Morgunblaðið - 28.02.1998, Blaðsíða 10

10 LAUGARDAGUR 28. FEBRÚAR 1998
MORGUNBLAÐIÐ
FRÉTTIR
Fannst líða
óratími meðan
rútan rann
Morgunblaðið/Birna Mjöl Atladóttir
RIJTAN lá á hliðinni en virtist í fljótu bragði lítið skemmd.
ÁRNI Einarsson, 25 ára gamall
fiskverkamaður í Patreksfirði,
annar tveggja farþega í rútunni
sem rann á hliðinni um 50
metra leið niður hlíð milli
Tálknafjarðar og Patreksfjarð-
ar á miðvikudag, kveðst hafa
verið að lesa þegar rútan fór út
af veginum. Árni þeyttist úr
sæti sínu yfir á hina hlið bílsins
þegar hann lagðist á hliðina og
skarst í andliti. Hinn farþeginn
er faðir hans, Einar Jónsson, og
sakaði hann ekki né heldur bíl-
stjórann.
„Það var mjög blint þegar
þetta gerðist. Ég var að lesa í
bók en varð ekkert sérstaklega
óttasleginn meðan á þessu stóð.
Það var helst rétt aðeins eftir á.
Ég var í sætinu vinstra megin í
rútunni og kastaðist fram fyrir
föður minn sem sat í sætinu við
hlið mér. Það þurfti að sauma
nokkur spor því ég lenti með
höfuðið á grind en það var svo
merkilegt að það brotnuðu eng-
ar rúður í bílnum," sagði Árni.
Hann vildi ekki gera mikið úr
meiðslum sinum.
Líklega runnið um 50 metra
„Ég veit ekki hve lengi rútan
rann á hliðinni en hún fór ansi
langa leið. Mér fannst líða óra-
túni og ég beið alltaf eftir því að
rútan ylti. Það gerðist sem bet-
ur fer ekki, en liklega hefur hún
runnið um 50 metra niður hlíð-
ina,“ sagði Árni.
Hann og faðir hans, Einar
Jónsson, komu fyrr um daginn
úr fiugi frá Reykjavík og var
lent í Bfldudal. Árna fannst nóg
um óróann í loftinu yfir Breiða-
firði og sagði að flugvélin hefði
tekið hressilegar dýfur. „Við
þurftum að herða ólina,“ sagði
Árni.
Árni og faðir hans ásamt
Torfa Andréssyni bflstjóra náðu
að skríða upp á veginn og voru
svo heppnir að eftirlitsmaður
frá Vegagerðinni átti einmitt
leið um veginn í sömu andrá og
þeir komust upp á hann. Árni
sagði að eftirlitsmaðurinn hefði
ekki átt von á mannaferðum
þarna.
„Það var ekki mikil umferð á
þessum slóðum. Ég var bara á
strigaskóm og í jakka en bfl-
stjórinn fór í kuldagalla sem
hann hafði í bflnum. Pabbi var
frekar vel klæddur. Það var
erfitt að krafla sig upp hh'ðina,
hún er brött og harðfennið mik-
ið,“ sagði Árni.
Árni fékk aðhlynningu á
sjúkrahúsi og voru saumuð
nokkur spor í höfuð hans.
Hann fór siðan beint í löndun
af spitalanum og var mættur
aftur til vinnu á fimmtudags-
morgun.
Aukin samkeppni framundan á raftækjamarkaði eftir að ELKO opnar stórmarkað með raftæki
Sumir umboðsmenn
lækka verð til samræmis
Sviptingar eru framundan á raftækjamark-
aði í kjölfar opnunar stórmarkaðar með
raftæki í dag, þar sem boðið er upp á flest-
ar tegundir raftækja á mjög lágu verði.
INNFLYTJENDUR og um-
boðsmenn raftækja höfðu sum-
ir hverjir brugðist við aukinni
samkeppni á raftækjamarkaði
með opnun stórmarkaðar ELKO
með raftæki í dag með því að lækka
verð til samræmis við það verð sem
auglýst var í sérstöku auglýsinga-
blaði fýrirtækisins, sem íylgdi Morg-
unblaðinu í gær. Aðrir sögðust hins
vegar bíða átekta og sjá hvert fram-
haldið yrði áður en þeir gripu til að-
gerða, að því er fram kom í samtöl-
um sem Morgunblaðið átti við
nokkra umboðsmenn raftækja í gær.
Birgir Skaptason, framkvæmda-
stjóri Japis, sem er umboðsaðili fyr-
ir Sony og Panasonic, sagði að í
auglýsingu ELKO væru tekin út
nokkrar tegundir af tækjum og þau
boðin á verði sem væri ekki í sam-
ræmi við raunverðmæti, en Japis
myndi bjóða sín tæki á sama verði
og ELKO byði. „Þetta eru að vísu
tímabundin tilboð og þeir taka fram
að þau gildi á meðan birgðir endast
eða einhverjir slíkir fyrirvarar eru
settir. Það læðist náttúrlega að okk-
ur sá grunur að þarna sé verið að
ginna fólk inn á fölskum forsendum,
það verður nú bara að segjast eins
og er,“ sagði Birgir ennfremur.
Hann sagði að á meðan ELKO
byði vöruna á þessu verði og ætti
hana til, mynd sama verð gilda í
Japis. Svo dæmi sé tekið býður
ELKO Sony KV29X1 29“ víðóma
sjónvarpstæki á 69.900 krónur.
Sama tæki kostaði 89.900 kr. í Japis
fyrir lækkun í 69.900 kr. Birgir
sagði að þarna væri um opnunartil-
boð að ræða og hann gæti ekki séð
að það væri líklegt að
þetta verð endurspegli
varanlega verðlagningu í
þessari verslun ELKO.
Japis hefði oft verið með
tilboð af þessu tagi eins
og til dæmis svokölluð hundadaga-
tilboð. Þegar menn opnuðu nýja
verslun væri ýmislegt gert til þess
að draga fólk að og honum fyndist
þetta verð bera þess merki. „Ég get
alveg fullyrt að þetta er ekki það
sem mætti kalla verðlistaverð í
þessari verslun. Það er nokkuð
ljóst,“ sagði Birgir.
Auk framangreinds sjónvarps-
tækis býður ELKO upp á Sony
hljómtækjasamstæður og mynd-
bandsupptökuvélar og Panasonic
mjmdbandsupptökutæki. Birgir
sagði að það væri alþekkt að þegar
menn væru að koma nýir inn á
markað væri settur í það ákveðinn
fórnarkostnaður. Þetta kæmi þeim
því ekkert á óvart. Þeir hefðu fylgst
með því hvernig þessi verslunar-
keðja ynni til að koma sér inn á
markaðinn og þetta væri alveg í
samræmi við þá aðferð sem þeir
hefðu notað til þess annars staðar.
Hann bætti því við að ELKO væri
nú þegar stór viðskiptavinur Japis
og hefði í aðdraganda opnunar sinn-
ar keypt verulegt magn af vörum
hjá Japis.
Ekki viðgerðarþjónusta
Morgunblaðið gerði í nokkrum
tilfellum samanburð á því verði sem
auglýst er í auglýsingablaði ELKO
og á verði hjá umboðsmönnum
þessara merkja. Nokkrum vand-
kvæðum var bundið í sumum tilvik-
um að finna nákvæmlega sömu tæk-
in. Þannig er til dæmis auglýst
þvottavél, uppþvottavél, eldavélaofn
og helluborð frá Siemens
í blaði ELKO, en það var
einungis þvottavél ná-
kvæmlega sömu gerðar
sem fékkst hjá Smith og
Norland, umboðsaðila
Siemens hér á landi. Kostaði þvotta-
vélin 49.800 kr. hjá Smith og Nor-
land, en 39.900 kr. samkvæmt aug-
lýsingu ELKO, eða tæpum tíu þús-
und krónum minna.
Jón Norland, framkvæmdastjóri
Smith og Norland, sagði að þeir
héldu alveg ró sinni þrátt íyrir þessi
tilboð. Verslun ELKO væri að opna
og byði tækin á niðursettu verði og
þeir myndu bara fylgjast með hver
þróunin yrði. Þama væri boðið upp á
4-5 tegundir tækja, en Smith og Nor-
land væri með alhliða þjónustu fyrh-
Siemens-tæki alls staðar á landinu og
því væri ólíku saman að jafna.
Jón sagði að Smith og Norland
væri ekki í neinu samstarfi við
þessa aðila og myndi ekki sinna við-
gerðarþjónustu fyrir þessi tæki.
Ekki væri búið að ganga endanlega
frá hvernig að því yrði staðið, en
Smith og Norland hefðu ekki tekið
að sér neina þjónustu fyrir þessar
vörur. „Við erum ekki yfirlýs-
ingaglaðir hér í þessu fyinrtæki. Við
hrópum ekki á torgum. Smith og
Norland hefur verið með Siemens-
einkaumboð á Islandi frá árinu 1920
og við verðum það áfram,“ sagði
Jón.
Hann sagði að Smith og Norland
hefði byggt upp umboðsmannanet í
kringum landið og þessir umboðs-
menn hefðu séð um sölu og viðgerð-
arþjónustu hver á sínun svæði.
Svona stórmarkaður væri mikil ógn
við slíkt umboðsmannakerfi, því ef
hér yrði verðstríð, yrði mjög erfitt
fyrir fyrirtæki að þjóna umboðs-
mönnum og það ætti eftir að bitna á
fólki úti á landi, sem myndi fá verri
þjónustu fyrir vikið.
Fólki gefin varan
Bræðurnir Ormsson eru umboðs-
aðilar fyrir AEG, Sharp, Pioneer og
fleiri raftækjaframleiðendur.
ELKO býður upp á nokkur tæki frá
AEG, en við skjóta athugun fundust
ekki nákvæmlega sömu tegundir
tækja hjá umboðsmanninum.
Andrés Sigurðsson, framkvæmda-
stjóri, sagði að ELKO virtist vera
að gefa fólki vöruna með því að selja
hana á þessu verði. Hann sagðist
bíða eftir að sjá verðlagið á öllum
vörum í búðinni. Það væri hæpið að
bera saman auglýst verð á 2-3% af
vöruúrvalinu þegar heildarmyndin
lægi ekki fyrir. Maður þyrfti að sjá
hver verðlagningin væri á hinum
97% af vörunum. Það væri eiginlega
aðalatriðið.
Andrés sagði að viðbrögð Bræðr-
anna Ormsson myndu ráðast af
heildarverðlagningunni hjá ELKO.
„Hún getur ekki mótast í sjálfu sér
af þessum einstöku vönnn sem þeir
eru að tína út úr og „gefa“ innan
gæsalappa. Ég kalla það að gefa
vöru þegar það er ekki gert ráð fyr-
ir því að hún borgi með álagning-
unni laun starfsmannanna, húsa-
leigu og annan beinan kostnað,"
sagði Andrés.
Hann sagði að það væri alveg
ljóst að ELKO væri með undirboð-
um að reyna að ná stöðu á markaðn-
um. Aðspurður hvort þeir myndu
bjóða upp á þjónustu við þær vörur
sem keyptar væru hjá ELKO, sagði
hann að auðvelt væri að þjónusta
vörur sem væru þær sömu og
Bræðurnir Ormsson byðu upp á. Að
sjálfsögðu bæru Bræðurnir Orms-
son hins vegar ekki ábyrgð á þeim
vörum sem ELKO flyttí inn, þó þar
væri um að ræða vörumerki sem
þeir hefðu umboð fyrir. Ef hins veg-
ar væri um að ræða eðlilegt við-
skiptaumhverfi, þar sem ELKO,
með þetta nýja rekstrarform, legði
á vörur sínar til þess að dekka
kostnað, þannig að þeir að minnsta
kosti ættu fyrir öllum
rekstrarliðum, þá væru
Bræðumir Ormsson
hugsanlega tilbúnir til
þess að skoða samstarf
um þjónustu við þau
vörumerki sem þeir hefðu umboð
fyrir.
Verðum með sam-
keppnishæft verð
ELKO býður einnig upp á vörur
frá Philips, Whii-lpool og Sanyo, svo
dæmi séu tekin, sem Heimilistæki
hafa umboð fyrir. Þar má til dæmis
finna myndbandstæki frá Philips,
VR171, sem kostar 17.900 kr. Rafn
Johnson, framkvæmdastjóri Heim-
ilstækja, sagði að fyrirtækið hefði
auglýst um þó nokkurn tíma að
Philips-vörur fengjust ekki ódýrari
annars staðar en hjá Heimilistækj-
um og þeir myndu áfram standa við
það fyrirheit. „Verðið hér verður
sambærilegt við það sem ELKO er
með. Það er ákveðin stefna hjá okk-
ur,“ sagði Rafn.
Hann sagði að þarna væri um að
ræða sérstök tilboðsverð sem aug-
lýst væru í þessu auglýsingablaði,
en að öðru leyti lægi ekki fyrir hver
verðstefna ÉLKO yrði. Það væri
ekki annað vitað um verðlagninguna
en það sem kæmi fram í þeim til-
boðum sem auglýst hefðu verið í
gær. Þau væru vissulega hagstæð,
en Heimilistæki væru líka alltaf að
bjóða hagstæð tilboð í þessum efn-
um. Þarna væri stórt fyrirtæki og
verslun á ferðinni og þessi sam-
keppni kæmi til viðbótar þeirri sam-
keppni sem væri fyrir á raftækja-
markaði. Hörð samkeppni hefði ríkt
á þessum markaði á undanfórnum
árum og verð á raftækjum á Islandi
hefði farið lækkandi í kjölfarið.
Rafn bætti því við að Heimilis-
tæki hefðu nýverið opnað nýja
verslun, sem væri mun stærri en sú
fyrri hefði verið. Þeir myndu stefna
að því að veita þar góða og persónu-
lega þjónustu sem væri kannski dá-
lítið öðru vísi en gerðist í stórmörk-
uðum. „Við stefnum áfram að því að
bjóða verð sem er fyllilega sam-
keppnishæft á markaðnum," sagði
Rafn að lokum.
Verða með
lægsta verðið
ELKO auglýsir einnig farsíma
frá Nokia á 17.900 kr. Sama gerð af
síma kostar hjá Hátækni, sem er
umboðsaðili fyrir Nolda
farsíma, 23.900 krónur.
Gunnar Þór Þórðarson,
markaðsstjóri hjá Há-
tækni, sagði aðspurður
hvernig þeir hygðust
bregðast við þessari samkeppni fra
ELKO að ekki væri búið að ákveða
það ennþá. Viðbrögðin yrðu ein-
hver, en fyrirtækið starfaði á dálítið
öðrum vettvangi. Það væri mikið í
þjónustu og væri með fullkomið við-
gerðai-verkstæði.
Gunnar sagðist hins vegar telja
að það væri alveg ljóst að ELKO
yrði með lægsta verðið. Eins og þeir
segðu í auglýsingum sínum ætluðu
þeir að vera með lægsta verðið og ef
einhver lækkaði sig niður fyrir þá
myndu þeir jafna það. Hann teldi
því ekki að neinn myndi fara í beint
verðstríð við þá.
Ekki það sem
mætti kalla
verðlistaverð
Heildar-
myndin liggur
ekki fyrir