Morgunblaðið - 07.03.1998, Blaðsíða 4

4 LAUGARDAGUR 7. MARZ 1998
MORGUNBLAÐIÐ
FRÉTTIR
Frama-
dagar í
Þjóðarbók-
hlöðunni
ATVINNULÍFSDAGAR há-
skólanema, svokallaðir Frama-
dagar, fóru fram í Þjóðarbók-
hlöðunni í gærdag. AIESEC,
alþjóðasamtök viðskipta- og
hagfræðinema, standa fyrir
Framadögum sem nú eru
árviss viðburður. Á Framadög-
um kynna fyrirtæki starfsemi
sína og er markmiðið að efla
tengslin milli háskólans og
atvinnulífsins. Um 40 fyrirtæki
kynntu starfsemi sína að þessu
sinni fyrir háskólanemum.
Myndin var tekin fyrir framan
kynningarbás Morgunblaðsins
á Framadögum síðdegis í
gær.
Frumvarp til laga um breytingar á læknalögum lagt fram í ríkisstjórn
Tryggja, réttindi sjúklinga
vegna meintra mistaka
LAGT hefur verið fram í ríkisstjóminni frum-
varp til laga um breytingar á læknalögum. Að
sögn Þóris Haraldssonar, aðstoðarmanns heil-
brigðisráðherra, fela breytingamar í sér ákvæði
um hvemig fara skuli með mál vegna meintra
mistaka við meðhöndlun sjúklinga, aukið eftirlit
og skráningu og tryggja réttindi sjúklinga.
„Þama er verið að koma á viðbragðskerfi inn-
an stofnana og hjá embætti landlæknis þegar
óvæntan skaða ber að höndum,“ sagði Þórir.
,Annars vegar til að tryggja að atvikin séu
rannsökuð eins og nauðsynlegt er og hins vegar
að tryggja að yfirvöld fái upplýsingar um atvik-
in. í raun er um að ræða aukið eftirlit og að
skráning verði til þess að bæta gæði heilbrigðis-
þjónustunnar og tryggja réttindi sjúklinga."
Gert er ráð fyrir að yfirlæknar og hjúkmnar-
deildarstjórar beri ábyrgð á að atvikin séu strax
tilkynnt til yfirstjómar viðkomandi stofnunar.
Ferillinn er nákvæmlega skilgreindur og tekið
fram hvemig fara skuli með tilkynningarnar
auk þess sem gert er ráð fyrir að skýrsla um
alla óvænta skaða og meðferð þeirra ásamt nið-
urstöðu rannsóknanna sé send til landlæknis
tvisvar á ári. Að sögn Þóris mun ráðherra síðar
setja reglur um viðbrögð við rannsóknunum.
Misbrestur á tilkynningum
Nefndin sem samdi lögin aflaði upplýsinga
um hvemig staðan er og var m.a. efnt til mál-
þings um hvemig tekið væri á meintum mistök-
um við meðferð, skráningu og tilkynningu.
Sagði Þórir að fram hafi komið að misbrestur
væri á tilkynningum og að fólk væri óöruggt um
hvemig ætti að bregðast við auk þess sem
skráning væri ekki fyrir hendi á öllum stofnun-
um.
„Þarna var gloppa og ekki samræmi í tilkynn-
ingum,“ sagði hann. „Stóm stofnanimar hafa
staðið sig vel en samt hefur skort á samræmi og
ekki verið ömggt að þessi mál hafi fengið nógu
góða rannsókn eða að þau séu rétt tilkynnt eftir
alvarleika, þannig að yfirvöld hafi fengið upplýs-
ingar um hvað hafi gerst svo hægt væri að bæta
þar úr. Sem betur fer er ekki mikið um stór-
vægileg læknamistök en það er talsvert um að
kvartað sé undan óvæntum skaða og sumt á því
miður við rök að styðjast en annað ekki.“
Morgunblaðið/Golli
Ólafur Jóhann
forstjóri Advanta
Opinberri stýringu hætt á síldarútflutiiingi
Síidarútvegsnefnd verði
breytt í hlutafélag
ÓLAFUR Jóhann Ólafsson, rithöf-
undur og athafnamaður, hefur ver-
ið ráðinn forstjóri fjármálafyrir-
tækisins Ad-
vanta í Banda-
ríkjunum.
Advanta er al-
hliða fjármála-
fyrirtæki með
um sex milljónir
viðskiptavina og
um 4.100 starfs-
menn. Það þjón-
ar einstakling-
um og smærri
fyrirtækjum á sviði krítarkortavið-
skipta, húsnæðislána, kaupleigu,
trygginga og innlána og er eitt það
stærsta sinnar tegundar í Banda-
ríkjunum. Ólafur Jóhann tekur
einnig við stjómarformennsku í
fjárfestingarfyrirtækinu Advanta
Partners.
Ólafur Jóhann sagði í samtali við
Morgunblaðið að starfið legðist vel
í sig. Mikil gróska væri hjá Ad-
vanta og það væri spennandi að
koma að vexti fyrirtækisins. Hann
kvaðst einnig hafa samið um það
við stjómendur fyrirtækisins að
hann ynni aðeins þijá daga í viku,
þeir dagar yrðu að vísu langir en
hann myndi þannig áfram hafa
svigrúm til að sinna ritstörfúm.
FRUMVARP til laga um stofnun
hlutafélags um síldarútvegsnefnd
og stofnun tveggja sjóða til sfldar-
rannsókna og nýsköpunar og þró-
unarverkefna í þágu sfldarútvegs
hefúr verið lagt fram í ríkisstjóm.
Að sögn Þorsteins Pálssonar sjáv-
arútvegsráðherra er verið að
breyta fyrirtækinu í hlutafélag og
um leið fella niður opinbera stýr-
ingu á útflutningi á sfld.
Þorsteinn sagði að í samræmi
við gildandi lög um sfldarútvegs-
nefnd yrðu þau fyrirtæki hluthafar
sem selt hafa í gegnum nefndina á
undanfomum árum. „Sá hluti eig-
infjár, sem kominn er frá fyrir-
tækjum sem hætt em rekstri, fer í
stofnun sérstaks sjóðs undir Haf-
rannsóknastofnun til sfldarrann-
sókna,“ sagði hann. „Þá fer einnig
hluti af eigin fé í að stofna sjóð til
að örva nýsköpun og þróunarverk-
efni í sfldarvinnslu." Eigið fé sfld-
arútvegsnefndar er 500 milljónir
og hluti þess mun renna til sjóð-
anna.
Ekki verið
ríkisfyrirtæki
Eins og fram hefur komið í frétt
Morgunblaðsins samþykkti stjóm
síldarútvegsnefndar samhljóða til-
lögu frá formanni neftidarinnar,
Gunnari Flóvenz, um að stofnun-
inni yrði breytt í hlutafélag í eigu
saltenda. í tillögunni kom fram að
þar sem litlar líkur væra á að sfld-
arútvegsnefnd gæti áfram veitt er-
lendum saltsíldarkaupendum, sem
semja um kaup sín með fyrirvara-
samningum, tryggingu fyrir því að
ekki verði síðar boðin sams konar
síld á viðkomandi markaði á lægra
verði, og með hliðsjón af þeim
breytingum sem gerðar hafa verið
á útflutnings- og sölufyrirkomu-
lagi, samþykkti sfldarútvegsnefnd
að stofnuninni yrði breytt í hlutafé-
lag í eigu saltsfldarframleiðanda og
lög um nefndina og útflutning á
saltaðri síld yrðu felld úr gildi.
„Sfldarútvegsnefnd hefur aldrei
verið rfldsfyrirtæki þó að hún hafí
starfað samkvæmt sérstökum lög-
um um útflutning á saltaðri sfld,“
sagði Gunnar.
Morgunblaðið/Þorkell
SIGURBORG Borgþórsdóttir fagnaði eiginmanni sínum, Jóni Svan-
þórssyni, er hann kom til landsins í gær eftír rúmlega þriggja mánaða
ferð og um 5000 km akstur í jeppaleiðangri um Suðurskautslandið.
Hestur aflífaður og krufínn á Tilraunastöðinni að Keldum
Sýktur hestur
drapst á Akranesi
HESTUR drapst í hesthúsi á
Akranesi eftir að hafa verið með
sóttina í nokkra daga. Að sögn
Gunnars Arnar Guðmundssonar,
héraðsdýralæknis, verður hestur-
inn krafinn í dag. Annar hestur
sem veikst hafði af hitasótt var af-
lífaður og krafinn á Tilraunastöð
Háskólans að Keldum á fimmtu-
dag. Sigurður Sigurðarson dýra-
læknir sagði að nokkur erting hefði
verið í gömum og aftur úr melting-
arvegi eins og gjaman er þegar um
veirasýkingu er að ræða.
Hesturinn á Akranesi var búinn
að vera veikur og með svipuð ein-
kenni og aðrir sýktir hestar í sama
húsi. Gunnar Öm segir ljóst að
veiran drepur ekki hesta en ef eitt-
hvað annað amar að hestinum gæti
þessi sýking ráðið úrslitum um að
hesturinn verði veikari eða drepst.
Á miðvikudag var hinn hestur-
inn, sem kom frá Kjarri í Ölfusi,
með 40,6 stiga hita en á fimmtudag
var hann með 39,6 stig. Tekinn var
fjöldi sýna til vefjaskoðunar og
segir Sigurður að það muni að öll-
um lýkindum taka upp undir viku
að rannsaka þau. Þá liggur hugs-
anlega fyrir hvort um veirasýk-
ingu er að ræða eða eitthvað ann-
að. Auk þess sem rannsókn sýn-
anna fer fram að Keldum, vora
sýni send til Svíþjóðar, þar sem
svipuð tilfelli hafa verið að koma
upp.
Svo virðist sem tekist hafi að
hefta útbreiðslu hitasóttarinnar,
sem herjað hefur á hross á Suð-
vesturlandi að undanfómu, eftir
því sem fram kemur í yfirlýsingu
frá Halldóri Runólfssyni yfirdýra-
lækni. í samtali við Morgunblaðið
sagði hann að ekki hefðu greinst
fleiri tilfelli utan svæða sem vitað
væri að veikin hefði komið upp á.
Þá hefði komið í ljós að tilfelli sem
kom upp í Eyjafirði og talið var að
gæti verið hitasóttin, væri af öðr-
um toga.
Heppn-
aðist vel í
alla staði
JÓN Svanþórsson, annar íslensku
jeppamannanna sem tóku þátt í
sænskum vísindaleiðangri til
Suðurskautslandsins, kom til ís-
lands í gær og sagði í samtali við
Morgunblaðið að það væri stór-
kostleg tilfinning að vera kominn
heim eftír vel heppnaðan leið-
angur í alla staði. Toyota-jepp-
arnir hefðu staðið sig með mestu
ágætum og aðeins smávægileg
vandamál komið upp.
„Þetta gekk allt nyög vel og
bílamir virkuðu vel. Við lentum
að vísu í basli með gormana sem
brotnuðu en það kom okkur mjög
á óvart því það hafði aldrei gerst
hér heima,“ sagði Jón.
Freyr Jónsson, félagi Jóns í
leiðangrinum, er enn í Höfða-
borg þar sem hann mun koma
jeppunum í gám og senda þá til
íslands. Hann kemur heim á mið-
vikudag.
Eldurí
Snæfelli
ELDUR kom upp í togaran-
um Snæfelli SH 740 um
klukkan 13.30 í gær þar sem
hann lá við Ægisgarð. Eldur-
inn kviknaði í lest skipsins, en
þar höfðu menn verið að vinna
að breytingum og er talið að
eldsupptök megi rekja til
logsuðutækis.
Kælipressur höfðu verið
settar í skipið og verið var að
einangra með plastefni sem
neisti hljóp í, með þeim afleið-
ingum að eitraður reykur,
svartur og þykkur, myndaðist.
Slökkviliðið í Reykjavík fór á
staðinn og vora reykkafarar
sendir inn í skipið. Eldurinn
var þá í lest og við hliðina á
vélarrúmi þar sem mikill elds-
matur er fyrir hendi. Menn-
imir, sem höfðu verið að störf-
um í skipinu, komust klakk-
laust á brott og era ekki taldir
hafa verið í mikilli hættu.
I
f
i
L
i
I
L
I
í
í
>