Morgunblaðið - 28.07.1999, Blaðsíða 8

8 MIÐVIKUDAGUR 28. JÚLÍ 1999
MORGUNBLAÐIÐ
FRÉTTIR
MJALLHVÍT og dvergarnir sjö við eina af frægustu súlum landsins.
Fékk tvo
í einu
SIGURÐUR Sigurðsson blóma-
kaupmaður í Kringlunni lenti í ævin-
týri á bökkum Laugardalsár við
Djúp á dögunum. í sama kastinu
komu tveir laxar á og það sem meira
var, Sigurður landaði báðum.
Sigurður var ásamt Grími syni
sínum að veiða í Affallinu, þar sem
áin fellur úr Laugarbólsvatni. Neðst
í Affallinu eru djúpur pyttur,
skammt frá landi og er þeir feðgar
komu þar að, sáu þeir þrjá laxa
liggja í pyttinum. Laxarnir urðu fyr-
ir styggð og því héldu þeir feðgar of-
ar á svæðið og köstuðu flugu um
stund. En eftir nokkra stund lædd-
ist Sigurður að pyttinum, setti undir
maðk, flotholt og þrjár sökkur. Lét
herlegheitin síðan fljóta að pyttin-
um. Skipti engum togum, að fiskur
var á um leið. „Um leið og fiskurinn
ROBERT Sheriff með 20 punda hæng úr Hofsvaði í Eystri-Rangá.
Tregt í Svartá
Um helgina voru aðeins komnir
um 20 laxar úr Svartá að sögn
Hrafns Þórissonar veiðieftirlits-
manns á svæðinu. Hann sagði skýr-
ingu sem til hugar kæmi vera að
áin hefði verið köld og vatnsmikil
framan af sumri. „Það eru komnir
um eða yfir 1.000 laxar fram fyrir
teljarann í Blöndu og aðeins rúm-
lega 200 þeirra veiðst. Við skulum
því vona að eitthvað af öllum þess-
um laxi fari að skila sér í Svartá,“
sagði Hrafn.
tók fann ég að það kom slý á línuna
og þegar ég stóð upp og tók á móti
laxinum fannst mér syngja furðu-
lega í stöng og línu. Mér leist ekkert
á þetta, stöngin bognaði svo mikið
að ég hélt að hún ætlaði að bresta.
Þá sá ég að línan lá út á ána, en lax
var samt að berjast um miklu nær
mér. Svo sá ég annan lax utar og
hélt þá að annar væri að elta hinn.
Maður sér það nokkuð oft. Laxinn
sem ég hélt að væri á hjá mér strik-
aði niður eftir, niður í næsta veiði-
stað, svokallaða Ruðninga, en hinn
fylgdi alltaf á eftir, barðist um og
það var alltaf sama fjarlægðin á milli
þeirra. Svo virtist draga af þeim
sem nær var. Mér var nú orðið ljóst
að þeir voru báðir á, en hélt mig
hafa krækt einhvern veginn í
línuslóða sem annar laxinn væri
fastur á. Svo náðum við laxinum sem
nær var og þá var hinn enn þá þrjá
metra úti í á. Honum landaði ég síð-
an augnabliki síðar. Sá sem var nær
okkur hafði einhvern veginn fengið
lykkju af línunni yfir hausinn, línan
herti svo að tálknalokunum að lax-
inn var hreinlega drukknaður! Hinn
laxinn hafði tekið eðlilega. Ég
reikna með að það megi velta því
endalaust fyrir sér hvemig þetta gat
gerst, en um það verður seint full-
yrt,“ sagði Sigurður í samtali við
Morgunblaðið. Laxarnir voru báðir
6 pund.
Sigurður sagði enn fremur að um
helgina hefðu verið komnir 103 laxar
úr ánni og hefðu þrjú síðustu holl
veitt 17, 18 og 18 laxa hvert. Mest
veiddist nú af vænum smálaxi, en
vænir fiskar væru í bland.
HJOL
fást í
sportvöruverslunum
um allt land
c55áz>ée
a^aea/te.
DREIFINGARAÐILI
I.GUÐMUNDSSON ehf
Sími: 533-1999. Fax: 533-1995
Úr bænum um verslunarmannahelgina
Látið líta út
fyrir að ein-
hver sé heima
FRAMUNDAN er
ein mesta ferða-
helgi ársins og á
mörgum stöðum verður
enginn heima. Það er ráð-
legt að gera ýmsar ráð-
stafanir áður en farið er
af stað til að tryggja ör-
yggi heimilisins gegn
óboðnum gestum.
Guðmundur Gígja er
lögreglufulltrúi hjá for-
varna- og fræðsludeild
lögreglunnar í Reykjavík.
„Undanfarin ár hefur lög-
reglan verið með sérstak-
an áróður og hert eftirlit
til að draga úr hættu á
innbrotum um verslunar-
mannahelgar. Um síðustu
verslunarmannahelgi
voru framin 7 innbrot á
höfuðborgarsvæðinu en
árið 1997 voru þau 10 talsins og
árið 1996 22. Þessi fækkun inn-
brota má samt ekki verða til þess
að dregið sé úr varúðarráðstöfun-
um. Það má til dæmis benda á að
tvö innbrot voru framin um miðj-
an dag um síðustu helgi.“
- Hvernig er öruggast að skilja
við heimili þegar farið er í frí?
„Þegar farið er í ferðalag þarf
að kappkosta að það líti út fyrir
að einhver sé heima. Það borgar
sig að hafa bfl á bílastæðinu ef
mögulegt er og það má kannski
biðja nágranna sem er með tvo
bfla að leggja öðrum í stæði þess
sem er að fara úr bænum.“
Guðmundur segir að fólk ætti
að skilja eftir þvott á snúru sem
merki um að einhver sé heima. Þá
mælir hann með að ljós sé ein-
hversstaðar í húsinu og bendir á
að sumir skilji eftir útvarp í
gangi, hæfilega hátt stillt.
- Borgar sig ekki líka að fá ná-
granna til að taka póstinn ?
„Jú, endilega ber að varast að
hafa í inngangi póst sem auglýsir
fjarveru íbúa. Þá verða menn að
muna eftir símsvaranum, að hann
tilkynni ekki hverjum sem heyra
vill fjarveru heimilisfólksins."
Guðmundur segir að loðinn gras-
blettur bendi líka til að íbúar séu
að heiman.
-Er ráð að koma undan dýr-
mætum hlutum?
„Það er heppilegt að koma dýr-
mætum hlutum eins og frímerkja-
eða myntsafni, skartgripum og
þess háttar fyrir á öruggum stað,
eins og til dæmis í bankahólfi.
Svo er líklegt að flestir séu
löngu búnir að gera skrá yfir
verðmæta hluti og sumir hafa
jafnvel tekið myndir af þeim til að
eiga ef þeir verða fyrir barðinu á
innbrotsþjófum. Éf einhverjir
eiga þessa vinnu eftir borgar sig
að drífa í henni fyrir ferðalagið."
Guðmundur segir að fólk þurfi
síðan að ganga tryggilega frá
hurðum og gluggum og skilja
ekki varalykil eftir á vafasömum
stað. „I fjölbýlishúsum
eiga íbúar að bindast
fastmælum um að
hleypa ekki ókunnug-
um inn í sameignina."
- Er ekki líka orðið
algengt að nágrannar
skiptist á um að gæta
húsa?
„Það eru alltaf einhverjir ná-
grannar heima, jafnvel um versl-
unarmannahelgi. Það er sjálfsagt
að tala við góða granna og láta þá
vita þegar farið er í frí. Nágrann-
ar geta haft augun opin fyrir
Guðmundur Gígja
► Guðmundur Gígja er fæddur í
Reykjavík árið 1940. Hann hefur
starfað í lögreglunni sl. 30 ár,
fyrst sem almennur
lögreglumaður og síðan hjá
fíkniefnalögreglunni um árabil.
Guðmundur starfaði hjá
Rannsóknarlögreglu ríkisins frá
1981-1997. Hann starfar nú sem
lögreglufulltrúi í forvarna- og
fræðsludeild lögreglunnar í
Reykjavík.
Eiginkona hans er Hjördís
Jónasdóttir og eiga þau fjögur
börn.
vafasömum mannaferðum. Sumir
hafa það mikið samband við ná-
granna sinn að hann fær lykil að
íbúðinni og fer þangað reglulega
til að kveikja og slökkva Ijós,
breyta gluggatjöldum og svo
framvegis. Auk þess veit þá ná-
granninn hvar á að ná sambandi
við íbúana ef eitthvað kemur fyr-
ir.“
Guðmundur segir að oft sé líka
hægt að biðja nána ættingja, s.s.
böm, foreldra eða jafnvel afa og
ömmu að fylgjast með heimilinu.
„Ættingjamir geta þá kannski
komið við, fjarlægt póst, slökkt
eða kveikt ljós og fylgst með að
allt sé í lagi.“
Guðmundur bendir á að það
skipti lögreglu oft miklu máli að
fá upplýsingar um bflnúmer, lýs-
ingu á mönnum og bifreiðum.
„Þess vegna er gott að fólk skrái
hjá sér númer bifreiða sem það
kannast ekki við og finnst at-
hugaverðar. Þannig getur athug-
ull nágranni bæði stuggað við
þjófi og gefið lögreglunni upplýs-
ingar. Það er betra að hringja
einu sinni of oft til lögreglunnar
en of sjaldan. Innbrotsþjófur sem
sér að fylgst er með ferðum hans
er yfirleitt fljótur að koma sér
burt.“
- Önnur atriði sem vert er að
benda á í þessu Sambandi?
„Það er þá aðallega að vara við
mönnum sem hringja
dyrabjöllum og þykj-
ast vera að spyrja eft-
ir einhverjum. Stund-
um em þetta inn-
brotsþjófar sem eru
að kanna hvort ein-
hver sé heima.
Þá er vert að geta
þess að lokum að lögreglan verð-
ur með sérstakt þjófaeftirlit á
ómerktum bflum alla helgina auk
hins venjulega eftirlits. Látum
okkur varða það sem gerist hjá
nágrönnum okkar.“
Lögreglan var-
ar fólk við að
hleypa ókunn-
ugum inn í
sameign húsa