Morgunblaðið - 06.11.1996, Blaðsíða 14
14 MIÐVIKUDAGUR 6. NÓVEMBER 1996
AKUREYRI
MORGUNBLAÐIÐ
Morgunblaðið/Kristj án
Frosthörkur
norðanlands
ÞAÐ hefur ekki farið fram hjá
Norðlendingum að veturinn er
kominn. Miklum snjó kyngdi
niður um helgina; samkvæmt
upplýsingum varðstjóra lögregl-
unnar á Akureyri er talið að
jafnfallinn snjór sé um 25 sentí-
metrar. Þá eru miklar frost-
hörkur ríkjandi, en fjórtán
gráða frost mældist á mælum
lögreglustöðvarinnar við Þór-
unnarstræti í gærmorgun.
Börnin eru söm við sig og
láta ekki á sig fá þó kalt sé i
veðri. Útigallinn er tekinn fram
og skundað upp í brekku. Sumir
eru svo heppnir að eiga stórar
vörubílaslöngur sem gaman er
að þeysa á niður brattar brekk-
urnar. Og það er hægt að bjóða
næstum öllum krökkunum í göt-
unni með.
SýmngTim að ljúka
á Sigrúnu Astrósu
SÝNINGUM á leikritinu Sigrún
Ástrós hjá Leikfélagi Akureyrar
fer fækkandi, einungis eru tvær
sýningar eftir, næstkomandi laug-
ardagskvöld, 9. nóvember og 16.
nóvember.
Þrjátíu ára leikafmæli
Sýningin fékk nær einróma lof
gagnrýnenda við frumsýningu 27.
september síðastliðinn. Sunna
Borg minnist þrjátíu ára leikaf-
mælis síns með þessum einleik og
bregður fyrir sig breiðu litrófi í
túlkun sinni á miðaldra konu sem
gerir djarfa tilraun til þess að
höndla lífshamingjuna. Leikritið er
fullt af hlýrri gamansemi sem
studd er djúpum undirtónum og
innsæi höfundar í líf nútímamanns-
ins, jafnt karla og kvenna.
Aðsókn að sýningunni hefur
valdið nokkrum vonbrigðum, en
leikhúsunnendur eru hvattir til að
láta sýningarnar tvær sem eftir
eru ekki fram hjá sér fara.
____________
á Akureyri
Hólel KEA föstudoginn 8. nóvember kl. 8.00 - 9.30
GÓDARISINS?
Yfír 10% hagvöxtur verður á árunum 1995 - 1997.
Nýtur landsbyggðin aukinna umsvifa
eða sogar Reykjavíkursvæðið til sín fjármagnið?
Verður landsbyggðin samkeppnisfær á næstu árum
um fólk og atvinnurekstur?
Framsögumenn:
Þórður Fríðjónsson, forstjórí Þjóðhagsstofnunar
Vilhjálmur Egilsson, alþm. og framkvæmdastjórí Verslunarráðs
Jóhannes Geir Sigurgeirsson, stjómarformaður KEA
Umræður og fyrirspurnir
Fundargjald er kr. 1.200 (morgunverður innifalinn).
Fundurínn er opinn en nauðsynlegt er að skrá þátttöku fyrirfram
í síma Verslunarráðsins, 588 6666 (kl. 8.00-16.00)._______
VERSLUNARRAÐ ISLANDS
Niðurstöður kúasýninga í Eyjafirði sem haldnar voru í sumar
Huppa á
Reistará
þótti best
Eyjafjarðarsveit.
UM 70 kúabændur komu saman á
fundi á Hótel KEA á Akureyri í
vikunni og hlýddu á ráðunautana
Jón Viðar Jónmundsson og Guð-
mund Steindórsson fara yfir og
útskýra niðurstöður úr kúasýning-
unum sem haldnar voru í sumar.
Jón Viðar sagði frá því að nú hefði
í fyrsta skipti verið dæmt eftir nýju
dómskerfi, sem er mun yfirgrips-
meira og ítarlegra en gamla kerfið.
Guðmundur Steindórsson flutti
erindi um kúasýningamar, lýsti
bestu kúm héraðsins og sýndi lit-
skyggnur af þeim. Eigendur stiga-
hæstu kúnna í hverjum hreppi
fengu svo verðlaunagripi frá Mjólk-
ursamlagi KEA, sem Þórarinn E.
Sveinsson mjólkursamlagsstjóri af-
henti.
Kristján Buhl bóndi á Ytri-Reist-
ará í Arnarneshreppi átti hæst
dæmdu kúna að þessu sinni, Huppu
107, landsfræga mjólkurkú, sem
skilað hefur ótrúlega miklum afurð-
um á síðustu árum og mjólkaði á
síðasta ári rúm 10.000 kg. Fékk
Kristján afhentan sérstakan heið-
ursverðlaunagrip, sem gerður er af
Guðrúnu Steingrímsdóttur frá
Stekkjarflötum.
VERÐLAUNAKÝRIN Huppa 107 hefur skilað ótrúlegum afurð-
um síðustu ár og mjólkaði rúm 10.000 kg á síðasta ári.
SIGURGEIR Hreinsson formaður Búnaðarsambands Eyjafjarðar
t.v. afhendir Kristjáni Biihl, bónda á Ytri-Reistará, verðlauna-
grip fyrir bestu kúna í Eyjafirði 1996.
Alþýðubandalagið á Norðurlandi eystra
Dökkar horfur
í byggðamálum
„HORFUR í byggðamálum eru nú
dekkri en verið hefur um langt
skeið. Þrátt fyrir hagvöxt og nokk-
urn efnahagsbata er áframhald-
andi fólksfækkun og miklir erfið-
leikar í heilum landshlutum. Sjáv-
arútvegsstefnan og erfiðleikar
hefðbundinnar bolfiskvinnslu valda
því að staða margra byggðarlaga
er venju fremur ótrygg," segir í
stjórnmálaályktun kjördæmisráðs
Alþýðubandalagsins í Norður-
landskjördæmi eystra.
Þess er krafist að gætt verði
jafnvægis í stórframkvæmdum og
opinberum framkvæmdum í land-
inu. Varað er við afleiðingum þess
að allar helstu störframkvæmdir á
næstu misserum verði á suðvestur-
horni landsins án þess að nokkuð
sé gert til mótvægis í öðrum lands-
hlutum. Þvert á móti sé samtímis
boðaður niðurskurður t.d. í vega-
málum og opinberri þjónustu út
um landsbyggðina sem sérstaklega
beinist að litlum einingum í af-
skekktum byggðalögum. Hvergi
örlar á að tekið sé á vanda fólks,
t.d. því mikla misrétti sem fjöl-
skyldur víða á landsbyggðinni búa
við gagnvart skólakostnaði barna
sinna. Ríkisstjórnin sem nú situr
sé versta ríkisstjórn sem lands-
byggðin hefur í langan tíma átt
við að glíma.
Alþýðubandalagið mótmælir
sérstaklega að á sama tíma og
stjórnvöld beiti sér fyrir hverri
stórframkvæmdinni á fætur ann-
arri á suðvesturhorni landsins sé
grafið undan yfirlýstri stefnu um
uppbyggingu annars staðar. Þetta
eigi til að mynda við um eflingu
Akureyrar og Eyjafjarðarsvæðis-
ins sem miðstöðvar fræðslu og
rannsókna í sjávarútvegi."
Þá er áhyggjum lýst yfir áfram-
haldandi samdrætti í hefðbundinni
landvinnslu sjávarafla, ekki síst
fyrir atvinnuöryggi fiskvinnslu-
fólks. Minnt er á að bændur séu
sú stétt landsins sem þola hefur
mátt hvað mesta kjaraskerðingu á
undanförnum árum, brýnt sé að
búa þannig að landbúnaði og
bændum að eðlileg endurnýjun og
kynslóðaskipti geti orðið í grein-
inni.
Nýtur lands-
byggðin góð-
ærisins?
NÝTUR landsbyggðin góðærisins?
er yfirskrift morgunverðarfundar
Verslunarráðs Islands sem haldinn
verður á Hótel KEA næstkomandi
föstudag, 8.nóvmeber frá kl.
8-9.30.
Samkvæmt upplýsingum Þjóð-
hagsstofnunar nemur samanlagð-
ur hagvöxtur áranna 1995 til 1997
um 10% af landsframleiðslu. Þar
af er ráðgerður hagvöxtur í ár
5,5% og á næsta ári 2,5%. Tölurn-
ar segja þó ekkert til um afkomu
einstakra landssvæða. I allri um-
ræðunni um góðærið er því tíma-
bært að fjallað verði um stöðu
landsbyggðarinnar. Nýtur hún
aukinna umsvifa til jafns við
Reykjavíkursvæðið eða sogar það
til sín fjármagnið? Verður lands-
byggðin samkeppnisfær á næstu
árum um fólk og atvinnurekstur?
Leitað verður svara við þessum
og fleiri áleitnum spumingum á
morgunverðarfundinum.
Framsögumenn verða Þórður
Friðjónsson, forstjóri Þjóðhags-
stofnunar, Vilhjálmur Egilsson,
alþingismaður og framkvæmda-
stjóri Verslunarráðs, og Jóhannes
Geir Sigurgeirsson, stjórnarform-
aður KEA. í lokin verða almennar
umræður.
------» ♦ ♦
Innbrot og
þjófnaðir
BROTIST var inn í verslunina
Garðshorn á Akureyri um helgina
og stolið þaðan skiptimynt og tób-
aki. Við innbrotið var grjóti hent
inn um glugga og lenti grjótið í
kæliskáp í versluninni og skemmdi
hann.
Þá var farið inn í þijá ólæsta
bíla og hljómflutningstækjum stol-
ið úr tveimur þeirra. Þjófarnir
reyndu að ná tæki úr þriðja bílnum
en höfðu ekki erindi sem erfiði en
tókst þó að eyðileggja tækið.
Útboð
Bæjarsjóður Akureyrarbæjar óskar eftir tilboðum í rekstur
veitinga- og gistiaðstöðu Skíðastaða í Hlíðarfjalli.
Útboðsgögn verða afhent á skrifstofu Akureyrarbæjar frá og
með miðvikudeginum 6. nóvember. Tilboð skulu hafa borist
skrifstofu Akureyrarbæjar, Geislagötu 9, eigi síðar en fimmtu-
daginn 21. nóvember 1996 kl. 11.00 f.h., þar sem þau verða
opnuð í viöurvist þeirra bjóðenda sem þess óska.
Allar nánari upplýsingar gefa starfsmenn áætlana-
hagsýsludeildar Akureyrarbæjar í síma 462 1000.
°9
Hagsýslustjórinn á Akureyri.