Morgunblaðið - 12.07.1997, Blaðsíða 2

2 LAUGARDAGUR 12. JÚLÍ 1997
MORGUNBLAÐIÐ
FRÉTTIR
Tilraunarekstur símkerfis næsta haust hjá Pósti og síma hf.
Nýtt GSM-kerfi undirbúið
STJÓRN Pósts og síma hf. hefur ákveðið að
he§a tilraunarekstur á DCS 1800 farsímakerfinu
næsta haust en hér er um að ræða kerfi sem
hefur hærra tíðnisvið en núverandi GSM-kerfi.
Samgönguráðuneytið veitti í janúar 1996 Póst-
og símamálastofnun, eins og hún hét þá, heim-
ild til reksturs DCS 1800 kerfisins þegar það
teldist tímabært og nú hefur stofnunin ákveðið
að heija undirbúning.
Halldór Blöndal samgönguráðherra segir að
nýja kerfið sé einkar hentugt í þéttbýli og segir
hann ástæðu fyrir tilkomu þess þá að GSM-kerf-
ið sé víða farið að mettast, einkanlega erlendis.
Því sé nauðsynlegt að innleiða nýtt kerfi og sé
þegar byijað að reka það, m.a. í sumum Norður-
landanna.
Verðum að standa jafnfætis
„Til þess að við getum áfram staðið jafnfætis
nágrönnum okkar varðandi alhliða íjarskipta-
þjónustu er nauðsynlegt að við tökum upp þetta
kerfi líka,“ segir samgönguráðherra en í sumum
tilvikum er mögulegt að nýta sama símann á
báðum tíðnisviðunum. „Þetta svarar einfaldlega
kröfum tímans og við verðum að geta veitt þessa
þjónustu. GSM-kerfið er að mettast sums staðar
erlendis og það er slæmt ef menn geta ekki
nýtt kerfín. Ef íslenski síminn verður bara GSM-
fyrirtæki verður hann undir í baráttunni."
Frá 1. janúar næstkomandi fellur niður einka-
réttur Pósts og síma hf. á fjarskiptaþjónustu og
samkvæmt tilskipun frá EES 16. janúar 1996
er nýjum aðilum heimilt að hefja frá þeim tíma
farsímaþjónustu nema tæknilegar hindranir
standi í vegi fyrir því að uppfyllt verði skilyrði
Póst- og fjarskiptastofnunar. Hins vegar féll
niður einkaréttur Pósts og síma á rekstri GSM-
farsímaþjónustu um síðustu mánaðamót.
Samgönguráðherra segir að aðeins einn aðili
hafí sótt um leyfí til reksturs á GSM-þjónustu
en engin erindi hafa borist enn um að reka DCS
1800 kerfíð nema frá Pósti og síma hf. Hann
benti á að erlendir aðilar gætu sem best óskað
eftir að koma upp slíkum rekstri hér. „Við getum
hugsað okkur danska símafélagið sem hefur
þegar hafíð þennan rekstur. Það er ekki meira
verk fyrir það að setja upp slíkan rekstur hér á
landi heldur en til dæmis í Borgundarhólmi."
Skipsljóri Ryggefjörd
farinn úr landi
Kærður
fyrir að
senda rang-
artölur
Selfossi. Morgunblaðið.
SKIPSTJÓRI norska loðnuskipsins
Kristian Ryggefjörd var ekki við-
staddur þegar ákæra á hendur
honum var tekin fyrir í Héraðsdómi
Suðurlands í gær, og mun hann
vera farinn úr landi.
Ákæran er í þremur liðum og
er skipstjórinn í fyrsta lagi ákærð-
ur fyrir að hafa sent skeyti sem
innihélt rangar hnitatölur er varða
staðsetningu skipsins, í öðru lagi
fyrir að tilkynningar hans inn í ís-
lenska lögsögu voru ófullnægjandi
og í þriðja lagi er hann ákærður
fyrir ófullnægjandi skeytasending-
ar um lok veiða á Jan Mayen svæð-
inu.
Það var Georg K. Lárusson sem
sótti málið fyrir hönd sýslumanns
en veijandi norska skipstjórans var
Friðrik Jón Aðalbjörnsson. Lög-
mennirnir lögðu fram málsgögn og
fluttu að því loknu málið fyrir sett-
an dómara Kristján Eiríksson.
Fram kom í máli veijanda að
hann teldi að reglugerð um loðnu-
veiðar í íslenskri fiskveiðilögsögu
hefði ekki lagastoð og því krefðist
hann sýknu. Dómur verður kveðinn
upp innan þriggja vikna.
Hraðamælingar í
íbúðahverfum
Morgunblaðið/Golii
1,4 milljón-
ir til kosn-
ingaeftir-
lits í Bosníu
RÍKISSTJÓRNIN samþykkti í
gær, að tillögu Halldórs Asgríms-
sonar utanríkisráðherra, að leggja
fram 20.000 Bandaríkjadali, um
1,4 milljónir íslenzkra króna,
vegna kosningaeftirlits við bæjar-
og sveitarstjómakosningar í Bosn-
íu-Herzegóvínu 13. og 14. septem-
ber næstkomandi.
Á leiðtogafundi Öryggis- og
samvinnustofnunar Evrópu (ÖSE)
í Lissabon í desember síðastliðnum
skuldbundu aðildarríkin sig til að
veita nauðsynlega fyrirgreiðslu,
þar með talinn fjárstuðning, til
þess að tryggja að kosningarnar
gætu farið fram.
Enn vantar 14
milljónir dala
Áætlaður kostnaður við undir-
búning kosninganna er 54 milljón-
ir Bandaríkjadala. Enn skortir ÖSE
hins vegar um 14 milljónir dala til
að ná settum markmiðum sínum.
Núverandi formennskuríki ÖSE,
Danmörk, hefur ítrekað óskað eft-
ir fjárframlögum aðildarríkjanna.
Þá hefur yfirmaður sendinefndar
ÖSE í Bosníu-Herzegóvínu skrifað
utanríkisráðherrum aðildarríkj-
anna og beðið um að það fé, sem
lofað var, yrði reitt af hendi sem
allra fyrst.
Lýðræðisþróun
tryggð
„Það skiptir að sjálfsögðu afar
miklu máli að kosningarnar fari
fram með eðlilegum hætti svo
tryggja megi lýðræðisþróun í land-
inu,“ segir Halldór Asgrímsson í
samtali við Morgunblaðið. „Við
verðum ásamt öðrum að standa
að því.“
BÆJARYFIRVÖLD í Garðabæ
hafa keypt mælitæki sem mælir
hraða ökutækja. Tækið er á fær-
anlegum vagni og verða ökumenn
á ólöglegum hraða stöðvaðir af
bæjarstarfsmanni og þeim afhent-
ur miði með ábendingum frá
Umferðarráði. Að sögn Ingimund-
ar Sigurpálssonar bæjarstjóra
hafa bæjaryfirvöld ekki heimild
til að sekta ökumenn. „Við höfum
verið að knýja á um hraðamæling-
ar í íbúðahverfum en lögreglan
hefur ekki haft bolmagn til að
sinna þvi. Þetta er okkar leið til
að nálgast vandamálið á vingjarn-
legan hátt og vekja athygli fólks
á hættunni.“
Meiðyrðadómar í Héraðsdómi Reykjaness
í málum Jóhanns G. Bergþórssonar
Ummælin
dæmd dauð
Svar Ingibjargar Sólrúnar Gísladóttur borgarstjóra
Kostnaður vegna úttekta
og athugana 18,3 millj.
og ómerk
I SVARI borgarstjóra við fyrirspum
borgarráðsfulltrúa Sjálfstæðis-
flokks um kostnað vegna sérstakra
athugana og úttekta á vegum borg-
arinnar kemur fram að kostnaður-
inn var miðað við verðlag árið 1996
rúmar 12,3 millj. árið 1994 og 13,3
miilj. árið 1995 en rúmar 18,3 millj.
árið 1996. Þar af var kostnaður
vegna könnunar á rekstrarfyrir-
komulagi íbúðarhúsnæðis á vegum
borgarinnar rúm 3,1 millj., sem
skiptist á nokkra verktaka.
Fimm kostnaðarliðir voru yfir
milljón, þar á meðal könnun á
rekstrarfyrirkomulagi íbúðarhús-
næðis sem borgin á og sá Þórarinn
Magnússon verkfræðingur, um
verkið ásamt undirverktökum. I
sundurliðuðu yfírliti kemur fram að
Endurskoðun Sig. Stefánssonar,
fékk rúmar 2,7 millj. í greiðslu
vegna vinnu við þriggja ára áætlun
og úttekt á virðisaukaskattsmálum.
Útgjöld vegna námskeiða hjá Lead
Consulting fyrir æðstu stjórnendur
borgarinnar voru rúm 2,1 millj. og
heildarkostnaður vegna verkefna
sem Ráðgarður hf. sá um var rúm-
ar 1,6 millj. en fyrirtækið gerði
athugun á skipulagi og rekstri
slökkviliðs Reykjavíkur, fór yfír fer-
il málsmeðferða hjá borgarverk-
fræðingi og skipulagsmál Heil-
brigðiseftirlitsins.
Sérfræðingahópur um sölu borg-
areigna, þeir Sveinn Andri Sveins-
son hdl., Skúli Bjarnarson hdl. og
Sigurður K. Friðriksson viðskipta-
fræðingur, fékk rúmar 1,4 millj.
fyrir skoðun, mat og skýrslugerð
vegna sölu eignanna og heildar-
kostnaður vegna stjómunamám-
skeiðs Péturs Guðjónssonar hjá
embætti borgarverkfræðings var
rúmar 1,2 millj.
Kostnaðarliðir á bilinu 500 þús.
til milljón vom vegna starfsmanna-
ráðgjafar, ráðninga og auglýsinga
eða rúmlega 942 þús. til Alprents
ehf., Árvakurs hf., Fijálsrar fjöl-
miðlunar hf., Hagvangs hf., Tilsjár
ehf., Tímamóta ehf. og Vikublaðs-
ins. Til VSÓ Rekstrarráðgjafar hf.
vegna úttekta á Laugardalsvelli
fyrir Iþrótta- og tómstundaráð og
á skautasvelli vom greiddar rúmar
895 þús. krónur. Kostnaður Isgraf
ehf., Markviss ehf., Verkfræðistofu
Guðmundar og Kristjáns hf., Verk-
fræðistofu Sigurðar Thoroddsen hf.
o.fl. vegna orkusvæðisverkefnis var
rúmar 747 þús. og kostnaður Há-
skóla íslands vegna samanburðar-
úttektar á launum karla og kvenna
hjá Reykjavikurborg var tæpar 600
þús. Kostnaður Verkfræðistofu
Guðmundar og Kristjáns hf., vegna
mats á vélum og tækjum malbikun-
arstöðvarinnar var um 591 þús.
Kostnaður vegna annarra liða var
lægri en 500 þús.
HÉRAÐSDÓMUR Reykjaness hef-
ur kveðið upp tvo dóma í meiðyrða-
málum er Jóhann _ Bergþórsson
höfðaði gegn Sverri Ólafssyni ann-
ars vegar og gegn Magnúsi Haf-
steinssyni hins vegar.
I máli Jóhanns gegn Sverri Ól-
afssyni var stefnt vegna sex um-
mæla sem birtust í DV og Alþýðu-
blaðinu í ágúst á síðasta ári. Ein
þeirra dæmdust dauð og ómerk:
„Manna, sem þó hafa gert það að
lífsviðhorfi sínu að segja ósatt.. .“
Vegna þessara ummæla var Sverr-
ir dæmdur til að greiða Jóhanni
30 þúsund krónur í miskabætur
með dráttarvöxtum, 30 þús. krónur
til að standa straum af kostnaði
við birtingu dómsins, 20 þúsund
króna sekt í ríkissjóð og 60 þúsund
krónur í málskostnað auk virðis-
aukaskatts.
Magnúsi Hafsteinssyni var
stefnt vegna sex ummæla sem birt-
ust i Alþýðublaðinu 10. september
á síðasta ári undir fyrirsögninni
„Hagsjóður Hafnfirðinga“. Þijú
þessara ummæla dæmdust dauð
og ómerk. Þau eru eftirfarandi:
„Þá hefur ekki verið spurt um
kaup Hafnarfjarðarbæjar á lóð að
Helluhrauni þar sem Jóhann labb-
aði með 7,5 milljónir út af bæjar-
kontómum. Lóð sem hann átti
ekki en seldi Hafnarfjarðarbæ."
„Þá eru ótaldar gjafir Sjálfstæð-
isflokksins til Jóhanns Gunnars
Bergþórssonar, fyrir hönd allra
Hafnfirðinga, á togurum og fisk-
veiðikvóta uppá marga millj-
arða...“
„Þá er og ótalin barátta Jóhanns
fyrir því að Hafnarfjarðarbær
kaupi fyrrum aðalstöðvar Hagvirk-
is að Skútahrauni, illseljanlega
eign og sögunni fylgir að núver-
andi eigendur Skútahrauns muni
umbuna Jóhanni ríkulega, meðal
annars með niðurfellingu skulda á
hann persónulega, selji hann
Skútahraunið."
Vegna fyrstu og þriðju ummæl-
anna var Magnús dæmdur til að
greiða Jóhanni 50 þúsund krónur
í miskabætur auk .dráttarvaxta,
50 þúsund krónur til að standa
straum af kostnaði við birtingu
dómsins, 20 þúsund króna sekt í
ríkissjóðs og 70 þúsund krónúr í
málskostnað auk virðisaukaskatts.
Dómana kvað upp Finnur Torfi
Hjörleifsson héraðsdómari.