Morgunblaðið - 30.05.1998, Page 23

MORGUNBLAÐIÐ
ERLENT
LAUGARDAGUR 30. MAÍ 1998 23
Þjóðverjar
vilja nýjan
kanslara
NÆRRI 70% þýskra kjósenda
vilja nýjan kanslara að loknum
þingkosningunum í september
og jafnvel þriðjungur þein’a,
sem styðja Helmut Kohl, vill
sjá nýjan mann. Kemur þetta
fram í könnun Polis-stofnun-
arinnar fyrir tímaritið Focus.
68% vildu ekki, að Kohl yrði
áfram en 25% töldu hann
besta kostinn enn um sinn.
Aðeins hefur dregið saman
með flokki Kohls, kristilegum
demókrötum, og jafnaðar-
mönnum og hafa þeir síðar-
nefndu nú sjö prósentustiga-
forskot, 43% á móti 36%. Polis
telur hins vegar, að Kohl sé að
tapa á tíma og minnir á, að
1994 hafl kristilegir demókrat-
ar verið búnir að ná jafnaðar-
mönnum fjórum mánuðum
íyrir kosningar.
Minna
atvinnuleysi
ATVINNULEYSI í Frakk-
landi, sem hefur verið að
minnka á síðustu mánuðum,
minnkaði enn í aprfl. Þá fækk-
aði atvinnulausum um 13.000
og eru nú alls 2.976.700. Fór
atvinnuleysið úr 12% í 11,9%.
Ríkisstjórnin spáir því, að at-
vinnuleysingjum muni fækka
enn en aftur á móti hefur
fjöldi þeirra, sem hafa verið án
atvinnu í ár eða lengur, aukist.
Skrípaleikur
í Slóvakíu
SJÖUNDA tilraun slóvakíska
þingisins til að kjósa lands-
mönnum forseta fór út um
þúfur í gær og líktist mest
grátbroslegum gamanleik að
sögn erlendra stjórnarerind-
reka. Er engin samstaða á
þingi um frambjóðanda og sá,
sem bauð sig fram, óháður
þingmaður, fékk aðeins 13 at-
kvæði en þurfti 90. Talið er
útilokað, að nýr forseti verði
kjörinn fyrir þingkosningarn-
ar í september. „Þetta er al-
ger skrípaleikur og hann er
runninn undan rifjum Vla-
dimirs Meciars forsætisráð-
herra,“ sagði einn erlendu
stjórnarerindrekanna.
Bannað að
kaupa -
ekki selja
FRÁ næstu áramótum verður
bannað í Svíþjóð að skipta við
vændiskonur, a.m.k. gegn
greiðslu, og geta slík viðskipti
varðað allt að hálfs árs fang-
elsi. Vændiskonurnar verða
hins vegar ekki saksóttar fyrir
sinn hlut og er litið á þær sem
fórnarlamb í þessu samhengi.
Samkvæmt athugun, sem gerð
var 1993, voru þá 2.500 vænd-
iskonur í Svíþjóð og þar af
stunduðu 650 iðjuna á götunni.
Eru tölurnar raunar taldar
mjög óáreiðanlegar en áætlað
var, að þær hefðu selt sig alls
125.000 sinnum yfir árið. Voru
þessi lög samþykkt ásamt öðr-
um, sem varða ofbeldi gegn
konum, og meðal annars var
hert á lögum, sem banna um-
skurð, en hann varðar nú fjög-
urra ára fangelsi.
Tyrkneska ríkisstjórnin æf vegna samþykktar franska þingsins
París. Reuters.
Ofsóknirnar gegn
Armenum 1915
sagðar þjóðarmorð
FRANSKA þingið samþykkti í
gær ályktun þar sem staðfest er,
að fjöldamorð Tyrkja á Armenum
árið 1915 hafi verið þjóðarmorð.
Tyrkneska stjórnin hafði farið
fram á það við frönsku stjómina,
að tillagan yrði dregin til baka og
hótaði, að ella myndi það hafa al-
varlegar afleiðingar fyrir viðskipti
og önnur samskipti ríkjanna.
í ályktuninni segir, að Frakkar
viðurkenni opinberlega, að þjóðar-
morð hafi verið framið á Armenum
1915 en talið er, að þá hafi 1,5 millj-
ónir þeirra látið lífið á landsvæði,
sem nú tilheyrir Tyrklandi og Sýr-
landi. Fyrir utan þinghúsið í París
höfðu safnast saman nokkur hund-
ruð manns, sem þökkuðu Frökkum
stuðninginn, en í Frakklandi búa
um 300.000 manns af armenskum
ættum, aðallega afkomendur
þeirra, sem Ufðu af hörmungamar
1915.
Skrifaði Jospin
Tyrkneska dagblaðið Hmriyet
vitnaði í gær í bréf, sem Mesut
Yilmaz, forsætisráðherra Tyrk-
lands, hefði sent frönskum starfs-
bróður sínum, Lionel Jospin. Þar
segir hann, að Tyrkir sætti sig ekki
við, að orðið „þjóðarmorð“ sé notað
við að lýsa atburðum, sem gerðust í
fyrra stríði, og telji, að þeir séu
ranglega sakaðir um glæp, sem
þeir hafi ekki framið.
Ismail Cem, utanríkisráðherra
Tyrklands, ræddi við Hubert
Vedrine, utanríkisráðherra Frakk-
lands, í Luxemborg og varaði hann
við afleiðingum þess fyrir sam-
skipti ríkjanna samþykkti þingið
ályktunina. Vedrine sagði á blaða-
mannafundi, að hann hefði svarað
því tíl, að tillagan væri komin frá
þingmönnum sjálfum, ekki ríkis-
stjóminni. Við þingumræðuna
sagði Jean-Pierre Masseret, sem
fer með málefni uppgjafahermanna
í ríkisstjóminni, að tillagan endur-
speglaði tilfinningar þingmanna til
atburðanna 1915 en hins vegar
kvaðst hann efast um, að hún stuðl-
aði að sáttum milli Armena og
Tyrkja.
HIÁLPAÐU TIL VW AÐ
INNKALLA ÞESSA HRINGLII
Komið hefur í Ijós
að LEGO PRIMO
maríuhænu-hringlan
(vörunr. 2093) getur
festst í munni barna.
Þrátt fyrir að hringlan
standist ítrustu kröfur
okkar um öryggi og
fullnægi öllum alþjóðlegum stöðlum teljum við að hún
gæti mögulega valdið hættu á köfnun. Þess vegna viljum
við umsvifalaust innkalla þessa vöru.
Ef barnið þitt á slíka hringlu þá vinsamlegast skilaðu
henni í verslunina þar sem hún var keypt eða hverja
þá verslun þar sem vörur frá LEGO fást.
Þú getur fengið andvirði hringlunnar greitt eða valið
annað LEGO leikfang í sama verðflokki.
Mikilvægt er að hringlan sé hvergi í notkun. Gakktu
úr skugga um að ef barn ættingja þinna eða vina á
slíka hringlu þá sé hringlunni komið til skila.
Með fyrirfram þökk.