Morgunblaðið - 03.06.1994, Side 8

8 FÖSTUDAGUR 3. JÚNÍ 1994
MORGUNBLAÐIÐ
FRÉTTIR
Söguleg úrslit í borgarstiómarkosningunum í Reykjavik 1994:
Sjálfstæðisflokkur missti meirihlutann
Nú skalt þú bara leika þér með hinum fuglunum á tjörninni Árni minn . . .
Góður námsárangur rússneskrar stúlku í Hagaskóla
Með níur og tíur
og hlaðin
verðlaunum
RÚSSNESKA stúlkan Evgenía Nikolajevna Ignatí-
eva fékk tíu í vetrareinkunn í fjórum fögum á ný-
loknum vorprófum í Hagaskóla. Hún fékk tíu í ís-
lensku, bókfærslu og stærðfræði og fékk bókaverð-
Iaun og tiu í frönsku. Hún fékk niu i ensku, en átta
í samræmdu prófi og var herslumun frá að fá níu
að sögn skólastjóra. Auk þess fékk hún níu í stærð-
fræði á samræmdu prófi og hlaut 9,1 í meðalein-
kunn. „Þetta er ótrúlegt afrek hjá þessari einstak-
lega vænu stúlku,“ segir Björn Jónsson skólastjóri.
Evgenía sem er 16 ára flutti hingað til lands með
foreldrum sínum, Nikolaj og Lilju, fyrir þremur árum
en áður bjuggu þau í lítilli borg skammt frá Moskvu.
Nikolaj faðir hennar vinnur hjá Bifreiðum og land-
búnaðarvélum og hóf Evgenía skólagöngu sína í
Réttarholtsskóla. „Fyrst fannst mér mjög leiðinlegt,
ég var alveg mállaus og krakkarnir töluðu ekkert
við mig og fannst ég skrýtin," segir hún. „En ég var
með kennara i íslensku sem heitir Hákon sem kenndi
mér mjög vel og eftir hálft ár byrjaði ég að geta
lært,“ segir Evgenía sem í fyrstu sótti bara tíma í
ensku og stærðfræði.
Hún segir að skólinn á íslandi sé ekki eins strang-
ur og í heimalandinu, hægt sé að velja um fög, stærð-
fræðin hér sé mjög létt en kennslan í ensku sé betri.
„Það er ekki mikill agi hér en mér finnst það bara
betra,“ segir Evgenía. Einnig segir hún að íslenskir
Morgunblaðið/Júlíus
EVGENÍA Nikolajevna Ignatíeva
nemendur séu áhugasamari en þeir rússnesku en
þessa stundina er hún að búa sig undir sumarleyfi
í Rússlandi með foreldrum sínum. „Síðan fer ég
annaðhvort í Versló eða í framhaldsnám í Rúss-
landi, ég ætla að sjá til,“ segir Evgenía loks.
VSÍ mótmælir styrkjum til fyrirtækja úr Atvinnuleysistryggingasióði
Draga ber úr álögnin
Vinnuveitendasamband íslands
telur að úthlutanir úr Atvinnuleysis-
tryggingasjóði til að bæta atvinnu-
ástand í sveitarfélögum byggist á
grundvallarmisskilningi og telur
heilbrigðara að sveitarstjómir hlúi
að fyrirtækjum með því að draga
úr álögum á þau.
í ályktun sem framkvæmdastjórn
VSÍ samþykkti í vikunni kemur
fram að Atvinnuleysistrygginga-
sjóður hafí á þessu ári yfír að ráða
600 milljónum króna sem sveitarfé-
lög hafí lagt til samkvæmt sam-
komulagi við ríkið til að greiða fyr-
ir atvinnusköpun og átaksverkefn-
um. Miðað er við að fyrirtæki ráði
starfsmenn af atvinnuleysisskrá og
fái greiddar þær bætur sem viðkom-
andi starfsmaður hefði annars not-
ið.
Óheilbrigð sjónarmið
Framkvæmdastjórnin telur út-
hlutanir af þessu tagi ala á óheil-
brigðum sjónarmiðum í atvinnu-
rekstri, trufla samkeppni fyrirtækja
og rífa niður viðmið fyrir því hvað
sé hagkvæmt og lífvænlegt. Niður-
greiðslur á vinnuafli eins fyrirtækis
geti komið öðru fyrirtæki í þrot.
Því telur VSÍ að stöðva beri þessa
starfsemi og endurgreiða sveitarfé-
lögum fjárframlög sín til þessa
verkefnis í trausti þess að þau nýti
fjárhagslegt svigrúm til að bæta
rekstrarstöðu fyrirtækjanna með
almennum aðgerðum eða til eigin
framkvæmda. VSÍ varar hins vegar
við vaxandi tilburðum til opinbers
rekstrar í krafti margháttaðra nið-
urgreiðslna af skattfé borgaranna.
Slær í gegn í 1. deild í knattspyrnu
Var ekki píndur
til að leika
mér með bolta
Islandsmótið í knatt-
spymu hófst í síðasta
mánuði og að öðrum
ólöstuðum hefur fimmtán
ára leikmaður með 1. deilar
liði Vals vakið mesta at-
hygli. Eiður Smári Guðjo-
hnsen lék sinn fyrsta leik í
1. deildinni 23. maí sl. og
varð þar með yngsti leikmað-
urinn sem leikið hefur í 1.
deilarkeppninni í knatt-
spymu; fímmtán ára og 250
daga gamall. Frammistaða
hans í þeim þremur leikjum
sem búnir eru af íslandsmót-
inu þykir glæsileg. Hann
lagði upp jöfnunarmark Vals
í fyrsta leiknum og skoraði
fyrsta^ mark sitt í deildinni á
móti ÍBV í annarri umferð.
Þar með fetaði hann í fótspor
föður síns sem einnig opnaði
markareikninginn í 1. deild
í Vestmannaeyjum.
Hann kórónaði síðan frábæra
frammistöðu sína í þremur fyrstu
leikjunum með því að skora sigur-
mark Vals gegn FH á þriðjudags-
kvöldið. Það má segja að knatt-
spyman sé Eiði í blóð borin en
hann segir þó að boltanum hafi
ekkiverið haldið að sér sérstaklega.
„Ég var ekki píndur til að leika
mér með boltann og það var enginn
sem ákvað að ég yrði knattspymu-
maður. Ég byrjaði á þessu sjálfur,"
sagði Eiður í samtali við Morgun-
blaðið í gær.
Þú hefur væntanlega fengið ein-
hverjar ráðleggingar frá „gamla
manninum"?
„Hann hefur nú ekkert ráðlagt
mér sérstaklega í sambandi við
knattspymuna, hefur aðallegá sagt
mér að halda mér rólegum og niðri
á jörðinni. Hann hefur ekkert viljað
hafa puttana í því hvað ég vil gera,
en hefur þó sagt mér frá þeim erfið-
leikum sem atvinnumennsku
fylgja.“
I gegnum feril þinn hefurðu yfir-
leitt spilað með þér mun eldri
mönnum, hvernig er það og hvern-
ig taka þeir eldri á móti þér?
„Það hefur reynst mér vel, en
það er mun erfiðara að spila í
meistaraflokki en til dæmis í öðrum
flokki. í meistaraflokknum er mun
meiri harka og hraði. Mér er vel
tekið hjá Val og engin vandamál
hafa komið upp.“
Eru leikmenn á þínum aldri hetri
eða öðruvísi en þeir leikmenn sem
nú eru á toppnum voru á sínum
tíma?
„Það er erfitt að dæma um það,
en það eru margir strák-
ar á mínum aldri mjög
góðir. Það skiptir líka
máli að margir af þess-
um strákum hafa ein-
beitt sér að knattspyrnu
og ekki eytt miklum
tíma í aðrar greinar. Menn verða
að velja á milli greina snemma ef
menn ætla að ná árangri."
Hvernig gengur að samræma
knattspymuna skólanum og tóm-
stundunum?
„Það hefur gengið ágætlega, en
þó hefur þetta komið eitthvað niður
á skólanum. Ég hef misst mikið
úr, ég held ég hafi verið með yfír
160 stundir í fjarvistir yfir allt árið.
En einkunnimar eru þó alveg
sæmilega góðar miðað við það.“
Frami þinn hefur verið skjótur
að undanförnu. Hvernig er að vera
skyndilega í sviðsljósinu oghvernig
hefur fólk tekið því?
„Menn hafa tekið þessu misjafn-
lega. Sumir segja mig montinn en
þeir sem þekkja mig betur halda
► Eiður Smári Guðjohnsen,
knattspyrnumaður í Val, hefur
vakið mikla athygli á íslands-
mótinu í knattspyrnu sem hófst
fyrir nokkru. Eiður er fimmtán
ára gamall, fæddur 15. septem-
ber 1978, og lauk grunnskóla-
prófi í vor. Foreldrar hans eru
Ólöf Einarsdóttir og Arnór
Guðjohnsen, landsliðsmaður í
knattspyrnu og leikmaður með
sænska úrvalsdeildarliðinu
Orebro. Eiður hóf að leika
knattspyrnu í Belgíu þar sem
faðir hans var atvinnumaður,
en var i knattspyrnuskóla Fram
sumarið sem hann var fimm
ára. Sex ára gamall fór hann
að leika með IR, en gekk til
liðs við Val sl. sumar. Hann
hefur leikið 27 leiki með landsl-
iði íslands 16 ára og yngri og
tvo með liði 18 ára og yngri.
tryggð við mig. Það er ennþá hægt
að eignast góða vini í þessum
bransa, en í meistaraflokknum er
mikil barátta um sæti í liðinu og
það getur komið niður á vinátt-
unni.“
Hvað ertu að gera í sumar fyrir
utan að leika knattspyrnu?
„Ég er nýbyijaður að vinna á
leikskóla í Kópavogi og líkar það
ágætlega. Það er þægileg vinna
og ágæt tilbreyting frá knattspyrn-
unni.“
Þú hefur verið í æfmgabúðum
hjá nokkrum stórliðum í Evrópu,
er stefnan sett á atvinnumennsku
strax í haust?
„Ég fór til Ekeren í Belgíu síð-
astliðið haust, Feyeno-
ord í Hollandi og Barcel-
ona á Spáni og var í
æfingabúðum hjá þess-
um liðum. Ég er alveg
rólegur yfír mögulegri
atvinnumennsku og hef sett stefn-
una á skóla í haust. Núna sit ég
einmitt með umsóknarblaðið um
framhaldsskóla fyrir framan mig
og er ekki enn búinn að gera það
upp við mig hvort ég fari í Mennta-
skólann við Sund eða Fjölbrauta-
skólann í Breiðholti."
Pabbi þinn sagði í viðtali fyrir
stuttu í Morgunblaðinu að draum-
urinn væri að leika við hliðina á
þér í landsliðinu. Þú ert væntanlega
til i það?
„Já, auðvitað. Ég held að við
gætum náð vel saman inni í vellin-
um. Hann getur líka kennt mér svo
margt og mun gera það í framtíð-
inni. Ef það heldur áfram að ganga
svona vel hjá mér og hann heldur
sér í formi, gamli maðurinn, þá
gæti þessi draumur ræst.“
Draumur
pabbans
gæti ræst