Morgunblaðið - 25.06.1999, Blaðsíða 50

> 50 FÖSTUDAGUR 25. JÚNÍ1999
MORGUNBLAÐIÐ
Dýraglens
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Sjö daga orlof í
veikindum barna
Frá Þórhalli Heimissyni:
ALLIR foreldrar kannast við þá
erfiðleika sem hinar ýmsu pestir
barnanna hafa í för með sér. Fyrir
utan litlu sjúkhngana sjálfa, sem
auðvitað þarf að sinna og hlúa að
dag og nótt í veikindunum, þá þarf
að endurskipuleggja dagana, fá frí
úr vinnu ef báðir foreldrar vinna
úti, og fleira í þeim dúr. Nú er það
þannig að á flestum heimilum
landsins vinna báðir foreldrar,
þannig að flestir kannast við þessa
erfiðleika. A mörgum heimilum er
reyndar aðeins eitt foreldri með
eitt barn eða fleiri, þannig að um-
gangspestir barnanna leggjast
þungt á þann aðila.
Flest böm ná sér reyndar fljótt,
Guði sé lof, af magakveisum, hita-
vellu, kvefi og öðru slíku. Ef böm-
in eru mörg í heimili verða dagam-
ir sem foreldrar þurfa að taka sér
frí frá störfum vegna veikinda
barna sinna fleiri. Stundum veikj-
ast böm alvarlega rétt eins og hin-
ir fullorðnu. Þau leggjast inn á
sjúkrahús, sum mánuðum saman,
önnur skemur og enn önnur þurfa
fulla umhyggju heima við um
lengri tíma.
Og þá, þegar börn þurfa mikla
umönnun vegna veikinda í lengri
tíma, rennur hin kalda staðreynd
upp fyrir foreldmnum. Á hinum ís-
lenska vinnumarkaði hafa foreldr-
ar aðeins rétt á sjö daga orlofi
vegna veikinda barna. Sjö daga á
ári! Sjö daga, sama hversu mörg
börnin era! Sjö daga samtals! Það
sér það hver og einn að sjö dagar
ná ekki langt þegar um alvarleg
veikindi er að ræða, eða þegar
mörg börn eru í heimili. Ofan á
áhyggjur af velferð barnanna bæt-
ast því fjárhagsáhyggjur, því fæst-
ir ef nokkrir hafa efni á því að
missa launin sín. Áhyggjur vegna
veikinda, fjárhags og jafnvel ótti
við að missa vinnuna, skapa
spennu á heimilinu og grafa undan
stoðum fjölskyldunnar.
Á hinum Norðurlöndunum hátt-
ar þannig til, að veikist barn eða
börn hafa foreldrar rétt á 90-120
daga veikindafríi á ári. Fyrir utan
auðvitað allan annan stuðning sem
foreldrar veikra barna fá þar en
eru án hér. En þessi ótrúlegi mun-
ur, 7 dagar hér, 90-120 dagar þar,
hlýtur að vekja upp spurningar um
það hvort við hér á Islandi í raun
og vera meinum það sem við segj-
um á tyllidögum þegar við mæram
fjölskylduna og setjum hana á stall
sem undirstöðu þjóðfélagsins.
SR. ÞÓRHALLUR HEIMISSON,
prestur í Hafnarfjarðarkirkju.
Hreinsun erfðafrumn-
anna - gömul trúar-
brögð - vísindi nútímans
Frá Einari Ingva Magnússyni:
LÆKNAR eru sammála um það
að andlegt ástand manna, líðan og
viðhorf geti haft áhrif á heilbrigði
mannslíkamans. Máttur hugans
er sterkur, en er hugsanlegt að
hann geti haft áhrif á erfðafrumur
okkar?
Menn sem nú era uppi eru út-
sæði komandi uppskera, m.ö.o. er-
um við forfeður afkomenda okkar,
sem munu á komandi árum og ára-
tugum, já, langt inn í eilífðina,
bera erfðir okkar eða eiginleika,
dulda sem ódulda. í þeim er fortíð-
in öll og eilífðin okkar.
Það sem við erum í dag, erfða-
berar kynslóða fortíðarinnar, auk
þeirra erfða sem við höfum búið til
með lífi okkar munu afkomendur
okkar hafa til að bera.
Gæti það ekki hugsast, að allt
sem við tökum okkur fyrir hendur
sé fært af vitund okkar inn á minn-
isskrár í heilabúi okkar, sem
„kópíerar" síðan erfðaupplýsingar
inn á minnisbanka æxlunarfruma
mannsins?
Vitundinni er ekkert hulið. Sér-
hvert verk, gott sem illt, er allt
vandlega skrásett í minnisbú heila-
búsins. Maðurinn gerist sinn eigin
dómari í sjálfu sér, sinn gæfusmið-
ur eða álaganorn. Þar er náttúra-
lögmálið á ferðinni, að eins og
maðurinn sáir svo mun hann og
upp skera. Þannig getur maðurinn
við engan sakast annan en sjálfan
sig og eðli sitt. Og enginn getur
bætt nema hann. En það kostar
mikla vinnu og erfiði, fórnir,
sjálfsafneitun, iðkun kærleika og
ómælda elsku til mannanna.
I reynd er sú hreinsun erfðanna
sem gerist með þessum hætti sú
leið til að skapa betri heim. Og það
erum við mennirnir sem getum
komið því til leiðar. Ekki með
kukli og göldram heldur á þann
vísindalega hátt sem að framan
greinir. Kraftaverk gerast ekki í
veruleikans vöku. Þetta er einfalt
lögmál í náttúrunni. Við getum
kailað það guðlegt lögmál. Eitt-
hvað sem andans menn hafa í
gegnum tíðina rembst af öllum
kröftum við að kenna mönnunum.
Lögmál þetta virkar í tvær áttir,
til góðs eða ills. Það er á ábyrgð
okkar mannanna að velja okkur
leið.
Það helvíti og himnaríki sem við
höfum heyrt um era kannski þeir
heimar sem við upplifum í börnum
okkar og barnabörnum, sem munu
byggja þennan heim um ókomna
tíð - í eilífðinni.
EINAR INGVI MAGNÚSSON,
Heiðargerði 35,
Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.