Morgunblaðið - 27.07.1995, Qupperneq 1

80 SIÐUR B/C/D
168. TBL. 83. ÁRG. FIMMTUDAGUR 27. JÚLÍ 1995 PRENTSMIÐJA MORGUNBLAÐSINS
Bosníusljórn fagnar úrslitunum í öldungadeild Bandaríkjaþings
Tillaga um afnám vopna-
sölubannsins samþykkt
Reuter
FRANSKIR hermenn í hraðsveitum SÞ voru við æfingar á Igman-fjalli við Sarajevo í gær en þeir
og breskir hraðsveitamenn eiga að halda helstu aðflutningsleiðinni til borgarinnar opinni.
Clinton hyggst
reyna að beita
neitunarvaldi en
Frakkar segja
endanlega sam-
þykkt leiða til
brottflutnings
gæsluliðsins
Washington. Reuter.
ÖLDUN G ADEILD Bandaríkja-
þings samþykkti með miklum meiri-
hluta atkvæða í gær að Bandaríkin
ættu ekki lengur að taka þátt í
vopnasölubanninu á Bosníu, þótt
Bill Clinton Bandaríkjaforseti hefði
hótað að beita neitunarvaldi sínu.
Haris Silajdzic, forsætisráðherra
Bosníu, fagnaði samþykkt öldunga-
deildarinnar. „Þetta er sigur rétt-
lætisins. Þetta verður skrifað með
gullnum stöfum í sögu Bosníu-
Herzegovínu."
Öldungadeildin samþykkti tillögu
Bobs Doles, leiðtoga repúblikana,
um einhliða afnám vopnasölubanns-
ins með 69 atkvæðum gegn 29.
Þetta er tveimur atkvæðum meira
en þyrfti til að hnekkja neitunar-
valdi Clintons.
Tillagan kveður á um að Clinton
forseti bindi enda á þátttöku Banda-
ríkjanna í banninu ef friðargæslulið
Sameinuðu þjóðanna fari frá Bosníu
eða tólf vikum eftir að Bosníustjórn
fer fram á brottför þess.
Málamiðlun hugsanleg
Tillagan verður nú lögð fyrir full-
trúadeildina, sem hefur þegar sam-
þykkt einfaldari útgáfu. Fulltrúa-
deildin getur nú annaðhvort sam-
þykkt tillögu öldungadeildarinnar
eða sent hana til Clintons svo hann
geti samið málamiðlunartillögu til
lokaafgreiðslu á þinginu.
Clinton hafði tilkynnt að hann
myndi beita neitunarvaldi sínu gegn
tillögunni. Stuðningsmenn hennar
segja að hún sé nauðsynleg til að
gefa múslimum í Bosníu færi á að
verja sig gegn Bosníu-Serbum.
Stjórn Clintons hefur hins vegar
sagt að einhliða afnám bannsins
yrði til þess að kalla yrði friðar-
gæsluliðið heim og gæti einnig
dregið Bandaríkjamenn inn í stríðið
á Balkanskaga.
Gæsluliðið kvatt heim
Talsmaður franska utanríkis-
ráðuneytisins sagði í gær, að sam-
þykkti Bandaríkjaþing endanlega
að hætta að standa að vopnasölu-
banninu, myndi það sjálfkrafa leiða
til þess, að franska gæsluliðið yrði
kvatt heim frá Bosníu. Hefur breska
stjórnin áður lýst yfir því sama.
Atlantshafsbandalagið, NATO,
hefur ákveðið að beita loftárásum
til að koma í veg fyrir að Serbar
taki múslímska griðasvæðið
Gorazde og hernaðarsérfræðingar
þess eru að leggja á ráðin um að
veija Bihac-griðasvæðið með sama
hætti. Boutros Boutros-Ghali,
framkvæmdastjóri Sameinuðu
þjóðanna, féllst í gær á að yfir-
menn gæsluliðsins í Bosníu tækju
sjálfir ákvörðun um loftárásir og
fagnaði Bandaríkjastjórn þeirri af-
stöðu hans vel.
■ Serbum hótað/19
Papandreou
gagnrýndur
Á Liani
að erfa
ríkið?
Aþenu. Reuter.
ANDREAS Papandreou, for-
sætisráðherra Grikklands, hefur
verið harðlega gagnrýndur,
jafnt af
flokksbræðr-
um sínum
sem andstæð-
ingum, fýrir
frændhygli en
hann hefur
lýst yfir
stuðningi við,
að kona sín
helli sér út í pólitíkina fyrir
Sósíalistaflokkinn.
Grísku dagblöðin, stjórnar-
andstaða hægrimanna og sum-
ir flokksbræðra Papandreous
brugðust mjög hart við þegar
hann kvaðst mundu styðja
konu sína, Dimitra Liani, hefði
hún áhuga á bjóða sig fram í
kosningunum 1997. Liani er
fertug að aldri en Papandreou
76 ára og olli samdráttur þeirra
á árinu 1988 mikilli hneykslun
en þau voru þá bæði gift.
Um nokkurt skeið hefur ver-
ið orðrómur um, að Liani lang-
aði til að hasla sér völl í stjórn-
málunum og að undanförnu
hefur hún látið mikið á sér
bera við ýmis tækifæri. Raunar
er það algengt, að grískir
stjórnmálamenn hygli börnum
sínum og ættmennum þegar
þeir hafa aðstöðu til en jafnvel
Grikkjum þykir nóg um það
vald, sem Liani virðist hafa
yfir eiginmanni sínum, forsæt-
isráðherranum.
Dimitris Tsovolas, fyrrver-
andi ráðherra í ríkisstjórn Sós-
íalistaflokksins, sagði í gær,
að Papandreou héldi því fram,
að völdin í flokknum ættu ekki
að ganga í erfðir en hagaði sér
síðan þveröfugt við það.
Mikill viðbúnaður frönsku lögreglunnar vegna sprengingarinnar í neðanjarðarlest í París
Hert gæsla við
Ermarsundsgöngin
Lille, París. Reuter.
ÖRYGGISGÆSLA við Ermar-
sundsgöngin milli Bretlandseyja og
meginlands Evrópu var hert mjög
í gær vegna sprengingarinnar sem
varð sjö manns að bana í neðanjarð-
arlest í París á þriðjudag.
Fulltrúi fyrirtækisins Eurotunn-
el, sem rekur járnbrautalestirnar
sem fara um göngin, sagði að eftir-
lit hefði verið hert og fleirum væri
gert að gera grein fyrir sér og toll-
gæsla væri aukin.
Frönsk stjórnvöld segja mögu-
legt að múslimskir bókstafstrúar-
menn eða Serbar hafí staðið að til-
ræðinu í París á þriðjudag. Hefur
einni milljón franka, um 13 millj.
ísl. kr., verið heitið þeim, sem geta
veitt upplýsingar og stuðlað að
handtöku þeirra, sem stóðu fyrir
hermdarverkinu.
Lögreglan afléttir
hefðbundinni leynd
Hefðbundinni leynd yfir ör-
yggisráðstöfunum lögreglu var
hætt í gær og yfirvöld vöktu at-
hygli á hertum aðgerðum. Um eitt
þúsund varamenn í óeirðalögregl-
unni og herþjálfaðir lögregluþjón-
ar voru kallaðir til í kjölfar atburð-
anna.
í bílum fremur en lestum
Þorbjörn Jónsson, ritari í ís-
lenska sendiráðinu í París, sagði í
samtali við Morgunblaðið að fólki
í borginni væri ekki rótt vegna
atburðanna. Margir hefðu kosið að
fara á eigin bílum eða með strætis-
vögnum til vinnu í gær fremur en
að nota neðanjarðarlestarnar.
Menn væru minnugir sprengjutil-
ræðanna 1986 og tækju tilræðinu
á þriðjudag af mikilli alvöru.
Reuter
LÖGREGLUMENN í París huga að faraugri sem skilinn hefur
verið eftir á brautarstöð í gær. Öryggisgæsla í borginni hefur
verið hert í kjölfar sprengingarinnar á þriðjudag.