Morgunblaðið - 08.07.1999, Síða 11

MORGUNBLAÐIÐ
FIMMTUDAGUR 8. JÚLÍ 1999 11
FRÉTTIR
Morgunblaðið/JBG
GARY Filmon, forsætisráðherra Manitóba, Eric Stefanson heilbrigðis-
ráðherra og Neil Bardal, ræðismaður íslands á Gimli.
FILMON skrifar undir ávísun
sem var framlag héraðsins til
íslenska menningarsetursins.
Manitóba gefur Vestur-fslendingum fimmtíu milljónir
Vesturfarasafn rís á Gimli
FYRSTA skóflustunga íslensks
menningarseturs og vesturfara-
safns var tekin á Gimli síðastlið-
inn laugardag. Við það tækifæri
afhenti Gary Filmon, forsætis-
ráðherra Manitóba, eina milljón
dollara til byggingarinnar sem
nemur rúmlega fimmtíu miHjón-
um íslenskra króna. Davíð Odds-
son forsætisráðherra er einn af
verndurum verkefnisins og til
stendur að ísland leggi fram
Ijóra og hálfa milljón króna til
byggingarinnar.
„Þetta er afrakstur níu ára
vinnu og það er stórkostlegt að
sjá þetta verða að veruleika,"
sagði Irvin Olafson sem hefur
lagt einna harðast að sér við að
gera þessa byggingu að veru-
leika.
Húsið er viðbygging við elli-
heimilið Betel og hluti af bygg-
ingunni verður íbúðir fyrir aldr-
aðra. í hinum hlutanum verður
safn um vesturfarana, skrifstofur
ýmissa vestur-íslenskra samtaka
svo sem Þjóðræknifélagsins og
fslendingadagsins. Einnig er gert
ráð fyrir að þar verði ritstjórnar-
skrifstofur Lögbergs
Heimskringlu og skrifstofa ræð-
ismanns fslands á Gimli.
Menningarmiðstöð
„Við erum íslendingar þó svo
að við séum fædd í Kanada. Is-
lendingum kemur ekki alltaf
saman um alla hluti. Hér munum
við geta hist yfir kaffibolla og
rætt málin. Safnið og menningar-
miðstöðin munu hjálpa til við að
viðhalda menningararfleifð okk-
ar og það er þörf á því. íslenskan
er að hverfa og sögumar af
gamla landinu sem við ólumst
upp við heyrast ekki eins oft og
áður. Við verðum að varðveita
þær og sögumar af Iandnáminu
hér til að vita hvaðan við komum.
Davíð Oddsson hefur verið okkur
hliðhollur en framlag íslenska
ríkisins snýst um meira en pen-
inga. Það sýnir að það em sterk
bönd sem tengja íslendinga þar
og hér,“ sagði Irvin.
„Það er sérstaklega ánægju-
legt að fslendingar skuli taka
þátt í að byggja þetta safn og
menningarsetur með okkur,“
sagði Eric Stefanson, heilbrigðis-
ráðherra Manitóba. „Það má bú-
ast við að margir Islendingar
sem hingað koma heimsæki safn-
ið til að fræðast um frændfólk
sitt sem flutti til Kanada. Ég get
vart hugsað mér betri leið til að
styrkja tengsl okkar. Það er ann-
að sem við þurfum að vinna að
og það em viðskiptatengsl á milli
landanna og ég hef áhuga á að
ræða þau mál við Svavar Gests-
son. Það þarf að sýna atvinnulíf-
inu fram á þá viðskiptamögu-
leika sem era fyrir hendi og hver
þörfin er í hvora landinu fyrir
sig. Ég tel að Svavar geti sinnt
því hlutverki vel. Sjálfur var ég á
fslandi nýlega og veit að það
hafa til dæmis verið þróuð tölvu-
forrit á heilbrigðissviði sem gætu
nýst okkur í Manitóba. Það er
eitt dæmi um hugsanleg viðskipti
milli landanna."
IRVIN Oiafson heldur á veggspjaldi sem sýnir byggingu sem hýsa
mun minjasafn og menningarmiðstöð Nýja-Islands.
„íslendingarnir tóku þátt í
opnun vestursins og stækkun
Manitóba. Þess vegna er menn-
ingararfleifð fslendinganna mik-
ilvæg fyrir okkur öll. Þetta safn
mun einnig laða að ferðamenn
víðsvegar úr Norður-Ameríku og
frá Islandi," sagði Gary Filmon,
forsætisráðherra Manitóba, eftir
að hann hafði afhent ávísun upp
á eina milljón dollara til Betel-
stofnunarinnar.
„Islendingar era sannarlega
áberandi meðal okkar. Ekki alls
fyrir löngu gegndi íslendingur
embætti forseta hæstaréttar,
bróðir hans var fjármálaráð-
herra og er nú heilbrigðisráð-
herra, þriðji bróðirinn er yfir-
maður símafélags Manitóba og
fslendingar hafa gegnt ýmsum
mikilvægum störfum innan hér-
aðsins; aðstoðarráðherrar, lög-
reglustjórar og fleira. Ég sagði í
gríni á einhveijum fundi að mað-
ur gæti haldið að hér væri ís-
lensk mafía á ferð því þeir
sfjórnuðu í raun Manitóba. Á
landsvisu era svo þingmenn og
einn öldungadeildarþjngmaður
af íslenskum ættum. íslendingar
ættu að geta nýtt sér þessi sam-
bönd á viðskiptasviðinu og ég tel
að það séu miklir möguleikar á
auknum viðskiptum milli Islands
og Manitóba."
Kynslóðabilið brúað með nýju samstarfsverkefni
Ræktun manneskj-
unnar með sameig-
inlegum verkefnum
NÝJU samstarfsverkefni milli
Reykjavíkurborgar, Islands án eit-
urlyfja og framkvæmdastjómar árs
aldraðra var hleypt af stokkunum í
gær. Hefur verkefnið það að mark-
miði að brúa bilið milli kynslóða og
af því tilefni var hópur unglinga og
eldri borgara samankominn í
Hvammsvík í Hvalfirði til að planta
út trjám og skemmta sér, eða rækta
manneskjuna með sameiginlegum
verkefnum, eins og Anna Þrúður
Þorkelsdóttir hjá Öldrunarþjónustu
Reykjavíkurborgar komst að orði í
gær.
Reykjavíkurborg hefur tekið á
leigu land til ræktunarstarfsins og
verður það klætt skógi á næstu ár-
um, en fyrsti gróðursetningardag-
urinn var í gær. Samstarfsaðilarnir
hafa tekið höndum saman um að
efna til ýmiss konar annarra verk-.
efna sem geta orðið til þess að efla
tengsl og samskipti milli kynslóð-
anna og má þar m.a. nefna tölvu-
kennslu, félagsstarf í gegnum fé-
lagsmiðstöðvar auk ræktunarstarfs-
ins;
I ávarpi Sólveigar Pétursdóttur,
dóms- og kirkjumálaráðherra, í
gær kom fram að meginmarkmið
Islands án eiturlyfja, sem hrundið
var af stað í framhaldi af stefnu-
mörkun ríkisstjórnarinnar frá því á
fyrri hluta síðasta kjörtímabils,
væri að sameina krafta þjóðarinn-
ar, virkja þjóðfélagið í heild í bar-
áttunni gegn ólöglegum fíkniefnum
og stofna í því sambandi til sam-
vinnu við alla þá sem vOja leggja
baráttunni lið.
„Það er ekki hlaupið að því að
virkja heilt þjóðfélag í þessari bar-
áttu,“ sagði ráðherra. „Til að það
takist þarf m.a. að breyta viðhorf-
um fullorðinna til áfengisneyslu
barna og unglinga, virkja sveitarfé-
lög til aðgerða, vekja fjölmiðla,
stofnanir og samtök til vitundar um
ástandið og gera baráttuna sýni-
lega. Til að svo geti orðið þarf sam-
starf og samvinnu enda era það
lykilorðin í starfi Islands án eitur-
iyfja.“
Sólveig sagði að í tilefni af al-
þjóðlegu ári aldraðra hafi Island án
eiturlyfja ákveðið að leita eftir sam-
starfi við framkvæmdanefnd árs
aldraðra. „Skemmst er frá því að
segja að verkefnið sem hér er
kynnt er afrakstur þessa. Verkefn-
ið hefur það að markmiði að gera
eldri kynslóðina, ömmur og afa,
langömmur og langafa, meðvitaðri
um vímuefnavandann og fá hana til
liðs við okkur í baráttunni við þenn-
an vágest. Með þessu verkefni vilj-
um við byggja brú milli kynslóða,
treysta og styrkja böndin milli
Morgunblaðið/Halldór Kolbeins
SAMVINNA unglinga og aldraðra brúar bilið milli kynslóða og af því
tilefni var hópur unglinga og eldri borgara samankominn í Hvamms-
vík í Hvalfirði í gær til að planta tijám og skemmta sér.
ungra og aldinna í samfélagi okk-
ar,“ sagði ráðherra.
Að sögn Jóns Helgasonar, odd-
vita framkvæmdastjórnar um ár
aldraðra, verður lögð áhersla á það
við framkvæmd verkefnisins, að
brúa kynslóðabilið og brjóta niður
múra á milli kynslóða, enda sé þörf-
in á því orðin mikil í ljósi breytinga
á þjóðfélaginu sem orðið hafa að
undanfömu. „Öldraðum fjölgar svo
ört, víða í Evrópulöndum eru eftir-
launaþegar að verða þriðjungur
þjóðfélagsins og því verður að
breyta viðhorfinu til aldraðra,“
sagði Jón.
Dögg Pálsdóttir, formaður verk-
efnisstjómar Islands án eiturlyfja,
sagði verkefnið mikilvæga viðbót
við foreldrasamstarfið sem unnið
hefur verið, því afar og ömmur
hefðu oft öðravísi skilning á málum
ungmenna en foreldrarnir.
Hún sagði einnig að mikilvægt
væri að beina athyglinni að þeim
hópi unglinga sem stæði sig vel í
tómstundastarfi og í skóla í stað þess
að einblína á þann litla hóp unglinga,
sem væri í vandræðum, þótt vissu-
lega þyrfti sá hópur hjálpar við.
„Við þurfum að undirstrika það
að 95% unglinga er í heilbrigðu og
góðu starfi og er að sinna fjölskyldu
sinni, áhugamálum sínum og námi
og það er það sem við viljum fara að
beina augum að fremur en að tala
sífellt um unglinga sem vandamála-
hóp í heild,“ sagði Dögg.