Morgunblaðið - 18.11.1995, Blaðsíða 56
MORGUNBLAÐID, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL(SCENTRUM.IS / AKUREYRI: HAFNARSTRÆTI 85
LAUGARDAGUR 18. NÓVEMBER1995
VERÐ í LAUSASÖLU 125 KR. MEÐ VSK
Niðurstaða í sjónmáli hjá nefnd um fjármagnstekjuskatt
Talinn skila ríkissjóði
8—900 milljónum á ári
10% skattur á vexti, leigutekjur, arð, sölu- og gengis-
hagnað. Lífeyrissjóðir einir undanþegnir
NIÐURSTAÐA níu manna, þver-
pólitískrar nefndar, sem fjármála-
ráðherra skipaði til að fjaila um
útfærslu og framkvæmd fjár-
magnstekjuskatts, liggur í meg-
inatriðum fyrir, skv. heimildum
Morgunblaðsins, þótt enn séu
nokkuð skiptar skoðanir innan
nefndarinnar um einstök atriði.
Nefndin kannaði margar leiðir.
við útfærslu skattsins en sú hug-
mynd sem varð fyrir valinu gerir
ráð fyrir að tekinn verði upp flatur
10% skattur af öllúm fjármagns-
tekjum einstaklinga og lögaðila,
sem verði að mestu leyti innheimt-
ur í staðgreiðslu í bankakerfinu.
Þá hefur sú krafa meirihluta
nefndarmanna orðið ofan á að líf-
eyrissjóðir verði undanþegnir
skattheimtunni en ekki verði um
neinar aðrar undanþágur að ræða.
Er nú unnið að greinargerð sem
fylgja á endanlegum tillögum
ásamt frumvarpsdrögum til ríkis-
stjórnarinnar. Stefnt er að sameig-
inlegri niðurstöðu en búist er við
að einstakir nefndarmenn, sem
segjast vera ósáttir við það órétt-
læti sem þeir telja að fylgi þessari
skattlagningaraðferð, muni skrifa
undir niðurstöðuna með fyrirvara,
sem verði látinn fylgja með í sér-
bókunum, til að ijúfa ekki einingu
nefndarinnar.
Ekki er gert ráð fyrir
frítekjumarki
Hugmyndin er sú að lagður yrði
10% skattur á nafnvexti, leigutekj-
ur, arðgreiðslur af hlutabréfum,
afföll, sölu- og gengishagnað. Það
skattkerfi sem tekið yrði upp yrði
samræmt og hlutlaust gagnvart
þeim fjárfestingarkostum sem
menn velja sér. Ekki er gert ráð
fyrir sérstöku frítekjumarki og
ekki yrði • heimilt að draga frá
kostnað á móti tekjunum s.s.
vaxtaútgjöld eða sölutap.
Á móti yrðu hins vegar sam-
ræmdar þær ólíku reglur, sem í
gildi eru í dag, um skattlagningu
íj'ármagnstekna. Þannig myndu
fyrirtæki, sem í dag greiða 33%
skatt af vaxtatekjum í rekstri sín-
um, eftirleiðis greiða 10% skatt
eins og aðrir. Hið sama myndi gilda
um skattlagningu húsaleigu og
arðgreiðslna, sem í dag bera mis-
munandi háa skatta yfir tilteknum
mörkum, og einnig yrði skattur,
sem innheimtur er í dag af sölu-
hagnaði annarra fasteigna en íbúð-
arhúsnæðis, lækka í 10% ef hug-
myndin, sem rædd er innan
nefndarinnar, verður að lögum.
Álagning um mitt
næsta ár
í nefndinni sitja fulltrúar allra
stjórnmálaflokka sem eiga fulltrúa
á Alþingi, auk fulltrúa ASÍ og
VSÍ. Næsti fundur hennar verður
haldinn 1. desember. Reyna á að
lögfesta skattinn fyrir áramót
þannig að álagning hefjist um mitt
næsta ár en stærsti hluti af
skattinum myndi væntanlega skila.
sér í ríkissjóð um áramótin
1996/97, þar sem vaxtatekjur eru
yfirleitt greiddar út um áramót.
Áætlað er að fjármagnstekju-
skatturinn gæti skilað ríkissjóði
900 millj. kr á heilu ári. Þó er reikn-
að með að lækkun skattlagningar
söluhagnaðar myndi þýða um 100
millj. kr. tekjutap fyrir ríkissjóð,
þannig að niðurstaðan yrði nær
800 millj. kr. þegar upp er staðið.
Morgunblaðið/Júlíus
Sökk í holklaka
KENNSLUFLUGVÉL frá flugskól-
anum Flugmennt hlekktist á við
lendingu á Sandskeiði í gær. Tveir
menn voru í vélinni og sluppu þeir
ómeiddir, en fóru á slysadeild til eftir-
lits. Vélin er hins vegar stórskemmd.
Allt bendir til að ástæða óhappsins
hafi verið holklaki í flugbrautinni.
Flugvélin er eins hreyfils af
Cessna-gerð. Um borð í henni voru
kennari og flugnemi. Vélin var í
kennsluflugi og ætlaði flugmaður-
inn að taka eina æfingalendingu á
Sandskeiði. Mikið frost var við jörðu
og holklaki í flugbrautinni, sem
leiddi til þess að hjól flugvélarinnar
sukku um 10 sentimetra þegar hún
snerti brautina. Nefhjól vélarinnar
lét undan, hún fór yfir sig og end-
aði á hvolfi.
Höfrungur
veginn og
metinn
UM 2.000 nemendur í 6. bekk
grunnskólanna á höfuðborgar-
svæðinu heimsóttu útgerðar- og
fiskvinnslufyrirtækið Granda
hf. í gær í tilefni af 10 ára af-
mæli fyrirtækisins sem haidið
var hátíðlegt á ýmsan hátt.
Börnin fengu meðal annars að
skoða höfrung í vinnslusal
Granda. Skólabörnin skoðuðu
sögusýningu fyrirtækisins,
vinnslusal, kynjafiska sem þar
eru geymdir og brögðuðu á
ufsabollum sem bornar voru
fram í tilefni dagsins.
■ 12 þúsundasti nemandinn/9
Morgunblaðið/RAX
Þrír þingflokkar styðja
tillögu um veiðileyfagjald
í UMRÆÐUM um þingsályktunar-
tillögu Þjóðvaka um auðlindaskatt
á Alþingi í gær kom fram að þrír
þingflokkar styðja tillöguna, það
er Alþýðuflokkur og Samtök um
kvennalista, auk Þjóðvaka. Þá lýsti
Ólafur Ragnar Grímsson, þingmað-
ur Alþýðubandalagsins, sig reiðu-
búinn að styðja tillöguna með til-
teknum breytingum og Pétur Blön-
dal, þingmaður Sjálfstæðisflokks,
kvaðst hlynntur veiðileyfagjaldi.
Þingsályktunartillagan var einn-
ig lögð fram á síðasta þingi. Hún
gerir ráð fyrir því að Alþingi álykti
að taka beri upp veiðileyfagjald í
sjávarútvegi og feli sjávarútvegs-
ráðherra að skipa nefnd til að und-
irbúa löggjöf um þetta efni.
Pétur Blöndal, þingmaður Sjálf-
stæðisflokksins, lýsti sig andvigan
skilgreiningu núverandi fyrir-
komulags á eignarhaldi veiðiheim-
ilda og kvaðst hlynntur veiðileyfa-
gjaldi.
Styður breytingar
Ólafur Ragnar Grímsson, fyrr-
verandi formaður Alþýðubanda-
lagsins, kvaðst tilbúinn að standa
að breytingu á orðalagi þingsálykt-
unartillögunnar og rökstuðningi í
greinargerð í því skyni að stuðla
að samþykkt tillögu um að Alþingi
kanni möguleika á að taka upp
veiðileyfagjald. Hann taldi sérstak-
lega brýnt að aðskilja umræður
um það grundvallarmál sem veiði-
leyfagjald væri frá umræðum um
almenna fiskveiðistjórnun.
Þorsteinn Pálsson sjávarútvegs-
ráðherra talaði á móti veiðileyfa-
gjaldi. Varpaði hann m.a. fram
þeirri spurningu hvernig íslenskur
sjávarútvegur ætti að mæta kostn-
aðarauka af auðlindaskatti.
■ Ráðherra/11-12
Atlantic Princess-
nauðgunarmálið
Annar
dæmdur í
6 mánuði
DÓMUR féll í gær í Héraðsdómi
Reykjaness í nauðgunarmáli
tveggja skipveija togarans Atlantic
Princess og var annar þeirra sýkn-
aður, en hinn dæmdur í sex mánaða
fangelsi fyrir að hafa haft mök við
aðra tveggja kvenna, sem fóru um
borð í togarann um miðjan júní, er
hún var í ölvunarsvefni.
Guðmundur L. Jóhannesson, einn
þriggja dómara í málinu, sagði í
gærkvöldi að þungamiðja þessa
máls hefði sennilega verið sú að
framburður málsaðilja stangaðist
á. Skipveijar „bæru þvert“ miðað
við konurnar. Bæði greindi á um
stað og verknað. Á móti kæmi
DNA-rannsókn, sem sannaði að
tveir ákærðu hefðu átt mök við
konurnar.
Þórir Oddsson, vararannsóknar-
lögreglustjóri ríkisins, sótti málið
og sagði eftir að dómur hafði verið
kveðinn upp að ákæruvaldið hefði
ekki tekið ákvörðun um það hvort
úrskurði Héraðsdóms yrði áfrýjað.
Hann hefði tekið áfrýjunarfrest til
að kynna ríkissaksóknara málið.
Mennirnir tveir, sem eru frá Ge-
orgíu, eru lausir úr fangelsi eftir
þriggja og hálfs mánaðar gæslu-
varðhald. Sigmundur Hannesson
hrl., veijandi mannanna, sagði að
sá þeirra, sem var sýknaður, hygðist
una dómi sínum, en hinn hefði ekki
ákveðið hvort hann myndi áfrýja.