Morgunblaðið - 01.12.1995, Blaðsíða 6
6 FÖSTUDAGUR 1. DESEMBER 1995
MORGUNBLAÐIÐ
IMIÐURSTAÐA LAUNANEFIMDAR
Morgunblaðið/Árni Sæberg
BJÖRN Grétar Sveinsson, Benedikt Davíðsson og Ingibjörg R. Guðmundsdóttir skýra niðurstöður
launanefndar á blaðamannafundi í gær.
Benedikt Davíðsson segir mikla óánægju innan ASÍ
Ekki var forsenda
til uppsagnar
BENEDIKT Davíðsson, forseti ASÍ,
segir að ekki hafi verið forsenda
til uppsagna kjarasamninga. Eftir
sem áður sé gífurleg óánægja með-
al félagsmanna ASI með þá launa-
þróun sem orðið hafi á þessu ári.
Unnið verði að því á næstu vikum
og mánuði að sameina verkalýðs-
hreyfinguna um aðgerðir til að
knýja fram breytingar á launastefn-
unni í næstu kjarasamningum.
Benedikt hefur undanfarna daga
haldið því fram að forsenda hafi
verið fyrir uppsögn samninga vegna
þess að ríkisstjórnin hafi ekki stað-
ið við yfirlýinguna sem hún gaf við
gerð febrúarsamninganna. Hann
sagði á blaðamannafundi í gær að
með yfirlýsingu ríkisstjórnarinnar í
fyrradag væru efndir hennar orðnar
í bærjlegu samræmi við fyrirheitin
frá 20. febrúar.
„Þrátt fyrir þetta samkomulag í
launanefndinni er ríkjandi mjög al-
menn óánægja innan okkar hreyf-
ingar með þá þróun í launamálum,
sem að orðið hefur eftir að kjara-
samningarnir voru gerðir í febrúar.
Það sem að kannski hnykkti á í
þeirri þróun var úrskurður Kjara-
dóms og sjálftaka Alþingis til handa
alþingismönnum. Það er enginn
ágreiningur um það innan hreyfíng-
arinnar, að sú launastefna, sem
mörkuð var við gerð kjarasamning-
anna í febrúar, hafi ekki verið fylgt
af hálfu stjómvalda. Það er full
sátt innan okkar raða um að þar
þurfi að ná betri árangri. Það var
líka álit hópsins að forsendur til
uppsagnar kjarasamninga væru
ekki til staðar. Álit formanns VMSÍ
er að verulegu leyti byggt á öðru
en því sem er innskrifað í forsendur
samningsins," sagði Benedikt.
Eðlilegar breytingar
Benedikt sagðist ekki geta fallist
á þau rök Björns Grétars að launa-
nefndin hefði ekki heimild til að
gera breytingar á kjarasamningi
félaganna. Breytingar af þeim toga
sem nú væru ákveðnar hefðu oft
verið gerðar áður með svipuðum
hætti. „Þetta er gert á grundvelli
þess sem inn'skrifað er inn í okkar
forsendur, að launanefndinni beri
að fylgjast -með framvindu efna-
hags-, atvinnu-, og verðlagsmála
og gera tillögur um viðbrögð til
samtakanna og stjórnvalda eftir því
sem aðstæður krefjast á hveijum
tíma. í samræmi við þetta er þessi
tillaga gerð, sem síðan fer til af-
greiðslu í félögunum.
Ég tek undir það sem formaður
VMSÍ segir, að það er mjög almenn
óánægja með þá launastefnu sem
hér hefur verið fylgt af öðrum eftir
að almennir kjarasamningar voru
gerðir. Ég tel engan veginn tryggt
að með þessari gerð se búið að kveða
þá óánægju niður. Ég reikna með
að næstu vikur og mánuðir verði
notaðir til þess að sameina hreyfmg-
una um aðgerðir til að knýja fram
úrbætur í þessu næst þegar kjara-
samningar verði gerðir."
Benedikt viðurkenndi að það
væri visst áfall fyrir ASÍ að fulltrú-
ar sambandsins í launanefnd hefðu
ekki staðið saman um afgreiðslu
málsins. „Það hefði verið langbest
fyrir okkur öll ef við hefðum getað
staðið að einu áliti. Það er alltaf
vandamál þegar svona ber að, en
það er ekki nýtt, að við afgreiðslu
á kjaramálum hafi ekki allir sömu
skoðun á því hvernig skynsamleg-
ast sé að halda á málum."
Mikil óánægja innan BSRB þótt aðeins
SFR segi samningi upp
Klæðskerasaum-
uð niðurstaða til
að múra BSRB úti
BANDALAG starfsmanna ríkis og
bæja ætiar ekki að segja upp kjara-
samningum sínum í heild. Starfs-
mannafélag ríkisstofnana er eina
aðildarfélagið, sem ákvað í gær að
segja samningum upp, að því er fram
kom á fundi formanna BSRB í gær-
kvöldi. Hins vegar var mikil reiði á
fundinum vegna þeirra samninga,
sem náðust í gær milli ASÍ og vinnu-
veitenda um kjarabætur í formi
hækkunar desemberuppbóta r, en
þar er tekið fram að greiðslur þeirra,
sem hafi nú þegar hærri desember-
uppbót en kveðið var á um í samn-
ingum, hækki ekki.
„Það er geysileg reiði. Menn hafa
á tilfinningunni að fundin hafi verið
niðurstaða, sem hafi verið klæðske-
rasniðin til að múra starfsmenn rík-
is og sveitarfélaga úti,“ segir Ög-
mundur Jónasson, formaður BSRB.
Meðallaun BSRB lægri
Hann bendir á að BSRB-félagar
kunni að hafa hærri desemberupp-
bót, en i samninga þeirra vanti ýmis
atriði, sem ASÍ hafi. „Ef á að skoða
hvað er sambærilegt verður að skoða
allan pakkann. Meðaldagvinnulaun
í BSRB eru 10.000 krónum lægri en
í ASÍ. Það er undarleg jafnlauna-
stefna að láta þá með lægri launin
út á gaddinn," segir Ögmundur.
í ályktun formannafundarins seg-
ir að BSRB krefjist þess að sambæri-
legar launabætur við þær sem samið
var um á almenna vinnumarkaðnum
gangi til BSRB-félaga, enda hafi
samningar þeirra verið á sömu for-
sendum og samningar ASÍ og VSÍ.
Ögmundur segir að ákveðið hafi
verið að segja ekki upp samningum
nema um það væri mjög breið sam-
staða í þjóðfélaginu og innan BSRB.
„Menn töldu ekki rétt á þessari
stundu að segja upp, en hétu því
engu að síður að fylgja kröfum sín-
um eftir með öllum tiltækum ráð-
um,“ segir Ögmundur.
Hann segist ekki vera að hóta
neinu með þessu. „Þetta er frekar
raunsönn lýsing á ástandinu og
ásetningi manna um að leita allra
leiða til að ná kröfum sínum fram.“
Áformum í fjárlaga-
frumvarpi mótmælt
Forysta BSRB gekk í gær á fund
Davíðs Oddssonar forsætisráðherra,
Ingibjargar Sólrúnar Gísladóttur
borgarstjóra og forsvarsmanna
Sambands sveitarfélaga og gerði
kröfu um sömu launabætur og aðrir
hefðu fengið. Ögmundur segist ekki
hafa fengið nein afgerandi svör. „Ég
held þó að mönnum sé ljóst að það
er mjög þungt í fólki,“ segir hann.
í ályktun fundarins kemur fram
að BSRB líti á það sem mikilvægan
áfanga að ríkisstjórnin hafi komið
til móts við þá kröfu að falla frá
áformum um að skerða kjör öryrkja,
aldraðra og atvinnulausra. Þar er
hins vegar ítrekuð óánægja með inn-
ritunargjöld á sjúkrahús og áform
um að aftengja upphæðir í tekju-
skattskerfínu vísitqlum.
,, JYLorgunblaðiðbvemr
OGMUNDUR Jónasson formaður BSRB gekk í gær á fund Dav-
íðs Oddssonar forsætisráðherra í Stjórnarráðinu til að knýja á
um frekari kjarabætur fyrir félagsmenn sína.
Sigríður Kristinsdóttir, formaður SFR
Björn Grétar Sveinsson féllst ekki á samkomulagið
Sýnum samstöðu
með Verkamanna-
sambandinu
SIGRÍÐUR Kristinsdóttir, for-
maður Starfsmannafélags ríkis-
stofnana, sagði í samtali við Morg-
unblaðið í gær að launamálaráð
félagsins hafi í gær ítrekað fyrri
afstöðu sína, frá 1. nóvember, að
kjarasamningum skuli sagt upp.
Sigríður segir félaga SFR njóta
um margt svipaðra launakjara og
félagsmenn Verkamannasam-
bandsins og vilji þeir sýna félögum
sínum samstöðu.
Sigríður Kristinsdóttir sagði að
mikið vald væri tekið af félags-
mönnum í Starfsmannafélagi rík-
isstofnana með samningnum, sem
gerður var við Alþýðusambandið
í gær. í samningnum komi fram
að þeir, sem þegar hafi þá desem-
beruppbót, sem þar sé kveðið á
um, fái enga hækkun til viðbótar.
„Við héldum satt að segja að
við værum að semja í fijálsum
kjarasamningum og þegar Al-
þýðusambandið getur verið með
slíka klásúlu er þetta náttúrlega
mikið valdboð, þótt ég viti að ekki
séu lausir samningar núna,“ sagði
Sigríður.
Hún sagði að í Starfsmannafé-
lagi ríkisstofnana væri mikið af
láglaunafólki, sem ynni svipaða
vinnu og félagar innan Alþýðu-
sambandsins. „Þótt við höfum
þessa desemberuppbót, eru
kannski einhver atriði í ASI-samn-
ingunum, sem við höfum ekki,“
sagði Sigríður.
Greiðir ekki fyrir
næstu samningum
BJÖRN Grétar Sveinsson, formaður
Verkamannasambands ísíands, stóð
ekki að tillögu launanefndar um
breytingar á desemberuppbót. Hann
sagði að sú leiðrétting sem í henni
fælist væri víðsfjarri því að duga
til að jafna þann mun sem væri á
samningmn ASÍ og annarra. Meiri-
hluti félaga VMSI myndi beijast
með ölium ráðum fyrir nýjum og
betri samningum.
f sameiginlegri yfírlýsingu vinnu-
veitenda og tveggja fulltrúa ASI í
launanefnd segir að samkomulagið
sé gert til að viðhalda trausti í sam-
skiptum samningsaðila og auðvelda
undirbúning næstu kjarasamninga.
Björn Grétar sagði í gær að sam-
komulagið væri alls ekki fallið til
að auðvelda gerð næstu samninga.
„Ég held að mér sé óhætt að full-
yrða að það sem nú hefur átt sér
stað í samskiptum við atvinnurek-
endur verði ekki til þess að auðvelda
næstu kjarasamninga. Ég hef trú á
að þar verði stigið fastar fram held-
ur en gert hefur verið.
Ég efast eínnig um að launa-
nefndin hafí rétt til að gera efnisleg-
ar breytingar á kjarasamningi félag-
anna. Það er hvergi skrifað í þessa
kjarasamninga að launanefnd hafi
slíka heimild. Aðferðafræðin í okkar
samningagerð hefur verið sú að
stéttarfélög greiði atkvæði um efn-
islegar breytingar. Ef þær eru felld-
ar eru samningar lausir."
Björn Grétar viðurkenndi að fé-
lögin, sem sagt hafa upp samning-
um, tækju vissa áhættu, en hún
væri hluti af kjarabaráttu. Það yrði
bara að koma í ljós hvernig félögin
myndu bregðast við ef Félagsdómur
dæmdi uppsagnirnar ógildar. Það
væri óskynsamlegt af vinnuveitend-
um að reyna að leysa ágreining við
VMSÍ með því að stefna málum
fyrir dómstóla. „Hér er að hlaðast
upp spenna, sem best er að taka á
strax með því að setjast niður við
gerð nýrra samninga. Þessi spenna
brýst út. Þetta er aðeins spurning
um aðferð og tíma.“