Morgunblaðið - 03.06.1999, Blaðsíða 6

6 FIMMTUDAGUR 3. JÚNÍ 1999
MORGUNBLAÐIÐ
Gísli Kristófersson, verktaki hjá ístaki,
um framkvæmdir við Kringluna
Morgunblaðið/Kristinn
FRAMKVÆMDIR við grunn nýbyggingarinnar við Kringluna hafa
gengið mjög vel, að sögn Gísla Kristóferssonar, verkstjóra hjá ístaki.
„Erum á áætlun“
NU eru rétt fjórir mánuðir í að hin
nýja 10.500 fermetra bygging við
Kringluna verði opnuð, en fram-
kvæmdir við grunninn hafa gengið
mjög vel, að sögn Gísla Kristófers-
sonar, verkstjóra hjá fstaki, en um
75 manns vinna nú hörðum höndum
við að ljúka verkinu á tilsettum
túna.
„Fram að þessu hefur allt gengið
mjög vel. Við erum á áætlun með
allt, en þetta er mjög strangt pró-
gramm sem við erum að vinna eft-
ir,“ sagði Gísli, sem hefur verið
starfsmaður Istaks í 20 ár og unnið
við Kringluframkvæmdimar frá
byrjun eða síðan heilur og tré vom
rifin upp í byrjun janúar. Ráðgert
er að opna nýja og endurbætta Kr-
inglu þann 30. september, en ef
verktakinn hefúr ekki lokið sínum
þætti fyrir þann tíma verður beitt
dagsektum.
Menn svolítið stressaðir
„Ef fram heldur sem horfir ættum
við ekki að þurfa taka á okkur
neinar dagsektir," sagði Gísli, en
FRÉTTIR
Morgunblaðið/Þorkell
STEFNT er að því að opna nýja og endurbætta Kringlu hinn 30. september en um miðjan þennan mánuð
verður hafist handa við að hífa þakið á verslunarhluta byggingarinnar.
viðurkenndi um leið að auðvitað
væm menn samt alltaf svolítið
stressaðir. „Við höldum samt fylli-
lega í við þær áætlanir sem gerðar
vom varðandi uppsetningu hússins,
en það em bara ýmsir aðrir þættir,
sem geta haft áhrif á verklok eins
og t.d. það hvort allri hönnun verði
lokið og hvort ýmis búnaður verði
til staðar, eins og t.d. loftræstikerfi,
rafmagn, pípulagnir og fleira þess
háttar, en vonandi standast allar
áætlanir þegar upp er staðið."
Auk þess að auka verslunarrými
Kringlunnar mun byggingin hýsa
nýjan sal fyrir Borgarleikhúsið,
sem og nýtt Borgarbókasafn. Þá
verður bflageymsla fyrir um 400
bfla á suðausturhluta lóðarinnar.
Þakið sett á um miðjan
mánuðinn
Gisli sagði að um miðjan þennan
mánuð yrði hafist handa við að
hífa þakið á verslunarhlutann, og
þá væri uppsetning veggja, til að
skilja að verslunarrými, einnig að
hefjast. I bflastæðahúsinu er verið
að setja efra gólfið á, en búið er að
malbika kjallarann og í Borgar-
leikhúshlutanum er verið að fylla
inn í grunn og reiknað er með að
botnplata verði steypt fyrir miðjan
júlímánuð.
Eins og komið hefur fram eru
um 75 manns að vinna við fram-
kvæmdirnar og átti Gísli frekar
von á því að eitthvað myndi bætast
í hópinn þegar liði á sumarið.
Upplýsingar um hversu löngrim tíma fólk ver til dagblaðslestrar á hverjum degi
Verða birtar í
næstu könnun
HALLDÓR Guðmundsson, formaður Sam-
bands íslenskra auglýsingastofa, segir að SIA,
og þeir fjölmiðlar sem standa að fjölmiðlakönn-
uninni sem birt var í fyrradag, hafi fullan hug á
að samsvarandi upplýsingar og teknar voru úr
henni að ósk Fijálsrar fjölmiðlunar verði birtar
þegar ný könnun verður gerð í haust. Um er að
ræða upplýsingar um hlutfall dagblaðalestrar á
hvem einstakling og hversu löngum tíma ein-
staklingurinn ver til dagblaðalestrar á hverjum
degi.
„Við hyggjumst hafa þessar upplýsingar
með í næstu könnun, óháð því hvort samstaða
verður á meðal fjölmiðlanna um birtingu þeirra
eða ekki. En vegna þess að við leggjum mikið
upp úr þvi að fá þessar upplýsingar í næstu
könnun, og framvegis, treystum við því að sam-
staða náist um málið,“ segir Halldór.
Ágreiningur um aðferð
Hann segir að aðrir aðilar en forsvarsmenn
Frjálsrar fjölmiðlunar hafi ekki óskað eftir þvi
að umrædd gögn yrðu tekin úr niðurstöðum
könnunarinnar. Forsvarsmenn FF hafi ekki
rætt við sig eftir að könnunin var birt á þriðju-
dag.
„Eg hygg að þegar betur er að gáð sé ekki
svo mikill ágreiningur um það hvort þessar
upplýsingar eigi að vera inni eða ekki. Ég held
að menn greini frekar á um hvemig beri að
mæla þetta, þ.e. að mælingaraðferðin sé frem-
ur ásteytingarsteinn en það hvort mæla eigi
þessi atriði. Gallup tók upp aðferð sem er notuð
t.d. í Bretlandi og felur í sér prósentuútreikn-
inga á lestri dagblaða. Ég held að aðilar geti
skoðað betur með hvaða aðferð þetta er gert og
komið sér saman um einhverja eina aðferð við
framkvæmdina,“ segir Halldór.
Halldór kveðst telja að þær upplýsingar sem
um ræðir verði handbærar fyrir hvert blað fyr-
ir sig, þ.e. að DV fái þær upplýsingar sem lúta
að því, Morgunblaðið þær sem að því snúa
o.s.frv., en þær upplýsingar sem snerta öll
blöðin verði ekki birtar opinberlega að þessu
sinni. Um það hafi orðið samkomulag. „í sama
samkomulagi er gert ráð fyrir að þessar upp-
lýsingar verði hins vegar birtar í haust og við
göngum út frá því að það samkomulag haldist,"
segir Halldór.
Ekki samstaða um viðbætur
Marteinn Jónasson, framkvæmdastjóri dag-
blaðsins Dags, segir rangt að einhverju hafi
verið kippt út úr könnuninni að kröfu Frjálsrar
fjölmiðlunar. „Það er rétt að komi fram að hér
er ekki um eitt fyrirtæki að ræða, heldur þrjá
af fjórum aðilum í blaðahlutanum og hluti af
tímaritunum einnig. Það er einnig rangt að ein-
hverju hafi verið kippt út, heldur hafði komið
fram tillaga um að bæta nokkrum spumingum
við þá fjölmiðlakönnun sem gerð hefur verið í
fjöldamörg ár og mikil samstaða ríkt um. Það
náðist ekki samstaða um þessar viðbætur, enda
voru þær ekki fullunnar, en fyrir slysni að-
standenda könnunarinnar voru spumingablöð-
in útbúin með þessum nýju spurningum. Sam-
komulag varð um að niðurstöður í þessum
„slysahluta“ yrðu ekki birtar en menn ynnu
skipulega í að skoða hvort og þá hvaða frekari
endurbætur ætti að gera fyrir næstu könnun -
sem stóð til að gera næsta haust.“
Aðspurður um hvers vegna menn hafí ekki
viljað þær spurningar sem þarna um ræðir
segir Marteinn að málið hafi í raun ekki verið
fullrætt. „En það er auðvitað viðkvæmt þegar
á að fara að fikta í svona viðamiklu samstarfi
aðila sem eru í mikilli samkeppni. Það eru
margar hugsanlegar mæliaðferðir og menn
verða að finna þá sanngjörnustu. Án þess að
ég vilji tjá mig efnislega um málið, og alls ekki
framlengja þessa fráleitu umræðu í fjölmiðlum
um innahússkvabb nokkurra fyrirtækja, þá
var t.d ekki gert ráð fyrir því að svör úr þess-
um spurningum yrðu fullunnin, heldur yrði
eins konar hráefni til frekari útreikninga. Okk-
ur þótti ekki gæfulegt að almenningur og við-
skiptavinir okkar yrðu að brjóta fram gamla
reiknistokkinn til að hafa gagn af þessari mæl-
ingu. Ég ítreka hins vegar að málið var ekki
fullrætt en úr því sem komið er verður það
kannski aldrei."
Skipulagslaus framkvæmd
Er þama um „gamaldags hræðsluviðhorf* að
ræða, eins og Halldór Guðmundsson sagði í
Morgunblaðinu í gær?
„Það eina sem er gamaldags í þessu ferli er
skipulagsleysið við þessa framkvæmd og það
að ímynda sér að almenningur hafi áhuga á
þessu innanbúðarkvabbi. Ég er hins vegar ekki
viss um að Halldór hafi unnið kollegum sínum
og fjölmiðlunum gagn, ef þetta frumhlaup hans
verður til þess að eyðileggja það ágæta sam-
starf sem fjölmiðlar og auglýsendur hafa átt
um óumdeildar mælingar. Menn verða að
kunna að hemja sig og spara sér að láta Ijós sitt
skína, það ætti að hafa gerst með þroska og
aldri,“ segir Marteinn.
Félaöar úr
ÚTIUIST
veröa á
sfaðnum
Lauyaveyi?5 Smn 5519905
Samningur milli Landssíma og landbúnaðarráðherra kærður
Landssíminn fær land
úr þjóðskóginum
SKÓGRÆKT ríkisins hefur kært til
landbúnaðarráðherra samning sem
gerður var á milli Landssímans og
Guðmundar Bjarnasonar, fyrrver-
andi landbúnaðarráðherra, 10. maí
síðastliðinn. Samkvæmt samningnum
fær Landssíminn 60 hektara lands úr
þjóðskóginum svokallaða úr landi
Skriðufells í Þjórsárdal en afhendir
ríkinu í staðinn Gufuskála sem til-
heyrðu Pósti og síma.
Samkvæmt upplýsingum frá Skóg-
rækt ríkisins var samningurinn gerð-
ur án vitundar Jóns Loftssonar skóg-
ræktarstjóra og Skógrækt ríkisins
var ekki tilkynnt um hann. Fyrirhug-
að hafi verið í sumar að opna Skriðu-
fellsskóg fyrir almenningi með
göngustígum og upplýsingaskiltum,
en augljóst sé að Landssíminn stefni
að því að skipta landinu upp í sumar-
bústaðalóðir fyrir „nýeinkavædda
forstjóra", eins og segir í yfirlýsing-
unni, sem verði ekki opið almenningi.
í ósamræmi við stefnumörkun
„Samningurinn er í hróplegu
ósamræmi við stefnumörkun um
nýtingu og aðgengi almennings að
þjóðskógum og vinnubrögðin gjör-
samlega óviðunandi. Skógrækt ríkis-
ins hefur átt jörðma Skriðufell í
Þjórsárdal síðan 1938. Jörðin er
þjóðskógur og eru markmið þar m.a.
að stunda rannsóknir og afla reynslu
af skógrækt, þar á meðal ræktun
skjólbelta og jólatrjáa, að stuðla að
nýtingu svæðisins til útivistar fyrir
almenning og uppgræðslu illa gró-
inna svæða með skógi. Þetta er í
samræmi við deiliskipulag svæðisins
sem búið er að leggja mikla vinnu í
undanfarin ár, en riðlast nú gjörsam-
lega ef samningurinn verður látinn
standa,“ segir í yfirlýsingu frá Skóg-
rækt ríkisins.
Ekki náðist í Guðna Ágústsson
landbúnaðarráðherra í gærkvöld.