Morgunblaðið - 01.07.1999, Blaðsíða 15

MORGUNBLAÐIÐ
FIMMTUDAGUR 1. JÚLÍ 1999 15
AKUREYRI
Uppsagnir 37 starfsmanna hjá Skinnaiðnaði á Akureyri
Sæplast
tekur við í
Kanada og
Noregi
SÆPLAST hf. á Dalvík tók í gær
formlega við rekstri tveggja verk-
smiðja sem fyrirtækið keypti á dög-
unum af norska fyrirtækinu
Dynoplast A/S. Nýju verksmiðjurn-
ar eru í St. John í Kanada og Sa-
langen í Noregi. Verksmiðjur
Sæplasts eru þar með orðnar fjórar;
fyrir er sú upphaflega á Dalvík og
önnur á Indlandi.
I frétt frá Sæplasti segir að stjórn
fyrirtækisins hafi að undanförnu
leitað leiða til að stækka fyrirtækið
og gera það áhugaverðara fyrir fjár-
festa. Eftir slaka afkomu ársins
1997 hafi verið gripið til róttækra
aðgerða til að snúa við rekstrinum
og það hafi tekist vel. Góður hagnað-
ur hafí orðið af rekstrinum 1998 og
horfur fyrstu mánuði ársins 1999
séu vænlegar.
Aðaláherslan í framleiðslu og
vöruþróun Sæplasts hefur verið
gerð einangraðra kera fyrir fiskiðn-
að og aðra matvælavinnslu og oftast
hefur meira en helmingur fram-
leiðslunnar farið á erlenda markaði.
Fyrirtækið framleiðir einnig troll-
kúlur og vörubretti og hafa fram-
leiðsluvörur þess þótt mjög góðar og
eru eftirsóttar um heim alian, skv.
frétt frá fyrirtækinu. Helsta vanda-
mál við að koma þeim til fjarlægra
markaða sé að þær eru afar rúm-
frekar og flutningskostnaður því oft
stór hluti söluverðsins.
„I kaupum Sæplasts hf. á verk-
smiðjum Dyno í Kanada og Noregi
felast miklir möguleikar," segir í
frétt frá fyrirtækinu. „Sæplast hf.
stækkar, framleiðslan verður fjöl-
breyttari, þróunarmöguleikar
aukast, nálægð við stóra markaði
eykst, áhættudreifíng verður meiri
og hagnaðarvonin mun meiri. Fyrir-
tækið mun framvegis starfa að
mestu á erlendum markaði og má
ætla að um 80% tekna félagsins
komi erlendis frá. Skuldsetning
vegna kaupanna er hófleg. Ef vel
tekst til munu sóknarfæri félagsins
eftir tvö til þrjú ár hafa aukist veru-
lega.“
I dag verða hlutabréf Sæplasts
skráð á aðallista Verðbréfaþings Is-
lands en að undanförnu hafa þau
verið skráð á vaxtarlista þingsins.
Þarf kraftaverk til
að eitthvað breytist
ÞRJÁTÍU og sjö starfsmönnum
Skinnaiðnaðar á Akureyri var sagt
upp í fyrradag, eins og fram kom í
blaðinu í gær, og þurfa þeir, að öllu
óbreyttu, að fínna sér aðra vinnu í
byrjun október. I gærumóttöku
var öllum starfsmönnum sagt upp
og eru þeir ekki bjartsýnir á fram-
haldið. Þeir segjast vonast til að
eitthvað fari að rofa^ til, en til þess
þurfi kraftaverk. Ástandið muni
ekki skána þegar enginn kaupi af
þeim vöruna. Þeir segja að ekki sé
hægt að kvarta undan framleiðsl-
unni hjá fyrirtækinu, hún sé afar
góð, en ekki sé hægt að keppa við
verksmiðjur í fjarlægum heimsálf-
um sem bjóði framleiðsluna á
kostnaðarverði.
Valdemar Thorarensen, 55 ára,
hefur unnið hjá Skinnaiðnaði frá
árinu 1988, en þar áður var hann
hjá Gefjun. Á næsta ári hefði hann
því verið búinn að vinna á svæðinu
í 40 ár, en ekki er útlit fyrir að
hann muni geta fagnað þeim tíma-
mótum. Valdemar segir að menn
hafi hálft í hvoru átt von á þessum
uppsögnum, alténd hafí hann sjálf-
ur búist við þeim. Hann kveður
fyrirtækið hafa orðið fyrir áföllum,
sem vonlegt sé, þegar ekki fáist
kaupendur að framleiðslunni.
„Maður vonar auðvitað að bjartari
tímar séu framundan, en ég sé það
ekki sjálfur eins og staðan er í
dag,“ sagði Valdemai- við Morgun-
blaðið í gær. Um framtíðina, sem
við honum sjálfum blasir, segir
Valdemar: „Ég fer héðan í haust,
það er alveg klárt, það þarf algert
kraftaverk til að koma í veg fyrir
það.“
Erfitt að keppa við Asíu
Valdemar segir að menn ráði
ekkert við samkeppni ef hægt sé að
fá gærur á lágmarksverði, sama
hvernig þær eru. „Það er ekkert að
hráefninu hérna, það er alveg
fyrsta flokks og framleiðslan mjög
Morgunblaðið/Kristján
FIMM starfsmannanna 37 sem sagt var upp störfum hjá Skinnaiðnaði; frá vinstri: Valdemar Thorarensen,
Arnar Stefánsson, Gunnar Gunnarsson, Jðn Aðalsteinn Hermannsson og Sigursveinn Hallsson.
góð og ekkert út á hana að setja.
Hins vegar er erfítt að keppa við
framleiðsluna frá Asíu og markað-
imir hafa verið að lokast. Það þarf
að selja vöruna til að hægt sé að
halda fyrirtækinu gangandi," sagði
Valdemar.
Amar Stefánsson er jafnaldri
Valdemars og hefur unnið hjá fyr-
irtækinu í 19 ár. Hann segir að
framhaldið líti illa út hjá sér. „Það
hlýtur að líta illa út hjá öllum, það
er alveg ljóst,“ sagði hann. „Þegar
maður er kominn á þennan aldur
er erfitt að finna önnur störf.“ Arn-
ar sagði ennfremur að ekki bætti
úr skák að eiginkona hans hefði
verið án atvinnu síðastliðið ár.
Gunnar Gunnarsson hefur unnið
hjá Skinnaiðnaði í fjögur ár. Hann
kveðst vonast til að finna eitthvað
annað að gera á Akureyri, það sé
ekki á stefnuskránni að flytja úr
bænum. „Ég finn eitthvað, það
hlýtur að vera, ég er svo ungur,“
sagði Gunnar.
Hjónin fengu bæði
uppsagnarbréf
Sigursveinn Hallsson hefur unn-
ið hjá Skinnaiðnaði í 24 ár en hann
er orðinn 49 ára gamall. „Ég sé
ekkert nema svart framundan,
maður verður að fara að leita sér
að einhverju öðm. Konunni minni
var einnig sagt upp, þannig að það
er ekki annar fóturinn heldur báðir
farnir,“ sagði Sigursveinn.
Allir era þeir sammála um að
uppsagnirnar hafí áhrif víðar í at-
vinnulífinu, til dæmis muni áhrifa
gæta í bændastéttinni. Verðið á
gæram hefur líka verið í lágmarki,
segja þeir. Núna fást um 100 krón-
ur fyrir hvíta gæru, en síðastliðið
haust var verðið rúmar 200 krónur
og var það talið algert lágmark, en
annað hefur komið á daginn.
Nýir rekstr-
araðilar í
Blómavali
AKUREYRINGARNIR Halla
Einarsdóttir og Jón Bjarnason
taka í dag, 1. júlí, við rekstri
Blómavals í Glerhúsinu svokallaða
við Hafnarstræti á Akureyri. Að
sögn Jóns verður verslunin rekin
með svipuðu sniði áfram en þó með
nýju nafni, sem ekki hefur verið
ákveðið enn.
Stefán Jeppesen, fráfarandi
framkvæmdastjóri Blómavals á
Akureyri, sagði að eigendur fyrir-
tækisins ætluðu að einbeita sér að
rekstrinum í Reykjavík en eftirláta
heimamönnum reksturinn fyrir
norðan. Stefán sagði þó að náin
samvinna yrði á milli Blómavals og
hinna nýju rekstraraðila. Hann
sagði að reksturinn hafi gengið vel
en verslunin var opnuð í mars árið
1996 og þá í samvinnu Hölds og
Blómavals. í byrjun árs tók svo
Blómaval alfarið yfir reksturinn.
Bjartsýnn á .
framhaldið
Um 12 manns hafa unnið í
Blómavali og nýir rekstraraðilar
taka við þeim skyldum sem fyrri
eigendur höfðu gagnvart starfs-
fólki sínu og verður engum sagt
upp.
Jón hefur komið víða við í rekstri
á Akureyri og síðast var hann með
Morgunblaðið/Kristján
JÓN Bjarnason og Halla Ein-
arsdóttir taka í dag við rekstri
Blómavals á Akureyri og munu
reka verslunina með nýju nafni.
Sjónvarpsdagskrána, auglýsinga-
blað, sem kemur út vikulega. Hann
sagði að aðdragandinn að þessum
breytingum væri mjög stuttur en
hann og Halla eru bjartsýn á fram-
haldið og þau ætla bæði að starfa í
versluninni.
„Reksturinn kemur til með að
breytast eitthvað í framtíðinni en
það mun ekki gerast með neinum
látum. Við ætlum að gefa okkur
tíma til að komast inn í reksturinn
og viðskiptavinir verslunarinnar
koma ekki til með að verða varir
við miklar breytingar þótt við tök-
um hann yfir,“ sagði Halla.
Sjónvörp, hljómtæki,
myndbandstæki,
faxtæki og
Ijósritunarvélar
GAMEBOY
Handleikjatölvur
ftílasCopco
Rafmagnsverkfæri
FINLUX
Sjónvörp
ffiAEG
1 1 | 'Vj Heimilistæki
AAKUREYRI
1 .-3. JÚLÍ
Radionaust
hefur tekið við söluumboði
á öllum vörum frá
Bræðrunum Ormsson ehf.
Hljómtæki

ffa .
NINTENDO.64
Leikjatölvur
Pottar, pönnur
og raftæki
OLYMPUS
Myndavélar P5D|QpjS|
Geislagötu 14 • Sími 462 1300
.„(D
mDesn
Kæliskápar