Morgunblaðið - 28.07.1999, Blaðsíða 44

44 MIÐVIKUDAGUR 28. JÚLÍ 1999
MORGUNBLAÐIÐ
Grettir
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Ábending til eigenda
bfla með dráttarkúlu
og tengitæki
NU VEIT E6! EG FER INN
OG SÆKI ÍSSKEIDINA!
VILTU NA I MELONU-
KÚLUSKEIDINA FYRIR MIS!
Ljóska
j ób sáum hann,
þu t/jnndr réti ó2>an> í Bikan.
A,)cu r—
'júUUStr-
er ensu r
Ska/rtmoðo uerm. en>pi5
1 ' ' h-aJdíó
þui ab okkar hbpur á. ab
mxác{ / FuruscUnurru
Hvar fékkstu þessa köku? Mér flnnst að þú ættir alltaf Skilyrðislaust alltaf.. Ekki í hvert skipti..
I eldhúsinu að deila með systur þinni Örugglega alltaf...
Ég er sammála...alltaf...
Frá Jóni Gröndal:
NÚ ÞEGAR fjölmargir eru á ferð
um landið með tjaldvagna, fellihýsi
og hjólhýsi er við hæfi að rifja upp
það sem þarf að vera í lagi á bíln-
um og eftirvögnunum. Lögreglan
mun á næstunni herða eftirlit með
þessum hlutum. Það er óþarfi að
bæta sektum ofan á ferðakostnað-
inn.
Dráttarkúlur þarf að skrá
Tengibúnaður bílsins þarf að
vera samþykktur af bifreiðaskoð-
un til að teljast löglegur. Þá er
hann skráður í skráningarvottorð
og líka tilgreint hvað þú mátt
draga þungan eftirvagn með eða
án hemla. Ef þú hefur keypt bíl
með dráttarkúlu getur þú séð
hvort hann er samþykktur eða
ekki í skráningarvottorðinu. Sé
hann það ekki verður þú að fara á
skoðunarstöð og láta skoða hann.
Það kostar 1500 kr. Sé búnaðurinn
ekki skráður getur tryggingafélag-
ið átt endurkröfurétt á þig ef eitt-
hvað kemur fyrir.
Eftirvagnar
Meginreglan er sú að bfll þarf að
vera helmingi þyngri en eftirvagn-
inn sem hann dregur því ekki er
krafist hemla á svo léttum eftir-
vögnum. Þetta á við um bfla allt að
3500 kg Léttari eftirvagnar en 750
kg eru ekki skráningarskyldir en
þurfa að vera með lögboðinn ljósa-
búnað, stöðuljós, hemlaljós,
stefnuljós og númersljós ef við á.
Bretti á að vera yfir dekkjum. Bíl-
númerið á að vera aftan á eftir-
vagninum ef hlassið skyggir á
skráningarnúmer bflsins.
Eftirvagnar (tjaldvagnar, felli-
hýsi og hjólhýsi) sem eru þyngri
en 750 kg. eiga að vera skráðir og
hafa skráningarnúmer. Þá á að
skoða eftir sömu reglu og bfla,
þ.e.a.s. fýrst þremur árum eftir 1.
skráningu, síðan eftir tvö ár og ár-
lega eftir það. Þeir þurfa að hafa
hemla. Ekki er þörf á neyðarhemli
ef eftirvagninn er undir 1500 kg.
Skilyrðislaust ber þó að hafa ör-
yggiskeðju.
Aukaspeglar
nauðsynlegir
Skylt er að hafa framlengingu á
speglum ef fellihýsið eða hjólhýsið
byrgir útsýn aftur fyrir. Sú mun
vera raunin á fólksbílum og sum-
um minni jeppum. Sektir fyrir að
hafa ekki spegla ef þú sérð ekki í
baksýnisspeglum eru skv. 73. gr.
umferðarlaga 4000 kr. Speglasett
kosta rúmar 3.500 kr. í Bflanausti
svo dæmi sé tekið. Lögreglan mun
á næstunni herða eftirlit með þess-
um atriðum. Sektir og afskipti lög-
reglu eru ekki skemmtileg, sér-
staklega ekki í upphafi sumarferð-
ar með fjölskyldunni.
Verum lögleg. Tökum ekki
áhættu. Ekkert liggur á.
Munið að það er 80 km há-
markshraði á þjóðvegum með felli-
hýsi, hjólhýsi og tjaldvagna.
JÓN GRÖNDAL
umferðaröryggisfulltrúi, Grindavík.
Uppgötvun
aldarinnar
Frá Sveini Á. Haraldssyni:
NÝLEGA fór fram könnun á því
hér á landi hverja íslendingar
teldu vera „bók aldarinnar". Atti
sú bók að hafa verið samin á þess-
ari öld og af íslenskum höfundi.
Ekki kom á óvart niðurstaða
könnunar þessar, og hver hinna ís-
lensku höfunda fékk flest atkvæð-
in. Breytti þar vitanlega engu um
niðurstöðuna þó að nóbelsskáldið
íslenska segi í einni bóka sinna frá
öðrum rithöfundi íslenskum, sam-
tímamanni, sem verið hafi sér
fremri að ritsnilld.
„Ég veit vel að ég hef ekki
tungu úr höfði Helga Pjeturss;
reyni það ekki einusinni“ og
„Helgi Pjeturss hefur á bókum
sínum einna fegurstu íslensku sem
rituð hefur verið á okkar tíð,“ seg-
ir Halldór K. Laxness m.a. í bók
sinni, Grikklandsárið (2. kap.). Slík
viðurkenning mest metna rithöf-
undar þjóðarinnar á þessari öld, á
algerum yfirburðum annars ís-
lensks höfundar hvað málsnilld
snertir, má kallast athyglisverð, og
líklega um leið óvenjuleg.
Umhugsunarvert má þetta vera
fyrir þá, sem hvað mest hafa hafið
H.K.L. til skýjanna sem fremsta
rithöfund íslenskan, jafnvel fyrr og
síðar. Það mætti jafnvel verða
mönnum umhugsunarefni, hvort
samfara þeirri yfirburða-ritsnilld
Helga Pjeturs sem Halldór Lax-
ness dáir svo mjög, hafi ekki verið
yfirburða-vitsnilld. Og það jafnvel
svo að framhjá Helga Pjeturss og
vísindarannsóknum hans yrði ekki
gengið, ef nefna ætti uppgötvun
aldarinnar.
SVEINN Á. HARALDSSON,
Álfhólsvegi 121,
Kópavogi.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Peir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.