Morgunblaðið - 28.07.1999, Blaðsíða 22

22 MIÐVIKUDAGUR 28. JÚLÍ 1999
ERLENT
MORGUNBLAÐIÐ
Sergej Stepashín í heimsókn í Bandaríkjuninii
Blair undirbýr uppstokkun á sljórn sinni
Segir Rússland verða
arðvænt fyrir fjárfesta
Washington. Reuters.
SERGEJ Stepashín, forsætisráð-
herra Rússlands, fór til Washing-
ton í gær og iofaði að koma á mark-
aðsumbótum til að gera landið væn-
legt til arðbærra fjárfestinga. Hann
sagði ennfremur að ástæðulaust
væri að óttast afturhvarf til komm-
únisma eða kalda stríðsins.
Stepashín sagði fyrir fund með
Bill Clinton Bandaríkjaforseta og
A1 Gore varaforseta að Rússar
myndu standa við samkomulag sitt
við Alþjóðagjaldeyrissjóðinn (IMF)
og setja ný lög sem miða að því að
auka arðsemi fjárfestinga í Rúss-
landi.
Forsætisráðherrann sagði enn-
fremur að deilur meðal Rússa um
þróun Atlantshafsbandalagsins
myndu ekki skaða samskiptin við
Bandaríkin. „Engin pólitísk eða
hemaðarleg umbrot - og ég vona
að þau verði ekki fleiri - verða til
þess að draga okkur aftur inn í kalt
stríð.“
Þetta er í fyrsta sinn sem forsæt-
isráðherra Rússlands heimsækir
Bandaríkin frá því að forveri
Stepashíns, Jevgení Prímakov,
sneri við á miðri leið til Washington
eftir að bandarísk stjórnvöld
skýrðu honum frá því að loftárásir
NATO á Júgóslavíu væra hafnar.
Efnahagsbati
í Rússlandi
Líklegt er að Alþjóðagjaldeyris-
sjóðurinn samþykki í dag að veita
Rússum ný lán að andvirði 4,5
milljarðar dala, 320 milljarðar
króna, til að hjálpa þeim að endur-
greiða gömul lán.
Stepashín sagði að efnahagur
Rússlands hefði rétt mun fyrr úr
kútnum en búist hefði verið við eft-
ir fjármálakreppuna í ágúst þegar
rússneska stjórnin lækkaði gengi
rúblunnar og stóð ekki í skilum
með ríkisvíxla. Iðnframleiðslan
hefði aukist og verðbólgan minnkað
og Rússland hefði nú í fyrsta sinn
SERGEJ Stepashín, forsætisráðherra Rússlands, heilsar
varaforseta Bandaríkjanna, í Washington.
Reuters
A1 Gore,
Sumarfrí
Mowlams veldur
uppnámi
Mo Mowlam
ÞAÐ vakti mikla
furðu breskra fjöl-
miðla í gær að Mo
Mowlam, Norður-ír-
landsmálaráðherra
bresku stjórnarinn-
ar, hefði farið í
sumarfrí á mánu-
dag án þess að vita
hvort hún héldi ráð-
herrastóli sínum en
líklegt hefur þótt að
Tony Blair forsætis-
ráðherra geri
breytingar á ríkis-
stjórn sinni í þessari
viku.
Getgátur um
hugsanlegar
mannabreytingar í stjórninni
hafa einkum snúist um það
hvort Mowlam yrði áfram N-Ir-
landsmálaráðherra, eða hvort
hún yrði færð til í starfí, og því
vakti mikia furðu að Mowlam
skyldi ákveða að fara í frí
einmitt þegar von væri á
ákvörðun forsætisráðherrans.
Vill nú halda embættinu
Breskir fjölmiðlar gátu sér
þess til í gær að Mowlam hefði
vitað örlög sín áður en hún fór í
fríið en fulltrúar stjórnarinnar
gerðu lítið úr málinu, bentu á að
Mowlam hefði ekki tekið sér frí í
u.þ.b. ár og að Blair gæti hvort
eð er ávallt náð í hana símleiðis.
Tony Blair
Líklegt hefúr verið talið að
Mowlam yrði færð til en eftir að
friðanimleitanir á N-Irlandi
sigldu í strand tilkynnti hún að
hún vildi vera áfram í embætti
N-írlandsmálaráðherra. Hafa
nokkur dagblöð staðhæft að Bla-
ir hafi verið allt annað en
ánægður með þá yfírlýsingu
Mowlam, enda sé það í valdi for-
sætisráðherrans að ákveða
hvort færa skuli ráðherra til eð-
ur ei.
Staðhæfðu síðan nokkur
bresku dagblaðanna í gær að
Blair liti á íjarveru Mowlam nú
sem ögrun við sig og að forsæt-
isráðherrann væri allt annað en
ánægður með ráðherrann.
uppfyllt efnahagsleg skilyrði IMF
fyrir nýjum lánum.
Alassane Ouattara, aðstoðar-
framkvæmdastjóri IMF, sagði að
stjórn Stepashíns hefði staðið við
loforð sín og þegar hafist handa við
umbætur sem nauðsynlegar væru
til að rétta efnahaginn við.
Stjórn Belgiu grípur til aðgerða vegna díoxínmengaðra matvæla
Allt svínakjöt eyðilagt
AFP ^ J
GÓÐAR GALLABUXUR
Brusscl. AFP.
RÍKISSTJÖRN Belgíu bjó sig í
gær undir að afturkalla og eyði-
leggja allt belgískt svínakjöt í Belg-
íu og öðram löndum vegna hugsan-
legrar díoxínmengunar, að sögn
matvælasérfræðings framkvæmda-
stjómar Evrópusambandsins. Rík-
isstjómin hyggst kaupa allt
belgískt svínakjöt og allar matvör-
ur, sem innihalda svínakjöt, af mat-
vöraverslunum, heildsölum og veit-
ingahúsum.
Matvælasérfræðingur fram-
kvæmdastjómar ESB sagði að
óhjákvæmilegt væri að grípa til
þessara aðgerða þar sem ljóst væri
að nánast ómögulegt væri að finna
allt svínakjötið frá 803 svínabúum
sem lokað hefur verið vegna gran-
semda um díoxínmengun.
Talið er að kaupin kosti
belgíska ríkið andvirði nokkurra
milljarða króna. „Þetta er það
verð sem við verðum að greiða til
að endurheimta traust neytenda í
Belgíu og erlendis,“ sagði emb-
ættismaðurinn. „Við gátum ekki
leyft Belgum að leyna þessu og við
höfum því gripið strax til alvar-
legra aðgerða."
Blair reynir að efla
samstöðu um evruna
Lundúnum. AFP.
TONY Blair, forsætisráðherra
Bretiands, reyndi í gær að spyrna
gegn vaxandi andúð Breta á evr-
unni, hinni sameiginlegu mynt Evr-
ópusambandsins (ESB), og lagði
áherslu á hve góð áhrif það myndi
hafa á breskt efnahagslíf ef landið
tæki upp evrana. I ræðu sem Blair
hélt í gær kvaðst hann fagna sam-
runaferlinu í Evrópu og telja að að-
ild að Myntbandalagi Evrópu
(EMU) myndi færa Bretum aukin
viðskipti, erlent fjárfestingarfé og
aukin atvinnutækifæri.
í ræðunni gaf Blair þó ekki
nein ákveðin fyrirheit um hvenær
eða hvort Bretar mundu fórna
sterlingspundinu fyrir evruna og
endurtók fyrri yfirlýsingar
Verkamannaflokksins um stuðn-
ing hans við að taka upp hina
sameiginlegu mynt, að því til-
skildu að efnahagslegar forsendur
yrðu uppfylltar og að þjóðarat-
kvæðagreiðsla yrði haldin um
málið. Sagðist Blair ekki vilja loka
EVRÓPA**
dyrunum á neina framtíðarmögu-
leika.
íhaldsmenn reyna
ad koma höggi á Blair
Stuðningsmenn ESB hafa lagt
hart að forsætisráðherranum að
sýna meira framkvæði í umræð-
unni um evrana, ekki síst í ljósi
þess að almenningur virðist vera
afar andsnúinn aðild að EMU um
þessar mundir. Skoðanakannanir
sýna að nærri tveir af hverjum
þremur Bretum era á móti því að
taka upp evrana og bent hefur ver-
ið á að Verkamannaflokkurinn tap-
aði fylgi í Evrópuþingskosningun-
um í júní sl. vegna þess að málefni
hinnar sameiginlegu myntar hafi
skyggt á önnur mál.
Stjómarandstæðingar úr röðum
íhaldsflokksins hafa - þrátt fyrir
ágreining um evruna innan eigin
raða - leitast við að nýta sér yfirlýs-
ingar forsætisráðherrans og koma
þannig höggi á stjórnarflokkinn.
í grein eftir William Hague, sem
birtist í Daily Telegraph í gær, seg-
ir: „Ferli þetta er nú orðið afar
venjubundið [...] Á þriggja mánaða
fresti lýsir forsætisráðherrann því
yfir í mikilli ræðu að örlög álfunnar
liggi í sambandsríki Evrópu sem
eigi sér sameiginlega mynt [...]
Næstu þremur mánuðum er svo
eytt í að draga [yfirlýsingar] tii
baka og svara með gagnásökun-
um.“
Blair vék að grein Hagues í ræðu
sinni og sagði að íhaldsflokkurinn
styddi „öfgafulla" and-Evrópu-
stefnu sem myndi skaða hagsmuni
Bretlands.

I