Morgunblaðið - 11.05.1999, Blaðsíða 15

MORGUNBLAÐIÐ
ÞRIÐJUDAGUR 11. MAÍ 1999 15
PAVÍÐ ODDSSON
Vel rökstuddur
úrskurður
DAVIÐ Oddsson forsætisráðherra
segist hafa fengið úrskurð Kjara-
dóms í hendur sl. sunnudag og telji
eftir að hafa kynnt sér forsendur
hans að um vel rökstuddan dóm sé að
ræða.
Kjaradómur færi m.a rök fyrir því
að laun ráðherra og þingmanna
hækki um nálægt 18% umfram
hækkanir annarra sem undir dóminn
heyra til að vega á móti því að ráð-
herrum og þingmönnum hefur ekki
verið úrskurðuð föst yfírvinna líkt og
dómurinn hefur úrskurðað embættis-
mönnum.
„Þeir hafa 40 tima eða svo í
ómælda yfirvinnu sem ráðherrar og
þingmenn hafa ekki en flestir viður-
kenna nú að það er ekki líklegra að
starfsmennimir í ráðuneytunum,
ráðuneytistjórarnir, séu að vinna
lengri vinnudag en ráðherrarnir. Ég
held að ráðherrarnir vinni almennt
lengri vinnudag vegna þess að það
bætast til dæmis við hjá þeim skyldu-
ferðir og að sitja fyrir svörum á fund-
um og í ijölmiðlum og að vera yfir-
leitt til taks hvenær sem er.“
Davíð sagðist ekki vilja fella dóm
yfir þessum úrskurði enda væri það
ekki hans hlutverk. „Þetta er stjóm-
sýsludómur og það er ráð fyrir því
gert að við höfum ekkert um þetta að
segja,“ sagði hann.
Aðspurður hvort hann teldi að úr-
skurður Kjaradóms myndi valda ólgu
og deilum í þjóðfélaginu sagðist Da-
víð ekki telja að svo verði. „Mér
finnst á fólld að það sé skilningur á
því að til dæmis ráðherrar eigi ekki
að vera númer þrjú eða fjögur í sínu
ráðuneyti og það sé óeðlilegt.“
HALLDÓR ÁSGRÍMSSON
Erfitt að hreyfa sig
í svona máli
HALLDÓR Ásgrímsson utanríkis-
ráðherra sagði í gær að birting úr-
skurðar Kjaradóms um að laun ráð-
herra, þingmanna og annarra emb-
ættismanna skuli hækka um 30% beri
vitni sjálfstæði dómsins. Margrét
Frímannsdóttir, talsmaður Samfylk-
ingarinnar, sagði að hún hefði viljað
sjá aðra hópa fá kjarabætur á undan
þingmönnum, en þeir hefðu engu að
síður á vissan hátt dregist aftur úr.
Halldór Ásgrímsson, utanríkisráð-
herra og formaður Framsóknar-
flokksins, sagði að hann hefði ekki
vitað af úrskurði Kjaradóms, sem féll
á laugardag og var birtur á sunnu-
dag: „Hann kom mér alveg í opna
skjöldu og ég vissi ekkert um hann,“
sagði Halldór um úrskurðinn. „Mér
finnst Kjaradómur vera að undir-
strika sjálfstæði sitt með því að senda
úrskurðinn frá sér daginn eftir kosn-
ingar. Ég hef alltaf verið þeirrar
skoðunar að við þurfum að viðhalda
sem mestum launajöfriuði í okkar
samfélagi og ekki síst þess vegna
voru öll völd tekin af stjómmála-
mönnum í þessu máli þannig að þeir
verði ekki ótrúverðugir í því. Það
eina, sem við höfum getað gert í
þeirri stöðu, er að grípa inn í með lög-
gjöf. Þá má segja að við séum farnir
að úrskurða okkar eigin kjör. Það er
mjög erfitt að hreyfa sig í svona
máli.“
Halldór sagði að kjör stjórnmála-
manna væru og yrðu alltaf viðkvæm,
en það væri alrangt að stjómmála-
leiðtogar hefðu vitað af úrskurði
Kjaradóms fyrirfram.
Hæpið að vísa til dóms og
hnekkja siðan úrskurði
Margrét Frímannsdóttir, talsmað-
ur Samiylkingarinnar, sagði að hún
hefði ekki einu sinni vitað að til stæði
að Kjaradómur legði fram úrskurð
um laun stjómmála- og embættis-
manna. „Hins vegar er það alveg
Ijóst að þingmenn hafa á vissan hátt
dregist aftur úr ef hægt er að tala um
einhvem samanburð í þeim efnum,
sem alltaf er erfitt því að þing-
mennskan er um margt mjög sér-
stök,“ sagði hún. „En Ijóst er að mið-
að við þá ábyrgð sem fylgir starfinu
hafa þingmenn dregist aftur úr.“
Margrét sagði að uppi væri sú
krafa í þjóðfélaginu að þar sem nú
væri góðæri og stöðugleiki í eftia-
hagsmálum ætti að bæta Iqörin og
benti á kjaramálaumræðu kennara.
„En það em margir hópar sem ég
hefði viljað sjá að fengju kjarabætur
á undan okkur.“ Margrét sagði, þeg-
ar hún var spurð hvort hún teldi að
niðurstaða Kjaradóms ætti að standa,
að það væri hæpið að vísa kjaramál-
um alþingismanna í ákveðinn dóm og
taka síðan af úrskurð hans.
„Það er náttúrlega hreinn og klár
skrípaleikur og ekkert annað," sagði
hún. „Menn verða að fara að finna
þessu ákveðinn farveg."
GRÉTAR ÞORSTEINSSON
Afdráttarlaus leiobein-
ing við gerð næstu
kjarasamninga
GRÉTAR Þorsteinsson, forseti Al- al annars á því hvað hefur verið að
þýðusambands Islands, segir að úr- gerast í samningum hjá ríkinu,
skurður Kjaradóms um launahækkun
til handa æðstu fulltrúum ríkisvalds-
ins sé mjög afdráttarlaus leiðbeining
iyrir Alþýðusambandið hvað varði
gerð næstu kjarasamninga.
Grétar sagði einnig að sér fyndist
tímasetning þessa úrskurðar afar
undarleg, þ.e. að ákvörðun um þetta
væri tekin á kjördag og alþjóð til-
kynnt um það daginn eftir kjördag.
„Síðan lít ég svo á að þetta sé mjög
afdráttarlaus leiðbeining fyrir okkur
hvað varðar næstu Iqarasamnings-
gerð,“ sagði Grétar.
Hann sagði aðspurður að það færi
ekkert á milli mála að með þessum
úrskurði væri kúrsinn settur hvað
varðaði kröfugerð í næstu kjarasamn-
ingum. „Ég hef nú ekki ennþá séð
greinargerðina með þessari ákvörð-
un, en ég held ég muni það rétt að ég
hafi heyrt það í fréttum í gær [fyrra-
dag] að þessi niðurstaða byggist með-
þ.e.a.s. gagnvart hluta af sínum
starfsmönnum. Það á ekki við um þá
starfsmenn sem eru í röðum Alþýðu-
sambandsfélaganna, núna á síðustu
misserum. Þetta er svona punkturinn
yfir i-ið í því ferli,“ sagði Grétar.
Hann sagði að það væri ekkert
hægt að misskilja þetta, enda ef
launaþróun félaga innan Alþýðusam-
bandsins ætti ekki að vera í takt við
þetta þá væri að gliðna verulega í
sundur með hópum á vinnumarkaði
hér á landi.
Spurður hvort hann teldi að at-
vinnulífið gæti borið viðlíka launa-
hækkanir eins sagði hann að viðhorf
ríkisins virtist vera augljóst í þessum
efnum og rétt að taka mark á því.
„Það er að mínu viti alveg deginum
Ijósara að félögin innan Alþýðusam-
bandsins og landssamböndin hafa
fengið þama gott veganesti,“ sagði
Grétar ennfremur.
FRÉTTIR
Gífurlegur hiti og reykur frá logandi hjólbörðum
SLÖKKVILIÐ Reykjavíkur var kallað að fjölbýlis-
húsi við Reyrengi í Grafarvogi um klukkan 13 í
gær vegna elds, sem kviknað hafði í hjólbörðum í
opinni bfiageymslu undir húsinu. Átta til tíu hjól-
barðar voru geymdir í bflageymslunni og var að-
koman ófögur þegar slökkvilið bar að. Gífurlegur
hiti hafði myndast vegna eldsins og steig sótsvart-
ur reykur upp með húsinu og fór inn í a.m.k. tvær
íbúðir, sem skemmdust þó ekki að öðru Ieyti.
Ein bifreið var í geymslunni og skemmdist fram-
endi hennar vegna hitans frá logandi hjólbörðun-
um. Einangrun í lofti geymslunnar var byijuð að
brenna þegar slökkvistarf hófst og eyðlögðust við
það raf- og frárennslislagnir frá íbúðum, sem lágu
uppi í lofti geymslunnar.
Slökkvistarf tók klukkustund og að sögn Frið-
riks Þorsteinssonar varðstjóra hjá Slökkviliði
Reykjavíkur urðu mikil óþægindi fyrir nærliggj-
andi íbúðir, vegna sóts og reyks sem af eldinum
hlaust.
Orsakir eldsins eru ókunnar, en tæknideild lög-
reglunnar í Reykjavík rannsakar eldsupptökin.
Nýjar námsleiðir hjá Háskóla fslands í nokkrum greinum
Starfstengt þriggja
missera nám
HÁSKÓLI íslands býður næsta
haust uppá nýjar námsleiðir, 45 ein-
inga nám, í nokkrum greinum á BS
eða BA stigi.
Námið er ætlað
þeim sem vilja
bæta við þekk-
ingu. sína á ein-
hverju sviði án
þess kannski að
leggja í fullt BA
eða BS nám sem
er 90 einingar.
Námið er að
nokkru leyti
starfstengt og
lýkur með diplóm-prófi.
Viðskipta- og hagfræðideild stend-
ur á miðvikudaginn fyrir kynningar-
fundi um þær fimm námsleiðir sem
deildin býður. Verður hann haldinn í
stofu 101 í Odda og hefst klukkan
17.30. Námsleiðirnar í viðskipta- og
hagfræðideildinni eru hagfræði,
markaðs- og útflutningsfræði,
rekstrarstjórnun, rekstur fyrirtækja
og tölvunotkun og sú síðasta er við-
skiptatungumál. Nýjar námskeiðir í
öðrum deildum eru rekstur tölvu-
kerfa, rekstur sjávarútvegsfyrir-
tækja, ferðamálafræði, hagnýtt nám
í nokkrum tungumálum, upplýsinga-
stjómun og menntun leiðbeinenda í
uppeldis- og kennslufræðum.
Gylfi Magnússon, dósent í við-
skipta- og hagfræðideildinni, segh-
að ljúka megi náminu á þremur
misserum en þeir sem kjósi að vinna
með námi verði trúlega að taka það á
fjórum misserum eða jafnvel lengri
tíma. Nemendur sækja almenn nám-
skeið í deildunum samkvæmt venju-
legri stundaskrá og segir Gylfi það
því krefjast sveigjanlegs vinnutíma
hjá þeim sem vilja vinna með nám-
inu.
Þörf fyrir nám af þessum toga
„Við rennum svolítið blint í sjóinn
með aðsókn en teljum tvímælalaust
þörf fyrir nám af þessum toga og það
hefur verið mikið spurt. Mér heyrist
þama verða á ferðinni ívið eldra fólk
en það sem sækir nú nám í viðskipta-
fræðinni, fólk sem búið er að koma
sér fyrir í vinnu en vill skipta um
starfsvettvang eða færa sig til, afla
sér meiri þekkingar en er ekki tilbú-
ið í fullt háskólanám," segir Gylfi.
Hann segir fólk eiga að geta unnið
störf sem krefjist nokkurrar sér-
þekkingar og telur fulla þörf víða í
atvinnulífinu fyrir fólk með slíkan
bakgrunn. Innritun hefst 20. maí.
Innritunargjald er 25 þúsund eins og
hjá öðrum háskólanemum.
Munurinn á þessum nýju náms-
leiðum og t.d. námi hjá Endurmennt-
unarstofnun er m.a. sá að hér sitja
nemendur með öðrum háskólanem-
um og taka sömu próf en Gylfi segir
námskröfur aðrar í Endurmenntun
og að hún bjóði ekki síst kennslu á
kvöldin sem henti þeim sem vilja
taka nám sitt meðfram vinnu.
Gylfi Magnússon
Lögreglan á Snæfellsnesi
upplýsir íkveikju
Ólafsvfk. Moigunblaðid.
ÞAÐ var venju fremur annasamt
hjá lögreglunni á Snæfellsnesi um
helgina, en auk fastra starfa við ut-
ankjörstaðakosningu, akstur og
frágang kjörgagna upplýsti hún
íkveikju að Búlandshöfða í Eyrar-
sveit, þrjú innbrot í mannlaus hús,
sem framin voru í vetur, tók 15
ökumenn fyrir of hraðan akstur og
tvo grunaða um ölvunarakstur.
Að sögn Eðvarðs Árnasonar, yf-
irlögregluþjóns í Stykkishólmi, hef-
ur lögreglan komist á snoðir um og
upplýst að kyeikt var í að Höfða í
Eyrarsveit hinn 20. febrúar sl. en
þar brunnu inni skepnur og ný-
stofnsett saumafyrirtæki og útihús
ábúandans á Búlandshöfða, Jónínu
Gestsdóttur, og varð þar tjón sem
skipti milljónum. I upphafi var ekk-
ert sem benti til íkveikju, enda allt
brunnið sem brunnið gat, en sakir
þekkingar á staðháttum og vegna
náins samstarfs milli vaktsvæða
tókst lögreglunni að upplýsa þetta
mál nú um helgina.
Nokkur innnbrot upplýst
Þá voru um helgina upplýst
nokkur innbrot, m.a. í aðstöðu Nes-
vikurs á Breið, í sumarhús á
Kirkjuhóli í Staðai-sveit og í Hótel
Búðir, en í þessum innbrotum var
m.a. stohð sjónvarps- og hljóm-
flutningstækjum, tölvubúnaði,
verkfærum og fleiri verðmætum og
eru þá ótaldar talsverðar skemmdir
sem alltaf verða er innbrotsþjófar
eru á ferð. Enn er verið að rann-
saka brunann að Mýrarholti 1 í
Ólafsvík.
Jafnframt þessum málum sem
unnið var við að upplýsa um helg-
ina voru 15 ökumenn teknir fyrir of
hraðan akstur og tveir grunaðir um
ölvunarakstur, þannig að verulega
annasamt hefur verið hjá löggæslu-
mönnum á Snæfellsnesi um helg-
ina. Lögreglumenn, sem rætt var
við, sögðu talsvert minna hafa verið
að gera vegna atkvæðagreiðslna
utan kjörfundar núna heldur en
fyrir fjórum árum en með aukinni
samvinnu og samstarfi milli vakt-
svæðanna hefur náðst meiri sam-
staða og árangur í störfum lögregl-
unnar á Snæfellsnesi.