Morgunblaðið - 11.02.1999, Blaðsíða 4

4 FIMMTUDAGUR 11. FEBRÚAR 1999
MORGUNBLAÐIÐ
Hafnarfjörður
Sótt um
100 hekt-
ara und-
ir kvik-
myndaver
TVÍTINDAR TM hafa óskað eftir
því við bæjaryfirvöld í Hafnarfirði
að þeim verði úthlutað um 100
hektara landsvæði undir kvik-
myndaver ef til þess kæmi að
Miramax Dimension film fengi þá
fyrirgreiðslu, sem óskað hefur ver-
ið eftir. Magnús Gunnarsson, bæj-
arstjóri Hafnarfjarðar, segist
fagna þeim atvinnutækifærum sem
myndu skapast ef af yrði. „Þetta
yrði vítamínsprauta fyrir atvinnu-
lífið,“ sagði hann.
Magnús sagði að bæjarráð hefði
verið jákvætt gagnvart umsókninni
og að henni hefði verið vísað til
skipulags- og umferðamefndar.
Landið sem um ræðir afmarkast af
Stórhöfða að vatnsverndarsvæði
Hafnarfjarðar.
Skammur tími
ef af verður
I erindinu til bæjarráðs er bent á
að verið sé að skoða á vegum ráðu-
neyta hvort hægt sé að veita er-
lendum kvikmyndaiðnaði svipaða
fyrirgreiðslu og Irar og fleiri lönd
hafa gert. Vinna ráðuneytanna er í
framhaldi heimsóknar forstjóra
Miramax Dimension film til Is-
lands. Fram kemur að ef svo fari
að skoðun ráðuneytanna leiði í ljós
að unnt verði að koma til móts við
óskir fyrirtækisins sé ljóst að það
muni koma hingað og framleiða
kvikmyndir fyrir enskumælandi
markað. Líklegt sé ef fyrirgreiðsl-
an verði veitt að skammur tími
verði til að skapa viðunandi um-
gjörð um iðnaðinn þegar og ef kall-
ið kemur.
Landrýmið sem skoðað hefur
verið virðist að mörgu leyti henta
,vel en það þarf að vera flatlent,
með tiltölulega fríum sjóndeildar-
hring til einnar áttar en ákjósan-
legt að hlið eða hæð sé til annarrar
áttar. Landið verður að vera utan
fluglínu og ekki það nærri há-
spennulínum að þær trufli sendi-
tæki né heldur nálægt hávaðasöm-
um iðnaði.
Stórar skemmur
og háar
Fram kemur að kvikmyndaiðn-
aður sé ekki mengandi en að hon-
um tilheyri stórar skemmur sem
líkja megi við stór íþróttahús eða
flugskýli, 1.000-5.000 fermetrar að
stærð og 10-15 metrar á hæð, jafn-
vel stærri í sumum tilvikum.
Einnig gæti þurft að reisa stórar
leikmyndir, sem þyrftu að standa í
lengri eða skemmri tíma, jafnvel
heilu bæjarhlutana. Af þessu stafi
ákveðin sjónmengun, sem taka
þurfi á strax í upphafi.
FRÉTTIR
Vilja reisa 5.000 fermetra sjónvarpsver á lóð Ríkisútvarpsins við Efstaleiti
Sjónvarpsverið mun kosta
500 til 600 milljónir
FYRIRHUGAÐ er að reisa um 5.000
fermetra sjónvarpsver á þremur
hæðum á lóð Ríkisútvarpsins við Ef-
staleiti, að sögn Guðjóns Magnússon-
ar, arkitekts og einns forsvarsmanna
íslenska sjónvarpsversins ehf.
„Við ætlum að i-eyna að hefja
framleiðslu 1. desember næstkom-
andi,“ sagði Guðjón, stendur að fyr-
irtækinu ásamt Birni Emilssyni dag-
skrárgerðarmanni og Sveini Jóns-
syni endurskoðanda. „Þetta er fyrst
og fremst starfsemi sem snýr að
gerð sjónvarpsefnis."
Hugmyndina fékk Björn fyrir ein-
um þremur árum en fljótlega upp úr
því var byrjað að vinna í málinu,
sagði Guðjón. I upphafi var ætlunin
að reisa skemmu fyrir um 20 milljón-
ir en nú er ráðgert að byggja tvö góð
stúdíó fyrir sjónvarpsupptökur, með
aðaláherslu á fjölmyndavélavinnslu
þar sem þrjár eða fleiri myndatöku-
vélar eru notaðar við upptöku þátta.
Áætlaður kostnaður við bygging-
una er á bilinu 500 til 600 milljónir
en fyrirtækið hefur þegar fengið til
liðs við sig tiltölulega breiðan hóp
fjárfesta, sagði Guðjón. Fram-
kvæmdin verður fjái-mögnuð án
nokkurra framlaga úr opinbei'um
sjóðum landsmanna og hlýtui- því að
vera með stærstu einkafjárfesting-
um í listalífi Islands til þessa, sagði
hann.
Markús Öm Antonsson útvarps-
stjóri sagði að í nóvember hefði
borist erindi frá borgarstjóranum í
Reykjavík til Ríkisútvarpsins, þar
sem spurst var fyrir um afstöðu þess
til þess að Reykjavíkurborg úthlut-
aði Islenska sjónvarpsverinu lóð fyr-
ir sjónvarpsver á hluta af því sem nú
er lóð Ríkisútvarpsins við Efstaleiti.
Markús sagði að leitað hefði verið
álits menntamálaráðuneytis, sem
vísaði því til fjárlaganefndar. Hún
samþykkti að veita Ríkisútvarpinu
heimild til að selja hluta af lóð sinni.
Ríkisútvarpinu er s.s. heimilt að
selja eða í þessu tilfelli að skila til
Reykjavíkurborgar hluta af lóð sinni
til endurúthlutunar, samkvæmt af-
greiðslu Alþingis, sagði Mai-kús.
Málið er hjá borgarskipulagi
Markús sagði að málið væri til um-
fjöllunar hjá borgarskipulagi og
hönnuðum Útvarpshússins því að
það hefði verið tekið fram, af hálfu
Ríkisútvarpsins, að fyrhhuguð bygg-
ing yrði að uppfylla ákveðin skilyrði
áður en afsal kæmi til greina.
„Málið er komið það langt að ég
yrði fyrir miklum vonbrigðum ef það
kæmi einhver afturkippur í það,“
sagði Guðjón. „Það er búið að leggja
í þetta gífurlega mikla peninga nú
þegar.“
Eins og áður sagði er málið til at-
hugunar hjá borgarskipulagi en
Markús sagðist ekki enn hafa fengið
endanlegar niðurstöður. „Mitt sjón-
armið er það að Ríkisútvarpið hafi
ekki þörf fyrir að byggja upp á allri
þessari lóð,“ sagði Markús. „Samt
sem áður er mjög æskilegt að hafa
eitthvað upp á að hlaupa og það er
það sem borgarskipulag ætlar að
reikna út.“ Hann sagði að framtíðar-
fjáifestingar í húsnæði á vegum Rík-
isútvarpsins hlytu að verða utan
Reykjavíkur til að efla starfsemina
úti á landi.
Guðjón sagði að lóðin við Efstaleiti
væri þægilega staðsett í bænum og
að sér þætti spennandi að reisa sjón-
varpsver við hlið Útvarpshússins.
Þarna gæti skapast frjótt umhverfi
fyrir iðnaðinn, þai' sem búið yrði að
honum í alvörubyggingum en ekki
skemmum eða bráðabirgðahúsnæði.
Helsti markhópurinn er íslensku
sjónvarpsstöðvamar en einnig er
ráðgert að sækja verulega á erlend-
an markað, sagði Guðjón. „Við erum
þegar í viðræðum við fyrirtæki í
Bandaríkjunum, Danmörku og á Ir-
landi,“ sagði hann. Um 150 til 200
munu starfa við sjónvarpsverið.
Radíóamatörar syrgja Hussein
/
„Eg er konungur
hér um slóðir“
Morgunblaðið/Kristinn
SVEINN Guðmundsson verkfræðingur er radíóamatör og átti meðal
annars samskipti við Hussein Jórdaníukonung. Hér situr hann við
tækin og heldur á umslaginu utan af korti Husseins.
MEÐAL þeirra sem samhryggst
hafa Jórdönum vegna fráfalls
Husseins Jórdaníukonungs eru
radíóamatörar víðs vegar um
heiminn, en konungurinn var um
langt árabil virkur radíóamatör.
Vitað er um fáeina íslenska rad-
íóamatöra sem komust í samband
við konunginn í krafti þessa sam-
eiginlega áhugamáls þeirra. Einn
þeirra er Sveinn Guðmundsson,
verkfræðingur og radíóamatör.
Kallmerkið „ólöglegt“
„Þetta var óvenjulegt, ekki síst
fyrir þær sakir að kallmerki kon-
ungsins var JY1 sem er ekki al-
veg samkvæmt alþjóðlegum regl-
um um þau mál. Samkvæmt þeim
á að minnsta kosti einn bókstafur
að koma á eftir tölustafnum í
kallmerkinu. Ég hikstaði á þessu
fyrst þegar ég heyrði í honum,
þó svo að kallmerki konungsins
væri mjög sterkt og gott. Aug-
ljóslega hafði hann bestu fáan-
legu tæki en þar sem ég náði
ekki kallmerkinu liðu um tvær
vikur áður en ég áttaði mig á
hvaða maður væri í loftinu. Við
skiptumst á merkjum eins og
menn gera í tilvikum sem þessum
en að öðru leyti voru samskiptin
frekar stutt, enda vilja menn
ekki alltaf eyða miklum tíma í
þau, síst af öllu í fyrsta skipti
þegar verið er að tala við sjald-
gæfa stöð,“ segir hann.
Þegar tveir radíóamatörar ná
sambandi með þessum hætti
skiptast þeir á svo kölluðum
QSL-kortum, sem eru ekki óá-
þekk póstkortum, til staðfesting-
ar á sambandinu. Algengt er að
radíóamatörar safni slíkum kort-
um en auk söfnunargildis þeirra
fá menn punkta fyrir hvert land
sem bætist við. Sveinn kveðst
halda mikið upp á kortið frá kon-
unginum. „Framan á því er gull-
kóróna og síðan er kallmerkið
ásamt alls kyns flúri. Konungur-
inn hefur greinilega lagt mikið
upp úr að gera það vel úr garði, í
samræmi við tign sína og stöðu,“
segir hann.
Sveinn kveður sig ráma í sögu
þess efnis að eitt sinn hafi ís-
lenskur radíóamatör náð sam-
bandi við konunginn án þess að
átta sig á því um hvern var að
ræða, fyrr en hann grennslaðist
eftir því að loknu ágætu samtali.
Þá hafi konungur sagt: „I’m a
king around here“ eða „Ég er
konungur hér um slóðir“. „Síðari
árin lieyrðist lítið í konunginum
sem kann að skrifast á reikning
veikinda hans og mikilla anna,“
segir Sveinn. Af öðrum mektar-
mönnum sem hafa áhuga á þess-
um fjarskiptum nefnir Sveinn
annan konung, Jóhann Karl
Spánarkonung, Rajiv heitinn
Gandhi, fyrrum forsætisráðherra
Indlands, og Barry Goldwater,
sem eitt sinn bauð sig fram til
forseta í Bandaríkjunum.
Áfangaskýrsla um snjóflóðavarnir og hættusvæði í Bolungarvík
Helmingur
byggðar á snjó-
flóðahættusvæði
UM helmingur byggðar í Bolungar-
vík er á snjóflóðahættusvæði sam-
kvæmt áfangaskýrslu um snjóflóða-
hættu og snjóflóðavarnir sem verk-
fræðistofan Hnit hefur unnið. Lagt
er til í skýrslunni að ráðist verði í
snjóflóðavamir með því að grafa um
eins kílómetra langan skurð, 30
metra djúpan og um 20 metra breið-
an, sem myndi kosta rúmlega einn
milljarð króna. Niðurstöðumar
komu bæjaryfírvöldum í Bolungar-
vík mjög á óvart og verða þær
kynntar á almennum borgarafundi í
bænum 19. febrúar nk.
Hafa vanmetið snjófióðahættuna
Fulltrúar frá Hnit, umhverfisráðu-
neytinu, Veðurstofu Islands og
Framkvæmdasýslu ríkisins áttu
fund með bæjarstjóm Bolungarvík-
ur sl. þriðjudag þar sem niðurstöður
áfangaskýrslunnar voru kynntar.
„í febrúar 1996 féll snjóflóð hér á
tvö hús,“ segir Ólafur Kristjánsson,
bæjarstjóri í Bolungarvík. „Sem bet-
ur fer varð ekki manntjón en tals-
vert eignatjón. Við óskuðum því eftir
því að fram færi úttekt á stöðu
mála,“ segir hann. I framhaldi af því
var svo gerður samningur sl. sumar
við Hnit um að annast úttektina.
Ólafur segir að samkvæmt niður-
stöðum áfangaskýrslunnar, að helm-
ingur byggðarinnar sé á snjóflóða-
hættusvæði við verstu hugsanlegu að-
stæður, sé ljóst að Bolvíkingar hafi
vanmetið snjóflóðahættu á staðnum.
Varnarskurður myndi
kosta milljarð
Að sögn Ólafs komast skýrsluhöfi
undar að raun um að hefðbundnar
aðgerðir til varnar byggðinni, s.s.
með því að reisa þvergarða og stoð-
mannvirki dugi ekki í Bolungarvík.
„Þeir leggja fram þá hugmynd að
gerð verði djúp rás í hlíðina, sem
yrði um kílómeter að lengd, allt að
30 metra djúp og um 20 metra breið.
Þessi aðgerð myndi kosta rúman
milljarð," segir hann.
Ólafur segir að enn séu mörg at-
riði óljós sem þurfi að skoða betur,
s.s. varðandi jarðveginn á svæðinu.
Málið sé enn á frumstigi. Hann segir
að ekki hafi verið teknar neinar
ákvarðanir um hvernig brugðist
verði við þessum niðurstöðum eða
hvort ráðist verði í þessa miklu
mannvirkjagerð. „Það var ákveðið á
bæjarstjórnarfundinum að boða til
borgarafundar föstudaginn 19. febr-
úar þar sem þessar hugmyndir verða
kynntar bæjarbúum og þeir fá tæki-
færi til að segja sitt álit,“ segir hann.
„Þetta er miklu stærra og meira
mál en nokkur Bolvíkingur hefur
látið sér detta í hug. Ég hugsa að
niðurstöðurnar hafi jafnvel líka
komið þeim sem eru að vinna að
þessu verki á óvart en þeir vinna
eftir reglugerð um mat á snjóflóða-
hættu og við höfum margsagt að
hún er þeirra húsbóndi en svo geta
menn deilt um hvort ákvæði þessar-
ar reglugerðar eru rétt eða röng,“
segir hann.
Samvkæmt reglugerð ber við-
komandi sveitarfélagi að standa
undir 10% af kostnaði við gerð snjó-
flóðavarna á staðnum. Ólafur segir
að fjárhagsstaða sveitarfélagsins sé
það slæm að það yrði sveitarsjóði
algerlega ofviða að leggja fram 100
milljónir króna sem yrði kostnaðar-
hlutdeild bæjarins er ráðist verður í
umrætt mannvirki.
Leita skynsamlegra leiða
„Við munum halda áfram umræðu
um þessa skýrslu innan bæjarstjóm-
ar og bæjarráðs og næsta skref er að
halda borgarafund. Síðan munum við
í samráði og samstarfi við skýrsluhöf-
unda leita leiða sem eru skynsamleg-
ar. Við viljum fá sem bestai- vamir
fyrir sem minnst verð,“ sagði Ólafur.

i