Morgunblaðið - 06.11.1996, Side 17

MORGUNBLAÐIÐ
MIÐVIKUDAGUR 6. NÓVEMBER 1996 17
VIÐSKIPTI
ÞORSTEINN M. Jónsson, framkvæmdastjóri Vífilfells hf.
tók við gæðaverðlaununum úr hendi Mark D. Green,
gæðastjóra hjá Coca Cola i Noregi.
Vífílfell fær gæða-
verðlaun Coca Cola
VÍFILFELL hf. hefur þriðja
árið í röð hlotið gæðaverðlaun
innan Coca-Cola kerfisins fyrir
framúrskarandi gæði í dósa-
framleiðslu fyrirtækisins á ár-
inu 1995.
Fram kemur í frétt frá Vífil-
felli að ströng skilyrði þurfi að
uppfylla til að taka þátt í keppn-
inni. Við einkunnagjöfina var
stuðst við niðurstöður á úttekt-
um á gæðakerfum, þjónustu við
neytendur og gæðamati á fram-
leiðsluvörum.
Gæðaverðlaunin hafa aðeins
verið veitt í þrjú ár og hefur
Vífilfell keppt um þau við áfyll-
ingarverksmiðjur Coca-Cola á
hinum Norðurlöndunum, i Rúss-
landi og Balkanskagaiöndun-
um.
Tvö fyrstu árin sem gæða-
verðlaunin voru veitt var aðeins
úthlutað einum verðlaunum fyr-
ir allar umbúðartegundir og
féllu þau Vífilfelli í skaut bæði
árin. A síðasta ári var reglunum
breytt þannig að veitt voru
gæðaverðlaun fyrir hveija um-
búðategund fyrir sig.
Hátt eldsneytisverð bitnar
á hagnaði flugfélaga
Genf. Reuter.
HAGNAÐUR virðist ætla að verða
á rekstri flugfélaga í heiminum
annað árið í röð, en vaxandi elds-
neytiskostnaður skerðir heildar-
tekjumar að sögn yfirmanns
IATA, Alþjóðasamtaka flugfélaga.
Aðalframkvæmdastjóri IATA,
Pierre Jeanniot, varaði fram-
kvæmdastjóra rúmlega 250 aðild-
arflugfélaga við því að steypa sér
út í myndun bandalaga að lítt at-
huguðu máli til að ná stærri sneið
af markaðnum því að það gæti
haft meiri erfiðleika í för með sér
en ávinning.
Jeanniot sagði á ársfundi IATA
að gera mætti ráð fyrir öðrum
methagnaði í ár og nettóhagnaður
gæti orðið 5.5 milljarðar dollara.
Hann sagði að þessi tala væri
töluvert lægri en þeir 6 milljarðar
sem hann hefði spáð í apríl sl.
áður en hækkanir á verði þotuelds-
neytis fóra að hafa alvarleg áhrif
á starfsemi flugfélaga. Eldsneytis-
kaup era talin 11% af kostnaði
þeirra.
í ræðu sinni sagði Jeanniot að
methagnaðurinn í fyrra hefði átt
rætur að rekja til þess að farþegum
hefði fjölgað um 8% og flugfrakt
aukizt að sama skapi. Flugfélög
hefðu sniðið sér stakk eftir vexti
og hagrætt í rekstrinum, en nú
kunni að vera svo komið að erfitt
sé að draga meira úr kostnaði.

Forskot ón fyrirhafnar
Ráðstefna um nýja tíma
Möguleikar án takmarkana
26. - 27. nóvember