Morgunblaðið - 28.02.1998, Blaðsíða 13
MORGUNBLAÐIÐ
LAUGARDAGUR 28. FEBRÚAR 1998 13
FRÉTTIR
Morgunblaðið/Ami Sæberg
FRÁ opnun nýs húsnæðis í Smáraskóla.
SMÁRASKÓLI að lokinni viðbyggingu.
Kennsluhúsnæði
Smáraskóla stækkar
ÞRIÐJI og næstsíðasti áfangi að
Smáraskóla í Kópavogi var formlega
tekinn í notkun síðastliðinn fimmtu-
dag. Með honum lýkur byggingu eig-
inlegs skóiahúsnæðis því fjórði
áfangi, sem ætlað er að tilbúinn
verði fyrir næsta skólaár, mun hýsa
bókasafn og aðra þess háttar starf-
semi.
Smáraskóli var stoftiaður haustið
1994 en framkvæmdir að þriðja
áfanga, sem er samtals 1445 fer-
metrar að stærð, hófust haustið
1996. Með honum fjölgar almennum
kennslustofum um átta, auk þess
sem við bætist handmenntastofa,
tómnenntastofa, tvær stofúr til heim-
ilisfræðikennslu og aðstaða til
dægradvalar.
Verktaki þessa áfanga var Ólafur
og Gumiar ehf. en arkitektar skólans
eru Sveinn Ivarsson og Guðmundur
Gunnarsson. Nemendafjöldi skólans
er nú 463 talsins í 1. til 8. bekk en
stækkar óðum vegna fjölgunar í
hverfinu. Jafnframt er ætlunin að
næsta vetur taki til starfa 9. bekkur
og telst þá skólinn tilbúinn að fullu.
Ofbeldi gagnvart börnum á árunum 1993-1997
1.729 börn á slysadeild
og 129 á sjúkrahús
1.729 BÖRN, þar af 1.149 drengir
og 576 stúlkur, sem höfðu verið
beitt ofbeldi komu á slysadeild
Sjúkrahúss Reykjavíkur árin
1993-1997. Þá voru 124 börn lögð
inn á Bamaspítala Hringsins á
sama tímabili, þar af 109 stúlkur og
19 drengir, vegna gruns um of-
beldi. Langflest barnanna, eða 95,
voru lögð inn vegna gruns um kyn-
ferðislegt ofbeldi. Þetta kemur
fram í svari Ingibjargar Pálma-
dóttur heilbrigðisráðherra við fyr-
irspurn Kristínar Astgeirsdóttur á
Alþingi.
I svari heilbrigðisráðherra kem-
ur fram að barnaverndaryfirvöld-
um er í öllum tilvikum gert viðvart
ef grunur vaknar um ofbeldi eða
vanrækslu. Flest barnanna sem
komu á Barnaspítala Hringsins til
skoðana og rannsókna vegna of-
beldis voru talin hafa verið beitt
kynferðislegu ofbeldi. Börnunum
er í nær öllum tilvikum vísað til
spítalans af barnaverndarnefndum
eða félagsmálayfii’völdum í heima-
byggð bamsins og era niðurstöður
skoðana og rannsókna sendar
sömu aðilum.
Komur barna á Slysadeild árin 1993-1997
þar sem ofbeldis er getið í sjúkraskýrslum
Skipt niður eftir aldri og kyni
Drengir voru 1.149
Stúlkur voru 576
(kyn óskráð við 4 komur)
ALLS: 1.729 komur á 5 árum
rm
133
0 - 4 ára
börn
187
66
5 - £ I ára
206
'Z3
<55
börn
10 -14 ára
börn
171
15- 16ára
börn
86 böm á aldursbilinu 12-16 ára
leituðu til neyðarmóttöku vegna
nauðgunar á áranum 1993-1997.
Þar af voru stúlkur 81 og drengir
fimm. A sama tímabili leituðu 49
stúlkur og tveir drengir á aldrinum
17-18 ára til neyðarmóttökunnar.
Þrír Islendingar fá
sænska orðu
KARL Gústav XVI Svíakonungur
hefur tilnefnt þrjá Islendinga,
Björn Jónasson, ræðismann Sví-
þjóðar á Siglufirði, Gunnlaug P.
Kristinsson, ræðismann Svíþjóðar
á Akureyri, og Pál Zóphóníasson,
ræðismann Svíþjóðar í Vest-
mannaeyjum, til riddara með Kon-
unglegu Norðurstjörnuorðunni.
Björn og Páll eru tilnefndir til
riddara af fyrstu gráðu og Gunn-
laugur til stórriddara. Tilnefning-
in er fyrir margra ára þjónustu
sem ræðismenn Svíþjóðar á ís-
landi.
Par Kettis, sendiherra Svíþjóð-
ar á Islandi, afhendir Birni, Gunn-
laugi og Páli orðurnar við hátíð-
lega athöfn í sænska sendiráðinu í
Reykjavík 14. mars.
Trilla eyði-
lagðist í eldi
FJÖGURRA tonna trébátur,
Baldvin ÞH 15, gjöreyðilagð-
ist í eldi í höfninni í Raufar-
höfn í fyiTÍnótt. Vel gekk að
slökkva eldinn en að sögn lög-
reglunnar er talið að hann hafi
kviknað út frá kabyssu trill-
unnar.
Starfsmaður í loðnubræðslu
SR á Raufarhöfn varð eldsins
var og kallaði til slökkvilið og
lögreglu laust íyrá- klukkan 2
í fyrrinótt. Hvasst var og dá-
lítil úrkoma en að sögn lög-
reglunnar truflaði það ekki
slökkvistarfið sem gekk greið-
lega. Báturinn hefur verið
gerður út frá Raufarhöfn og
er talinn gjörónýtur.
Fyrsti formlegi fundur milli íslands og Bandarikjanna um hátíðarhöld vegna aldamóta
__ >
„Tillögum Islands
vel tekið“
s
Sendiherra Islands í Washington ásamt
formanni og framkvæmdastjóra landa-
fundanefndar funduðu á fímmtudag með
fulltrúum aldamótanefndar Hvíta hússins,
The White House Millenium Council, í því
skyni að skiptast á skoðunum um undir-
búning hátíðar í tilefni aldamóta.
FUNDUR sendiherra íslands og
forkólfa landafundanefndar ásamt
fulltrúum aldamótanefndar Hvíta
hússins var fyrsti formlegi fundur-
inn sem haldinn hefur verið til að
ræða samstarf landanna tveggja á
þessu sviði, að sögn Jóns Baldvins
Hannibalssonar sendiherra.
Starfsáætlun
tilbúin í vor
Einar Benediktsson, fram-
kvær.idastjóri landafundanefndar,
segir að á fundinum hafi verkefni
nefndarinnar verið kynnt og það
starf sem framundan er, einkum að
leggja tillögur fyrir ríkisstjórn ís-
lands um hátíðarhöldin árið 2000
um það sem stutt verði í tengslum
við fjárlagagerð í þessu sambandi.
Landafundanefnd hafi sett sér það
takmark að starfsáætlun og for-
gangsröðun verkefna liggi fyrir í
maí.
„Þá skýrðum við frá því að fjöl-
margar tillögur hefðu komið fram
um viðburði sem kæmi til greina að
styrkja vestanhafs árið 2000. Þá
ræddum við um það samstarf sem
gætu augljóslega orðið okkur og
báðum aðilum til gagns og að efnt
verði til frekari fundahalda þegar
íslensku tillögurnar fara að fá á sig
skýrara svipmót," segir Einar.
Hann segir að Sigurður Helgason
formaður landafundanefndar og
hann sjálfur hafi jafnframt komið á
framfæri áhuga íslendinga á því
starfi sem fram fer innan Hvíta
hússins í tengslum við aldamótaárið
og áhuga Islendinga á að taka þátt í
því starfi. „Hugmyndum okkar og
tillögum var mjög vel tekið og lýstu
báðir aðilar yfir miklum áhuga á að
halda áfram nánu samstarfi í fram-
tíðinni," segir Einar.
Jón Baldvin segir að niðurstaða
samtala forseta íslands og forseta
Bandaríkjanna seinasta sumar hafi
verið sú að Island yrði eitt þeirra
ríkja sem Bandaríldn myndu efna
sérstaklega til samstarfs við vegna
aldaskipta. Forseti Bandaríkjanna
hafi síðan staðfest þetta í ræðu sem
hann hélt 25. ágúst í bandaríska
þjóðskjalasafninu, þegar hann
nefndi til fimm ríki sem samvinna
verður höfð við vegna málsins.
Löndin fimm era England og
Frakkland vegna sögulegra
ástæðna, Þýskaland vegna þess að
það er gestgjafi heimssýningarinn-
ar aldamótaárið, Ástralía vegna
þess að hún er gestgjafi Ólympíu-
leikanna það ár og Island, vegna
sögulegra tengsla íslendinga við
nýja heiminn sem fyrstu Evrópu-
mennirnir sem sigldu til nýja
heimsins og tóku þar land.
„Hefur gríðarlega þýðingu"
„Það er mjög mikill heiður og
ávinningur að Island skuli vera í
hópi þeirra ríkja sem þjóðarleiðtogi
Bandaríkjanna vekur sérstaka at-
hygli á að hann vilji eiga samstarf
við. Það er þessu málefni okkar til
mikils framdráttar vestanhafs,"
segir Einar.
Jón Baldvin kveðst þeirrar skoð-
unar að yfirlýsing Bandaríkja-
manna í þessu sambandi feli í sér
viðurkenningu á siglingum og
landafundum forfeðra okkar. „Það
er ljóst að Bandaríkjamenn villast
ekkert á heimilisfangi Leifs Eiríks-
sonar. Viljayfirlýsing Bandaríkja-
manna um að mynda samstarfs-
nefnd með íslendingum um að
minnast landafunda, hefur gríðar-
lega og ómetanlega þýðingu fyrir
Island. I krafti þess gætum við leit-
að til margra aðila hér í Bandaríkj-
unum og átt miklu meiri von um
stuðning en ella hefði verið. Ekki
aðeins vaknar sú spurning hvað við
getum gert í Bandaríkjunum, held-
ur einnig sú spurning hvað Banda-
ríkjamenn munu gera á fslandi. Við
fáum stórkostlegt tækifæri til að
kynna landafundi okkar og við get-
um nýtt það ef við fáum aðgang að
þeim miðlum sem þarf til, þ.e. kvik-
myndum, sjónvarpsþáttum, vefnum
o.s.frv.,“ segir Jón Baldvin.
Hann segir að þær hugmyndir
sem komu fram á fundi forseta ríkj-
anna tveggja í fyrra, um hugsanlega
gerð teiknimyndar til að minnast
landafunda Leifs Eiríkssonar, hafi
verið ræddar í fullri alvöru. „Teikni-
mynd af því tagi sem Walt Disney
er þekktastur fyrir hefði gríðarlega
stóran áhorfendahóp, sérstaklega
meðal yngri kynslóðarinnar, þannig
að ef slíkt verkefni tækist væri það
sennilega það fljótvirkasta, áhrifa-
ríkasta og besta sem við gætum
gert. Hins vegar er mér tjáð að frá
undirbúningi og að sýningu slíkrar
myndar verði menn að áætla að
minnsta kosti sex ár, þannig að ljóst
er að það yrði ekki alveg á næst-
unni,“ segir Jón Baldvin.
Starfi nefndar-
innar hleypt af
I framhaldi af ræðu sinni í ágúst
skipaði forseti Bandaríkjanna mikla
nefnd, The White House Millenium
Council, sem er ætlað að undirbúa,
skipuleggja og bera ábyrgð á þess-
um hátíðarhöldum innan Bandaríkj-
anna og í samstarfi við þessi fimm
lönd. Forystumaður nefndarinnar,
Ellen McCulloch-Lowell, er sér-
stakur ráðgjafi forsetahjónanna.
Fyrir u.þ.b. tveimur vikum var
þessu starfi, Millenium Council,
hleypt formlega af stokkunum með
samkomu í Hvíta húsinu, en hún var
sú fyrsta af mörgum fram til ársins
2000. Viðfangsefni samkomunnar
nú var spurningin: „Hvað geta
Bandaríkjamenn lært af sögu
sinni?“ og stýrði Hillary Clinton
forsetafrú samkomunni og forsetinn
flutti ávarp, en heiðursgestur og að-
alræðumaður var sagnfræðiprófess-
or frá Harvard-háskóla, Baylin að
nafni.
„Þetta var fyrsti fundur frá Hvíta
húsinu sem fram fór á vefnum, og
voru 140 háskólar tengdir, þannig
að þátttakendur, sem vora 250 til
300 talsins í Hvíta húsinu og saman-
stóðu af sagnfræðingum, heimspek-
ingum og menningarforkólfum og
sendiherrar ríkjanna fimm sem
Bandaríkin hafa sérstakt samstarf
við, tóku þátt í umræðunum sem
voru skemmtilegar og líflegar fyrir
vikið,“ segir Jón Baldvin.