Morgunblaðið - 03.06.1994, Blaðsíða 14

14 FÖSTUDAGUR 3. JÚNÍ 1994
MORGUNBLAÐIÐ
ERLENT
Bosníu-
viðræð-
unum
frestað
Sarajevo. Reuter.
SAMEINUÐU þjóðirnar frestuðu
í gær friðarviðræðum milli deilu-
aðila í Bosníu, sem áttu að hefj-
ast í gær, þar sem Serbar hafa
ekki fært hersveitir sínar á brott
frá bænum Gorazde. Fyrr um
daginn höfðu fulltrúar Bosníu-
stjórnar lýst því yfir að þeir myndu
ekki mæta á friðarviðræðufundinn
í mótmælaskyni. „Kröfur okkar
hafa ekki verið uppfylltar. Það er
ástæðan fyrir því að sendinefndin
mætti ekki á viðræðufundinn,“
sagði Mustafa Bijedic, sendiherra
Bosníu hjá Evrópuhöfuðstöðvum
Sameinuðu þjóðanna
Bijedic sagði að þrátt fyrir þessa
ákvörðun myndu múslimar og Kró-
atar senda fulltrúa á fund hjá „Sam-
skiptahópnum" sem á að halda í
Genf á laugardag. Fulltrúar frá
Bandaríkjunum, Evrópusamband-
inu, Rússlandi og Sameinuðu þjóð-
unum eiga sæti í „samskiptahópn-
um“ um Bosníu.
Talsmaður SÞ í Sarajevo stað-
festi í gær að Serbar hefðu ekki
fært sveitir sínar í þriggja kíló-
metra fjarlægð frá Gorazde, þrátt
fyrir að Radovan Karadzic, leiðtogi
Bosníu-Serba, hefði fullyrt í sam-
tölum við blaðamenn í Genf að sú
væri raunin. „Það hefur ekkert
breyst undanfarna tíu daga,“ sagði
taismaðurinn.
Fulltrúar Sameinuðu þjóðanna
sögðu að friðarviðræðunum hefði
ekki verið aflýst heldur einungis
frestað. Ef Serbar hefðu sig á brott
væri hugsanlega hægt að halda
fund í dag, föstudag.
«1
* m% «1
jf É
Reuter
D-dagurinn
nálgast
HÁLFRAR aldar afmælis inn-
rásarinnar í Normandí er
minnst með margvíslegum
hætti um þessar mundir þótt
mest verði um að vera á sjálfan
innrásardaginn, á mánudag 6.
júní. Aldnir, bandarískir her-
menn, sem tóku þátt í inn-
rásinni fyrir 50 árum, gengu
fylktu liði í gær umbæinn
Weymouth á Englandi en það-
an lagði stór hluti bandaríska
herliðsins upp. Á minni mynd-
inni er verið að sviðsetja inn-
rásina á Kaliforníuströnd en
þar var 50 uppgjafahermönn-
um hjálpað í land af land-
gönguprömmum hersins.
Jakkaklæddi öldungurinn heit-
ir Ralph Neal, 84 ára gamall,
og líklega man hann eftir öðr-
um og óblíðari móttökum í fjör-
unni í Normandí fyrir fimm
áratugum.
■ , . X .
Reuter
LÍK eins skæruliðanna, sem féllu i árás ísraela, borið burt. Árás-
in er sú mannskæðasta, sem ísraelar hafa gert á Líbanon í sjö ár.
ísraelskar þyrlur og herþotur
gera 13. árásina á Líbanon á árinu
Tugir féllu í
æfingabúðum
skæruliða
Baalbek. Reuter.
FJÖRUTÍU og fimm skæruliðar Hizbollah-hreyfingarinnar féllu í
árás ísraelska hersins á æfingabúðir hennar í Bekaa-dal í Austur-
Líbanon í gær. Þetta er mesta mannfall, sem orðið hefur í árásum
ísraela á Líbanon í sjö ár. Utanríkisráðherra landsins sagði í gær,
að árásin væri óvirðing við fullveldi ríkisins og gæti stefnt friðar-
viðræðunum við Israel í hættu. Skæruliðar reyndu að svara fyrir
sig í gær með því að skjóta flugskeytum á ísrael.
Fjórar fallbyssuþyrlur og sex
herþotur tóku þátt í árásinni á
búðirnar en þar voru 120 skærulið-
ar í þjálfun. Úr þyrlunum var skot-
ið af vélbyssum á tjöld skærulið-
anna og þoturnar fylgdu síðan á
eftir með flugskeytaárás.
Getur haft áhrif á
friðarviðræður
„Vitað er um 45 píslarvotta,
sem látið hafa lífið,“ sagði Faris
Bouez, utanríkisráðherra Líban-
ons, í gær og hélt J)ví fram, að
með árásinni vildu Israelar eyði-
leggja friðarviðræðurnar. Sagði
hann, að hugsanlega yrði þeim
að ósk sinni.
Líbanska varnarmálaráðið koma
saman til fundar í gær vegna árás-
arinnar en hún er sú 13., sem ísra-
elar gera á IJbanon á árinu. Hiz-
bollah-skæruliðar ráðast næstum
daglega á Israela á hernumda
svæðinu í suðurhluta landsins og
Líbanonstjórn heldur því fram, að
þeir séu í fullum rétti við að reyna
að reka þá burt.
Hóta hefndum
Talsmaður Hizbollah hét að
hefna mannfallsins í árás ísraela
og skutu skæruliðar 10 Katyusha-
flugskeytum á ísrael í gær. Ekki
var vitað til, að þær hefðu valdið
tjóni. - --A
Fresta ekki
forseta-
kosningum
ÚKRAÍNUÞING samþykkti í
gær að halda forsetakosningar
á tilsettum tíma, 26. júní, og
tók þar með ekki tillit til mót-
mæla Leoníds Kravtsjúks, for-
seta landsins, sem vill að þeim
verði frestað. Greiddi 201 þing-
maður atkvæði með tillögunni
en 69 fylgdu forsetanum að
málum. Samkvæmt skoðana-
könnunum er gengi Kravtsjúks
slakt, en hann fullyrðir að mjög
dragi úr stöðugleika í landinu,
verði gengið til kosninga nú.
Kommúnistar á þinginu sögðu
hins vegar að ástæðulaust væri
að fresta kosningum þar sem
kosningabaráttan væri vel á
veg komin.
Veik staða
Berlusconis
STJÓRNAR-
FLOKKARN-
IR á Ítalíu
urðu fyrir
áfalli í gær er
stjórnarand-
staðan fékk í
sinn hlut for-
mennsku í
átta af þrett-
án mikilvæg-
um nefndum
efri deildar
þingsins. Frelsisbandalag Silvi-
os Berlusconis forsætisráð-
herra hlaut aðeins formennsku
í tveimur af fimm nefndum í
gær og þremur af átta sem
kosið var um á miðvikudag.
Staðfesta þessi úrslit veika
stöðu Berlusconis i efri deild.
Berlusconi
Deilt um
auðlindir í
Kaspíahafi
RÚSSAR lýstu í gær yfir því
að hafa yrði samráð við þá
áður en teknar yrðu ákvarðanir
um nýtingu auðlinda í Kaspía-
hafi. Þar á meðal eru risasamn-
ingar um olíu við vestræn fyrir-
tæki og samningar um veiði-
réttindi. Sagði talsmaður utan-
ríkisráðuneytisins að auðlinda-
samningar varðandi Kaspíahaf
væru á ábyrgð allra ríkjanna
sem ættu land að hafinu, Rúss-
lands, Kazakhstans, Azerbajdz-
hans, Turkmenistans og Irans.
Karl og Díana
Upptökur af
ástarhjali í
sjónvarp
BROTUM úr upptökum af
meintu ástarhjali Karls prins
og Camillu Parker-Bowles, svo
og af meintu samtali Díönu
prinessu við karlkyns aðdá-
anda, verður sjónvarpað í fyrsta
sinn í Bretlandi síðar í mánuð-
inum. Ekki hefur verið staðfest
að um meðlimi konungsfjöl-
skyldunnar sé að ræða en upp-
tökurnar ollu engu að síður
miklu ijaðrafoki er fyrst var
sagt frá þeim og hlutar birtir
í blöðum.