Morgunblaðið - 08.07.1999, Side 29

MORGUNBLAÐIÐ
ERLENT
FIMMTUDAGUR 8. JÚLÍ 1999 29
Hald lagt á
10 tonn
af kókaíni
Nýr forsætisráðherra ísraels hyggst eiga fund með Yasser Arafat á sunnudag
Barak heitir því að ræða
við alla nágranna Israela
Jerúsalem, Damaskus. AP, AFP.
EHUD Barak, forsætisráðherra
Israels, mun eiga fund með Yasser
Arafat, forseta heimastjómar Pa-
lestínumanna, á sunnudag, til þess
að hefja á ný friðarumleitanir fyrir
botni Miðjarðarhafs. Verður þetta
eitt íyrsta embættisverk Baraks,
sem tók við embætti af Benjamin
Netanyahu á miðvikudaginn.
Fundur Baraks og Arafats mun
íylgja í kjölfar fundar Baraks með
Hosni Mubarak Egyptalandsforseta
í dag. Barak hefur heitið því að ræða
við alla nági’anna Israels, að því er
virðist fyrst og fremst til að draga úr
ótta Palestínumanna um að Israelar
leggi alla áherslu á að semja við Sýr-
lendinga um Gólanhæðir. Slíkt
myndi veikja samningsstöðu Palest-
ínumanna til muna.
Arafat er áfjáður í að hefja við-
ræður við Barak sem fyrst, og fagn-
aði yfirlýsingum hans. „Við erum
reiðubúnir til samstarfs til að koma á
friði hinna hugrökku," sagði Arafat.
í yfirlýsingu frá forsætisráðuneyt-
inu ísraelska sagði að Barak hygði
einnig á heimsókn til Jórdaníu áður
en langt um liði og í lok næstu viku
myndi hann halda til Washington.
Pað varð að samkomulagi milli
Baraks og Bills Clintons Bandaríkja-
forseta á mánudag að Barak kæmi
til Washington.
Tákn um gefin fyrirheit
Fréttaritari breska ríkisútvarps-
ins, BBC, sagði í gær, að það, hversu
fljótt Barak hæfi fundahöld með leið-
togum arabaríkja, sýndi að hann
vissi nákvæmlega hver næstu skref
ættu að vera. Haim Ramon, ráð-
herra í stjórn Baraks, sagði fyrir-
hugaða fundi táknræna fyrir þau
fyi-irheit sem Barak hefði gefið um
að hefja friðarumleitanir á ný, og
endurvekja traust leiðtoga
arabaríkja á Israelsstjórn.
Ramon sagði að Israelar myndu
virða samkomulagið sem þeir gerðu
Reuters
DAVID Levy, nýskipaður utan-
ríkisráðherra Israels (t.h.), á
göngu með fráfarandi utanrík-
isráðherra, Ariel Sharon, í gær.
við Palestínumenn í október í fyrra
og kennt er við Wye River, nema
Palestínumenn samþykktu að gerðar
yrðu breytingar á því. Samkomulag-
ið kveður á um að Israelar afhendi
Palestínumönnum tiltekin landsvæði
á Vesturbakkanum og Gaza í þrem
áfongum, gegn fyrirheitum Palest-
ínumanna um öryggisgæslu.
Netanyahu ógilti Wye-samkomu-
lagið þegar Israelar höfðu látið Pa-
lestínumönnum eftir tvö af þeim
þrettán prósentum lands á Vestur-
bakkanum sem samkomulagið kveð-
ur á um. Sagði Netanyahu að Arafat
hefði ekki staðið við loforð Palestínu-
manna um öryggisgæslu.
Sýrlensk stjórnvöld sögðust í gær
deila friðarviljanum með hinum nýja
forsætisráðherra Israels, og kváðust
reiðubúin til viðræðna eins fljótt og
auðið væri. Barak hafði í innsetning-
arræðu sinni á miðvikudag sagt að
Israelar hefðu áhuga á að semja við
Sýrlendinga en friðarumleitanir
þeirra á milli fóru út um þúfur fyrir
þrem árum.
Madrid. Rcuters.
SPÆNSKA lögreglan hefur lagt
hald á tíu tonn af kókaíni og rúmlega
200 grömm af heróíni í skipi nálægt
Kanaríeyjum, að sögn spænskra
embættismanna í gær. Þetta er einn
stærsti fíkniefnafarmur sem fundist
hefur í Evrópu og söluverðmæti efn-
anna er áætlað um 75 milljarðar
króna.
Sextán rússneskir og úkraínskir
skipverjar voru handteknir um borð
í skipinu. Að sögn heimildarmanns í
spænsku lögreglunni lét einn skip-
verjanna lífið eftir að lögreglan réðst
til uppgöngu. Hann vildi ekki greina
frá þanameini mannsins en spænskir
fjölmiðlai' sögðu að hann hefði fengið
hjartaáfall.
Að sögn heimildarmannsins var
ætlunin að smygla fíkniefnunum til
London.
Fíkniefnaleitin hafði verið undir-
búin í nokkra mánuði og lögreglan
leitar nú forsprakka smyglaranna,
þeirra á meðal nokkurra Kólumbíu-
manna og Spánverja.
Kanaríeyjar hafa lengi verið mikil-
vægur viðkomustaður skipa, sem
smygla kókaíni frá Suður-Ameríku
og hassi frá N-Afríku til Evrópu.

Reuters
UPPREISNARMENN úr Þjdðfrelsisher Kólombiu (ELN) hafa rænt fjölda fólks á undanfömum vikum og
mánuðum og krafist lausnargjalds.
Ný bylgja mannrána
vekur reiði í Kólombíu
FJÖLSKYLDUR og aðstandendur
38 einstaklinga sem kólombískir
skæruliðar úr sveitum Þjóðfrelsis-
hersins (ELN) halda föngnum eftir
skipulagt mannrán í kirkju í Cali
fyrir um mánuði lýstu því yfir á
mánudag að þeir neituðu að borga
skæruliðunum lausnargjald að því
er kemur fram í breska dagblaðinu
The Independent. Þykja yfirlýsing-
ar fólksins skjóta skökku við í Ijósi
þess að mannræningjar úr röðum
skæruliða hafa hingað til getað
gengið að vísu fé meðal ættingja
fórnarlamba sinna. Virðist nú sem
langlundargeð íbúa Kólombíu, sem
hefur einna hæsta tíðni mannrána í
heiminum, sé þrotið.
Gonzalo Gallo, talsmaður fjöl-
skyldnanna, sagði í yfirlýsingu sinni
að aðstandendur fólksins höfnuðu
því alfarið að gi-eiða lausnargjald og
styðja þannig við áframhaldandi
ástand. „I aðgerðunum felst meira
en fé,“ sagði Gallo. „Mannrán eru
gróf aðför að mannréttindum."
Mannrán eru orðin venjubundin í
landinu og nota skæruliðahópar
lausnargjaldið sem þeim berst til
kaupa á vopnum og vistum eða þá
að þeir nota gíslana til fangaskipta.
Talið er að a.m.k. 1.200 manns sé
haldið föngnum gegn vilja sínum af
skæruliðahópum marxista.
Meinsemd í samfélaginu
Margii' hafa viljað kenna Andres
Pastrana, forseta Kólombíu, um
ástandið, sem versnað hefur að und-
anförnu, og rekja það til þess að for-
setinn gaf liðsmönnum Kólombíska
byltingarhópsins (FARC) eftir
sjálfstjórn á landsvæði við landa-
mæri Panama en hefur jafnframt
neitað að ræða við liðsmenn ELN
sem farið hafa fram á svipaðar að-
gerðir. Segja gagnrýnendur að þar
með hafi forsetinn kynt undir valda-
baráttu milli FARC, sem eru elstu
skæruliðasamtök í Mið-Ameríku, og
ELN.
Til að árétta styrk sinn rændu
liðsmenn ELN flugvél í apríl sl. og
enn þann dag í dag halda þeir flest-
um íárþeganna föngnum. Því næst
rændu þeir kirkjugestunum 140 í
Calí.
Jorge Mora, hershöfðingi í kól-
ombíska hemum, hefur lýst því yfir
að ekki dugi að sýna skæruliðasveit-
unum linkind og varaði Kólombíu-
menn við því að átökin stæðu ekki
eingöngu á milli stjómarhersins og
skæraliða, heldur væri um mein-
semd í samfélaginu að ræða.
Hefur forsetinn stuðning eins
ólíkra manna og Gerhards
Sehröders, kanslara Þýskalands, og
Fidels Castros, forseta Kúbu, við
friðai'aðgerðir sínar, sem miða að
viðræðum við skæruliða svo framar-
lega sem þeir sleppi gíslum sínum
lausum. Castro sagði nýlega í ræðu
sem hann hélt Rio de Janeiro í Bras-
ilíu við setningu ráðstefnu sem fjall-
aði um samskipti Evrópu og Ró-
mönsku Ameríku, að jafnvel þótt
hann hefði stutt vopnaða byltingu
fyrr á dögum hefði tíðarandinn
breyst og meiri eining ríkti nú meðal
leiðtoga ríkja í Rómönsku Ameríku.
Skærar stjómarhersins og
skæruliða og stéttaátök hafa verið
landlæg í Kólombíu undanfarna
þrjá áratugi og er talið að á síðustu
tíu áram sé hægt að rekja allt að
35.000 dauðsföll til ástandsins.
Bætt samskipti
Bretlands og Líbýu
Lundúnum. Reuters, AFP.
BRESK stjórnvöld lýstu þvi yfir á
miðvikudag að þau myndu taka upp
stjórnmálasamband við Líbýu eftir
að stjórnvöld þar í landi féllust á að
greiða bætur vegna morðs á breskri
lögreglukonu sem var felld fyrir ut-
an sendiráð Líbýu árið 1984.
Yfirlýsing þessa efnis kom frá
Robin Cook, utanríkisráðherra Bret-
lands, síðdegis í gær og sagði hann
að Bretland myndi opna sendiráð í
Trípólí, höfuðborg Líbýu, innan
skamms tíma. Aður en sameiginleg
yfirlýsing bresku og líbýsku ríkis-
stjórnanna var gefin út fundaði Cook
með Abdul-Ati al-Obeidi, sendiherra
Líbýu í Róm, þar sem bætur til fjöl-
skyldu lögreglukonunnar Yvonne
Fletcher voru ræddar. Lögi'eglukon-
an lést við skyldustörf fyrir utan
sendiráð Líbýu í Lundúnum en
þangað hafði safnast hópur náms-
manna er mótmælti valdasetu Moa-
mers Kadhafis, forseta landsins.
Skotið var að mótmælendunum úr
glugga sendiráðsins og varð
Fletcher fyrir skoti.
Hafa líbýskir og breskir stjórn-
arerindrekar fundað leynilega um
málið og bætt samskipti ríkjanna
allt frá því Líbýumenn féllust á að
afhenda tvo menn, sem grunaðir
eru um að hafa sprengt þotu Pan
Am flugfélagsins yfir bænum
Lockerbie í Skotlandi i desember
1988, til yfirvalda í Hollandi þar
sem réttarhöld yfir þeim fara
fram.
Skipan framkvæmdastjórnar ESB að skýrast
Engin „nótt hinna
löngu
Brussel. Reuters.
ROMANO Prodi, næsti forseti fram-
kvæmdastjórnar Evrópusambands-
ins (ESB), vonast til að geta á morg-
un, fóstudag, nefnt alla þá 19 menn,
sem eiga ásamt honum að skipa fram-
kvæmdastjórnina næstu fimm árin.
Samkvæmt heimildum Reuters
innan framkvæmdastjórnarinnai'
mun Prodi einnig ætla sér að til-
kynna hvaða málefni hann ætlist til
að hver meðlimur hafi á sinni könnu.
Með því mun hann vilja draga úr
möguleikum ríkisstjóma aðildarríkj-
anna á því að ráðskast með það
hvaða verkefnum hver fulltrúi í
framkvæmdastjórninni sinnir.
„Það verður engin „nótt hinna
löngu hnífa“,“ sagði einn heimildar-
maðurinn, með tilvísun til þess sem
oftast hefur gerzt á fyrsta fundi
nýrrar framkvæmdastjórnar, þai'
sem tekizt hefur verið á um yfir
hvaða málaflokka hver fulltrúi er
settur. Til stendur að hin nýja fram-
kvæmdastjórn Prodis komi fyrst
saman í Antwerpen 15 júlí nk.
Samkvæmt frásögnum fjölmiðla
er listi Prodis nærri fullgerður.
Bretanum Chris Patten, fyirverandi
ríkisstjóra Hong Kong, verður að
sögn falið að stýra „stækkunai'ferl-
inu“ svokallaða, Belganum Philippe
Busquin er ætlað að bera ábyi'gð á
málum tengdum myntbandalaginu,
Austurríkismaðurinn Franz Fischler
hnífa“
mun áfram fara með landbúnaðar-
málin og Hollendingurinn Frits
Bolkstein verður yfir samkeppnis-
málunum. írar senda ríkissaksókn-
ara sinn, David Byrne, í slaginn.
Lausir endar
Þó var í gær greinilega enn ekki
orðið fullljóst hverja sum aðildarrík-
in hygðust tilnefna. Poul Nyrup
Rasmussen, forsætisráðherra Dan-
merkur, var til viðræðna við Prodi í
Brussel, en Prodi er sagður vilja að
Ritt Bjemegaard fari áfram með um-
hverfismál í framkvæmdastjórninni,
ekki sízt til að halda uppi hlutfalli
kvenna í henni. Frakkar höfðu í gær
enn ekki formlega gert upp á milli
fjögurra manna í þau tvö sæti sem
þeii' eiga. Prodi er hins vegai' sagður
hafa á endanum samþykkt að Þjóð-
verjar tilnefndu fulltrúa frá sínum
hvoram stjórnarflokknum, jafnaðar-
mönnum og græningjum, en ekki
sinn hvorn fulltrúann frá stjórn og
stjórnarandstöðu.