Morgunblaðið - 16.06.1999, Blaðsíða 18
18 MIÐVIKUDAGUR 16. JÚNÍ 1999
MORGUNBLAÐIÐ
AKUREYRI
Norræn listsamvera í Myndlistaskólanum á Akureyri
Morgunblaðið/Skapti
Hröð þróun í raf-
rænní listsköpun
Kvenna-
hlaupið á
Akureyri
TÍUNDA kvennahlaup ÍSÍ fer
fram á hátíðisdegi íslenskra
kvenna 19. júní nk., þegar liðin
verða 84 ár frá því konur öðluðust
almennan kosningarétt til Alþingis
og 48 ár frá því að ársrit Kvenrétt-
indafélags Islands, 19. júní, leit
dagsins ljós.
A Akureyri verður safnast sam-
an á Ráðhústorgi upp úr hádegi og
hitað upp fyrir hlaupið sem hefst
kl. 14. Tvær opinberar vegalengdir
verða í boði, 2,4 km og 4,5 km, og
ein styttri sem ekki hefur verið
mæld. Á undanförnum árum hafa
1200-1500 konur tekið þátt í hlaup-
inu á Akureyri. Allir aldurshópar
eru hjartanlega velkomnir og hver
og einn velur sér vegalengd og
tíma í samræmi við eigið ásigkomu-
lag.
Þátttökugjald er 650 krónur og
hver þátttakandi fær sérmerktan
kvennahlaupsbol við skráningu.
Forskráning fer fram í Sporthúsinu
og Sportveri en auk þess við stór-
markaðina Hagkaup, Hrísalund,
Nettó og Sunnuhlíð föstudaginn 18.
júní kl. 15-18. Á hlaupadaginn hefst
skráning á Ráðhústorgi kl. 12. Ung-
mennafélag Akureyrar sér um
framkvæmd hlaupsins á Akureyri.
--------------
Þór og
Mitre í
samstarf
ÍÞRÓTTAFÉLAGIÐ Þór og Mitre
hafa undirritað samstarfssamning
til fjögurra ára. Allar deildir Þórs
munu nota íþróttafatnað frá Mitre
en Mitre styrkir meistaraflokka fé-
lagsins mjög myndarlega.
Allir knattspyrnuflokkar Þórs
hafa tekið nýjan keppnisbúning í
notkun en aðrar deildir mæta í nýj-
um búningum með haustinu. Nýr
utanyfirgalli hefur einnig verið tek-
in í notkun fyrir allar deildir og er
fáanlegur í öllum stærðum. Versl-
unin Sportver mun sjá um að þjón-
usta Mitre-vörumar og verða á
boðstólum þar allar þær Þórsvörur
sem eru í gangi hverju sinni.
Svala Stefánsdóttir, formaður
Þórs, og Valdimar Magnússon frá
Mitre (Hoffelli) undirrituðu samn-
inginn. Fyrir aftan þau standa í
nýju búningunum, f.v. Elmar Ei-
ríksson, Páll Þorgeir Pálsson,
Hlynur Halldórsson og Jónína og
Andri Ásgrímsbörn.
TÆPLEGA sextíu manns, kennar-
ar og nemendur frá listaskólum í
Noregi, Danmörku, Svíþjóð og
Finnlandi auk Islands, voru saman
við listsköpun í Myndlistaskólanum
á Akureyri í síðustu viku. Um er að
ræða samstarfsverkefni sem nefnt
er Digital workshop for ungdom í
kunstskoler, þar sem unnið er á
tölvur; unnið að rafrænni listsköp-
un, eins og nafnið ber með sér.
Fullkomið tölvuver var sett upp
í skólanum þar sem hópurinn
starfaði saman að margvíslegum
nýtækniverkefnum, m.a. þrívídd-
armyndlist í tölvum undir hand-
leiðslu kennaranna Vigfúsar
Ómarssonar og Friðriks Haralds-
sonar. Jafnframt funduðu nemend-
ur, kennarar og yfirstjórn verkefn-
isins og ræddu möguleika á sam-
starfi í framtíðinni.
Þátttakendur eru Norsk
Kunstskolerád (Noregi), Riksfor-
bundet for konstskolor for barn och
unga (Finnlandi), Myndlistaskóhnn
á Akureyri, MARK, sem er sam-
starfsvettvangur myndlistaskól-
anna þriggja, á Akureyri, í Reykja-
vík og Kópavogi, Riksforbundet for
bildkonstskolor og barnakademier
(Svíþjóð) og Böm-Kunst-Billeder
(Danmörku).
Markmiðið með samstarfinu er,
að sögn Helga Vilberg, skólastjóra
Myndlistaskólans á Akureyri, að
skapa umhverfi fyrir ungt fólk,
listamenn og myndlistarkennara,
til að vinna saman að listsköpun,
jafnt á hefðbundinn hátt sem raf-
rænan. Verkefnin sem unnið hefur
verið að miða að því að skapa vett-
vang fyrir nemendur og kennara
listaskólanna til að vinna að sam-
eiginlegum verkefnum, miðla
reynslu og skilgreina hlutverk
myndlistarkennslu upp á nýtt með
tilliti til nýrrar tækni og breyttrar
heimssýnar.
Fyrirhugað er að setja upp nor-
rænt samstarfsnet um myndlistar-
kennslu og listuppeldi sem taki mið
af aðstæðum, menningu og listarf-
leifð þjóða og þjóðarbrota. „Norð-
menn ætla að afla fjár til að setja
upp miðlara fyrir samstarfið og
Myndlistaskólinn á Akureyri hefur
tekið að sér að setja upp miðlægan
gagnagrunn um myndlistaskóla á
Norðurlöndum fyrir börn og ungt
fólk, yngra en 20 ára,“ segir Helgi
Vilberg. „Norðmenn annast yfir-
stjórn verkefnisins næsta árið og
svo er meiningin að yfirstjórnin
færist milli landa. Stefnt er að því
að þriðja hvert ár verði svona stórt
mót og fundur, en þess á milli minni
verkefni."
Helgi segir samstarfið fela í sér
að vinna á hefðbundinn hátt og
nýta sér hina nýju tækni. „Umræð-
ur hafa breyst ótrúlega á síðustu
tveimur árum, því þróunin hefur
verið svo mikil. Segja má að þessi
tvö ár hafi verið tilraunatími;
starfsfólk er menntað til að kenna
upp á gamla mátann og þarf því að
mennta sig, og hefur gert það, til að
finna hvernig við getum nýtt okkur
best hina nýju tækni á skapandi
hátt.“
Framkvæmdir við
fyrstu nýbygging-
ar HA í gang
Gjörbreyt-
ir aðstöðu
til kennslu
og náms
UNDIRRITAÐUR hefur ver-
ið verksamningur milli Há-
skólans á Akureyri og SJS
verktaka um framkvæmdir við
fyrstu nýbyggingar háskólans.
Samningurinn tekur til 2000
fermetra bygginga sem eru í
meginatriðum kennsluhúsnæði
auk vinnuaðstöðu fyrir kenn-
ara og skrifstofur.
Kennsluhúsnæðið er þrjár
álmur með átta almennum
kennslustofum, sérhæfðu
kennsluhúsnæði í hjúkrun og
iðjuþjálfun auk hópherbergja.
Álmurnar leggjast allar að
gangi sem tengir saman allt
húsnæði skólans. Á ganginum
eru setustofur og opin rými tO
viðveru og sýningarhalds.
Samningsupphæð er ríflega
247 milljónir króna og munu
SJS verktakar skila almennum
kennslurýmum fullkláruðum 1.
júlí árið 2000 og öllu verkinu
eigi síðar en 1. október 2001.
Ráðgjöf við verkið veita;
GLAMA/KÍM Arkitektar, Al-
menna verkfræðistofan hf.,
Raftákn ehf. og Reynir VO-
hjálmsson og Þráinn Hauks-
son landslagsarkitektar.
Kennslan flyst
á háskólasvæðið
Verulegur hluti kennslu við
Háskólann á Akureyri mun því
flytjast í nýbyggingarnar á
nýja háskólasvæðinu í hjarta
Akureyi'ai’ á haustmisseri
2000. Þessar nýju byggingar
munu gjörbreyta allri aðstöðu
til náms og kennslu við háskól-
ann til hins betra.
Verksamninginn undirrit-
uðu Þorsteinn Gunnarsson
rektor og af hálfu verktaka
þeir Sigurður Björgvin
Bjömsson, Jón Trausti
Bjömsson og Sigurgeir Arn-
grímsson.
Kirkjustarf
LAUGALANDSPRESTAKALL:
Hátíðarmessa í Möðruvallakirkju
fimmtudaginn 17. júní kl. 11.
Sóknarprestur.
Unnið að fullum
krafti við elleftu
brúna yfir Glerá
STARFSMENN SJS-verktaka
vinna nú af fullum krafti við smíði
syðri brúarinnar yfír Glerá, þar
sem Borgarbrautin mun liggja yfir
ána skammt frá Háskólanum á
Akureyri. Lokið er við að slá undir
brúargólfið og síðustu daga hefur
verið unnið að því að jámabinda
mannvirkið, en stefnt er að því að
steypa brúargólfið strax eftir
næstu helgi.
Unnið við
Borgarbraut
Á þessum stað verða tvær sjálf-
stæðar samsíða brýr og þegar búið
verður að byggja þær báðar eru
brýmar yfir Glerá orðnar 12 tals-
ins, frá árósum og upp að sorp-
haugum bæjarins. Er þá um að
ræða bæði akstursbrýr og göngu-
brýr.
Jafnframt vinna starfsmenn
Arnarfells hörðum höndum við
lagningu Borgarbrautar. Fram-
kvæmdir hófust sl. sumar en verk-
lok em áætluð 1. ágúst nk. Um er
að ræða lagningu 1,5 km vegar-
kafla milli Glerárgötu frá
Tryggvabraut og upp með Glerá
að Hlíðarbraut, þar sem sett verð-
ur upp hringtorg. Þá verða undir-
göng undir Borgarbrautina og
tvær brýr yfir Glerá.
Á myndinni era Helgi Valur
Harðarson og Stefán Heimisson
vinna við jámabindingar á brúnni
yfir Glerá í gær.
Morgunblaðið/Kristj án