Morgunblaðið - 30.06.1995, Qupperneq 16

16 FÖSTUDAGUR 30. JÚNÍ 1995
MORGUNBLAÐIÐ
L
VIÐSKIPTI
Köfunarveiki í
eldislúðu
Sífellt fleiri fyrirtæki og sveitarfélög afia
flár á skammtímamarkaði
Avöxtun skamm-
tímavíxla íhámarki
VISINDAMENN hjá fiskeldisstöð
í Skotlandi hafa uppgötvað köf-
unarveiki í lúðum sem notaðar
hafa verið til eldis í stöðinni.
Þetta kom í ljós þegar leitað var
skýringa á blindu hjá lúðunum.
Orsök köfunarveikinnar virðist
vera að finna í veiðiaðferðum, en
lúðan er veidd í net á miklu dýpi
undan ströndum íslands og Fær-
eyja. Ef hún er dregin of hratt
um þá myndast loftbólur í blóði
hennar, líkt og hendir kafara sem
fara of hratt upp á yfirborðið af
miklu dýpi.
Að sögn Björns Björnssonar,
hjá Hafrannsóknastofnun, hafa
menn ekki orðið varir við þetta
vandamál í lúðueldi hér á landi.
Þetta sé þó þekkt vandamál í fisk-
eldi og séu t.d. þorskur og karfi
mjög viðkvæmir fyrir þessu.
Þannig sé varla hægt að ná karfa
lifandi til eldis vegna þessa.
Björn Halldórsson, hjá Fiskeldi
Eyjafjarðar, sagði að þar á bæ
hefðu menn ekki heldur orðið
varir við þetta vandamál. Þar
hefðu lúður sem notaðar eru til
eldis verið veiddar á árunum
1987-88 og þó að einhver afföll
hefðu orðið hefði mátt rekja þau
til sára sem þær hlutu er þær
voru veiddar. Bjöm segir að lúðu-
eldið gangi vel og þar vonist
menn til þess að geta fljótlega
hafið fjöldaframleiðslu, en eldið
sé þó enn á tilraunastigi.
SVEITARFÉLÖG og fyrirtæki
hafa í vaxandi mæli aflað skamm-
tímafjármagns með sölu skamm-
tímavíxla á verðbréfamarkaði,
enda getur verið um hagstæða
skammtímafjármögnun að ræða
fyrir viðkomandi. Eftirspurn hefur
að sama skapi verið mikil vegna
þeirrar óvissu sem ríkir nú um
þróun vaxta á langtímamarkaði.
Þetta kemur fram í Kauphallar-
vísi Landsbréfa. Þar segir að þrátt
fyrir mikla eftirspurn eftir skamm-
tímaverðbréfum hafi vextir á þess-
um markaði þokast upp vegna
væntinga um hærri verðbólgu í
kjölfar kjarasamninga. Þær vænt-
ingar hafi hins vegar ekki gengið
eftir og raunávöxtun víxla því
verið mjög há undanfarna mánuði.
Ávöxtun skammtímavíxla fyrir-
tækja og sveitarfélaga er nú að
meðaltali 8,25% samanborið við
6,3% ávöxtun fyrir 12 mánuðum.
Ávöxtun hefur að mati Landsbréfa
væntanlega náð hámarki og gæti
lækkað á næstu mánuðum eftir
því sem trú fjárfesta á stöðugleika
eykst. Miðað við fyrirliggjandi spá
um hækkun lánskjaravísitölu ætti
ávöxtun á skammtímamarkaði að
geta lækkað um 1-1,5% á næstu
mánuðum.
Tilboðsverð
Steinsteyp-
unnar ekki
gefið upp
NÝJA steypustöðin í Hafnarfirði,
Steinsteypan hf., býður til loka júlí
sérstakt kynningarverð á steypu.
Skúli Jónsson, framkvæmdastjóri
fyrirtækisins, segir að tilboðinu hafi
verið vel tekið og viðbrögð við aug-
lýsingu verið feiknarlega mikil.
Hins vegar sé ekki unnt að nefna
ákveðið verð því það fari eftir
greiðslukjörum, tegund af steypu og
magni. Þá kvaðst hann ekki geta
upplýst hve mikla lækkun kynning-
arverðið feli í sér frá því sem hafi
verið í boði hjá samkeppnisaðilum.
Viðskiptavinum væri gefið upp verð
miðað við forsendur hverju sinni.
Að sögn Halldórs Jónssonar, for-
stjóra Steypustöðvarinnar hf., hefur
tilboð Steinsteypunnar engin áhrif
haft á verð þar. Hann vildi að öðru
leyti ekkert tjá sig um málið.
Opnum í dag
Opnunar
tilboð
Barnabílstóll
fyrir 0-18 kg.
Verð kr. 8.980
staögreiðsluverð
Ungbamabílstóll
fyrir 0-10 kg.
Verð kr. 7.980
staðgreiðsluverð
BARNAVÖRUVERSLUN
G L Æ S I B Æ
*
Metframleiðsla hjá Islenska álfélaginu hf. í fyrra
Hagnaður
ísal einn
milljarður
HAGNAÐUR af rekstri íslenska
álfélagsins hf. á síðasta ári var
966,8 milljónir króna fyrir skatt,
samkvæmt niðurstöðu ársupp-
gjörs sem var samþykkt á aðal-
fundi félagins á miðvikudag.
Framleiðslugjald íslenska ál-
félagsins á síðasta ári var 245,1
milljón og var hagnaður ársins
1994 eftir skatt því 721,7 milljón-
ir samkvæmt því sem fram kem-
ur í fréttatilkynningu frá félag-
inu.
Á aðalfundi íslenska álfélags-
ins, sem haldinn var í Zurich í
Sviss, var tilkynnt að íslenska
ríkisstjórnin hefði skipað Magn-
ús Óskarsson til áframhaldandi
setu í stjórn ísal. Auk þess var
Valdimar K. Jónsson, prófessor
í verkfræði, skipaður í stjórn
félagsins í stað Ingvars Viktors-
sonar. Fulltrúar ríkisstjórnarinn-
ar eru skipaðir til aðalfundar
1996. Engar aðrar mannabreyt-
ingar urðu á stjórn félagsins.
Árið 1994 var metframleiðsla
Morgunblaðið/Golli
í kerskálum hjÁ ísal fjórða árið
í röð, og nam álframleiðslan alls
98.595 tonnum. í fréttatilkynn-
ingunni frá félaginu kemur fram
að í ár er stefnt að því að rjúfa
100.000 tonna múrinn í fram-
leiðslunni.
Nehoiú^ asko mssm ,osturbo nilfisk emide
cc ZD H- LL. > co 'ZD JZ Q FÖNIX AUGLÝSIR cz ~o "D < o —I $
—J LU HÖFUM OPNAÐ NÝJA GLÆSILEGA DEILD MEÐ DANSKAR m> r~
< LL. ELDHÚS- OG BAÐINNRÉTTINGAR OG FATASKÁPA. DD <
o ZD —D CD Nú bjóðum við allt sem þig vantar O 3
fy- INNRÉTTINGAR OG RAFTÆKI r~
■O í eldhúsið, baðherbergið, þvottahúsið og að auki fataskápa í 33
03 CC O svefnherbergið, barnaherbergið og anddyrið. D# / £ Œ u
CQ => —1 1 LU SOLUSYNING Ö 33 33 5
m cc KYNNINGARVERÐ Á INNRÉTTINGUM 33 > 33
<C Z LL_ o TILBOÐSVERÐ Á RAFTÆKJUM GO' cn £
QC < Velkomin í Fönix. Heitt á könnunni og ís fyrir börnin.
'LU > Þeir sem versla fyrir kr. 10.000,- eða meira, geta tekið þátt í 33
<c Q l laufléttri Fönix-getraun og unnið Nilfisk-ryksugu að verðmæti -<
LU cc kr. 31.600,- eða einhvern 5 aukavinninga. c o cz
í 1 'LU cc z z imm m^nud. - föstud. laugard. 10-16 hátúni 6A reykjavík sími 552 4420 33 cn >' ?Pi 2
EMIDE NILFISK OTURBO Srw (<ASKO NettO
EJS selur hugbún-
að til Hong Kong
EJS International, dótturfyrirtæki
Einars J. Skúlasonar hf., hefur gert
stóran samning um sölu á vörustýr-
ingarhugbúnaði og ráðgjöf tii 7-Ele-
ven verslunarkeðjunnar í Hong Kong.
7-eleven rekur um 320 verslanir í
Hong Kong.
I raun er um tvo samninga að
ræða og gæti verðmæti þeirra numið
allt að eitt hundrað milljónum króna
samkvæmt heimildum Morgunblaðs-
ins. Annars vegar er um að ræða
sölusamning á vörustýringarhugbún-
aðinum, MMDS, (Merchandise Mana-
gement Database System), og hins
vegar verksamning um aðlögun og
uppsetningu á hugbúnaðinum.
Að sögn Olgeirs Kristjónssonar,
framkvæmdastjóra Einars J. Skúla-
sonar, hófst vinna við ráðgjöf og
hönnun breytinga vegna samning-
anna í janúar en formlega var geng-
ið frá kaupunum í síðasta mánuði.
7-Eleven rekur 320 verslanir í
Hong Kong og eru þær opnar allan
sólarhringinn alla daga ársins. Að
sögn Olgeirs hafa þær 75% hlutdeild
á „Convenience" markaðnum, þ.e.
þeim verslunum sem eru opnar leng-
ur en aðrar verslanir og jafnvel allan
sólarhringinn. Talið er að 20 milljón-
ir viðskiptavina komi í verslanir 7-ele-
ven í hvetjum mánuði.
MMDS hugbúnaðurinn er liður í
alláhetjar endurskipulagningu tölvu-
og upplýsingamála keðjunnar. Bún-
aðurinn mun tengjast hinu banda-
ríska DALLAS-vöruhúsa- og dreif-
ingarkerfi og Oracle Financial bók-
halds- og upplýsingakerfinu. Um
leið og 7-Eleven keðjan tekur þennan
búnað í notkun mun hún hverfa frá
gamla stórtölvuumhverfinu og setja
upp strikamerkjakerfi og Olivetti
tölvukassa, sem munu síðan smám
saman tengjast MMDS-kerfinu.
Áætlað er að þessu stóra verkefni
Ijúki haustið 1996 og munu fimm
til sjö starfsmenn EJS International
vinna við það að jafnaði. Þeir munu
að verulegu leyti vinna starf sitt hér
heima og nota Internetið til prófana
og samskipta við 7-eleven og aðra
samstarfsaðila. Einn starfsmaður
EJS International dvelur nú í Hong
Kong við ráðgjöf og eftirlit við upp-
setningu hinna nýju tölvukerfa hjá
keðjunni.
Þetta er annar samningurinn sem
EJS International gerir erlendis um
sölu og ráðgjöf vegna MMDS-kerfis-
ins en síðla árs 1993 var hugbúnað-
urinn seldur til Danska kaupfélaga-
sambandsins, FDB. Olgeir segir að
búnaðurinn sé nú þegar notaður í
fimmtíu af um 900 verslunum sam-
bandsins og uppsetning sé fyrirhug-
uð í 600 verslunum til viðbótar á
næstu tólf mánuðum.

í
I
i
>
i
h
i
i
t-
i-
i
l
\
i
I
i
i
i
i
i
i
i
i