Morgunblaðið - 25.11.1997, Blaðsíða 18

18 ÞRIÐJUDAGUR 25. NÓVEMBER 1997
MORGUNBLAÐIÐ
VIÐSKIPTI
Formaður danska EDI-ráðsins á haustráðstefnu EDI-félagsins
Fyrirtæki án rafrænna
viðskipta dæmd úr leik
„SUMIR halda því fram að útbreiðsla alnetsins muni ganga af stöðluð-
um, rafrænum viðskiptum dauðum en flest bendir hins vegar til að
þetta tvennt styrki hvort annað,“ segir Bjarne Emig, formaður danska
EDI-ráðsins.
ÍSLENDINGAR þurfa að leggja
meiri áherslu á þróun rafrænna við-
skipta en þeir hafa gert hingað til.
Slík viðskipti munu smám saman
verða mikilvægari, einkum fyrir lít-
il og meðalstór fyrirtæki, segir
Bjame Emig, formaður danska EDI
ráðsins. Emig er nú staddur hér á
landi og mun halda erindi á haust-
ráðstefnu EDI-félagsins, félags um
útbreiðslu staðlaðra viðskipta, á
Hóteli Loftleiðum kl. 14 í dag.
Emig hefur um árabil verið einn
helsti talsmaður fyrir útbreiðslu
rafrænna viðskipta í Danmörku og
tekið þátt í sameiginlegri mótun
stjórnvalda og samtaka atvinnulífs-
ins í þessum málum. Hann hefur
einnig tekið þátt í útbreiðslu raf-
rænna viðskipta í Evrópu en á þeim
vettvangi hefur mikið starf átt sér
stað, sérstaklega með samræmingu
staðla og þróun sameiginlegrar lög-
gjafar á þessu sviði innan Evrópu-
bandalagsins.
Skýr stefna Dana
I Danmörku hafa stjórnvöld
markað skýra stefnu í upplýsinga-
tæknimálum og svipar henni að
mörgu leyti til framtíðarsýnar ís-
lensku ríkisstjórnarinnar á þessu
sviði. Danir hafa þó gengið mun
lengra í að útfæra stefnuna og skil-
greina markmið en gert hefur verið
hérlendis, og sett fram dagsetning-
ar í þessu sambandi. Danir þykja
standa mjög framarlega í upplýs-
ingamálum og í ljósi þeirra metnað-
arfullu markmiða, sem íslendingar
hafa sett sér í upplýsingamálum, er
fróðlegt að kynnast því hvernig
Dönum hefur reitt af og hvert þeir
stefna á þessu sviði.
Danska EDI-ráðið er einn helsti
samstarfsaðili danskra yfirvalda á
þessu sviði og á ráðstefnunni segist
Emig ætla að fjalla um þá stefnu,
sem þessir aðilar hafa mótað í sam-
einingu. „Ég mun skýra frá því
hvemig Danir stóðu að mótun
stefnunnar, hvar við stöndum nú, og
hvernig við ætlum okkur að stefna
að því markmiði að verða allra
þjóða fremstir í upplýsingatækni
árið 2000. Þessi vinna gengur vel og
það er styrkur áætlunarinnar hve
margir taka þátt í henni. Þátttaka
ólíkra ráðuneyta og stofnana í henni
hefur verið mjög almenn, en auk
helstu ráðuneyta má nefna samtök
sveitarfélaga, aðila vinnumarkaðar-
ins og fjölmörg hagsmunasamtök."
Mikil áhersla á öryggi
Stefnt er að því að í árslok 1998
verði öll opinber fyrirtæki og stofn-
anir í Danmörku í stakk búin til að
hafa samskipti við hvern sem er á
rafrænu formi, sem fylgi alþjóðleg-
um stöðlum og að rafræn viðskipti
verði orðin almenn í dönsku efna-
hagslífi árið 2000. „Þessi vinna
gengur vel og ég á von á að við ná-
um settum markmiðum," segir
Emig. „Danir eru líklega komnir
lengst allra þjóða í þróun rafrænna
viðskipta og danska EDI-ráðið hef-
ur tekið upp samstarf við aðrar
þjóðir um frekari útbreiðslu þeirra,
þ.e. AustuiTÍkismenn, Norðmenn og
Svía. I stefnumótuninni er mikil
áhersla lögð á öi-yggisþáttinn og að
rafrænir viðskiptahættir fullnægi
síbreytilegum tæknikröfum. Sumir
halda því fram að útbreiðsla alnets-
ins muni ganga af stöðluðum, raf-
rænum viðskiptum dauðum en flest
bendir hins vegar til að þetta tvennt
styrki hvort annað. Netið er flutn-
ingsmiðill en rafræn viðskipti
ákveðinn samskiptamáti. Töluverð
lagasmíð hefur einnig átt sér stað
vegna rafrænna viðskipta og er nú
búið að samræma þau lagareglum
um önnur viðskipti."
Mikilvægt að hraða
þróunarvinnunni
Emig telur að íslendingar þurfi
að leggja meiri áherslu á þróun raf-
rænna viðskipta, ætli þeir að standa
jafnfætis Dönum á þessu sviði.
„Stefnan er í sjálfu sér ágæt en það
er mikilvægt fyrir ykkur að útfæra
hana nánar og koma einstökum
verkefnum af stað. Þannig öðlist þið
reynslu, sem mun skipta miklu máli
þegar þessir viðskiptahættir breið:
ast meira út og verða þungvægari. í
framtíðinni munu rafræn viðskipti
skipta miklu máli í viðskiptum, sér-
staklega fyrir lítil og meðalstór fyr-
irtæki, og án þeirra munu fyrirtæki
sjálfkrafa dæma sig úr leik í alþjóð-
legi'i samkeppni," segir Bjarne
Emig.
Hioo
Síðustu ár hefur skátahreyfingin selt sígrcen
eðaltré, í hæsta gœðaflokki og prýða þau nú
mörg hundruð íslensk heimili.
t* 10 ára ábyrgð
10 stcerðir, 90 - 370 cm
n- Stálfótur fylgir
Ekkert barr að ryksuga
t*. Truflar ekki stofublómin
Eldtraust
Þarfekki að vökva
íslenskar leiðbeiningar
Traustur söluaðili
Skynsamleg fjárfesting
/ SNORRABRAUT 60
Branson ekki í framboð?
London. Reutera.
RICHARD BRANSON, forstjóri
Virgin Group, hefur borið til baka
frétt um að hann ætli að fela 16 ára
dóttur sinni að stjórna fyrirtækinu
og bjóða sig fram í embætti borgar-
stjóra Lundúna.
Stjórn Verkamannaflokksins hef-
ur lofað að innleiða aftur borgar-
stjórnarkosningar í London og vill
kjörinn borgarstjóra með mikil
völd. Ríkisstjórn Ihaldsflokksins
lagði borgarstjórnina niður 1986.
Branson sagði að það yrði mikil
áskorun ef hann fengi að stjórna
London og útilokaði ekki einhverja
slíka ákvörðun, en sagði að hún yrði
erfíð vegna margra skuldbindinga
Virgin-fyrirtækisins.
Vátryggingaeftirlitið gagnrýnir kynningu
bresks líftryggingafélags hérlendis á ávöxtun
landinu sem miðað er við, rauná-
vöxtun þar og gengisþróun gagn-
vart íslenskri krónu.
Gagnrýni Vátryggingaeftirlitsins
beinist þó ekki eingöngu að tals-
mönnum þess breska líftrygginga-
félags sem tekið er dæmi af. Því er
haldið fram að ýmis fjármálafyrir-
tæki veiti viðskiptavinum ófull-
nægjandi og stundum villandi upp-
lýsingar.
Engar aðgerðir
Helgi Þórsson hjá Vátrygginga-
eftirlitinu vildi í samtali við Morg-
unblaðið ekki skýra frá því við
hvaða breska tryggingafélag væri
átt, enda hefði stofnunin ekki gripið
til neinna aðgerða gegn félaginu.
Fremur væri um að ræða tilmæli til
þeÚTa sem seldu slíka þjónustu um
að vanda sig við skýringar á henni.
Ráðstefnudagurinn
haldinn á morgun
RAÐSTEFNUDAGURINN verður
haldinn í fyrsta skipti á morgun
miðvikudaginn 26. nóvember. nk. á
Kjarvalsstöðum. kl. 10-18. Þar
munu 29 aðildarfélagar að Ráð-
stefnuskrifstofunni kynna aðstöðu
sína og þjónustu öllum þeim sem
eru í aðstöðu til að bjóða til ráð-
stefna á Islandi. Samhliða sýning-
unni verður haldin námstefna þar
sem ráðstefnugestgjafar munu
miðla af reynslu sinni. Ráðstefnu-
dagurinn verður opinn frá kl.
10-18.
Ingibjörg Sólrún Gísladóttir
borgarstjóri mun setja Ráðstefnu-
daginn 1997 formlega kl. 10,, en áð-
ur mun Pétur J. Eiríksson, stjórn-
arformaður Ráðstefnuskrifstofunn-
ar útskýra tilgang og markmið Ráð-
stefnudagsins. Erindi flytja þau Dr.
Guðmundur E. Sigvaldason, for-
stöðumaður Norrænu eldfjalla-
stöðvarinnar, dr. Arnar Hauksson,
yfirlæknir mæðradeildar Heilsu-
verndarstöðvar Reykjavíkur, Þor-
kell Sigurlaugsson, framkvæmda-
stjóri þróunarsviðs Eimskips, Lára
B. Pétursdóttir, deildarstjóri hjá
Ferðaskrifstofu Islands og Jóhanna
Kristín Tómasdóttir, framkvæmda-
stjóri Ráðstefnuskrifstofu íslands.
Að því búnu verður efnt til kynn-
inga á fyrirtækjum en í lok hennar
verður dregið úr hatti með nöfnum
þeirra sem skráðu sig til þátttöku
fyrir 17. nóvember sl. Sá heppni
hlýtur farseðil frá Flugleiðum í
verðlaun, ásamt dagpeningum í 4
daga frá Ráðstefnuskrifstofunni.
VÁTRYGGINGAEFTIRLITIÐ
hefur sent út dreifibréf til vátrygg-
ingamiðlara og líftryggingafélaga,
þar sem hörð gagnrýni er sett fram
á kynningar bresks líftryggingafé-
lags sem veitir þjónustu hér á landi.
Er látið að því liggja að verið sé að
leyna hugsanlega viðskiptavini upp-
lýsingum sem geti skipt þá miklu.
„I kynningarbæklingi bresks líf-
tryggingafélags er veitir þjónustu
hér á landi segir að meðalávöxtun
tiltekins sjóðs hafi verið 12,84% á
ári frá 1984. Þessar upplýsingar,
þótt réttar væru, eru gagnslausar
fyrir íslenska viðskiptavini vegna
þess að hér er gefin upp bresk
nafnávöxtun sem tilgreinir hvaða
ávöxtun þessi sjóður náði umfram
þá sem geymdu bresk pund undir
koddanum sínum. Upplýsingarnar
eru líka rangar vegna þess að ekki
er tekið fram að ávöxtunin sé nafn-
ávöxtun en Islendingar eru vanir
upplýsingum um ávöxtun umfram
vísitölu, að minnsta kosti í lang-
tímasamningum. Til þess að fá út
breska raunávöxtun þarf félagið að
taka breska verðbólgu út úr þeiiri
ávöxtun sem gefin var upp,“ segir í
bréfinu.
Að mati stofnunarinnar verður
að greina að verðlagsbreytingar í
láttu ekki peningana
fara I VSKinn
Hjá B&L fæst gott úrval af bílum til
atvinnustarfsemi sem undanþegnir
eru virðisaukaskatti.
Hyundai H100
Verð frá 1.186.345 kr. án vsk.
Afborganir á mánuði: 13.497 kr.*
Rekstrarleiga á mánuði: 25.605 kr.**
* Afborganir á mánuði m.v. 84 mán.
(Innborgun 25%) Lokaverð með vöxtum og kostnaði: 1.502.983
Einnig hægt að fá 100% lán i 72 mánuði.
** Miðaö við 3 ár og 60.000 km. akstur.
<B>
HYunoni
B&L, Suðurlandsbraut 14 & Ármúla 13, Sími:
575 1200, Söludeild: 575 1220, Fax: 568 3818
Gagnslausar upplýs-