Morgunblaðið - 12.07.1997, Blaðsíða 52

MORGUNBLAÐW, KKINGLAN 1, 103 REYKJA VÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG: R1TSTJ@MBL.1S, / AKUREYRI: KAUPVANGSSTRÆTl 1
LAUGARDAGUR12. JÚLÍ 1997
VERÐ í LAUSASÖLU 125 KR. MEÐ VSK
Hlutur Frosta hf. í Sölumiðstöð hraðfrystihúsanna seldur
Flugfélagið Atlanta íhugar að færa út kvíarnar með auknu frelsi í flugi
Áætlunarflug til London og
Kaupmannahafnar næsta ár?
FLUGFÉLAGIÐ Atlanta mun nú, samkvæmt
heimildum Morgunblaðsins, kanna hvort það telji
grundvöll fyrir að hefja áætlunarflug til a.m.k.
tveggja borga í Evrópu á næsta ári. Samkvæmt
sömu heimildum munu borgimar sem um ræðir
vera Kaupmannahöfn og London. Þegar Morgun-
blaðið hafði samband við Arngrím Jóhannsson,
forstjóra Atlanta, í gær og spurði hann hvort
félagið hygðist hefja áætlunarflug til þessara
tveggja borga, sagði hann: „Ég vil hvorki neita
þessu né játa. í svona flugrek&tri er maður alltaf
að skoða með hvaða hætti hægt er að færa út
kvíarnar og með auknu frelsi í flugi er ýmislegt
til skoðunar hjá okkur.“
Arngrímur sagði það ljóst að það gæti verið
mjög erfitt að komast í áætlunarflugi til og frá
landinu og því væri það bara eðlilegur hlutur að
ýmsir kostir væru til skoðunar hjá Atlanta, að
því er varðaði breytingar á rekstri í náinni framtíð.
Yfir 40% lækkun fjargjalda frá Þýskalandi
til íslands
Mikið sætaframboð og fækkun ferðamanna frá
Þýskalandi til íslands í sumar hefur leitt til yfir
40% verðlækkunar á flugfargjöldum. Lækkunin
er mismikil hjá þeim sjö félögum sem fljúga í
sumar milli íslands og nokkurra stærstu borga
Þýskalands. Sem dæmi um lækkun má nefna að
þýska flugfélagið LTU býður nú fargjald á rúmar
18 þúsund krónur sem áður var á rúmar 31 þús-
und kr. og fargjöld Atlanta milli Keflavíkur og
Berlínar hafa lækkað úr 34.000 í 19.800 kr. Þá
hafa Flugleiðir einnig iækkað fargjöld í þau sæti
sem seinast er bókað í í ákveðnar ferðir ákveðna
daga. Er þar um að ræða 30-40% lækkun.
Sjö flugfélög í sumar
Sjö flugfélög bjóða í sumar ferðir milli Islands
og Þýskalands og er sætaframboð því mun meira
en verið hefur og hefur þetta aukna framboð leitt
til minni sætanýtingar flugfélaganna. Þá bjóða
mun fleiri ferðaskrifstofur íslandsferðir og jpví eru
margs konar sértilboð og pakkaferðir í boði. Þjóð-
veijar eru taldir ferðast almennt minna í ár en
oft áður. Er það m.a. rakið til efnahagsástands í
landinu.
■ Dæmi um/4
Morgunblaðið/Amaldur
Bílskúr brann
BÍLSKÚR við sumarhús í Laugar-
ási, neðst í Hvítársíðu, brann til
kaldra kola í gærkvöldi. Kviknaði
eldurinn um leið og kveikt var á
gasgrilli og hljóp í skúrinn sem fuðr-
aði upp á skammri stundu.
Fjölskyldan var að grilla í gætt-
inni á opnum bílskúr, að sögn lög-
reglu, þegar eldur komst í gaskútinn
og logi stóð út úr honum. Komst
eldurinn í ýmiskonar eldsmat í bíl-
skúrnum vegna þess að hann hafði
staðið opinn.
Fjölskyldan náði að veija sumar-
húsið, sem stendur aðeins tvo metra
frá bílskúrnum, fyrir eldinum þar til
slökkviliðið kom á staðinn.
í bílskúrnum voru ýmis tæki og
fleira og varð því talsvert tjón í elds-
voðanum, að sögn lögreglu.
Morgunblaðið/Golli
Veðurguðir fá það óþvegið
EKKI kunnu allir jafn vel að
meta rigninguna í höfuðborginni
í gær og lét þessi litla stúlka
veðurguðina hafa það óþvegið.
Vætusamt var á sunnanverðu
landinu, samkvæmt upplýsingum
Veðurstofunnar. Mældist úr-
koma í Reykjavík 19 millímetrar
frá níu um morguninn til klukk-
an 18. Sama magn mældist á
Eyrarbakka, en mun minna ann-
ars staðar.
Hlýjast var hins vegar á Mán-
árbakka Tjörnesi, þar sem hiti
komst í 23 stig, og var einnig
úrkomulaust. Hitinn fór nokkuð
víða yfir 20 stig á Norðvestur-
landi.
Ný sjávarútvegssýn-
ing 1 undirbúningi
TVÆR sjávarútvegssýningar verða
haldnar hér i landi á næstu tveimur
árum. Auk íslensku sjávarútvegs-
sýningarinnar, sem haldin hefur ver-
ið þriðja hvert ár frá árinu 1984,
verður sett á laggirnar ný sýning
árið 1999, Fish Tech, og er hún
skipulögð af íslenskum aðilum
Islenska sjávarútvegssýningin var
haldin hér á síðasta ári en nú hafa
skipuleggjendur sýningarinnar,
Nexus Media Ltd. í Englandi, ákveð-
ið að flýta sýningunni um eitt ár
vegna velgengni síðustu sýninga.
Nýtt íslenskt
sýningarfyrirtæki
Stofnað hefur verið íslenskt vöru-
sýningarfyrirtæki, Sýningar ehf., og
eru eigendur þess Samtök iðnaðarins
og Kynning og markaður ehf. Fyrir-
tækið hyggst halda sjávarútvegssýn-
ingu hér á landi í maí 1999 sem
ætlað er að ná til sýnenda og kaup-
enda um allan heim, einkum við
Norður-Atlantshafið. Jón Hákon
Magnússon, framkvæmdastjóri
Kynningar og markaðar hf., segir
að með sýningunni flytjist til lands-
ins störf sem hingað til hafi verið í
höndum breskra aðila og auki þar
með virðisaukann af sýningu sem
þessari. Hann segir jafnframt að
sýningin sé liður í þeirri þróun sem
hafi átt sér stað á síðustu árum sem
miðist að því að gera ísland að mið-
stöð sjávarútvegs í Norður-Atlants-
hafi.
■ Ný íslensk/14
Hluthafar í SH nýttu
sér forkaupsréttinn
SJÖ hluthafar í Sölumiðstöð hrað-
frystihúsanna hafa nýtt sér for-
kaupsrétt sinn á 3,43% hlut Frosta
hf. í Súðavík í SH. Bréfin eru að
nafnvirði 51,3 milljónir króna og
voru seld miðað við gengið 5,012
eða fyrir 257,2 milljónir. Þar með
er orðið ljóst að ekkert verður af
sölu hlutabréfanna til fimm stofn-
anafjárfesta sem áður hafði verið
samið við með fyrirvara um for-
kaupsréttinn.
Þetta er í þriðja sinn sem hluthaf-
ar í Sölumiðstöðinni neyta for-
kaupsréttar að bréfum sem stofn-
anafjárfestar hugðust kaupa. Líf-
eyrissjóður verslunarmanna samdi
um kaup á 6,7% hlut Norðurtang-
ans í SH í byijun mars fyrir 475
milljónir, en bréfin voru seld til hlut-
hafa SH. í apríl var síðan samið
um sölu á 10% hlut ísfélags Vest-
mannaeyja í SH fyrir 740 milljónir
til stofnanafjárfesta. Tvö fyrirtæki
innan SH, Kristján Guðmundsson
ehf. á Rifi og Sigurður Ágústsson
hf. í Stykkishólmi, keyptu stærstan
hluta þeirra bréfa eða um 9% hlut.
■ Gengiðfrá/13
Alftirnar
kvaka
ÁLFTAFJÖLSKYLDA á
Bakkatjörn á Seltjarnarnesi
virtist alsæl með sig þrátt fyrir
rigninguna í gær. Fjölskyldan
hefur tjörnina út af fyrir sig því
varpparið hrekur aðrar álftir í
burtu á varptímanum.
Þetta er þriðja árið sem álft
verpir þar, að sögn dr. Ólafs
Einarssonar fuglafræðings.
Settust álftir þar fyrst að eftir
að hólmi var gerður í tjörninni.
Ef íslaust er á veturna hafast
20 til 30 álftir við á Bakkatjörn
enda hefur fólk tekið þeim vel
og gefið þeim.
Útgerð Sig-
urðar rukk-
uð um hafn-
argjöld
í Bodo
HAFNARYFIRVÖLD í Bodo í
Noregi hafa sent útgerð Sig-
urðar VE, sem norska
strandgæzlan færði til hafnar
í bænum í síðasta mánuði,
reikning vegna hafnargjalda.
Að sögn Sigurðar Einars-
sonar, útgerðarmanns Sigurð-
ar, barst íslenzka sendiráðinu
í Ósló reikningurinn og var
hann sendur áfram til útgerð-
arinnar, ísfélags Vestmanna-
eyja hf.
ísfélaginu er gert að greiða
1.080 norskar krónur i hafnar-
gjöld, eða rúmlega 10.000 ís-
lenzkar krónur.
Sigurður segist ekki hafa
ákveðið hvort hann greiði
reikninginn. „Mér finnst þetta
hálfhallærislegt," segir hann.
Broslegt
Eiður Guðnason, sendiherra
íslands í Noregi, segir að sér
þyki fremur broslegt að útgerð
skips, sem dregið sé nauðugt
til hafnar, sé gert að greiða
hafnargjöld. „Þetta er hálf-
gerð hótfyndni," segir Eiður.