Morgunblaðið - 21.05.1999, Page 31
MORGUNBLAÐIÐ
FÖSTUDAGUR 21. MAÍ 1999 31
LISTIR
Höggmyndagarður Asmundarsafns vígður og yfírlitssýning opnuð
„Vildi koma
listinni á fram-
leið áttu um“
FJÖLDI fólks var samankominn í
Asmundarsafni við Sigtún í gær þeg-
ar yfirlitssýning á verkum Asmund-
ar Sveinssonar myndhöggvara var
opnuð, endurnýjaður höggmynda-
garðurinn umhvei'fis húsið vígður og
endurútgáfu Bókarinnar um As-
mund fagnað. Á þessum degi, 20.
maí, hefði listamaðurinn orðið 106
ára en hann lést árið 1982.
„Það er mjög gefandi viðfangsefni
að umgangast verk Ásmundar og
kynnast þeim nánar og áður en langt
um líður eru þau mörg hver orðin
sem hluti af manni sjálfum. Og það
eru án efa fáir sem einu sinni hafa
komist í snertingu við verk eins og
Vatnsberann og Helreiðina, svo
dæmi séu tekin, sem ekki bera
ímynd þeirra með sér alla ævi. Því er
allt annað en einfalt verk að setja
saman sýningu af þessu tagi og
þurfa að velja milli svo margra
sterkra ímynda,“ sagði Eiríkur Þor-
láksson, forstöðumaður Listasafns
Reykjavíkur, í ávarpi sínu við opnun-
ina. Hann þakkaði í því sambandi
sérstaklega Ólöfu K. Sigurðardóttur,
deildarstjóra fræðsludeildar safns-
ins, sem hefur borið hitann og þung-
ann af uppsetningu sýningarinnar og
gerð nýs kynningarbæklings um
safnið.
Ekki viðraði vel í gær til þess að
spássera í höggmyndagarðinum, svo
flestir létu sér nægja að virða fyrir
sér hinn endurnýjaða garð gegnum
glugga og dyr. Framkvæmdir við
garðinn eru langt komnar. ,Ásmund-
ur Sveinsson hafði sjálfur forgöngu
um það að setja fjölmörg verka sinna
upp í kringum heimili sitt og vinnu-
stofu, sem nú er orðið að safni, og
vildi þar með koma listinni á fram-
færi við alla þá sem leið áttu um,“
sagði Eirikur. Hann þakkaði þeim
Kolbrúnu Þóru Oddsdóttur lands-
lagsarkitekt, sem hannaði garðinn,
Rúnari Gunnarssyni og Einari Har-
aldssyni hjá byggingadeild borgar-
verkfræðings, sem fylgdu verkinu
eftir, og verktakanum Garðaprýði,
undir stjórn Guðmundar T. Gíslason-
ar skrúðgarðyrkjumeistara, fyrir
vinnu þeirra við garðinn.
Við opnun sýningarinnar var enn-
FJÖLMENNI var við opnun jTirlitssýningar á verkum Ásmundar
Sveinssonar í Ásmundarsafni í gær.
_ri við alla sem
Morgunblaðið/Golli
ÁSDÍS Ásmundsdóttir tekur við fyrsta eintaki bókarinnar um föður
sinn úr höndum Guðrúnar Jónsdóttur.
fi-emur kynnt endurútgáfa Bókar-
innar um Ásmund eftir Matthías Jo-
hannessen, sem kom fyrst út árið
1971. „Þessi sérstæða samtalsbók
hefur verið ófáanleg um langt árabil
og því vel við hæfi að Listasafn
Reykjavíkur gefi bókina út að nýju,“
sagði Eiríkur, en hina nýju útgáfu
bókarinnar hannaði Hildigunnur
Gunnarsdóttir. Bókina prýða ljós-
myndir úr safni Ólafs K. Magnússon-
ar, Ijósmyndai-a Morgunblaðsins,
sem fæstar hafa birst opinberlega
áður.
„I bókinni náði Matthías Johann-
essen að láta njóta sín með einstök-
um hætti þá náðargáfu Ásmundar að
tala með skýnim og skemmtilegum
hætti um list sína, stöðu listarinnar í
samfélaginu og með hvaða hætti fólk
ætti að njóta þess sem listamenn
hafa fram að færa. Ljósmyndir Ólafs
K. Magnússonar sýna Ásmund
einnig með skemmtilegum hætti inn-
an um verk sín, oft íbygginn og
sposkan á svip og eru myndirnar i'
bókinni einstakar sem persónulýs-
ingar ekki síður en textinn," sagði
Guðrún Jónsdóttir, formaður menn-
ingarmálanefndar Reykjavikur og
stjómar Ásmundarsafns. Hún opn-
aði sýninguna formlega og afhenti
um leið dóttur listamannsins, Ásdísi
Ásmundsdóttur, fyrsta eintak bókar-
innar, með óskum um að hún myndi
njóta vel minninganna sem eflaust
ættu eftir að kvikna við lestur henn-
ar. Ásdís sagði í samtali við Morgun-
blaðið að sér þætti sýningin afar fal-
leg og var ánægð með þær lagfær-
ingar sem gerðar hafa verið í garðin-
um, þar sem hún lék sér sem barn.
Sjálf kemur hún oft á bernskuslóð-
irnar og fylgist vel með starfsemi
safnsins, enda situr hún í stjórn
þess.
Sönggleði
og kraftur
TÖJVLIST
Seljakirkja
KÓRSÖNGUR
Rangæingakórinn, undir stjórn Elín-
ar Oskar Óskarsdóttur, flutti íslensk
kórlög. Einsöngvari var Kjartan
Ólafsson og píanóleikari Guðlaug
Hestnes. Miðvikudaginn 19. maí.
NÚ ERU átthagakórarnir að
skila af sér vetrarstarfmu og halda
vortónleika hver í kapp við annan, ef
svo mætti segja. Nú þessa vikuna
eru það Rangæingar og Snæfelling-
ar sem hafa orðið og fór undirritað-
ur á tónleika Rangæingakórsins sl.
miðvikudagskvöld í Seljakirkju, sem
eins og Seltjarnarneskirkja skartar
í þakbúnaði yfirþyrmandi timbur-
verki, sem trúlega á sinn þátt í góðri
hljóman beggja kirknanna.
Fyrstu þrjú lögin á tónleikum
Rangæingakórsins voru úr íslensku
þjóðlagasafni, Tíminn líður, í radd-
setningu Árna Harðarsonar, Móðir
mín í kví, kví, í raddsetningu Jakobs
Hallgrímssonar, og Krummavísa, í
raddsetningu undimtaðs. Öll lögin
voru ágætlega sungin, með sérlega
skýrum farmburði texta og góðri
tónstöðu. Kórinn er bæði vel syngj-
andi og vel þjálfaður, enda er stjórn-
andinn, Elín Ósk Óskarsdóttir, vel
kunnandi um allt er lýtur að söng og
söngtækni. í síðasta laginu lék Guð-
laug Hestnes með á píanó og einnig
í Fuglinn í fjörunni eftir Jón Þórar-
insson og gerði það af þokka.
Tvö lög eftir Jón Nordal voru
næst á efnisskránni, Heilræðavísur
og Smávinir fagrir, og voru þessi lög
helst til hröð, sérstaklega smávin-
irnir. Karl Ottó Runólfsson átti
næsta lag, í fjarlægð, og söng
Kjartan Olafsson einsöng í þessu
fagra lagi og gerði það vel. Það má
deila um það hvort rétt sé að radd-
setja þetta lag fyrir kór, til viðbótar
við undirleikinn, nema þá að sleppa
hreinlega einsöngnum, eins og gert
var í Fuglinn í fjörunni og í næsta
lagi, í dag skein sól, eftir Pál ísólfs-
son. Bæði útsetningin á Fuglinn í
fjörunni og í dag skein sól eru
ágætlega útfærðar fýrir kór, enda
er undirieikurinn á píanóið látinn
halda sér, þótt eitthvað væri
brenglað við millispilið í lagi Páls.
Úr útsæ rísa Islands fjöll, einnig
eftir Pál, er í miklu uppáhaldi kóra,
enda tignarlegt Iag og töluverð
raddleg áskorun fyrir kóra, sem
Rangæingakórinn stóð vel við og
skilaði með reisn. Eftir hlé söng
kórinn við orgelundirleik snilldar-
lagið Heyi’ himnasmiður eftir Þor-
kel Sigurbjörnsson. Tvö lög eftir
yngri tónskáldin, Tvær ferskeytlur
og viðlag eftir Hákon Leifsson og
Gömul vísa um vorið eftir Gunnstein
Ólafsson, eru ágætar tónsmíðar,
áferðarfalleg lög er voru mjög vel
sungin og sömuleiðis Vorvísur eftir
undimtaðan. Söngstjórinn stefnir
lögunum oft við hraðari mörkin og
leggur helst áherslu á sönggleði en
gefur sér ekki ávallt tíma til að
dvelja og dekra við einstaka tónlín-
ur, þannig að óróleiki er oft merkj-
anlegur í annars ágætum og hrein-
um flutningi kórsins.
Fjögur síðustu viðfangsefni kórs-
ins eru eftir Björgvin Þ. Valdimars-
son, sem á undanfórnum árum hef-
ur verið iðinn við gerð söngverka.
Björgvin hefur línuna en oft vantar
á að form laganna sé nægilega yfir-
vegað og of mikið er um beinar end-
urtekningar tónhugmynda, eins og
t.d. í laginu Bikarinn, sem sungið
var ágætlega af Kjartani Ólafssyni.
Maríubæn og Ástarþrá eru um
margt ágæt lög en í lokalagi kórs-
ins, Rangárþingi, var forspilið, sem
er rismikið í upphafí, illa tengt við
innkomu kórsins. Þarna er ekki við
undirleikarann að sakast, sem lék
undir af töluverðu öryggi. Kórinn
söng lög Björgvins hressilega og
sérstaklega Rangárþing.
Rangæingakórinn er góður kór
og söngblær hans ber sterkan svip
af krafti kórstjórans, Elínar Óskar
Óskarsdóttur, en hann á einnig til
viðkvæma strengi, þótt sönggleðin
væri í fyrirrúmi varðandi mótun
söngverkanna.
Jón Ásgeirsson
Nýir leikar-
ar í Tveim
tvöföldum
NÝVERIÐ urðu hlutverkaskipti í
leikritinu Tveir tvöfaldir eftir
Ray Cooney sem sýnt er í Þjóð-
leikhúsinu. Sigurður Siguijóns-
son tók við hlutverki hins kostu-
lega þjóns, sem Bergur Þór Ing-
ólfsson lék áður. Þjónustustúikan
sem Steinunn Ólína Þorsteins-
dóttir lék er nú leikin af Halldóru
Björnsdóttur. Sýningum fer
fækkandi.
TRIUMPH sundbolir og
bikini í miklu úrvali
Útsölustaðir:
Útilíf, Glæsibæ, Sportkringlan,
Axel Ó., Vestm.,
Lækurinn, Neskaupstað,
KB, Borgarnesi.
Heildsöludreifing: Aqua Sport ehf.,
Hamraborg 7, sími 564 0035.
Tónleikar
í Garðabæ
SÍÐUSTU tónleikar Tónlistar-
skóla Garðabæjar á þessu vori
verða í kvöld kl. 20 í Kirkjuhvoli,
safnaðarheimili Vídalínskirkju í
Garðabæ. Á efnisskránni eru ís-
lensk og erlend ljóð og aríur, ein-
söngslög, dúettar og annar sam-
söngur.
Flytjendur eru nemendur Snæ-
bjargar Snæbjarnardóttur og með-
leikari er Valgerður Andrésdóttir
píanóleikari.
SMÁSKÓR
i bláu húsi við Fákafen, s. 568 3919.