Morgunblaðið - 03.12.1994, Side 24

24 LAUGARDAGUR 3. DESEMBER 1994
MORGUNBLAÐIÐ
h
ERLENT
Leiðtogi kanadískra
aðskilnaðarsinna
Tvísýn
barátta við
holdátu
Ottawa. Reuter.
LUCIEN Bouchard, einn vinsælasti
leiðtogi aðskilnaðarsinna í Quebec í
Kanada, lá á milli heims og heljar á
sjúkrahúsi í Montreal í gær. Hafði
hann veikst af svokallaðri holdátu
og var búið að taka af annan fótinn.
Var sýkingin komin í hinn fótinn,
annan handlegginn og bringuna.
Læknar staðfestu, að tvísýnt væri
um líf Bouchards en kanadíska ríkis-
útvarpið hafði það eftir vinum hans,
að um væri að ræða streptokokka-
sýkingu, algengar bakteríur, sem
stundum geta valdið óviðráðanlegu
drepi.
Taldi sig með flensu
Bouchard, sem er 55 ára gamall,
kom fram á stjómmálafundi um
helgina og virtist þá við hestaheilsu
en á mánudag taldi hann sig vera
kominn með flensu. Á þriðjudag var
hann fluttur á sjúkrahús vegna mik-
illa verkja í öðrum fæti og þá kom
í ljós hvers kyns var.
Málaferli vegna silikonpúða í bijóstum
250 milljarðar kr.
í skaðabætur?
Kaupmannahöfn. Morgunblaðið.
210 danskar konur hafa lagt
fram skaðabótakröfur á hendur
bandarísku fyrirtæki vegna meints
leka í silikonpúðum, sem notaðir
hafa verið við bijóstaaðgerðir.
Dönsku kröfumar ganga til aðila í
Bandaríkjunum, sem rekur málið
fyrir hönd hundruð þúsunda kvenna
um allan heim. Það getur tekið
hátt í áratug áður en kemur að því
að greiða skaðabætur, en banda-
ríska fýrirtækið, sem stefnt er hef-
ur lagt um 250 milljarða íslenskra
króna til hliðar vegna hugsanlegra
skaðabóta.
Dönsku konurnar sem fara í mál
eru mis illa haldnar. Sumar em
öryrkjar, aðrar kenna sér einskis
meins en höfða málið til að hafa
vaðið fyrir neðan sig. Margar kon-
ur, sem fengið hafa silikonpúða í
btjóstin til að fá stærri eða betur
löguð bijóst hafa fengið alls kyns
kvilla upp úr aðgerðunum. Álitið
er að þeir geti stafað af því að sili-
kon hafi lekið úr púðunum eða þeir
hreyfst til. Kvillamir em yfirleitt
einhvers konar liðasjúkdómar, sem
engar skýringar fínnast á.
Slíkir kvillar em þekktir út um
allan heim meðal kvenna sem feng-
ið hafa silikonpúða í bijóstin frá
ákveðnu bandarísku fyrirtæki og
því hafa konur í mörgum löndum
tekið sig til og höfðað mál. Öllum
kröfunum er safnað saman á einn
stað og í vikunni rann út frestur
til að skila inn kærum. Bandaríska
fyrirtækið hefur lagt til hliðar 250
milljarða íslenskra króna til að
mæta hugsanlegum bótakröfum.
Fyrir nokkmm ámm féll dómur í
sambærilegu máli vegna getnaðar-
varnarlykkju, Það mál var höfðað
fyrir hönd 300 þúsund kvenna um
allan heim og púðamálið er ekki
umfangsminna. Eftir átta ár féll
dómur í lykkjumálinu. Skaðabætur
til þeirra sem fengu einhveijar voru
á bilinu 1-10 milljónir íslenskra
króna.
Achille Lauro sökk
á Indlandshafi
Róm. Reuter.
LÚXUSSKIPIÐ Achille Lauro
sökk í gær á Indlandshafi rúmlega
tveimur sólarhringum eftir að eld-
ur kviknaði í skipinu.
Skipið logaði enn er það sökk
og blés svartur reykstrókur upp
úr því er það hvarf í hafið um það
bil 250 kílómetrum undan strönd-
um Sómalíu.
Taug hafði verið komið í Ac-
hille Lauro og var ætlunin að
draga það til hafnar og reyna
bjarga því. Skrokkurinn virðist
hins vegar hafa laskast það mikið
af völdum hita að sjór komst inn
í skipið.
Áhöfn og farþegum Achille
Lauro, tæplega eittþúsund manns,
var bjargað og eru á leið með 10
skipum til Djibouti og Mombasa.
MAL
í Borgarkringlunni
MÆTUMÖLLOG /S\
TÖKUMÞÁ TTÍ
MÁLPÍPUNNI KAV
Er holræsagjald í Reykjavík
sanngjörn álaga eða skattpíning?
í dag kl. 14.00 í Málpípunni í Borgarkringlunni
munu Ingibjörg Sólrún Gísladóttir, borgarstjóri og
Inga Jóna Þórðardóttir, borgarfulltrúi, eigast viö
um þessa áleitnu spurningu.
Umræðunum verður útvarpað á Rás 2.
Reglur fyrir Mátpípuna:
Frummælendur fá 4 mín. í fyrri umferð og 2 mín. í seinni umferð.
Fyrir hverja spumingu sem þeir fá frá fólki úr sal fá þeir 70 sek. til að svara.

Reuter
GÁMASKIPIÐ Kota Suria eftir áreksturinn. Skemmdir á því
eru tiltölulega litlar en það sigldi þvert á ferjuna, sem hvolfdi
skömmu síðar og sökk.
Um 150 manns fórust með filippískri ferju
Sökk eftir árekst-
ur við gámaskip
Manila. Reuter.
Reuter
Rafbíla-
hátíð
MIKIÐ var um dýrðir í Disney-
landi í Anaheim í Kaliforníu
í fyrradag og það var raf-
magnsbíll frá General Motors,
Impact, sem var í aðalhlut-
verkinu eins og hér má sjá.
Var honum ekið í broddi mik-
illar fylkingar eftir aðalgöt-
unni en fulltrúar fyrirtækja
og stjórnvalda víða um
heim eru saman komnir á ráð-
stefnu um rafbíla framtíðar-
innar.
Er þar rætt um nýjustu
tækniframfarir á þessum
vettvangi. Það eru fyrst og
fremst rafgeymarnir, sem
hafa staðið í vegi, en erfiðlega
hefur gengið að hlaða þá
nægilegri orku til að knýja
bílana meiraen 100 eða 200
km. Mikil árangur hefur þó
náðst á því sviði og það er
rtil mikils að vinna fyrir þau
fyrirtæki, sem sigra í þessari
samkeppni.
OTTAST er, að nærri 150 manns
hafi farist þegar feija sökk í gær
eftir árekstur við gámaskip í Man-
ila-flóa á Filippseyjum. Átti slysið
sér stað fyrir birtingu í gær en um
650 manns voru með skipinu. Tókst
sumum að komast um borð í gáma-
skipið en öðrum var bjargað úr
sjónum.
Björgunarmenn fundu 34 lík í
sjónum en saknað er 113 manna,
farþega og skipveija á feijunni
Cebu City. Eru þeir líklega flestir
innilokaðir í skipinu, sem liggur á
aðeins 30 metra dýpi, og raunar
eru kafarar þegar búnir að stað-
festa það. Þetta er mesta sjóslys
við Filippseyjar frá 1988 en þau
eru óvíða tíðari en þar.
Lenti á feijunni miðskips
Eigendur Cebu City segja, að
gámaskipið Kota Suria frá Singap-
ore hafi siglt á feijuna miðskips
en mjög mikil sigling er um sundið
þar sem áreksturinn varð. Tókst
sumum farþegum á efri þilförum
að komast yfír í Kota Suria áður
en feijan losnaði frá og sökk. Aðr-
ir fóru í sjóinn og var bjargað upp
í báta.
Fidel Ramos, forseti Filippseyja,
hefur fyrirskipað rannsókn á slys-
inu en mesta sjóslys, sem orðið
hefur á friðartímum, átti sér einnig
stað á Filippseyjum. Það var í des-
ember 1987 þegar rúmlega 4.000
manns fórust er filippíska feijan
Dona Paz sigldi á olíuskip, sem
sprakk í loft upp við áreksturinn.