Morgunblaðið - 23.05.1996, Síða 16

16 FIMMTUDAGUR 23. MAÍ 1996
MORGUNBLAÐIÐ
LANDIÐ
Vor í rjóðri
Vopnafirði - Það er búsældarlegt
um að lítast á Fremra-Nýpi í
Vopnafirði þar sem þau búa hjón-
in Hólmfríður Kristmannsdóttir
og Guðmundur Wium Stefánsson.
Þau hófu trjárækt á jörðinni
fyrir fjórtán árum og hefur jörðin
tekið ótrúlegum stakkaskiptum á
þessum tíma. Þau hjónin rækta
bæði sumarblóm og grænmeti
þrátt fyrir að enginn jarðhiti sé
þar. Afraksturinn selja þau allt frá
Vopnafirði til Raufarhafnar.
I skógarrjóðri fyrir ofan bæinn
var yndislegt um að litast í góð-
viðrinu um daginn og trén orðin
ótrúlega stælt og hávaxin. I greni-
trjánum höfðu þrestir séð kjör-
lendi til hreiðurgerðar og voru
hreiðrin listilega unnin með alls-
kyns hnútum og slaufum í kring.
Á Fremri-Nýpi má svo augljós-
lega sjá hveiju maðurinn getur
áorkað i sátt við móður náttúru,
örlítilli útsjónarsemi og alúð.
Morgunblaðið/Sigrún Oddsdóttir
HÓLMFRÍÐUR Kristmannsdóttir í skógarijóðri fyrir ofan bæinn
Fremra-Nýpi. Á innfelldu myndinni sést að hreiðurgerð er mikil
í grenitrjánum í skógarrjóðrinu.
KÓR Húsavíkurkirkju söng. Morgunblaðið/silii
Kirkjudagur
aldraðra á Húsavík
Húsavík - Kirkjudagur aldraðra
var hátíðlega haldinn á Húsavík á
uppstigningardag með messu í
Húsavíkurkirkju kl. 14. Sókn-
arpresturinn, Sighvatur Karisson,
predikaði og þjónaði fyrir altari
en Kór aldraðra annaðist allan
söng með undirleik organista kórs-
ins, Bjargar Friðriksdóttir.
Að lokinni messu bauð sókn-
arnefndin öilum kirkjugestum til
kaffidrykkju að Hótel Húsavík og
sat eldra fólkið þar lengi við skraf
og söng.
Á síðastliðnum vetri tók Bene-
dikt Helgason við stjórn kórsins,
en frá upphafi hafði hinn gamalk-
unni söngstjóri Sigurður Sigur-
jónsson stjórnað honum, en lét nú
af stjórn, enda orðinn 82 ára gam-
all þó ekki hafi mátt sjá það af
söngstjórn hans.
Snj ótroðaradeil-
an í Fljótum leyst
TRAUSTI Sveinsson, bóndi á Bjam-
argili í Fljótum, festi kaup á snjótroð-
ara í vetur og voru deilur uppi um
það hvort peningamir, sem notaðir
voru í kaupin, hefðu verið eign Ung-
mennafélags Fljótamanna eða skíða-
deildarinnar. Eftir fund með for-
svarsmönnum Ungmennafélags ís-
lands hefur málið verið leyst með
endurreisn Skíðafélags Fljótamanna,
sem tekur við troðaranum og sér um
að fjármagna það sem á vantar í
sambandi við kaupin.
Trausti Sveinsson, sem er einn 24
stofnenda Skíðafélags Fljótamanna,
sagðist ekki hafa neinar áhyggjur
af kaupunum á troðaranum sem
kostaði níu milljónir króna, því Skíða-
félag Fljótamanna væri búið að gera
þjónustusamning við Vegagerð ríkis-
ins og Langjökul hf. um afnot af
Morgunblaðið/Ámi Helgason
Næturvakt í
Stykkishólmi
Stykkishólmi - Nýtt fyrirtæki,
sem heitir Vaktþjónustan Vöku-
staur, hefur hafið starfsemi sína
hér í Stykkishólmi. Stofnandi
fyrirtækisins er Hrafnkell Alex-
andersson og er tilgangurinn að
bjóða næturvöktun í Stykkis-
hólmi.
Hrafnkell tekur að sér að
vakta byggingar og aðrar eigur
fyrii’tækja, báta í höfninni og
eins hús ef eigendur fara burtu
til lengri eða skemmri dvalar.
Hann mun vera á ferðinni um
bæinn allar nætur jafnt um helg-
ar sem virka daga og er það
mikið öryggi fyrir bæjarbúa að
vita til þess að bærinn sé vaktað-
ur og fylgst með mannaferðum
á þessum tíma sólarhrings.
troðaranum næstu tvö árin. „Ég tel
að fjármögnun og rekstur troðarans
sé trygg næstu þijú árin,“ sagði
Trausti.
Troðarinn verður notaður á Lang-
jökli í sumar til að flytja ferðamenn
upp á jökulinn á vegum Langjökuls
hf. Á vetuma mun Vegagerðin gera
tiiraun til að nota troðarann við að
halda leiðinni opinni yfir Lágheiði
með því að troða slóð fyrir fjórhjóla-
drifs bíla, en það styttir Ieiðina frá
Ólafsfirði til Siglufjarðar um 230 km.
Trausti sagði að troðarakaupin
væru þýðingarmikill þáttur í upp-
byggingu hans á fyrirhuguðu skíða-
svæði í Fljótunum. Hann sagði að
til stæði að breyta útihúsunum á
Bjamargili í gistirými fyrir almenna
ferðaþjónustu og segist geta tekið á
móti 40 til 50 gestum innan tíðar.
Ferðaþjón-
ustubraut
viðME
Egilsstöðum - Ferðaþjónustubraut
Menntaskólans á Egilsstöðum og
Ferðamálafélagið Forskot stóðu
fyrir fundi nýlega um ferðamál. Þar
kynntu nemendur og kennarar
ferðaþjónustubrautarinnar námið
og þau verkefni sem unnin hafa
verið í vetur en þetta er fyrsti
kennsluveturinn.
Námið er nýjung á landsvísu og
er starfsnám sem unnið er í sam-
vinnu við fyrirtæki og fer að hluta
fram á vinnustað. Um er að ræða
2ja ára sjálfstætt nám, sem einnig
má taka sem hliðargrein til stúd-
entsprófs.
í kynningu Sigurborgar Kr.
Hannesdóttur á námsbrautinni kom
fram að ein önn af fjórum fer fram
við Hússtjórnarskólann á Hallorms-
stað og starfsnám er skipulagt í
samvinnu við Hótel Valaskjálf og
Ferðaskrifstofu íslands, sem rekur
Eddu hótelin.
Menntaskólinn á Egilsstöðum fékk
svokallaðan „Comenius" styrk
vegna verkefnis „Menningararfleifð
í ferðaþjónustu í dreifbýli". Verk-
efnið var unnið i samvinnu við skóla
í Skotlandi og Finnlandi en ME
hafði umsjón með því.
Morgunblaðið/Líney Sigurðardóttir
HÓPURINN í blíðskaparveðri snemma á sunnudagsmorgni.
Norðlenskar konur þinga
Þórshöfn - Samband norðlenskra
kvenna hélt aðalfund sinn í blíð-
skaparveðri hér á Þórshöfn. Þessi
árlegi fundur er haldinn hjá kvenfé-
lagasamböndunum til skiptis og að
þessu sinni var hann haldinn í boði
kvenfélagasambands N-Þingeyjar-
sýslu í félagsheimilinu Þórsveri en
gestgjafar voru Kvenfélagið Hvöt í
Þórshafnarhreppi og Kvenfélag
Þistilijarðar.
Samband Norðlenskra kvenna,
SNK, var stofnað árið 1914 og var
Halldóra Bjarnadóttir aðalhvata-
maður að stofnun þess og formaður
um langt árabil. Víða var komið
við á þessum aðalfundi ýmis mál-
efni rædd. Meðal gesta á fundinum
var Friðfinnur Hermannsson, fram-
kvæmdastjóri sjúkrahúss Húsavík-
ur og flutti hann athyglisvert erindi
um stöðu sjúkrahúsa á landsbyggð-
inni. Um það spunnust líflegar
umræður og samgöngumál voru þar
ofarlega á baugi því bættar sam-
göngur eru forsendur fyrir sam-
starfi heilbrigðisstofnana á lands-
byggðinni.
Einnig var fyrirlestur um um-
hverfisvernd og var það flutt af
Þorkeli Björnssyni, heilbrigðisfull-
trúa á Húsavík. Kvenfélögin um
landið allt hafa ávallt látið sig um-
hverfismál miklu varða og hafa
konurnar unnið merkt starf í gegn-
um tíðina. Á vegum kvenfélaga-
sambandsins í N-Þing. er í vinnslu
bæklingur um umhverfisvernd sem
verður sendur inn á hvert heimili
þegar honum er lokið.
Hugað að stöðu heimilanna
Menningar- og líknarstörf af
ýmsu tagi skipa stóran sess í starfi
kvenfélaganna - og ekki síst það
að huga að stöðu heimilanna -
máttarstólpum þjóðfélagsins. Þar
liggja ræturnar og standa ber vörð
um að áhrif þess fari ekki þverr-
andi í þjóðfélagi þar sem allt er
breytingum undirorpið.
Kvenfélagasamböndin hafa einn-
ig gengist fyrir kynningu á íslenska
þjóðbúningnum og farið í nokkra
skóla í þjóðbúningi þar sem hann
var sýndur og kynntur en framlag
Kvenfélagasambands N-Þing. var
að gefa myndbönd um íslenska
þjóðbúninginn í alla grunnskóla í
héraðinu.
Leirbrennslu-
ofn gefinn í
Hulduhlíð
Eskifirði - Kvenfélagið Döggin á
Eskifirði gaf nýlega félagsstarfi
aldraðra í Hulduhlíð leirbrennslu-
ofn sem einnig nýtist til félags-
starfs aldraðra á Eskifirði.
Við að fá þennan leirbrennslu-
ofn eykst íjölbreytni í starfinu sem
er mjög mikið fyrir. T.d. er kennd-
ur japanskur útsaumur, sem ekki
er víða, og voru margar mjög fal-
legar myndir á sýningu sem hald-
in var í tilefni gjafarinnar.
Kvenfélagið Döggin hefur gefið
ýmsar góðar gjafir til Hulduhlíðar.
Morgunblaðið/Benedikt Jóhannsson
Á MYNDINNI eru f.v.: Jónína Guðnadóttir, Hulda Hannibalsdótt-
ir og Karólína Kristinsdóttir frá Kvenfélaginu Dögg og Ragnar
Björnsson, Aðalbjörg Guðmunsdóttir og Jónína Karlsdóttir frá
félagi aldraðra.