Morgunblaðið - 03.06.1999, Síða 14
14 FIMMTUDAGUR 3. JÚNÍ 1999
MORGUNBLAÐIÐ
AKUREYRI
Darri á Grenivík selur harðfísk á hótel í Tromsö í Noregi
Harður slagur
um hráefnið
STARFSMENN harðfiskvinnsl-
unnar Darra á Grenivík hafa vart
undan við framleiðsluna, en þeir eru
fjórir talsins og tveimur er bætt við
þegar unnið er að hreinsun fisksins.
Starfsemi íyrirtækisins hófst í nóv-
ember árið 1996 og hefur hún eflst
til muna frá því, m.a. keyptu þeir fé-
lagar Heimir Asgeirsson og Frið-
björn Pétursson, eigendur Darra,
fyrirtækið Eyjabita sem var í
rekstri í Vestmannaeyjum og héldu
þeir viðskiptasamböndum þess.
Heimir, sem er framkvæmda-
stjóri, sagði slaginn um fiskinn hafa
farið síharðnandi, en hann er keypt-
ur á mörkuðum. Verðið hefur hækk-
að mikið, en bara frá því síðasta
haust hefur kflóverðið hækkað um-
talsvert, eða um 100 krónur. Fyrir-
tækið á gott samstarf við Útgerðar-
félag Akureyringa sem rekur frysti-
hús á Grenivík, en það fær aðgang
að vélum til að flaka afla þar.
Afkastagetan er um 1200 til 1600
kfló á sólarhring, en hún jókst um
helming í kjölfar þess að breytingar
voru gerðar á þuiTkklefa síðastliðið
haust.
Vel gengur að selja afurðirnar og
sagði Heimir að harðfiskurinn líkaði
vel hér á landi. „Það hringja ótrú-
lega margir og hæla fiskinum,"
sagði hann ánægður. Hann sagði þá
óvissu sem fylgdi fiskkaupum vera
bagalega, þeir vildu eingöngu kaupa
góðan fisk, því ekki væri hægt að
búa til góða afurð úr lélegu hráefni.
Það myndi koma niður á gæðunum
og skaða ímynd fyrirtækisins,
þannig að allt kapp er lagt á að fá
sem best hráefni.
Morgunblaðið/Kristján
FRIÐBJÖRN Pétursson, Petra Pálsdóttir og Erla Friðbjörnsdóttir að
störfum í harðfiskvinnslunni Darra á Grenivík.
Einu sinni í mánuði sendir fyrir-
tækið frá sér harðfisk til Tromsö í
Noregi, en þar komst eigandi Norsk
Vild Product á bragðið þegar Snæ-
björn Rristjánsson á veitingastaðn-
um Fiðlaranum á Akureyri sá um
veisluhöld þar og bauð m.a. upp á
harðfisk frá Darra. Harðfisknum er
pakkað í 30 gramma poka og er m.a.
boðinn á hótelum og börum. Um
500 kfló voru send utan í apríl mán-
uði og ríflega það í maí.
Heklumót að Laugar-
bakka og Miðgarði
Atta karla-
kórar syngja
HEKLUMÓT 1999, söngmót átta
karlakóra á Norðurlandi, verður
haldið að Laugabakka í Miðfirði
laugardaginn 5. júní kl. 15 og sama
dag í Miðgarði, Skagafirði, kl. 21.
Mótið er kennt við Heklu, sam-
band norðlenskra karlakóra, en síð-
asta mót var haldið að Laugum í
Reykjadal og á Akureyri árið 1985.
Hver kór syngur þrjú lög og svo
syngja kóramir sameiginlega fimm
lög undir stjórn söngstjóra kóranna
vestan Öxnadalsheiðar. í sameigin-
lega kórnum verða um 400 söng-
menn og er það stærsti karlakór sem
sungið hefur hérlendis um langan
tíma ef þá nokkurn tíma.
Kóramir sem taka þátt í Heklu-
mótinu eru Karlakórinn Lóuþrælar í
Vestur-Húnavatnssýslu, Karlakór
Bólstaðarhlíðarhrepps, Karlakórinn
Heimir í Skagafirði, Karlakór Dal-
víkur, Karlakór Eyjafjarðar, Gamlir
Geysisfélagar, Karlakór Akureyrar-
Geysir og Karlakórinn Hreimur í
Þingeyj ar sýslum.
-----------------
Tveggja mánaða
fangelsi fyrir
lyfjastuld
ÞRÍTUGUR maður hefur verið
dæmdur í Héraðsdómi Norðurlands
eystra í tveggja mánaða fangelsi og
til greiðslu skaðabóta að upphæð um
63 þúsund krónur.
Maðurinn gerðist sekur um þjófn-
aði og þjófnaðartilraunir á lyfjum úr
sjúkrakistum fimm báta í Dalvíkur-
höfn í desembermánuði síðastliðnum.
Maðurinn var ákærður fyrir að
hafa aðfaranótt 11. desember síðast-
liðinn brotist í þjófnaðarskyni inn í
togarann Dagfara GK í Dalvíkurhöfn
í leit að lyfjum og sömu nótt braust
hann inn í Svan EA og Sólrúnu EA
en úr síðastnefnda togaranum hafði
hann á brott með sér nokkurt magn
lyfja. Þá braust hann inn í togarann
Rún EA í Dalvíkurhöfn aðfaranótt
14. desember og sömu nótt inn í
togarann Sæþór EA þar sem hann
stal lyijum.
Játaði maðurinn skýlaust atferli
það sem hann var saksóttur fyrir.
Morgunblaðið/Kristj án
Hreiður í hesthúsi
SKÓGARÞRÖSTUR hefur gert sig heimakominn í
glugga hesthúss Hjálmars B. Júlíussonar og Jódísar
Jósefsdóttur í hesthúsahverfinu í Breiðholti ofan
Akureyrar. Þar gerði hann sér hreiður og eru nú
komnir í það fjórir ungar, sá fyrsti leit dagsins Ijós
á hvítasunnudag og hinir þrír daginn eftir. Þau
Hjálmar og Jódís fylgjast grannt með búskapniun
um leið og þau sinna hrossum sínum.
Héraðsdómur Norðurlands eystra
Þriggja mánaða fang-
elsi fyrir líkamsárás
TUTTUGU og sex ára maður hefur
í Héraðsdómi Norðurlands eystra
verið dæmdur í þriggja mánaða
fangelsi fyrir líkamsárás. Þá var
hann dæmdur til að greiða þeim
sem hann réðst á rúmlega 87 þús-
und krónur í skaðabætur sem og til
greiðslu alls sakarkostnaðar.
Maðurinn var ákærður fyrir lík-
amsárás, með því að hafa aðfaranótt
sunnudagsins 25. október á síðasta
ári slegið ungan mann á heimavist
Verkmenntaskólans á Akureyri á
Dalvík með bjórflösku í andlitið og
síðan sparkað framan í hann með
þeim afleiðingum að hann hlaut sár
á enni og fór slagæð í sundur.
Ákærði viðurkenndi sakargiftir
skýlaust fyrir dómi. Áttu hann og
kærandi í orðahnippingum fyrir at-
burðinn. Ekki hafði maðurinn aðra
skýringu á athæfi sínu en að um
hefði verið að ræða almennt fyllerís-
rugl.
Lögmaður kæranda hafði uppi
skaðabótakröfu fyrir hans hönd að
upphæð 482 þúsund krónur alls.
Dómurinn féllst ekki á alla kröfuna
en tjónþola voru dæmdar rúmlega
87 þúsund krónur í bætur.
Opið hús hjá Ferða-
félagi Akureyrar
Fuglaskoð-
unarferð
SKRIFSTOFA Ferðafélags
Akureyrar verður opin í dag,
fimmtudaginn 3. júní, frá kl. 16
til 19 og gefst þá tækifæri til að
kynna sér þær ferðir sem í boði
verða í sumar. Boðið verður
upp á kaffi og veitingar. Skrif-
stofan verður opin í sumar á
þessum tíma, frá kl. 16 til 19, en
hún er við Strandgötu 23.
Næsta ferð á vegum félags-
ins verður fuglaskoðunarferð
næstkomandi laugardag, 5.
júní, undir leiðsögn Jóns Magn-
ússonar fuglaáhugamanns.
Brottför er frá skrifstofunni kl.
8.30 á laugardagsmorgun.
Nauðsynlegt er að skrá sig í
ferðina á skrifstofunni en sím-
inn er 462-2720. Ferðin hentar
allri fjölskyldunni, en þátttak-
endur eru minntir á að taka
með sér kíki.
Listasafnið á Akureyri
Fjórir sækja
um stöðu for-
stöðumanns
EIN umsókn barst til viðbótar
þeim þremur sem áður voru
komnar um stöðu forstöðu-
manns Listasafnsins á Akur-
eyri. Hún er frá Halldóru Arn-
ardóttur, sem búsett er í út-
löndum en á lögheimili á Akur-
eyri. Aðrir sem sóttu um stöð-
una eru Gerður Róbertsdóttir,
Ólöf K. Sigurðardóttir og
Hannes Sigurðsson, öll í
Reykjavík. Haraldur Ingi Har-
aldsson, sem gegnt hefur starfi
forstöðumanns Listasafnsins á
Akurcyri frá því það var opnað,
lætur senn af störfum.
Listasafnið á Akureyri
Sýningu lýkur
SÝNINGUNNI „Jesús Krist-
ur - eftirlýstur“, sem Lista-
safnið á Akureyri sýnir nú um
þessar mundir í sölum sínum,
lýkur helgina 5.-6. júní. Sýn-
ingin hefur vakið mikla athygli
og verið afbragðsvel sótt.
Listasafnið er opið frá kl. 14 til
18, en lokað á mánudögum.
Vörður mótmælir
ráðherraskipan
Allir af suð-
vesturhorni
landsins
VÖRÐUR, félag ungra sjálf-
stæðismanna á Akureyri, hefur
sent frá sér ályktun þar sem
því er mótmælt að allir ráð-
herrar Sjálfstæðisflokksins séu
af Suðvesturlandi. „Nú þegar
landsbyggðin stendur frammi
fyrir meiri vanda en nokkru
sinni fyrr er gríðarlega mikil-
vægt að sjónarmið hennai'
heyrist skýrt í ríkisstjóm sem
og annars staðar,“ segir í álykt-
un félagsins sem og að þensla
hafi aukist á suðvesturlandi á
sama tíma og dregið hafi úr
verkefnum á landsbyggðinni.
Ætla megi að sú þróun haldi
áfram og muni frekar ágerast.