Morgunblaðið - 06.11.1996, Blaðsíða 52

•'UYIINDJtl
HÁTÆKNI TIL FRAMFARA
BS Tæknival
SKEIFUNNl 17
SlMI 550-4000 ■ FAX 550-4001
MORGUNBLAÐID, KRINGLAN 1, 103 REYKJAVÍK, SÍMI 669 1100, SÍMBRÉF 569 1181,
PÓSTHÓLF 3040, NETFANG MBI@CENTRUM.1S / AKUREYRI: KAUPVANGSSTRÆTI 1
MIÐVIKUDAGUR 6. NÓVEMBER 1996
VERÐ í LAUSASÖLU 125 KR. MEÐ VSK
Slapp naumlega af
Skeiðarársandi
RÍKISSTJÓRNIN ræddi afleiðingar Skeiðarárhlaupsins á sérstökum
fundi síðdegis í gær og fjallaði um hvernig best verði staðið að upp-
byggingu samgöngumannvirkja á Skeiðarársandi eftir hlaupið. Forsæt-
isráðherra segir að mannvirki sem þoli jökulhlaup eins og hófst í
gærmorgun kosti um 4-5 milljarða króna og taki a.m.k. 2 ár í byggmgu.
„Þetta er mikið áfall. Á þremur
til ijórum klukkutímum fórum við
hátt á þriðja áratug aftur á bak
í samgöngumálum og erum raunar
verr staddir en þá, því nú hafa svo
margir byggt upp starfsemi sem
miðast við landflutninga á þessu
svæði,“ sagði Davíð Oddsson for-
sætisráðherra í gær, en hann flaug
yfir flóðasvæðið eftir hádegið.
Vegamálastjóri, forstjóri Lands-
virkjunar og formaður Almanna-
varna sátu ríkisstjórnarfundinn.
Halldór Blöndal samgönguráð-
herra sagði eftir fundinn að mann-
virkin á Skeiðarársandi virtust
ætla að verða eyðileggingunni að
bráð og það yrði mikið happ ef
eitthvað yrði nýtilegt. „Við stönd-
um frammi fyrir því að gera það
upp við okkur hvernig við munum
byggja upp veginn, hvort við för-
um út í bráðabirgðaaðgerðir eða
hvort við teljum hyggilegra að
draga það eitthvað en flýta jafn-
framt varanlegum umbótum,“
sagði Halldór.
Tveggja ára framkvæmdir
Davíð Oddsson sagði að áætlað
væri að hlaupið myndi sjatna eftir
4-8 daga og þá væri hægt að skoða
flóðasvæðið og ákveða viðbrögð
með hliðsjón af aðstæðum þar sem
árfarvegir gætu hafa breyst.
Hann sagði að hafa yrði mjög
hraðar hendur við að hefja upp-
byggingu en jafnframt hlytu menn
að spyija sig annars vegar hvað
borgaði sig að gera til bráðabirgða
svo fjármunir færu ekki til spillis,
og hins vegar hvort miða ætti við
að varanlegar brýr þyldu smá-
hlaup eða hlaup af svipaðri stærð
og nú er. Davíð sagði að slíkar
brýr myndu væntanlega kosta 4-5
milljarða króna og varanlegar
framkvæmdir tækju líklega um 2
ár, en bráðabirgðaframkvæmdir
tækju allmargar vikur eða mánuði.
Davíð sagði að rætt hefði verið
á fundinum hvort hægt væri að
nota feijur yfir árnar en það hefði
ekki fengið hljómgrunn.
Ríkisstjórnin mun fylgjast
grannt með atburðum næstu daga
og munu ráðherrar fljúga yfir
flóðasvæðið í dag. Þá hefur verið
settur á stofn starfshópur fjögurra
ráðuneytisstjóra, forsætisráðu-
neytis, samgönguráðuneytis, fjár-
málaráðuneytis og viðskiptaráðu-
neytis, undir stjórn Ólafs Davíðs-
sonar ráðuneytisstjóra forsætis-
ráðuneytis, til að samræma að-
gerðir og upplýsingaöflun.
Hæð,
m.y.s.
2.000
Grfmsvötn
1.800 -
1.600
1.400
1.200
1.000
800
Grímsfjall
Vatnsborð
Vatnsborð
5. nóv. 1996
Jökulís
Berggrunur
Teiknahetiirmmynó
Helga Bjórnssonar
Reynir
Ragnarsson
Morgunblaðið/Golli
VATNSFLAUMURINN braut niður brúna yfir Gígjukvísl á skömmum tíma eftir að flóðið barst í árfarveginn.
Ríkisstjórnin fjallaði um Skeiðarárhlaupið og afleiðingar þess
Áætlað að tvö ár taki að
byggja varanlegar brýr
Munaði
sekúndum
að ég kæm-
ist ekki yfir“
REYNIR Ragnarsson lögreglu-
varðsljóri í Vík í Mýrdal var síð-
astur til að aka Skeiðarárbrúna
og sandinn áður en flóðið lokaði
veginum. Litlu
mátti muna að
hann kæmist
ekki yfir því
vatn var þegar
farið að
streyma yfir
brúna.
„Eg opnaði
veginn fyrir
vestan um tutt-
ugu mínútur
fyrir átta um
morguninn við Núpsstað, keyrði
austur yfir sand og opnaði hjá
Freysnesi um klukkan átta. Síðan
fór ég heim í Freysnes að fá mér
kaffisopa,“ segir Reynir.
„Um níuleytið var hringt og
ég beðinn um að loka veginum
því hlaupið væri að koma. Eg
keyrði strax að Skeiðará og var
í talstöðvarsambandi við vatna-
mælingamenn á leiðinni. Þeir
sögðu að það væri alveg að verða
ófært, því svo skarpt yxi í ánni.
Þegar ég kom að var farvegurinn
orðinn fullur, og farið að renna
yfir brúna á nokkrum stöðum.
Ég gaf mér eugan tíma til að
stoppa hjá vatnamælingamönn-
unum heldur brunaði beint yfir.
Ég held það hafi ekki munað
nema sekúndum að ég kæmist
ekki. Varnið beljaði meðfram
veginum til vesturs og ég var í
kapphlaupi við að komast yfir
áður en það færi í farveginn þar
sem búiðvar að grafa veginn í
sundur. Á brúnni var vatnið ekki
orðið hátt en vegna þess hversu
hratt ég keyrði gekk það upp á
rúðurnar á bílnum.“
Vissu ekkert
af hlaupinu
Þegar Reynir var kominn yfir
sandinn lokaði hann veginum
aftur við Núpsstað. „Það var
engin umferð þarna framanaf,
nema tveir útlendingar sem
komu á bíl. Þeir virtust ekkert
vita af flóðinu. Ég sagði þeim
að vegurinn væri í sundur vegna
hlaupsins. Annar þeirra spurði
þá hversu langan tíma tæki að
gera við. Ég sagði að það tæki
svona sex mánuði. Þá kom heldur
skrýtinn svipur á hann.“
Hátt í 60 vélar á lofti
TALIÐ er að á milli 55 og 60 flug-
vélar hafi flogið að Skeiðarársandi
vegna Grímsvatnahlaups í gær.
Fiugmálastjórn sendi í gær til-
kynningu til flugmanna innan-
lands með ábendingu um að vegna
mikillar umferðar yfir Suður- og
Suðausturlandi, einkum Skeiðar-
ársandi, séu þeir beðnir um að
gæta ýtrustu varkárni og hafa
samráð sín á milli á sérstakri fjar-
skiptatíðni.
Flugmenn sem ræddu við Morg-
unblaðið í gær töldu að umferðar-
álagið yfir svæðinu væri mikið og
mætti oft lítið út af bregða til að
hægt væri að telja að fyllsta ör-
yggis væri gætt.
Þar sem um er að ræða flug
undir þijú þúsund feta hæð er flog-
ið sjónflug án afskipta flugum-
ferðarstjóra, líkt og gildir um
mest allt flug lítilla flugvéla, sem
almennt fljúga eingöngu í sjón-
flugi. Að sögn Þorgeirs Pálssonar
flugmálastjóra eru flugmenn í
sjónflugi háðir ákveðnum umferð-
arreglum og er hver flugmaður
ábyrgur fyrir sínu flugi, sam-
kvæmt ákveðnum reglum um hver
eigi að víkja. Allir séu t.d. á sömu
fjarskiptatíðni.
Hann sagði að sér væri ekki
kunnugt um að kvartanir hefðu
verið lagðar fram vegna flugum-
ferðaratvika.