Morgunblaðið - 11.02.1999, Qupperneq 31

MORGUNBLAÐIÐ
FIMMTUDAGUR 11. FEBRÚAR 1999 31
LISTIR
Bjarni Thor Kristinsson syngur hlutverk Ochs baróns í Rósariddaramim eftir Strauss
„Heiður að vera treyst
fyrir svo feitum bita“
BJARNI Thor Kristinsson bassa-
söngvari mun syngja hlutverk
Ochs baróns í Rósariddaranum
eftir Richard Strauss í óperunni í
Wiesbaden í Þýskalandi á næsta
leikári. Um er að ræða eitt
stærsta óperuhlutverk sem skrif-
að hefur verið fyrir bassarödd og
er Bjarni, að því er næst verður
komist, fyrsti Islendingurinn sem
tekst það á hendur. Frumsýnt
verður í september næstkomandi
og fyrirhugaðar ei-u tólf til
fímmtán sýningar.
Bjarni kveðst hæstánægður
með tækifærið. Það sé heiður að
vera treyst fyrir svo „feitum
bita“. „Fyrir það fyrsta er það
ákveðin viðurkenning að vera
beðinn um að syngja þetta hlut-
verk - ákveðin staðfesting á því
að ég sé á réttri leið og eigi
heima í þessu fagi. Eg geri inér
líka grein fyrir því að ef vel
gengur gæti þetta átt eftir að
opna mér ýmsar dyr.“
Og Bjarni veit að hann verður
undir smásjánni í Wiesbaden.
„Ochs barón er eitt af fáum hlut-
verkum þar sem bassasöngvarinn
fær athygli á við tenórsöngvara,"
segir hann og bætir svo hlæjandi
við: „Og fær greitt í samræini við
það.“
„Að öllu gríni slepptu," heldur
hann svo áfram, „þá verða hlut-
verkin ekki mikið stærri en þetta.
Sumir ganga meira að segja svo
langt að halda því fram að þegar
búið er að syngja Ochs barón séu
engin hlutverk eftir. Það eru líka
til bassasöngvarar sem gera ekk-
ert annað en syngja Ochs barón.
Það gæti ég þó ekki hugsað
mér.“
Bjarni hefur lengi rennt liýru
auga til barónsins. „Allt frá því
ég tók þátt í fyrstu óperuupp-
færslunni í Tónlistarháskólanum
í Vín hafa margir sagt mér að
þetta hlutverk myndi henta mér
vel. Meira að segja blaðagagn-
rýnendur hafa minnst á þetta
þegar ég hef verið að syngja allt
önnur hlutverk. Samt átti ég ekki
von á því að þetta myndi gerast
svona snemma. Það er nefnilega
mjög sjaldgæft að bassar syngi
hlutverk Ochs í byrjun ferilsins.
Hlutverkið er stórt, spannar
langt raddsvið, og er ekkert létt-
meti í leiklistarlegum skilningi en
baróninn er inni á sviðinu mestan
hluta óperunnar."
Er Bjarni þá ekki að taka vissa
áhættu með því að leggja svo
snemma til atlögu við Ochs?
„Auðvitað kemur reynslan manni
alltaf til góða og eflaust eiga ein-
hveijir eftir að halda því fram að
ég geti gert þetta betur seinna. Á
móti kemur að það getur líka
verið gott að spreyta sig snemma
á hlutverki sem þessu, maður vex
af verkunum. Eg treysti mér líka
100% í þetta, annars væri ég ekki
að þessu. Eg þarf auðvitað að
undirbúa mig mjög vel en þar
sem ég held að þetta liggi ágæt-
lega fyrir mér er ég hvergi
smeykur.“
Bjarni segir óperuhúsið í Wies-
baden vel til þess fallið að þreyta
frumraun sína í Rósariddaranum.
Það sé hvorki lítið né stórt og því
hæfilegur vettvangur fyrir glímu
af þessu tagi. „Það hefur sína
kosti að „máta“ hlutverk, eins og
við segjum, í húsi af millistærð.
Því er aftur á móti ekki að leyna
að ég geri mér vonir um að
syngja Ochs í stærri húsum þegar
fram líða stundir."
Bjarni er þegar farinn að búa
sig undir hlutverkið en vegna
stærðar þess segir hann æskilegt
að söngvarar hafi ár til að læra
hlutverkið og undirbúa sig. „Eg
fæ hins vegar ekki nema níu
mánuði sem er knappur tími. Það
ríður því á að skipuleggja vinn-
una vel.“
Rósariddarinn er ein vin-
sælasta, ef ekki vinsælasta, ópera
Richards Strauss og er flutt
reglulega í óperuhúsum Þýska-
lands og víðar. Að sögn Bjarna
syngja eigi að síður fáir bassa-
söngvarar hlutverk Ochs og „enn
færri þykja komast vel frá því.
Hlutverkið er ekki á færi hvers
sem er. Það gerir þetta ennþá
meira spennandi.“
Bjarni mun skrifa undir gesta-
samnhig við óperuhúsið í Wies-
baden en hann er fastráðinn við
Volksoper í Vín og verður „að
öllu óbreyttu þar enn um sinn“.
Operuunnendum í Wiesbaden
gefst nú tækifæri til að endurnýja
kynni sín við íslenska söngvara
en Viðar Gunnarsson, Kristinn
Sigmundsson og Gunnar Guð-
björnsson störfuðu allir við óp-
eruhúsið í lengri eða skemmri
tíma.
BJARNI Thor Kristinsson í hlutverki Bartólós í Brúðkaupi Fígarós á
sviði Volksoper í Vín.
Islenskt leikrit frumsýnt í Þýskalandi í aprfl
Fj ölsky lduharmleikur
sem gerist í nútímanum
LEIKRITIÐ Fjörbrot fuglanna eft-
ir Elías Snæland Jónsson, rithöfund
og ritstjóra, verður frumsýnt í
Dresden í Þýskalandi í apríl næst-
komandi, í borgarleikhúsi unga
fólksins, Theater Junge Generation.
Leikritið var valið til þátttöku í
evrópskri leikskáldasamkeppni fyr-
ir um fímm árum. „Það fékk nú eng-
in verðlaun þarna úti en hins vegar
var umboðsmaður í Berlín sem átti
aðild að keppninni og fékk mikinn
áhuga á þessu verki. Hann tók að
sér að koma því á framfæri í Þýska-
landi, í þýskri þýðingu Gudrunar
M.H. Kloes. Það hefur nú skilað
þessum árangri,“ segir Elías í sam-
tali við Morgunblaðið.
Ólík viðbrögð einstaklinga
sem lenda undir harðstjórn
Aðspurður um efni leikritsins
segir hann að það sé fjölskyldu-
harmleikur sem gerist í
nútímanum. „Það tekur
fyrst og fremst á
spurningunni um harð-
stjórann, sem í þessu
tilfelli er innan ramma
fjölskyldunnar. Leik-
ritið hefst þegar aðal-
persónan, ung stúlka,
kemur heim eftir
nokkra fjarveru vegna
andláts föður síns. Það
verður tilefni til upp-
gjörs og endurminn-
inga og dramatískra
átaka sem snúast um
harðstjórann og ólík
viðbrögð einstaklinga
sem lenda undir harð-
stjórn,“ segir hann.
Þetta er í fyrsta sinn sem leikrit
eftir Elías er sett á svið en fram-
haldsleikrit eftir hann, Myrkraverk,
var flutt í Útvarpsleik-
húsi Ríkisútvarpsins
árið 1996. Hann hefur
sent frá sér fjölda bóka
á undanförnum árum,
m.a. sjö skáldsögur,
nokkrar smásögur og
ýmis rit sagnfræðilegs
eðlis. „Síðustu árin hef
ég fyrst og fremst ein-
beitt mér að því að
skrifa fyrir börn og
unglinga," segir hann
og bætir við að síðasta
árið hafí hann farið að
fást meira við leikritun,
sem honum þyki afar
skemmtilegur og
spennandi miðill. Vart
þarf að taka fram að
Elías hyggst þekkjast boð leikhúss-
ins um að vera viðstaddur frumsýn-
inguna í Dresden í apríl.
15% aukaafsláttur af öllum vörum
fimmtudag til laugardags
Nýjar vörur
á mánudag
Opið á laugardögum frá
kl. 10 til 16
mmarion
Reykjavíkurvegi 64, sími 565 1147
ALNABÆR
Síðumúla 32, Reykjavík
Símar 553 1870 & 568 8770
Tjarnargötu 12, Keflavík
Sími 421 2061
50%
afsláttur af
glugga-
tjaldaefnum.
Efni frá kr.
200,- m.