikil
breyting," sagði hann. „Þetta hef-
ur verið mitt aðalstarf í þennan
tíma. Starf borgarfulltrúa er lif-
andi. Mikil samskipti við fólk og
náið samneyti við borgarana. Eg
kveð með söknuði en einnig með
ákveðnum Iétti.“
Sigurjón sagði að minnisstæð-
ast væri þegar minnihlutinn vann
kosningasigur árið 1978 og allt
það mikla starf sem þá fylgdi á
eftir. „Það gerðist með svo óvænt-
um hætti að undirbúningur var
enginn," sagði hann. „Ég var for-
seti borgarstjómar það kjörtíma-
bil og pólitískur Ieiðtogi meiri-
hlutans. Þar sem við höfðum emb-
ættislegan borgarstjóra þá
gegndi ég mörgum þeim störfum
sem borgarstjóri gegnir. Ég verð
að segja það að mér finnst við-
skilnaður minn góður.“
Fangélsi
fyrir að tál-
draga pilt
HÆSTIRÉTTUR dæmdi í gær
63 ára gamlan mann í átta
mánaða fangelsi fyrir að hafa
með fégjöf tælt 15 ára pilt til
kynferðismaka og fyrir að hafa
brotið gegn áfengislögum með
því að veita piltinum áfengi á
heimili mannsins, þar sem at-
vikið átti sér stað í október sl.
Maðurinn var fyrst dæmdur
í Héraðsdómi og þann dóm og
refsiákvörðun um átta mánaða
fangelsi staðfesti Hæstiréttur í
gær með þeim orðum að fylli-
lega sé sannað að maðurinn
hafi með fégjöf tælt piltinn til
að þola þá háttsemi sem honum
var gefin að sök.
Kennarar
vilja sam-
ræmd próf
FÉLAGAR í Kennarafélagi
Reykjavíkur (KFR) eru al-
mennt fylgjandi samræmdum
prófum, samkvæmt niðurstöð-
um skoðanakönnunar sem gerð
var í febrúar og voru niðurstöð-
ur birtar í Kennarablaðinu.
Félagar KFR eru almennt
fylgjandi samræmdum prófum.
46,2% eru fylgjandi því að hafa
samræmd próf eftir 4. bekk.
69,2% eru fýlgjándi prófum eft-
ir 7. bekk og 86,9% telja þörf
á samræmdum prófum í 10.
bekk.
Allir fá tómat
í Hagkaup
STARFSFÓLK allra Hag-
kaupsverslana gefur viðskipta-
vinum tómata í dag. Að sögn
Viktors Kiernan innkaupa-
manns grænmetis og ávaxta
er tilgangurinn að vekja at-
hygli á gæðum og hollustu ís-
lensks grænmetis. 25 þúsund
íslenskir tómatar voru keyptir
í þessu skyni.
Bengts Lindquist, fv. félagsmálaráðherra Svía og talsmaður SÞ, er gestur ráðstefnunnar Eitt samfélag fyrir alla
NORÐURLÖNDIN hafa staðið framarlega
og haft frumkvæðið í málefnum fatlaðra til
langs tíma. Þau eru hins vegar að missa
frumkvæðið í þeim málaflokki, sem fatlaðir
leggja sífellt þyngri áherslu á. Það er sú
krafa fatlaðra að fá að lifa í því samfélagi,
sem meirihluti fólks býr í. Þetta er mat
Bengts Lindquists, þingmanns í Svíþjóð, fyrr-
verandi félagsmálaráðherra þar í landi og
sérstaks talsmanns Sameinuðu þjóðanna í
málefnum fatlaðra. Hann er blindur og er
fyrstur til að gegna þessu nýja embætti á
vegum SÞ, sem mun hafa mótandi áhrif á
málefni fatlaðra í heiminum á næstu árum.
Bengt Lindquist er staddur hér á landi á
alþjóðlegri ráðstefnu um málefni fatlaðra,
Eitt samfélag fyrir alla, og flutti þar erindi
um nýlega samþykkt SÞ um málefni fatl-
aðra. Morgunblaðið hitti hann að máli og
spurði fyrst hver væri aðdragandinn að þess-
ari nýju samþykkt SÞ.
Mikið skrifað en lítið gert
„Sameinuðu þjóðirnar hafa sent frá sér
ýmsar skýrslur, áætlanir, viðmiðanir og yfir-
lýsingar á sviði fötlunar," sagði Bengt. „Allt
þetta hefur breytt hugsunarhætti fólks mik-
ið og vandamál vegna fötlunar hafa verið
rædd á nýjan hátt. Ár fatlaðra árið 1981
hafði sérstaklega mikil áhrif og í framhaldi
af því voru væntingar miklar. Loksins næðist
árangur, sem hægt væri að festa hönd á.
Eftir þetta ár gerðist hins vegar of lítið.
Til urðu góðar áætlanir, sem aldrei voru
framkvæmdar af stjórnvöldum upp að því
marki, sem vonir stóðu til. Árangurinn, sem
Norðurlöndin eru
að tapa frumkvæði
í málum fatlaðra
náðst hafði við lok níunda ára-
tugarins, olli því miklum vonbr-
iðgum í heiminum, einkum hjá
þeim, sem þessi mál varða. Upp
frá því urðu þessar nýju reglur
SÞ til.
Það þarf að fylgjast með því
að þessum reglum verði fram-
fylgt og aðildarríki SÞ verði að-
stoðuð við að framfylgja þeim.
Það verður hlutverk mitt, sem
sérstaks talsmanns SÞ, og hóps
sérfræðinga, sem vinnur með
mér.“
Bengt sagði að SÞ hefðu ver-
ið mjög duglegar við að sam-
þykkja reglur, markmið og áætl-
anir en að sama skapi ekki verið
mjög dugleg við að veita fjár-
muni til þessara verkefna. Hann
ekki kenna Sameinuðu þjóðunum
Bengt
Lindquist
vildi þó
sjálfum
um. „Ég er miklu frekar gagn-
rýninn á aðildarríkin og þeirra
framkomu í þessum mála-
flokki,“ sagði Bengt, „og þegar
ég gagnrýni aðildarríkin þá er
ég líka að gagnrýna, Svíþjóð,
Noreg, Danmörku og Island.“
Norðurlöndin enn leiðandi
Bengt Lindquist hefur viðam-
ikla þekkingu á stöðu fatlaðra
á Norðurlöndunum sem bæði
þingmaður og fyrrverandi ráð-
herra í Svíþjóð. Hversu langt
telur hann Norðurlöndin hafa
náð í málefnum fatlaðra? „Við
höfum náð langt og verið leið-
andi hvað varðar hugsunarhátt,
aðgerðir og áætlanir til að bæta
stöðu fatlaðra. Núna þegar við færumst nær
meiri áherslu á markaðshagkerfi og fækkun
reglugerða þá eru gömlu leiðimar ennþá til
staðar en við verðum að bæta við og fara
nýjar leiðir. Hvað varðar þetta hafa önnur
ríki tekið forystuna. Bandarísku lögin um
fötlun eru til dæmis mjög góð og veita fötluð-
um einstaklingum mikinn rétt. Á hinn bóg-
inn hafa Bandaríkin ekki sömu áætlanir fyr-
ir fatlaða, sem skipta kannski meira máli.
Fatlaðir samþykkja ekki að þeim sé hald-
ið frá skólum, vinnu, frístundaiðkun eða list-
um. Þeim finnst þeir hafa sama rétt og aðr-
ir til að nota góðu hlutina í samfélaginu.
Það er stóra málið, sem er að koma til Norð-
urlandanna líka. Við stöndum vel en höfum
ekki náð neinu ákveðnu marki,“ sagði Bengt.
Hindranir þarf að fjarlægja
„Hvaða gagn er manni að því,“ bætti
Bengt við, „að stjórna hjólastól fullkomlega
ef umhverfið veitir manni ekki tækifæri til
að fara þangað, sem maður vill? Hvaða gagn
er að því að læra að lesa blindraletur ef
ekki er til neitt efni eða mjög lítið efni á
því formi, sem maður hefur áhuga á að lesa?
Við, sem erum blind í Svíþjóð, spyijum
núna: „Hvers vegna ættum við ekki að geta
gerst áskrifendur að dagblöðum og fengið
blöðin á blindraletri eða á hljóðsnældu sama
dag og aðrir?“ Til eru þúsundir slíkra dæma
um hindranir í samfélaginu, sem koma í veg
fyrir að við lifum fullkomlega eðlilegu lífi-
Nýju reglur SÞ takast einmitt á við hvernig
við finnum hindranirnar og hvernig við fjar-
lægjum þær,“ sagði Bengt Lindquist að lok-
um.

I:
>