Morgunblaðið - 28.02.1998, Page 12

12 LAUGARDAGUR 28. FEBRÚAR 1998
MORGUNBLAÐIÐ
FRÉTTIR
Sjálfstæðismenn í borgarstjórn kynna hugmyndir í skipulagsmálum
Ibúðabyggð en
ekki höfn í
Geldinganesi
Byggð verði með ströndinni
SJALFSTÆÐISMENN í borgar-
stjóm leggja til að framkvæmdir í
Geldinganesi verði stöðvaðar þegar
í stað og að allt nesið yerði skipulagt
undir íbúðabyggð. Árni Sigfússon
oddviti Sjálfstæðisflokks í borgar-
stjórn, bendir á að 75% tekna sveit-
arfélaga væru útsvarsgreiðslur og
að útsvai'sgreiðendur hefðu leitað í
nágrannabyggðir vegna skorts á
áhugaverðum nýbyggingasvæðum á
yfírstandandi kjörtímabili. Vilhjálm-
ur Þ. Vilhjálmsson borgarfulltrúi
sagði að breyta mætti gildandi aðal-
skipulagi og benti á Hallir við Vest-
urlandsveg sem nýbyggingarsvæði
fyrir atvinnustarfsemi. Inga Jóna
Þórðardóttir borgarfulltrúi líkti
skipulagstillögum Reykjavíkurlist-
ans við fyrri hugmyndir um byggð
við Rauðavatn. „Við viljum byggja
með ströndinni en ekki upp til
heipa,“ sagði hún.
A fundi með blaðamönnum, sem
borgarstjómarfíokkur sjálfstæðis-
manna boðaði til vegna fram-
kvæmda í Geldinganesi, sem þegar
eru hafnar, kom fram að Aðalskipu-
lag Reykjavíkur yrði þegar í stað
tekið upp og breytt og Geldinganes
lagt undir íbúðabyggð en ekki höfn
og hafnsækna starfsemi með upp-
fyllingu við Eiðsvík, nái flokkurinn
meirihluta í vor. Fram kom á fund-
inum að Geldinganes væri talið
hentugasta landið undir íbúðabyggð
í borgarlandinu og að eftir að
Reykjavík og Kjalarnes hafa sam-
einast sé það nánast í miðju borgar-
landinu. Forsendur fyrir nýtingu
nessins hafí því gjörbreyst. Sagði
Árni að stöðugt fleiri borgarbúar
sjái að stefna Reykjavíkurlistans
væri röng þegar nýta ætti eitt feg-
ursta byggingasvæðið undir iðnað-
ar-, atvinnu- og geymslusvæði.
Afleiðingamar væru að framtíðar
íbúðasvæði glataðist og Reykjavík
missti útsvarsgreiðendur yfir til ná-
grannasveitarfélaganna.
„Geldinganes og Álfsnes era
framtíðar byggingasvæði borgar-
innar og forsendan er að Sunda-
brautin verði byggði yfir Klettsvík í
Gufunes, þaðan í Geldinganes, Álfs-
nes og Kollafjörð, en án brautarinn-
ar verður erfítt að sjá svæðin sem
áhugaverð," sagði Árni. „I okkar
hugmynd felst að í Geldinganesi
verði íbúðabyggð fyrir 7-8 þús. íbúa
og að í Álfsnesi verði blönduð byggð
eða íbúðabyggð, atvinnusvæði og
stórskipahöfn á norðanverðu nes-
inu. Athuganir sýna að þar er ágæt
hafnaraðstaða og aðkoma, en ekki
er talin þörf á nýju hafnarsvæði
næstu 12-15 ár.“ Minnti Ami á að
Álfsnesið næði yfir svipað landsvæði
og Kópavogur, enda væri gert ráð
fyrir 20 þús. manna byggð á nesinu.
Ami sagðist velta því fyrir sér
hvað væri hafnsækin starfsemi með
hliðsjón af þeim fyrirtækjum sem
sækjast eftir lóðum í nálægð við
höfn. „Er um hafnsækna starfsemi
að ræða eða eru fyrirtæki farin að
sækja í hafnarsvæði vegna skorts á
atvinnulóðum," sagði hann. „Fyrri
hugmyndir um Geldinganes miðuð-
ust við að þar yrðu reistar verk-
smiðjur og að skip kæmust þar að,
en í dag dettur engum í hug að setja
niður verksmiðjur í borgarlandinu,
en eftir situr stórskipahöfnin."
Skortur á atvinnulóðum
Vilhjálmur Þ. Vilhjálmsson borg-
arfulltrái sagði að skortur væri á at-
vinnulóðum í borginni og að ekkert
nýtt svæði hafí verið tekið undir
slíka starfsemi á yfirstandandi kjör-
tímabili. Sagði hann að líkja mætti
lóðarskorti almennt við ástandið
eins og það hafi verið í lok kjörtíma-
bils vinstrimanna árið 1978-82.
„Innan núverandi borgarmarka era
Morgunblaðið/RAX
í GELDINGANESI er hafið gijótnám á vegum borgarinnar og þar er samkvæmt Aðalskipulagi gert ráð fyrir
hafnarsvæði með uppfyllingum í Eiðsvík og annarri atvinnustarfsemi. Borgarstjórnarflokkur sjálfstæðis-
manna vill snúa við blaðinu og skipuleggja íbúðabyggð í Geldinganesi og hætta við hafnarframkvæmdir og
benda þess í stað á mögulegt hafnarsvæði á norðanverðu Álfsnesi.
BORGARFULLTRÚAR Sjálfstæðisflokksins, þau Vilhjálmur Þ. Vil-
hjálmsson, Inga Jóna Þórðardóttir og Árni Sigfússon, kynntu tillögu
um að framkvæmdir í Geldinganesi yrðu stöðvaðar þegar í stað og að
allt nesið yrði skipulagt undir íbúðabyggð.
ekki miklir möguleikar á atvinnulóð-
um,“ sagði hann. „Þeir opnast með
Álfsnesinu en þau svæði er ekki
hægt að nýta fyrr en Sundabrautin
er komin. Svæðin sem gildandi aðal-
skipulag gerir ráð fyrir undir at-
vinnustarfsemi eru nánst uppbyggð.
Það er því ekkert framboð af stór-
um lóðum undir atvinnustarfsemi en
við höfum ákveðið að leggja til að
nýtt svæði, við Hallir við Vestur-
landsveg, verði lagt undir atvinnu-
starfsemi í stað íbúðabyggðar. Þetta
er um 32 hektarar og liggja vel við
samgöngum milli stofnbrauta."
Inga Jóna Þórðardóttir borgai’-
fulltrúi minnti á stefnu vinstri-
manna, sem vildu byggja upp við
Rauðavatn en Sjálfstæðisflokkurinn
hafi viljað byggja með ströndinni.
„Það sama á við nú,“ sagði hún.
„Það eina sem R-listinn hefur skipu-
lagt er Grafarholtið, sem er meira
en 100 metrum yfir sjávarmáli og er
ekki ákjósanleg hæð fyrir íbúða-
byggð. Við viljum hverfa að strönd-
inni, sem er eftirsóknarverð undir
íbúðabyggð."
Fréttavefur Morgunblaðsins opnar mönnum nýja möguleika á að fylgjast með fréttum
Yfír 124 þúsund heim-
sóknir á einum mánuði
FORSÍÐA Fréttaveíjar Morgunblaðsins eins og hún leit út siðdegis í
RÉTTUR mánuður er nú liðinn frá
því Fréttavefur Morgunblaðsins
hóf göngu sína og eru heimsóknir á
vefinn orðnar 124.683 á þeim tíma.
Blaðinu hafa borist fjölmörg bréf,
ekki síst frá íslendingum búsettum
erlendis, sem þakka framtakið og
segjast vera komnir í nýtt sam-
band heim.
Fréttir eru birtar á vefnum nán-
ast jafnóðum og þær eru skrifaðar.
Fréttavefurinn nýtist m.a. þeim
sem geta t.d. ekki náð útvarps-
fréttum á vinnustað en geta með
tölvunni heimsótt vefmn. Á þann
hátt fá þeir yfirlit nýjustu frétta.
Skipta má Fréttavef Morgun-
blaðsins í þrjá þætti. I fyrsta lagi
eru nýjustu fréttimar sem birtar
eru á forsíðu vefjarins. Þegar um er
að ræða umfangsmiklar fréttir eða
efni sem telja má að verði áfram til
umræðu getur ritstjóm Frétta-
vefjarins sótt aðrar fréttir, frétta-
skýringar eða annað sem tengjast
fréttinni og birt lista yfír þær. Þar
getur einnig verið um að ræða efni
sem ekki hefur birst í blaðinu
sjálfu. Lesandi getur þá flett þeim
upp, vilji hann fræðast frekar.
I öðru lagi er vísað á ítarefni á
öðrum vefsíðum og má sem dæmi
nefna að þegar lokaskýrslan um
bankamálið í Færeyjum var til um-
fjöllunar var hægt að vísa á hana
15 mínútum eftir að hún var birt
opinberlega.
í þriðja lagi er boðið uppá að
menn geti skoðað einstaka efnis-
flokka. Þannig má fletta uppá ein-
ungis íþróttafréttum, innlendum
eða erlendum fréttum, sjávarát-
vegi, viðskiptum, tölvum og tækni
og munu fleiri efnisflokkar bætast
við á næstunni.
Sem fyrr segir eru heimsóknir á
Fréttavefínn orðnar vel yfir 124
þúsund á einum mánuði. Sé litið á
einstaka þætti kemur í ljós að
heimsóknir á fasteignavef eru
kringum 12 þúsund, hátt í fjögur
þúsund hafa skoðað flokkinn um
Halldór Laxness og liðlega 400 um
Ástardrykkinn.
Góðar erlendar fréttir
Margar kveðjur og orðsendingar
hafa borist blaðinu frá lesendum
Fréttavefjarins, íslenskum sem er-
lendum, fólki búsettu erlendis og
hérlendis. Frá Kanada skrifaði Is-
lendingur meðal annars:
„Ég er búinn að búa erlendis ár-
um saman og er löngu hættur að
kippa mér upp við yfirvofandi sjó-
mannaverkfall, sameiningu hreppa
eða annað það sem fréttnæmt þyk-
ir á Islandi. Ekki það að ég telji
slíkar fréttir ómerkari en aðrar, en
þær koma mér bara ekki mikið við.
Án efa þyrfti ég ekki að búa lengi á
Islandi til að það breyttist. Aðal
ástæða þess að ég hef ítrekað kall-
að upp vefsíðumar ykkar er sú að
þar fæ ég gott yfirlit um það sem
er að gerast í heimsfréttunum.
Sem dæmi um þetta þá skoðaði
ég um daginn helstu fréttatengdar
vefsíður héraa vestan hafs (CNN,
Pathfinder, Time o.s.frv.) og var
þar erfitt að finna nokkuð annað en
fréttir af meintu ástarsambandi
Clintons og Lewinsky. Af erlend-
um fréttum var lítið og þá einungis
um vopnadeiluna við Irak. Á sama
tíma mátti finna á Moggasíðunum
fréttir frá Kyrrahafinu, frá Kýpur,
frá Evrópu auk ofangreindra
frétta. Þar sem fréttaefnið skarað-
ist var umfjöllun hjá ykkur hnit-
miðaðri.“
Kærkomið eftir 44 ára
búsetu erlendis
í kveðju frá konu í Bandaríkjun-
um þakkar hún fyrir að sjá nú
Morgunblaðið á netinu, hún hafi
vonað að þetta myndi gerast ein-
hvern daginn. „Ég hef verið að
heiman í 44 ár svo þið skiljið
hversu mikils virði þetta var fyrir
mig,“ segir hún og skrifaði kveðj-
una á ensku.
Þá þakkar einn fyrir það kær-
komna tækifæri að geta fylgst dag-
lega með fréttum að heiman; frá
Danmörku skrifar einn að á vefn-
um myndist mikilvægur gagna-
banki, annar skrifar þaðan að vef-
urinn geri gys að öðrum vefjum og
frá Hollandi skrifar lesandi að
þessi vefur opni íslendingum er-
lendis nýjan glugga heim. Þá segir
einn að hönnun sé skýr og góð og
tengingar liprar og kona ein segir
að nú geti bóndi sinn meira að
segja fylgst með boltanum.