Morgunblaðið - 02.12.1998, Qupperneq 24

24 MIÐVIKUDAGUR 2. DESEMBER 1998
MORGUNBLAÐIÐ
ERLENT
Fundur IMF og~ Rússa
Ekki gert
ráð fyrir
árangTÍ
Moskvu. Reuters.
EKKI var búist við miklum árangri
af fundi Michels Camdessus, fram-
kvæmdastjóra Alþjóðagjaldeyris-
sjóðsins, IMF, og Jevgenís Príma-
kovs, forsætisráðherra Rússlands.
Camdessus er nú staddur í Moskvu
til tveggja daga viðræðna við rúss-
nesk stjórnvöld, sem þrýsta mjög á
IMF um að greiða út 4,3 milljarða
dala lán, um 300 milljarða ísl. kr.
sem Rússum hefur verið heitið.
Rússar vonlitlir
„Ríkisstjórnin verður að færast
nær IMF og IMF verður að nálgast
ríkisstjórnina,1' sagði Anatólí
Tsjúbajs, fyrrverandi fjármálaráð-
herra og einn aðalhöfunda umbóta-
stefnunnar svokölluðu, í gær. Heim-
ildarmaður innan Kremlar sagði að
rússnesk stjórnvöld gerðu sér svo
að segja engar vonir um að Príma-
kov tækist að telja Camdessus á að
gi-eiða Rússum út lánið. Ætlun hans
væri hins vegar að tryggja að Cam-
dessus gerði sér fyllilega grein fyrir
því hvaða vanda Rússar stæðu
frammi fyrir.
IMF hefur neitað að greiða út
lánið fyrr en ríkisstjórnin leggi
fram áætlanir um lausn efnahags-
vandans sem hagfræðingar sjóðsins
telja raunhæfar. Hafa þeir nú þegar
varað Rússa við fyrirætlunum
þeirra um seðlaprentun og aukin
ríkisafskipti. Prímakov hefur hins
vegar ekki viljað láta IMF skipa sér
fyrir i efnahagsmálum, ekki síst
vegna þeirrar tortryggni sem gætir
gagnvart IMF hjá kommúnistum og
þjóðemissinnum, sem eru í meiri-
hluta í dúmunni, neðri deild rúss-
neska þingsins.
Jeltsín vill útskrifast
Til marks um hve alvarlegum
augum stjórnvöld líta viðræðurnar
við Camdessus, þá fundaði Borís
Jeltsín Rússlandsforseti með
Prímakov um málið í gærmorgun,
fyrir fyrri fund hans og Camdessus.
Forsetinn er á sjúkrahúsi með
lungnabólgu og mun ekki hitta
framkvæmdastjórann.
Jeltsín þrýstir hins vegar mjög á
um að verða útskrifaður af sjúkra-
húsinu. Oleg Sysujev, skrifstofu-
stjóri Jeltsíns, sagði lækna forset-
ans tæplega geta komið í veg fyrir
að hann héldi heim. Jeltsín er sagð-
ur við þokkalega heilsu, geta unnið
og vera hitalaus. Geta aðstoðar-
menn forsetans sér þess til að hann
verði útskrifaður í lok vikunnar og
mættur til starfa í Kreml nk. mánu-
dag.
BIODROGA
jurtasnyrtivörur
c~>íella
Bankastræti 3, sími 551 3635.
Annan miðl-
ar málum í
N-Afríku
STJÓRNVÖLD í Alsír lofuðu í
gær fullum stuðningi við tilraunir
Kofis Annans, framkvæmdastjóra
Sameinuðu þjóðanna, til að binda
enda á langvinn átök í Vestur-Sa-
hara. Annan hóf í gær sex daga
heimsókn til Norður-Afríku og
hyggst í för sinni reyna að þrýsta
áfram friðarviðræðum milli
Marokkó og Alsír. Hafa Marokkó-
menn sakað stjórnvöld í Alsír um
að styðja við bak Polisario-sam-
takanna í baráttu þeirra fyrir
stofnun sjálfstæðs ríkis í Vestur-
Sahara, og að þeir hafi þannig
skaðað samskipti ríkjanna.
Bæði Marokkó og Polisario,
sem aðsetur hafa í Alsír, gera
kröfu til landsvæðis í Norður-Af-
ríku og háðu blóðugt stríð um
svæðið á árunum 1976-1991, eða
allt þar til Sameinuðu þjóðunum
tókst að fá deiluaðila til að sam-
þykkja vopnahlé.
Blöktu fánar Polisario-samtak-
anna við hún í gær í flóttamanna-
búðum í Alsír þegar von var á
Annan þar í heimsókn. Sagði Ann-
an að leiðtogar Polisario hefðu
gefið grænt ljós á tillögur hans í
málamiðlunarátt.
Mesut Yilmaz hvetur ftali til að rétta sjálfír í máli Öcalans
___ ••
D’Alema kallar Ocalan
„hryðjuverkamann“
Ankara, Róm. Reuters.
MESUT Yilmaz, starfandi forsætis-
ráðherra Tyrklands, hvatti í gær
ítölsk stjórnvöld til að rétta sjálf í
máli Kúrdaleiðtogans Abdullahs
Oealans íyi’st þau vilja ekki fram-
selja hann til Tyrklands. Lagði
Yilmaz áherslu á að í öllu falli yrði
að refsa Ocalan fyrir glæpi hans, en
Tyrkir vilja draga Öcalan til ábyrgð-
ar vegna dauða meira en 29.000
manna í fjórtán ára vopnaðri bar-
áttu Kúrda fyrir sjálfstæði í suð-
austurhluta Tyrklands.
ítalir segjast ekki geta sent Öcal-
an til Tyrklands þar sem dauðarefs-
ing sé þar við lýði og hefur deilan
um framsal Öcalans mjög skaðað
samskipti Ítalíu og Tyrklands. í gær
virtist hins vegar sem þjóðirnar
væru að ná saman, í það minnsta
gekk Massimo D’AIema, forsætis-
ráðherra Italíu, svo langt að kalla
Öcalan hi-yðjuverkamann. „Við
handtókum umræddan hi’yðjuverka-
mann og vinnum nú í því að leiða
hann fyrir dómstóla, rétta í máli
hans, en það er nokkuð sem enginn
hefur hingað til vitað hvernig ætti
að gera, eða viljað gera,“ sagði
D’Alema í ítalska ríkisútvai-pinu.
D’Alema lagði hins vegar ríka
áherslu á að Öcalan yrði að fá sann-
gjörn réttarhöld, og virtist sem
nokkur vafi léki á því í huga hans að
Öcalan fengi réttláta meðferð fyrir
tyi’kneskum dómstólum.
Loforð um að dauða-
refsingu verði ekki beitt?
Ummæli D’Alemas í gær og und-
anfarna daga benda til þess að ólík-
legt sé að Öcalan hljóta hæli sem
pólitískur flóttamaður á Italíu og
mátti ráða af orðum D’Alemas í gær
að ítalir myndu e.t.v. sjálfir rétta í
máli Öcalans, en einnig hefur verið
rætt um að hægt yrði að taka mál
hans fyrir hjá alþjóðlegum dómstóli.
Yilmaz ýjaði hins vegar að því í
gær að Tyrkir myndu sýna sáttfysi
ef það gæti orðið til að fá Öcalan
framseldan. „Ef ítalska stjórnar-
skráin leyfir ekki framsal vegna
þess að dauðarefsjng er við lýði í
Tyrklandi þá geta ítalir farið fram á
loforð frá okkur um að þessari refs-
ingu verði ekki beitt.“
Italir hafa sagt að eina ástæðan
fyrir því að þeir handtóku Öcalan á
flugvelli í Róm 12. nóvember síðast-
liðinn hafi verið sú handtökubeiðni
sem þýsk stjórnvöld höfðu lagt
fram. Gerhard Schröder tilkynnti
hins vegar D’Alema á föstudag að
Þýskaland hygðist ekki óska fram-
sals Öcalans af ótta við óeirðir
heima fyrir, milli tyrkneskra og
kúrdískra innflytjenda þar.
Særðust fjórián í gær þegar
kúrdískur uppreisnannaður
sprengdi sjálfan sig í loft upp í borg-
inni Diyarbakir í suðausturhluta
Tyi’klands. Er óttast að fleiri slíkar
árásii; fylgi í kjölfarið vegna hand-
töku Öcalans.
Reuters
Þýzkir jafnaðarmenn
Deilur um
skatta leystar?
Bonn. Reuters.
BODO Hombach, hægri hönd Ger-
hards Schröders í kanzlarahöllinni í
Bonn, greindi frá því í gær að
ágreiningur milli ráðherra Jafnað-
armannaflokksins (SPD) og ann-
arra áhrifamanna innan fiokksins
um skattbreytingaáform ríkis-
stjórnarinnar hefði verið leystur.
Hombach sagði í útvai'psviðtali að
á sérstökum fundi forystumanna
flokksins á mánudag hefði deilan,
sem í vaxandi mæli stefndi í að
skaða stjórnina, verið lögð til hliðar
eftir að Oskar Lafontaine, fjármála-
ráðherra og flokksformaður, útilok-
aði að gripið yrði til þess að hækka
virðisaukaskattsstigið a.m.k. næsta
árið. Vísaði Hombach því á bug að
stjómin, samsteypustjórn jafnaðar-
manna og Græningja, hefði farið illa
af stað eftir að hafa tekizt að velta
Helmut Kohl úr sessi eftir 16 ára
valdatíð hans.
Deilt um serbneska lögreglustöð í mikilvægum bæ 1 Kosovo
Júgóslavíuforseti neitar að
flytja lögregluna á brott
Malisevo. Reuters.
SLOBODAN Milosevic, forseti Jú-
góslavíu, hefur neitað að fyi-irskipa
serbneskum lögreglumönnum að
fara frá eftirlitsstöð í mikilvægum
bæ í Kosovo, Malisevo, þrátt fyrir
mikinn þrýsting vestrænna stjórn-
arerindreka. Lögreglustöðin hefur
orðið til þess að albanskir íbúar
Malisevo þora ekki að snúa aftur til
bæjarins.
Frelsisher Kosovo (KLA), sem
hefur barist fyrir sjálfstæði héraðs-
Ödruvísi vörur
Ödruvísi búd
Litla sæta búðin,
Laugalæk 4, s. 588 5844
ins, var með höfuðstöðvar sínar í
Malisevo áður en Serbar náðu bæn-
um aftur á sitt vald íyrr á árinu.
Vestrænir stjórnarerindrekar
sögðu að Milosevic hefði ekkert gert
til að flytja sérsveit lögreglunnar úr
bænum. „Honum hefur verið sagt:
sendu lögreglumennina í burtu því
þarna er enginn til að vemda,“ sagði
stjórnarerindreki sem starfar í
Pristina, höfuðborg Kosovo. „Þarna
er mikið lögreglulið, sem var þar
ekki áður og engin þörf er fyrir það.“
Lögreglustöðin virðist brot á
vopnahléssamningnum, sem náðist í
október fyrir milligöngu Richards
Holbrookes, sendimanns Banda-
ríkjastjórnar. Samkvæmt honum
ber Serbum skylda til að fækka ör-
yggissveitum sínum í Kosovo og
greiða fyrir því að þúsundir al-
banskra flóttamanna geti snúið aft-
ur til íyrri heimkynna sinna.
Bandaríski sendiherrann William
Walker, formaður nefndar sem á að
meta hvort staðið hafi verið við
vopnahléssamninginn, ræddi við
Milosevic fyrir hálfum mánuði og
lagði fast að honum að flytja lög-
reglumennina úr bænum. „Milosevic
kvaðst ætla að taka það til athugun-
ar,“ sagði vestrænn stjómarerind-
reki. „En röksemdir hans eru þær að
þörf sé á lögreglumönnunum til að
koma í veg fyrir að KLA nái bænum
aftur á sitt vald og að Serbar myndu
líta á það sem ósigur ef þeir færu.“
Það flækir afstöðu Vesturlanda til
Malisevo að bandarískir eftirlits-
menn hafa samþykkt að vernda
serbnesku lögreglumennina þegar
þeir flytja þangað vistir til að koma í
veg fyrir að átök blossi upp að nýju.
Verndin hófst fyrir þremur vikum
þegar tveir serbneskir lögreglu-
menn voru drepnir á yfirráðasvæði
KLA er þeir voru á leiðinni til
Malisevo. Stjórnin í Belgrad hótaði
að fjölga lögreglumönnunum á
svæðinu til að tryggja að serbneska
lögreglan gæti notað vegina.
Eftirlitsmenn á vegum Evrópu-
sambandsins segja að þessi vernd
bandarísku eftirlitsmannanna sé í
mótsögn við þá viðleitni stjórnarer-
indreka að knýja Milosevic til að
flytja lögreglumennina á brott frá
Malisevo.
KLA ljær máls á tilslökun
Utanríkisráðherrar 54 aðildar-
ríkja Öryggis- og samvinnustofnun-
ar Evrópu koma saman í Ósló í dag
til að ræða Kosovo-málið og leiðir til
að koma í veg fyrir átök á
Balkanskaga.
Talsmaður KLA, Adem Demaci,
sagði í viðtali við útvarpsstöð í
Belgrad á sunnudag að hreyfingin
léði máls á því að falla „um sinn“ frá
kröfunni um fullt sjálfstæði Kosovo.
Paskal Milo, utanríkisráðheiTa Al-
baníu, fagnaði þessari yfirlýsingu og
sagði hana benda til þess að upp-
reisnarherinn væri að breytast í
pólitíska hreyfíngu, sem hægt væri
að semja við.
Albanar hafa tekið þátt í tilraun-
um milligöngumanna Bandaríkj-
anna og Evrópusambandsins til að
fá Kosovo-AIbana til að falla frá
kröfunni um algert sjálfstæði og
semja við Serba um að héraðið fái
sjálfstjórn.