Morgunblaðið - 23.05.1996, Síða 1

80 SÍÐUR B/C
115. TBL. 84.ÁRG.
FIMMTUDAGUR 23. MAÍ 1996 PRENTSMIÐJA MORGUNBLAÐSINS
Reuter
Langþráðum
sigri fagnað
JUVENTUS frá Ítalíu fagnaði
Evrópumeistaratitli meistaraliða
í knattspyrnu í gærkvöldi eftir
að hafa unnið Ajax frá Hollandi
4:2 í vítakeppni, en staðan var
1:1 að loknum framlengdum úr-
slitaleik í Róm. Juve endurtók
þar með leikinn frá 1985 en gleð-
in var allt önnur og meiri í gær
eins og sjá má á fyrirliðanum
Gianluca Vialli með bikarinn og
samherjum hans.
■ Juventus/Cl
Líkur á að tyrkneskir heittrúarmúslimar komist til áhrifa
Vilja að ríkissljóm
Yilmaz fari frá
Ankara. Reuter.
TANSU Ciller, fyrrverandi forsæt-
isráðherra Tyrklands og leiðtogi
annars stjórnarflokksins, Sann-
leiksstígsins, réðst í gær harkalega
á Mesut Yilmaz forsætisráðherra
og sagði hann gersamlega óhæfan
leiðtoga. Nauðsynlegt væri að
mynda þegar í stað meirihlutastjórn
í landinu. „Við þökkum henni og
óskum henni til hamingju,“ sagði
leiðtogi Velferðarflokks heittrúar-
múslima, Necmettin Erbakan, bros-
andi er hann frétti um árásir Ciller.
Erbakan spáði því á þriðjudag
að innan tíu daga yrði hann kominn
í ríkisstjórn og gagnrýndi stjórn
Yilmaz harkalega fyrir að gera
samning við ísraela um samstarf í
varnarmálum. Hann minnti á árásir
ísraela á Líbanon nýverið og sagði
að atkvæði greidd Yilmaz eða Ciller
væru „atkvæði í þágu gyðinga ...
Píslarvottar og dýrlingar munu
refsa slíku fólki".
Ciller vingast við múslima
Tveir ráðherrar úr flokki Ciller
sögðu af sér í gær til að þrýsta á
Yilmaz um afsögn. Erbakan hefur
hvatt Yilmaz til að segja af sér
vegna deilna sem upp hafa komið
um lögmæti atkvæðagreiðslu á
þingi um traust á stjórnina er hún
tók við. Flokkur Erbakans hlaut
mest fylgi, 21%, í þingkosningunum
í desember en áhrifamönnum í við-
skiptalífi landsins tókst með herkj-
um að fá Ciller og Yilmaz, sem
bæði eru hægrisinnaðir markaðs-
hyggjumenn, til að mynda stjórn.
Minnihlutastjórnin hefur síðustu
vikurnar verið mjög völt í sessi,
einkum vegna deilna um meinta
spillingu í valdatíð Ciller.
Velferðarflokkurinn fékk fyrir
nokkru samþykkta tillögu um opin-
bera rannsókn á fjárreiðum Ciller
og margir liðsmenn Ættjarðar-
flokks Yilmaz greiddu tillögunni
atkvæði. Erbakan náði þannig því
markmiði sínu að kljúfa stjórnina
en Ciller og Yilmaz hafa lengi eldað
grátt silfur. Þingmenn Ciller og
Erbakans frestuðu í gær með sam-
eiginlegu átaki tillögum um rann-
sókn vegna gagnkvæmra spillingar-
ákæra og þykir þetta benda til að
Ciller sé nú staðráðin í reyna að
notfæra sér Velferðarflokkinn í
baráttu sinni gegn Yilmaz.
Flestir íbúar Tyrklands eru músl-
imar en islam er ekki ríkistrú. Heit-
trúarmenn hafa ekki haft veruleg
áhrif í stjórnmálum fyrr en nú í
rúmlega sjö áratuga sögu lýðveldis-
ins.
Kommúnistar ítreka ásakanir um kosningasvindl
Falsanir
tryggi
endurkjör
Jeltsíns
Moskvu. Reuter.
KOMMÚNISTAR ítrekuðu í gær
ásakanir um að rússnesk stjómvöld
hygðust falsa úrslit forsetakosningn-
anna sem fram eiga að fara í júní,
til að tryggja endurkjör Borísar Jelts-
íns. Viktor Íljúkhín, formaður örygg-
isnefndar rússneska þingsins, fullyrti
þetta á blaðamannafundi sem hann
hélt ásamt frambjóðanda kommún-
ista, Gennadíj Zjúganov. Þá sagði
Iljúkhín að skoðanakannanir sem
sýndu fram á meira fylgi við Jeltsín
en Zjúganov, væru falsaðar.
„Eg tel að úrslit kosninganna verði
einfaldiega fölsuð. Ég tel að forsetinn
verði ekki kjörinn, hann verði út-
nefndur. Jeltsín verður lýstur forseti
þó að Gennadij Zjúganov sigri,“ sagði
Iljúkhín í gær.
Þetta er ekki í fyrsta sinn sem
kommúnistar leggja fram ásakanir
um að kosningamar fari ekki heiðar-
lega fram.
Stjórnin segi af sér
Aðstoðarmaður Jeltsíns, Alexander
Kotenkov, lýsti því yfir í gær að rúss-
neska stjómin ætti að segja af sér
eftir forsetakosningar, svo að nýkjör-
inn forseti gæti skipað nýjan forsætis-
ráðherra. Þetta er í samræmi við lög
sem dúman samþykkti í gær en þau
kveða á um að ríkisstjórnin segi af
sér við forsetaskipti. Ekki er ljóst
hvort lögin eigi við ef forseti er endur-
kjörinn.
Kommúnistinn Júrí Masljúkov, for-
maður efnahagsnefndar dúmunnar,
kynnti í gær helstu atriðin í efnahags-
stefnu kommúnista næstu íjórtán
Reuter
ANDSTÆÐINGUR kommúnista með skopmynd af Gennadíj Zjúg-
anov, þar sem hann er sýndur í líki skurðlæknis, vopnuðum hamri
og sigð. „Guð forði okkur frá þessu“ stendur á spjaldinu.
árin. Þar er krafist lægra hráefnis-
verðs og aðgerða til þess að vemda
innanlandsframleiðslu, þar sem koma
þurfi í veg fyrir frekari samdrátt í
framleiðslu. I áætluninni er ekki gert
ráð fyrir að rússneski markaðurinn
verði opnaður fyrir erlendri sam-
keppni fyrr sem eftir 2004. Zjúganov
hefur ekki enn kynnt efnahagsstefnu
sína og er ekki ljóst hvort að hún
verður samhljóða þessari stefnuyfír-
lýsingu.
Pólitísk stórsókn
vegna kúariðu-
deilunnar
Bretar bjóða ESB birginn
London. Reuter.
BRETAR hófu í gær stórsókn til
að kynna samstarfsþjóðum sínum í
Evrópusambandinu (ESB) þá
ákvörðun sína að neita að taka þátt
í ákvarðanatökum sambandsins fyrr
en lausn hefur fundist á kúariðudeil-
unni. Neyðarnefnd undir forystu
Johns Majors forsætisráðherra hef-
ur verið sett á laggirnar til að sam-
ræma aðgerðir stjórnarinnar, sem
gætu haft veruleg áhrif á starfsemi
ESB.
Sendiherrum Breta í öllum aðild-
arríkjum ESB hefur verið falið að
útskýra þegar í stað ástæður þess
að þolinmæði Breta þraut og á næstu
vikum munu breskir ráðherrar ferð-
ast um Evrópu til að eiga viðræður
við starfsbræður sína.
Útflutningsbann á breskar naut-
gripaafurðir hefur verið í gildi um
tveggja mánaða skeið. Malcolm Rif-
kind utanríkisráðherra sagði Breta
krefjast þess að samin yrði skýr
áætlun um hvernig aflétta mætti
banninu að öllu leyti.
Varaði utanríkisráðherrann við því
að leiðtogafundur ESB í Flórens í lok
júní gæti farið út um þúfur ef ekki
yrði þá búið að leysa deiluna.
í gær komu Bretar i veg fyrir að
evrópskur sáttmáli um gjaldþrot yrði
samþykktur en til þess þurfti sam-
hljóða samþykki ESB-rikja að koma
til. Vísaði aðstoðarsendiherra Breta
í Brussel til ákvörðunar stjórnarinnar
frá því á þriðjudag og neitaði að
undirrita sáttmálann.
■ Stríð á hendur ESB/24
Landsfundur þrátt
fyrir handtökur
Tókýó, Rangjoon. Reuter.
UTANRÍKISRÁÐHERRA Burma,
Ohn Gyaw, vísaði í gær á bug öllum
fréttum um að stjórnvöld í Rangoon
hefðu látið handtaka um 90 liðsmenn
lýðræðisafla í landinu. Þjóðarhreyf-
ing lýðræðisins (NLD), samtök frið-
arverðlaunahafans Aung San Suu
Kyi, hyggst halda fyrsta landsfund
sinn um næstu helgi frá því að hreyf-
ingin vann yfirburðasigur í fijálsum
kosningum 1990.
Um 300 fulltrúar NLD eiga að
sitja fundinn en flestir hinna hand-
teknu munu vera úr röðum hreyfing-
arinnar. Þrátt fyrir þetta er Suu Kyi
staðráðin í að halda fundinn.
Fréttirnar af handtökunum bárust
aðeins nokkrum klukkustundum eftir
að japanska Kyodo-fréttastofan
skýrði frá því að sendiherra Japans
í Burma ynni að því að koma á við-
ræðum Suu Kyi og fulltrúa stjórn-
valda í Rangoon. Væri ætlunin að
eyða þar með hindrunum í vegi fjár-
hagsaðstoðar og fjárfestinga Japana
í landinu.