Morgunblaðið - 06.11.1996, Blaðsíða 2
2 MIÐVIKUDAGUR 6. NÓVEMBER 1996
MORGUNBLAÐIÐ
FRETTIR
Opinber
fjölskyldustefna
Stytting
vinnudags
í þágu
fjölskyld-
unnar
PÁLL Pétursson félagsmála-
ráðherra skorar á aðila vinnu-
markaðarins að semja í kom-
andi kjarasamningum um
aðgerðir til styttingar vinnu-
dags íslendinga, með það fyr-
ir augum að hlúa betur að
fjölskyldulífi landsmanna.
Þetta kom fram í máli ráð-
herrans er hann mælti fyrir
þingsályktunartillögu um op-
inbera fjölskyldustefnu á Al-
þingi í gær sem leiddi til ítar-
legra umræðna meðal þing-
manna um gildi fjölskyldunn-
ar í þjóðfélagi nútímans.
Samkvæmt tillögunni á
opinber fjölskyldustefna að
hafa það markmið að efla
fjölskylduna sem hornstein
samfélagsins og markmið
stjórnvalda við framkvæmd
fjölskyldustefnu að skapa
skilyrði til þess að ná jafn-
vægi milli fjölskyldulífs og
atvinnu foreldra.
Fjölskyldan líður fyrir
langan vinnudag
Félagsmálaráðherra lagði
áherzlu á að þetta jafnvægi
næðist ekki nema með því að
stytta meðalvinnudag íslend-
inga; fjölskyldan líði fyrir
hinn óhóflega langa vinnudag
sem hér tíðkist.
Hann vitnaði til nýlegrar
tilskipunar Evrópusambands-
ins um hámarksvinnutíma
sem takmarkar lengd vinnu-
vikunnar við 48 klst. að jafn-
aði en lýsti því yfir að hann
vildi ekki færa ákvæði um
hámarksvinnutíma í íslenzk
lög. Það ætti að vera hlutverk
aðila vinnumarkaðarins að
stytta vinnutímann.
ísland mótmæiir ákvörðun NAFO og ákveður einhliða veiðisljórii
Kvóti á Flæmingjagrunni
verður 6.800 tonn
RÍKISSTJÓRNIN ákvað í gær að mótmæla
ákvörðun Norðvestur-Atlantshafsfiskveiðinefnd-
arinnar (NAFO) um sóknarstýringu rækjuveiða á
Flæmingjagrunni á næsta ári. Jafnframt ákvað
ríkisstjórnin, að tillögu Þorsteins Pálssonar sjáv-
arútvegsráðherra, að setja 6.800 tonna einhliða
heildaraflamark á veiðar íslenzkra skipa á svæð-
inu á næsta ári.
Þessi tala svarar til tæplega 90% af afla ís-
lenzkra skipa á Flæmingjagrunni í fyrra, en í ár
stefnir í að íslendingar veiði um 20.000 tonn af
rækju þar.
Önnur aðildarríki NAFO hafa, að fenginni ráð-
gjöf vísindanefndar NAFO, ákveðið að beita sókn-
arstýringu á miðunum á næsta ári. Með sóknar-
stýringunni á að leitast við að ná þeirri niður-
stöðu, að sérhvert aðildarríki veiði ekki meira en
90% af afla þess bezta af undanförnum þremur
veiðiárum, þ.e. að árinu í ár frátöldu. Fram hefur
komið að önnur ríki NAFO muni sætta sig við
einhliða kvótaákvörðun af íslands hálfu, sem
ekki grafi undan þessari veiðistjórnun.
* Tökum fullan þátt
í ábyrgri veiðistjórnun
Þorsteinn Pálsson segir að þessi ákvörðun sé
miðuð við það, sem fram hafi komið af hálfu ís-
lands á ársfundi NAFO í september, að íslending-
ar hyggist sýna fyllstu ábyrgð í veiðum á Flæm-
ingjagrunni, þótt þeir sætti sig ekki við sóknarstýr-
ingaraðferðina. „Með því að taka þessa ákvörðun
teljum við okkur standa við þær yfirlýsingar, sem
við gáfum á ársfundinum," segir Þorsteinn.
Þorsteinn segist ekki geta fullyrt að önnur
NAFO-ríki sætti sig við ákvörðun íslands. „Við
getum þó með góðum rökum fullyrt að við erum
að taka fullan þátt í ábyrgri veiðistjórnun á svæð-
inu með þessum hætti,“ segir hann.
Aðspurður hvort ákveðið hafi verið hvernig
heildaraflamarkinu verði skipt á milli íslenzkra
útgerða, segir Þorsteinn: „Það gerist væntanlega
eftir að Alþingi hefur samþykkt ný úthafsveiði-
lög. Þá fáum við lagagrundvöll til að byggja þær
ákvarðanir á.“
„Fjarstæða og vitleysa"
Snorri Snorrason, formaður Félags úthafsút-
gerða, kallar ákvörðun ríkisstjórnarinnar „fjar-
stæðu og vitleysu". „Þorsteinn Pálsson hefur
engin rök fyrir þessari ákvörðun nema pólitísk.
Hann hefur engin fræðileg rök,“ segir Snorri.
Hann segir rækjuveiðarnar hafa verið stund-
aðar um of skamman tíma til að stjórnvöld geti
gripið inn í þær og farið að stjórna. Hann segir
hins vegar að félagsmenn hans hafi verið undir
ákvörðun af þessu tagi búnir. „Það er ekki heims-
endir þótt veiðar á Flæmska hattinum séu dregn-
ar saman. Mínir félagar munu sennilega flestir
lifa, þrátt fyrir frómar óskir manna um að allir
fari á hausinn."
Morgunblaðið/Kristinn
Einbeitt í samræmdum prófum
ÞEIR VORU einbeittir nemend-
urnir í 4. bekk í Hvassaleitisskóla
í gærmorgun þegar þeir þreyttu
samræmt próf i íslensku. Alls
þreyttu 4.100 nemendur í 4. bekk
samræmt próf og 4.000 nemendur
í 7. bekk. I dag taka þessir sömu
nemendur samræmd próf i stærð-
fræði. Tilgangurinn er að kanna
grundvallarkunnáttu og færni
nemenda á landinu öllu og fá upp-
lýsingar um skólakerfið í heild.
Stefnt að loftferða-
samningi Islands
og Rússlands
HALLDÓR Ásgrímsson utanríkis-
ráðherra og Jevgení Prímakov, rúss-
neskur starfsbróðir hans, ákváðu í
gær að hefja viðræður ura gerð tví-
hliða loftferðasamnings íslands og
Rússlands.
„Menn hafa haft áhuga á því af
hálfu Flugleiða að koma á flugsam-
göngum á milli Keflavíkur og Pét-
ursborgar. Rússar hafa jafnframt
sýnt áhuga á að fljúga í gegnum
ísland," segir utanríkisráðherra.
„Við höfum verið að vinna í þessu
máli undanfarna mánuði og báðir
aðilar eru tilbúnir að ganga til samn-
inga.“
Einar Sigurðsson, blaðafulitrúi
Flugleiða, segir að Flugleiðir hafi
horft til þess að færa út leiðanet
sitt og nýta markaði, sem séu að
opnast í Áustur-Evrópu, meðal ann-
ars í vesturhluta Rússlands. „Það
myndi henta okkur betur í framtíð-
inni, ef við horfum til flugs milli
íslands og Rússlands og svo áfram
um ísland til Ameríku, að fljúga til
Pétursborgar en Moskvu vegna fjar-
lægðanna,“ segir Einar.
Hann segir að ekkert hafi verið
ákveðið um hvenær hugsanlegt flug
til Rússlands hefjist. „Það er grund-
vallaratriði að koma þessum tvíhliða
samningi á, þannig að menn geti í
krafti hans farið að undirbúa og
skoða möguleikana," segir Einar.
Útsvarstekjur Reykjavíkurborgar hækka um 300 milljónir króna
Aukafj árveitingar rúmar
700 milljónír á þessu ári
BORGARRÁÐ samþykkti á fundi
sínum í gær endurskoðaða fjár-
hagsáætlun fyrir árið 1996. Þar er
gert ráð fyrir rúmlega 454,7 millj.
króna aukafjárveitingu. Fyrr á árinu
hafa verið samþykktar aukafjárveit-
ingar að fjárhæð rúmar 264,7 millj.
Aukafjárveitingar þessa árs eru því
rúmar 719,4 milljónir en á móti koma
auknar útsvarstekjur að upphæð 300
millj. Samþykktar aukafjárveitingar
á árinu umfram fjárhagsáætlun árs-
ins 1996 eru því rúmar 419,4 millj.
Mest til fjárhagsaðstoðar
í endurskoðaðri fjárhagsáætlun
sem samþykkt var í borgarráði í
gær, er gert ráð fyrir að rúmlega
7,4 millj. fari til stjórnunar borgar-
innar. Til skipulags- og byggingar-
mála fari 8,8 milíj., til menningar-
mála 21,1 millj., til æskulýðs-, tóm-
stunda- og íþróttamála 38,6 millj.
Til félagsmála er veitt 180 millj.,
og undir liðnum önnur útgjöld eru
rúmar 14,4 millj. Til umhverfísmála
er veitt 10,4 millj., til fræðslumála
er veitt 70,9 millj. auk 33,2 millj.
vegna verkefna sem yfírtekin voru
af borginni þann 1. ágúst með yfír-
töku grunnskólans.
Þá er gert ráð fyrir 50,6 millj. til
öldrunarmála og 25 millj. til SVR,
þar sem ljóst þykir að tekjur nái
ekki settu marki, þar sem farþega-
fjöldi verður minni en áætlaður var.
Viðurkenning á uppgjöf
í bókun borgarráðsfulltrúa Sjálf-
stæðisflokksins segir að með
ákvörðun um aukafjárveitingu við-
urkenni R-listinn uppgjöf sína við
að stýra fjármálum borgarsjóðs í
samræmi við eigin fjárhagsáætlun.
Þetta geri hann þrátt fyrir að tekjur
borgarinnar hafí aukist um 300
millj. á árinu vegna góðæris.
Aukafjárveitingin sé að stærstum
hluta komin til vegna kostnaðar sem
þegar sé fallinn. I fæstum tilvikum
sé því verið að taka meðvitaða
ákvörðun um að auka útgjöld næstu
mánaða heldur sé verið að skrá
framúrkeyrslu, sem þegar er orðin
í bókhaldi borgarinnar, sem auka-
fjárveitingu. Þá segir: „700 milljóna
króna framúrkeyrsla bætist því ofan
á fjárhagsáætlun R-listans, sem
samþykkt var með 500 milljóna
króna skuldaaukningu og öðru eins
í auknum skattaálögum."
Bent er á að sjálfstæðismenn
hafi við framlagningu fjárhagsáætl-
unar lagt fram tillögur sem miðuðu
að sparnaði og hagræðingu í rekstri
án þess að auka útgjöld borgarbúa.
Þessum tillögum hafí flestum verið
vísað frá af R-listanum, sem hafí
komið eftir þeim seinni hluta ársins
í leit að raunhæfum leiðum til hag-
ræðingar.
Aukafjárveitingar alsiða
í bókun borgarráðsfulltrúa
Reykjavíkurlistans kemur fram að
um langt árabil hafi verið alsiða hjá
borginni að samþykkja aukafjárveit-
ingar eftir að gengið hafí verið frá
fjárhagsáætlun.
Á árinu 1993 hafi aukafjárveiting-
in verið 557 millj. auk þess sem íjár-
hagsáætlunin hafi farið 5,1% fram
úr áætlun með aukafjárveitingum
Árið 1994 hafi aukafjárveitingar
numið 953 millj. og þá hafi áætlunin
farið 5,3% fram úr áætlun. Þá segir:
„Með því að endurskoða fjárhags-
áætlun með þeim hætti sem hér er
gert er gerð tilraun til að koma
meiri festi á fjármál borgarinnar með
því að horfast f augu við þau útgjöld
sem þegar eru orðin að veruleika."
Loks segir að hækkun á rekstrar-
gjöldum að frádregnum skatttekjum
og gatnagerð nemi 3,2% og því ljóst
að staðan sé betri nú en hún hafí
verið um langt árabil þó enn megi
gera betur. Að því sé stefnt með
rammaáætlunum og skýrari ábyrgð
forstöðumanna nefnda.
MEÐ blaðinu í dag fylgir fjögurra
síðna auglýsingablað frá BYKO.
DAOAMUN
... 6. til 9. návtmber
15-48%
sMáttnr
á Lmmgmrm mágrnmi Mða
fOr*r mrð mimtfnkgmm pflLrtH tðeba
þexta fiánt dmza! ^
JSStS,
___ . ...
r —— J. . . • I -a».»
WiríXy.TK
CUUMJS-MUM*
nKU.V.vHG4MltfMrt(W.|rtn.Ma
TOTANV8 CU»ST<W6 Mfa «M í ttftfc****. I
. Ferðaleikur
■'WF
MEÐ blaðinu í dag fylgir átta síðna
auglýsingablað, „Kíktu í miðborgina
og gerðu þér DAGAMUN", þar sem
verslanir við Laugaveg og nágrenni
bjóða vörur sínar með ævintýraleg-
um afslætti dagana 6.-9. nóvember.