Morgunblaðið - 16.06.1999, Blaðsíða 2

2 MIÐVIKUDAGUR 16. JÚNÍ 1999
MORGUNBLAÐIÐ
FRÉTTIR
Framkvæmdir við yl-
strönd í Nauthólsvík
Seðlabanki Islands
Vextir til
lánastofn-
ana hækka
um 0,5%
BANKASTJÓRN Seðlabanka ís-
lands hefur ákveðið að hækka vexti
bankans í viðskiptum við lánastofn-
anir. Avöxtun í endurhverfum við-
skiptum verður hækkuð um 0,5 pró-
sentustig, úr 7,9 í 8,4% á næsta upp-
boði næstkomandi þriðjudag og aðr-
ir vextir bankans í viðskiptum við
lánastofnanir hækka einnig um
0,5% frá 21. júní næstkomandi.
Samkvæmt upplýsingum frá
Seðlabankanum er tilgangur vaxta-
hækkunar bankans nú að draga úr
vexti innlendrar eftirspumar,
styrkja gengi krónunnar og þar
með að stuðla að því að verðbólga
verði minni en ella.
Vextir Búnaðarbanka verða
endurskoðaðir
Stefán Pálsson, bankastjóri Bún-
aðarbankans, segir að vextir Búnað-
arbankans verði endurskoðaðir í
ljósi þessarar hækkunar og að
ástæða sé til að ætla að vextir muni
eitthvað hreyfast. Stefán sagði að
hækkunin nú hefði komið hálft í
hvoru á óvart þar sem tiltölulega
stutt væri liðið frá síðustu hækkun.
Arnar Jónsson, sérfræðingur í
gjaldeyrisviðskiptum hjá Lands-
bankanum sagði að við vaxtahækk-
ununum hefði mátt búast í kjölfar
frétta af hækkandi verðlagi. Þó hafi
þetta komið svolítið á óvart þar sem
innlendar hækkanir væru sennilega
að mestu yfirstaðnar.
Valur Valsson, bankastjóri ís-
landsbanka, sagði að ákvörðun
Seðlabankans kæmi ekki á óvart því
að innlend eftirspum hefði vaxið
hratt undanfarna mánuði og þar
með einnig útlán banka og spari-
sjóða.
■ Reyna/22
FRAMKVÆMDIR við fyrsta
áfanga svokallaðrar ylstrandar í
Nauthólsvík, sem Reykvíkingar
munu geta baðað sig í næsta sumar,
em hafnar en sanddæluskipið Sóley
er þessa dagana að flytja skeljasand
úr Faxaflóa í víkina.
Varnargarður ver ströndina
Þórólfur Jónsson, landslagsar-
kítekt hjá garðyrkjudeild Reykja-
víkurborgar, sagði að ylströndin
myndi líkjast laug úti í hafinu því
reistur yrði varnargarður sem
myndi verja ströndina fyrir köld-
um sjónum. Hann sagði að heitu
vatni yrði dælt í „laugina" í gegn-
um rör en að flæða myndi yfir
varnargarðinn á flóði og þannig
myndi sjórinn inni í garðinum end-
urnýjast.
Sigurður Helgason, fram-
kvæmdastjóri Björgunar hf., sem
sér um að dæla sandinum í víkina,
sagði að skipið hefði verið í víkinni
síðustu daga en ráðgert er að alls
fari um 14.000 rúmmetrar af sandi í
framkvæmdirnar. Hann sagði að
þetta verkefni væri ekki mjög viða-
mikið, því til samanburðar væri fyr-
irtækið að dæla um 150.000
rúmmetrum vegna framkvæmd-
anna við Vogabakka í Reykjavíkur-
höfn.
Sigurður sagði að líklega myndi
skipið ljúka sínum verkþætti innan
nokkurra daga en eins og staðan
væri nú væri það búið að dæla um
helmingi þess magns sem ætti að
fara í ströndina.
Kostnaður um 44 milijónir
Verktakafyrirtækið Sæþór ehf.
hefur yfirumsjón með verkinu og
verður kostnaður við framkvæmd-
irnar um 44 milljónir króna. Sigurð-
ur sagði að Sæþór ehf. myndi sjá
um að reisa sjálfa garðana og móta
ströndina umhverfis „laugina."
Þórólfur sagði að þegar þessum
fyrsta áfanga verksins lyki myndu
framkvæmdir við frágang í landi
hefjast. Samkvæmt skipulagi er
gert ráð fyrir heitum pottum og
búningsaðstöðu, en hann tók það
fram að énn ætti eftir að útfæra
þetta allt nánar.
Skylt
verði að
merkja
ketti
í DRÖGUM að tillögum fyrir
kattahald í Reykjavík er meðal
annars gert ráð fyrir að skylt
sé að merkja ketti og einungis
sé heimilt að halda tvo full-
orðna ketti á sama heimili.
Jafnframt að skylt verði að
ormahreinsa þá reglulega og
að villi- eða flækingsköttum
verði útrýmt.
í tillögunum er gert ráð fyr-
ir að borgaryfirvöld geri ráð-
stafanir til að útrýma villi- eða
flækingsköttum og er í því
skyni heimilt að koma fyrir
búrum, agni eða sambærileg-
um tækjum til að handsama
ketti enda sé framkvæmdin
auglýst með sjö daga fyrirvara
þannig að kattaeigendur geti
haldið köttum sínum inni á
meðan. Tekið er fram að ef
ómerktur köttur er hand-
samaður er skylt að geyma
hann í sjö daga en hafi hans
ekki verið vitjað innan þess
tíma skal honum ráðstafað til
nýs ábyrgs eiganda, hann seld-
ur fyrir áföllnum kostnaði eða
honum lógað. Ef eigandi gefur
sig fram skal hann greiða áfall-
inn kostnað.
Samþykkt var í borgarráði
að vísa tillögunum til borgar-
stjórnar.
* *
Breytingar hjá LIU
Kristján Ragn-
arsson hættir
sem fram-
kvæmdastjóri
KRISTJÁN Ragnarsson, fram-
kvæmdastjóri Landssambands ís-
lenskra útvegsmanna, lætur af störf-
um sem fram-
kvæmdastjóri sam-
bandsins á morg-
un. Hann mun hins
vegar eftir sem áð-
m- sinna starfi for-
manns LÍÚ. Við
framkvæmda-
stjórastarfinu tek-
ur Friðrik Jón
Arngrímsson, hér-
aðsdómslögmaður
og skipasali. Breyt-
ingamar verða formlega tilkynntar í
dag en Kristján staðfesti þetta í sam-
tali við Morgunblaðið í gær. Hann
sagði að með breytingunum væri ver-
ið að létta af sér þeirri tvöfóldu stöðu
sem hann hefði gegnt um árabil og
breytingarnar væru gerðar að sinni
ósk. Hann vildi ekki ræða breyting-
amar frekar að svo stöddu. Ekki náð-
ist í Friðrik Jón Arngrímsson vegna
málsins.
Þá hefur Jónas Haraldsson, lög-
fræðingur og skrifstofustjóri LIÚ,
látið af störfum vegna óánægju með
umræddar breytingar, samkvæmt
heimildum Morgunblaðsins.
Morgunblaðið/Jón Svavarsson
SANDDÆLUSKIPIÐ Sóley, sem er í eigu Björgunar hf., er þessa dagana að dæla skeljasandi í Nauthólsvík
vegna framkvæmda við svokallaða ylströnd.
Uppsögn úr starfi í Lands-
banka viðurkennd af dómi
HÉRAÐSDÓMUR Reykjavíkur hefur hafnað
kröfum fyrrum starfsmanns Landsbanka ís-
lands, sem sagt var upp störfum árið 1997, um að
viðurkenndur yrði réttur hans til sambærilegs
starfs hjá Landsbanka íslands hf. og hann
gegndi áður hjá Landsbanka íslands, þ.e. sér-
fræðingur í útlánastýringu við útlánaeftirlit.
Einnig krafðist stefnandi að stefndi, Landsbanki
Islands hf., greiddi sér rúmar 3,4 milljónir í
miskabætur þar sem hann taldi uppsögn Lands-
bankans hafa verið ólögmæta og með henni hefði
verið veist alvarlega og ómaklega að persónu
sinni.
Stefndi, Landsbanki íslands hf., ki-afðist sýknu
í málinu og byggði sýknukröfuna m.a. á því að
gerður hefði verið starfslokasamningur milli
stefnanda og Landsbanka fslands í október 1997
þar sem því hefði verið lýst yfir að fullnaðarsam-
komulag hefði orðið um starfslok stefnanda hjá
Landsbanka íslands. hefðu aðilar gert með sér
bindandi samning um starfslok stefnanda hjá
Landsbanka íslands og hefði stefnandi eignast
fjárkröfur á hendur Landsbanka íslands, sem
síðan hefði verið yfirteknar af stefnda, ásamt
öðrum skuldbindingum bankans.
Taldi starfslokasamninginn hafa komist á
vegna ólögmætrar nauðungar
Stefnandi, sem vann hjá Landsbankanum frá
1955 til 1997, byggði mál sitt m.a. á því að starfs-
lokasamningurinn hefði komist á vegna ólög-
mætrar nauðungar og því hefði hann verið
óskuldbindandi fyrir sig samkvæmt 29. gr. samn-
ingalaga nr. 7/1936.
Héraðsdómur féllst ekki á það með stefnanda
að hann hefði verið beittur ólögmætri nauðung í
skilningi 29. gr. samningalaganna þar sem bank-
inn hefði haft heimild til að segja honum upp
samkvæmt kjarasamningi sambands íslenskra
bankamanna og samninganefndar bankanna fyr-
ir hönd banka og sparisjóða. Bar bankanum
hvorki að lögum né samkvæmt kjarasamningi að
tilgreina ástæður fyrir uppsögn eða rökstyðja
hana með öðrum hætti. Sömuleiðis var bankan-
um ekki skylt að veita stefnanda áminningu áður
en til uppsagnar kæmi.
Héraðsdómur komst enn fremur að þeirri nið-
urstöðu að starfslokasamningur stefnanda og
Landsbanka íslands hefði falið í sér ríkari rétt-
indi en stefnandi hefði notið ef honum hefði verið
sagt upp störfum og hefði undirritun starfsloka-
samningsins verið stefnanda í hag.
Sýknaði héraðsdómur því stefnda og dæmdi
stefnanda til að greiða 250 þúsund í málskostnað.
Sérblöð í dag
sséiií
► I VERINU er sagt frá auknum útflutningi á ferskum
fiski og dræmri grásleppuvertíð sem er að ljúka.
Fjallað er um grósku í hönnun fiskiskipa hérlendis og
að vanda er sagt frá fiskverði heima og erlendis.
u sfom

Mm
\ Ríkharður undir smásjánni
\ hjá Hibernian/C1
; Svíar heimsmeistarar í hand-
; knattleik í annað sinn/C3
Fylgstu
með
nýjustu
fréttum
www.mbl.is