Morgunblaðið - 07.03.1998, Page 14
14 LAUGARDAGUR 7. MARZ 1998
BILAR
MORGUNBLAÐIÐ
Honda stefnir að
aukinni hlutdeild
í Evrópu
Svo virðist sem bflaverksmiðjur í Asíu
stefni allar á stærrí hlut á Evrópumarkaði.
Jóhannes Tómasson nam þessi viðhorf á
bílasýningunni í Genf þar sem fram komu
ýmsar bílagerðir og aðgerðir verksmiðj-
anna til að fanga evrópska kaupendur.
SÍÐASTLIÐIÐ ár var eitt
það besta hjá Honda í Japan.
Heildarsala jókst um 11%,
fór í 2,3 milljónir bfla. Rúm-
lega 800 þúsund seldust
heima fyrir, milljón í Banda-
ríkjunum og í Evrópu jókst
sala um 15%. Nobuhiko
Kawamoto, forstjóri Honda,
sagði árið framundan erfitt
vegna óvissu í efnahagsmál-
um í Asíu.
Á bás Honda í Genf gat að
líta þrjá hugmyndabfla, J-
VX, J-JW og J-BX og verður
litið nánar á þá tvo fyrr-
nefndu. J-JX kemur líklega á
markað eftir tvö ár en hinir
eftir rúmt ár og eins og aðrir
japanskir bílaframleiðendur
stefnir fyrirtækið að enn
meiri hlutdeild í Evrópu, m.a.
með tilkomu þessara bíla.
J-WJ er mannhæðarhár og
reisulegur bfll, tæplega fjög-
urra metra langur, með
jeppalagi og aldrifinn. Að-
alátakið er á framásnum við
venjulegan akstur en þegar á
þarf að halda bætist afturás-
inn við. Vélin er fjögurra
strokka 1,5 lítra og segir í
upplýsingum verksmiðjunnar
að J-WJ sé hannaður fyrir
skemmtilegheit í akstri, með
öllum helsta öryggisbúnaði,
svo sem hemlalæsivörn og
líknarbelgjum en bíllinn er
þriggja dyra.
J-VX hugmyndabíllinn er
svipaður hinum að lengd en
mun lægri og öllu framúr-
stefnulegri. Hann á að verða
einn af sportbflum næstu ald-
ar, léttbyggður vetnisbíll,
sem á að geta farið 100 km á
þremur eldsneytislítram.
Bfllinn er tveggja manna en
völ er á aftursætum fyrir tvo
ef kaupendur vilja bílinn út-
búinn þannig.
J-VX bíllinn á að verða sportbfll næstu aldar, segja tals-
menn Honda verksmiðjanna.
Morgunblaðið/jt
NÆR á myndinni er smábfllinn sem Tata hyggst koma á markað
á næsta ári og íjær er Tata Safari jeppinn.
EITT af því forvitnilega í Genf voru
bílar frá Tata, stórfyrirtæki í Ind-
landi sem starfað hefur í yfir 100 ár og
framleitt bíla síðustu ijóra áratugina.
Fyrstu samgöngutækin sem Tata fram-
leiddi voru eimreiðar en síðan hefur fyr-
irtækið fært út kvíarnar og kemur nú
víða við. Til þessa hafa Tata bflar einkum
verið fluttir til Afríku- og Asiulanda en
nú eru þeir einnig að sækja til Evrópu-
landa.
Tata átti tæknisamstarf við Daimler-
Benz samsteypuna árin 1954 til 1969,
m.a. um framleiðslu á meðalstórum vöru-
bflum og rútum, en hefur síðan staðið á
eigin fótum í hönnun sinni og fram-
Ieiðslu. Eru nú framleidd bæði stærstu at-
vinnutæki sem og fólksbflar og jeppar -
Og eimreiðar áfram - og starfar þessi
deild fyrirtækisins undir nafninu Telco.
Á litlum sýningarbás fyrirtækisins í
Genf gat að líta fólksbfla og jeppa. Ann-
ars vegar var um að ræða frumgerð smá-
bfls sem Indverjar hafa hannað með að-
stoð Itala og virðist hinn snotrasti bfll.
Hann er framdrifinn, fimm manna og
fimm dyra, með 1,4 lítra og ljögurra
strokka og 60 hestafla bensínvél eða 54
hestafla dísilvél. Hann er einnig snyrti-
legur að innan en einfaldur í sniðum og
er ekki búinn líknarbelgjum eða hemla-
læsivörn. Reiknað er með honum á mark-
að á næsta ári og verður framleiðsluget-
an kringum 150 þúsund bflar.
Tvær jeppagerðir
Þá framleiðir fyrirtækið Tata
Telcosport, tveggja dyra aldrifsbíl og svo
lengri útgáfu Tata Safari og var hann
einnig í Genf. Þar er á ferðinni ásjálegur
jeppi með tveggja lítra 137 hestafla bens-
ínvél eða 90 hestafia dísilvél með for-
þjöppu. Bíllinn er sjö manna eða fimm
manna og þá með allgóðu farangursrými.
Fyrirtækið rekur fjórar bílaverksmiðj-
ur í Indlandi en þar fyrir utan er á verk-
efnaskrá þess framleiðsla á stáli, margs
konar tæknibúnaði, efnaiðnaður, orku-
mál, verkfræðiráðgjöf og hönnun og land-
búnaðarvörur, nánast allt sem nútíma-
þjóðfélag þarf á að halda. Veltan á síðasta
ári var sem svarar vel yfir 600 milljörðum
króna. Fram til þessa hefur helsti útfiutn-
ingsmarkaður Tata bflanna verið í lönd-
um Asíu og Afríku og eitthvað í Eyjaálfu.
Nýlega hafa þeir þó einnig verið kynntir
á Spáni, ítaliu, Grikklandi, Bretlandi og
Benelux-löndunum. Reiknar fyrirtækið
með að tvöfalda útflutning sinn, sem hófst
árið 1961, úr 10% heildarframleiðslunnar
í 20 eigi síðar en 2001. Framleiðslugetan í
atvinnubflum hefur verið 215 þúsund
stykki á ári. Telco telst vera tíundi stærsti
framleiðandi heims á atvinnubflum.
* * - * ■ ■ ■
HONDA sýndi hugmyndabfla og er J-WJ bfllinn líkastur jeppa enda aldrifinn.
Yaris og Lexus IS200
á markað eftir ár
LEXUS IS200, lúxusbfll af
meðalstærð, og smábíllinn
Yaris vora kynntir á sér-
stökum fundi hjá Toyota í
byrjun vikunnar í tengslum
við bflasýninguna í Genf.
Báðir eru þeir væntanlegir
á markað eftir rúmt ár og
segja talsmenn umboðsins
hérlendis að Yaris verði góð
viðbót fyrir Toyota í smá-
bílasamkeppnina. Yaris var
einnig sýndur á bflasýning-
unni en nánari sýning á
IS200 bíður betri tíma.
Með Lexus IS200 verður
einkanlega stefnt á markað
í Evrópu. Hann er íburðar-
minni og styttri en Lexus-
gerðirnar GS300 og LS400
og vænta má þess að hann
verði talsvert ódýrari.
IS200 gerðin verður með
sex strokka og tveggja lítra
vél og verður í boði sjálf-
skipting eða sex gíra hand-
skipting, sem ætti að vera
mjög skemmtilegur kostur
ef miðað er við reynsluna
af þeini 6 gíra skiptingu
sem er í einni Corollu gerð-
inni. Lexus IS200 er 4,4 m
langur, 1,72 m breiður og
1,41 á hæð og hjólhafið er
2,67 metrar.
Á fundinum í Genf kom
fram að Lexus, sem verður
afturdrifinn, verður fram-
leiddur í Bretlandi og sett-
ur á markað fyrri part
næsta árs. Er einnig búist
við honum hingað til lands
og gæti Lexus þá komist á
blað á markaði hérlendis.
Talsmenn Toyota búast við
25 þúsund bíla sölu en
IS200 er stefnt á keppi-
nauta eins og 3-línuna hjá
BMW eða C-línunni hjá
Mercedes Benz.
Stóðst elgsprófið
Yaris er önnur áhuga-
verð nýjung frá Toyota og
verður bfllinn framleiddur í
Japan og að auki frá árinu
2001 í nýrri verksmiðju
fyrirtækisins í Frakklandi.
Forráðamenn Toyota telja
INNRI svipur Yaris er
ekki síður frumlegur
en útlitið.
að Yaris geti aukið smá-
bflasölu fyrirtækisins úr
379 þúsund bílum á síðasta
ári uppí um 600 þúsund
bíla kringum aldamótin.
Yaris er byggður á Fun-
hugmyndabflunum og var í
Genf sýndur í nokkurn veg-
inn endanlegri mynd. Ein-
hverjar smábreytingar
gætu þó orðið áður en loka-
útgáfan kemur á markað,
að sögn fulltrúa Toyota á
fundinum.
Yaris er 3,61 m að lengd,
1,65 á hæð og 1,49 m breið-
ur og verður því einn stysti
smábfllinn en hærri og að-
spurðir sögðu Toyota-menn
að hann hefði staðist elgs-
prófið. Yaris verður búinn
nýrri eins lítra, fjögurra
strokka og 16 ventla vél.
Bfllinn er allur hinn frísk-
legasti í útliti og ekki síður
að innan og verður spenn-
andi að fylgjast með ár-
angri hans þegar sala hefst.
LEXUS IS200 heitir ný gerð f lúxusbflaflokki Toyota sem kemur
á markað eftir ár og er ekki síst stefnt á Evrópumarkað.