Morgunblaðið - 22.03.1996, Síða 21

MORGUNBLAÐIÐ
FÖSTUDAGUR 22. MARZ 1996 21
ERLENT
Qlga vegna yfirlýsinga um að menn geti smitast af riðu í kúm
Reuter
YFIRLYSINGAR um að riða geti borist úr nautgripum í menn hafa vakið ótta á Bretlandi. Hér
sést kálfur á Rosemound rannsóknarstöðinni skammt frá Hereford á Englandi.
Þrýst á ESB að
banna innflutning
á bresku nautakjöti
Brussel, London. Reuter, The Daily Telegraph.
Reuter
STARFSMAÐUR stórmarkaðanna Albert Heijn, helsta innflytjanda
bresks nautakjöts í Hollandi, raðar nautakjöti í hillur. Hollending-
ar bönnuðu innflutning á bresku kjöti í gær fram á mánudag.
HRUN blasir við breskum naut-
griparæktendum í kjölfar yfirlýs-
inga breskra ráðamanna um að
menn geti smitast af kúariðu. Belg-
ar, Frakkar, Hollendingar, Portúg-
alar og Svíar bönnuðu í gær inn-
flutning bresks nautakjöts og uppi
eru kröfur um að bann taki til alls
Evrópusambandsins.
Stephen Dorrell, heilbrigðisráð-
herra Bretlands, sagði á miðviku-
dag að sérstök ráðgjafanefnd skip-
uð vísindamönnum hefði komist að
þeirri niðurstöðu að ýmislegt benti
til tengsla milli riðu og Creutzfeidt-
Jakob-veikinnar, sem herjar á
menn. Sjúkdómurinn leggst á heil-
ann og er banvænn. Yfirleitt fá aldr-
aðir hann, en niðurstöður vísinda-
mannanna eru afrakstur rannsókn-
ar á tíu ungmennum, sem Creutz-
feldt-Jakob-veikin dró til dauða.
Breska stjórnin hefur gefið mjög
jnisvísandi yfirlýsingar í þessu máli.
Kúariða kom fyrst fram á Bret-
landi árið 1985 að talið er. Þremur
árum síðar tilkynntu Bretar að
slátra yrði kúm, sem smitast hefðu
af riðu, og Ástralar og Nýsjálend-
ingar bönnuðu innflutning á nauta-
kjöti.
Kúvent eftir tíu ár
í tíu ár hefur breska stjórnin
hins vegar þvertekið fyrir að riða
geti borist í menn. John Gummer
landbúnaðarráðherra kom fram í
sjónvarpi fyrir hálfum áratug og
sagði að engin hætta væri á ferðum
um leið og hann lét íjögurra ára
dóttur sína borða hamborgara. Nú
segir heilbrigðisráðherra að riða
geti borist í menn, en hættan sé
hins vegar sáralítil. Ráðherrann
lætur þess hins vegar getið að svo
kunni að fara að slátra þurfi öllum
nautgripum á Bretlandi eigi að
uppræta riðu með öllu.
„Ég mæli ekki með því, en það
er vissulega möguleiki, sem ekki
er hægt að útiloka," sagði Dorrell.
Verð á nautakjöti lækkaði um
15 af hundraði á breskum mörkuð-
um í gær og bændur sögðu að neyð-
arástand blasti við nautgriparækt-
endum, sem eru um 74 þúsund á
Bretlandi. Sérfræðingar segja að
það gæti kostað breska ríkið 20
milljarða punda (um 20.000 millj-
arða íslenskra króna) í bótagreiðsl-
ur að slátra öllum nautgripum á
Bretlandi. Greinin veltir tveimur
milljörðum punda (200 milljörðum
króna) á ári.
Frakkar sögðu að þeir hefðu
ákveðið að banna innflutning á
bresku nautakjöti þar til þetta mál
hefði verið rannsakað og franskir
neytendur gætu verið fullvissir um
það hvort hætta væri á ferðum.
Segja Frakka ósanngjarna
Douglas Hogg, landbúnaðarráð-
herra Bretlands, sagði að ákvörðun
Frakka væri „ósanngjörn og full-
komlega ónauðsynleg", en Jacques
Santer, forseti framkvæmdastjórn-
ar ESB, sagði að um væri að ræða
fullkomlega eðlileg viðbrögð við
yfirlýsingum Breta.
Frakkar voru ekki einir um að
bregðast við. Belgar bönnuðu einnig
innflutning bresks nautakjöts og í
yfirlýsingu frá þýsku heilbrigðis-
og landbúnaðarráðuneytunum
sagði að á „grundvelli nýrra upplýs-
inga hlýtur markmiðið að vera að
almenn bann við útflutningi kjöts,
kjötvöru, innmatar og hráefnis í lyf
og snyrtivörur frá Bretlandi til ann-
arra ríkja Evrópusambandsins“.
Fimm þýsku sambandslandanna
ákváðu í febrúar að leggja bann
við breskri kjötvöru í trássi við þýsk
heilbrigðisyfirvöld og lög ESB og
yfirlýsingin á miðvikudag sann-
færði þá, sem ákvörðunina tóku,
um að þeir hefðu breytt rétt.
Breskir embættismenn hröðuðu
sér til Brussel í gær til að kynna
vísindamönnum á vegum ESB hinar
nýju niðurstöður. Framkvæmda-
stjórn ESB lýsti yfir því að reynt
yrði að bregðast við hið fyrsta.
Tilfellum fækkar á Bretlandi
Frá miðjum síðasta áratug hafa
150 þúsund nautgripir á Bretlandi
drepist af riðu. Að sögn Gerrards
Kielys, talsmanns framkvæmda-
stjórnar ESB í landbúnaðarmálum,
náði sjúkdómurinn hámarki á Bret-
landi 1992, en tilfellum hefur
snarfækkað síðan. Kiely sagði að
1995 hefðu aðeins greinst 12 þús-
und tilfelli af sjúkdómnum í allri
Evrópu, flest á Bretlandi.
Liðið geta allt milli 10 og 50 ár
þar til Creutzfeldt-Jakob-veikin
kemur fram. Hún dregur menn hins
vegar til dauða á þremur mánuðum
til ári og er ólæknandi. Ekki er
hægt að gera endanlega greiningu
á sjúkdómnum fyrr en við krufn-
ingu.
Boxdýna meö
krómgafli
17.900, -
29.900, '
34.900, -
90x200
120x200
Dýnulilíf innifalin
140x200
Bómullarbolir 1
mörgum litum
Sprittkerti
Gljáfægöir kertastjakar
úr messing
Iþróttaskór
meö loftpúöa
Draumakoddinn
Heilsukoddi sem styður vel
við hnakkann
Indverskir
bómullardukar
Skeifunni 13
108 Réykjavík
568 7499
Norðurtanga 3
600 Akureyri
462 6662
Reykjavíkurvegi 72
220 Hafnarfjörður
565 5560
Holtagörðum
v/Holtaveg
104 Reykjavík
588 7499