Morgunblaðið - 15.09.1999, Qupperneq 4

4 MIÐVIKUDAGUR 15. SEPTEMBER 1999 MORGUNBLAÐIÐ
FRÉTTIR
Heimsókn Hillary Clinton
Sex manna hóp-
ur kannaði að-
stæður hérlendis
STARFSMENN Hvíta hússins í
Washington eru þegar byrjaðir að
undirbúa komu Hillary Rodham
Clinton forsetafrúar Bandaríkjanna
til Islands. Hún tekur þátt í ráð-
stefnu í Reykjavík um konur og lýð-
ræði við árþúsundamót hinn 8. til 10.
október nk.
Sex manna undirbúningshópur frá
skrifstofu forsetafrúarinnar í Hvíta
húsinu var staddur hér á landi um
síðustu helgi til að líta á aðstæður í
Reykjavík og kanna hugsanlega staði
sem hún gæti heimsótt meðan á dvöl
hennar stendur. Að sögn Lane T.
Cubstead upplýsingafulltrúa banda-
ríska sendiráðsins á íslandi er von á
öðrum slíkum undirbúningshópi til
Reykjavíkur eftir viku eða svo.
Enn sem komið er liggur ekki
Ijóst fyrir hvað forsetafrúin mun
dvelja lengi í Reykjavík eða hvað
hún muni taka sér fyrir hendur þeg-
ar hún er ekki á ráðstefnunni. Lík-
legt þykir að undirbúningshópurinn
sem hingað kom um síðustu helgi
muni leggja fram einhverjar tillögur
um dagskrá fyrir skrifstofu forseta-
frúarinnar.
Margir í fylgdarliði
Aðspurður segir Cubstead enn-
fremur óljóst hve margir embættis-
menn verði með Hillary Clinton í för
hér á landi. Það eina sem upplýs-
ingafulltrúinn getur sagt á þessari
stundu er að í fylgdarliðinu verði
„mjög margir".
Morgunblaðið/Björn Blöndal
Samtök atvinnulífsins
stofnuð í dag
Hald lagi
á fíkniefni
LÖGREGLAN í Reykjavík lagði
hald á um tíu grömm af hassi og 6-7
grömm af amfetamíni í þremur að-
skildum fíkniefnamálum sem upp
komu í fyrrinótt. Fimm einstakling-
ar voru handteknir, en öllum sleppt
að loknum yfirheyrslum á lögreglu-
stöð. Þeir hafa allir komið við sögu
fíknefnamála áður.
Fyrir lágu upplýsingar um að
fíkniefnasala færi fram í íbúð í aust-
urborginni og fór lögreglan á staðinn
þar sem fyrir voru þrír menn um þrí-
tugt. Á einum þeirra fannst lítilræði
af ætluðu hassi og við leit á hinum
fannst um eitt gramm af ætluðu
hassi. Við leit í íbúðinni fundust síð-
an 4-5 grömm af ætluðu amfetamíni,
um 8 grömm af ætluðu hassi auk á
þriðja hundrað þúsund króna í pen-
ingum. Áhöld eins og skömmtunar-
pokar, plasthylki, mjólkursykur og
tölvuvogir gáfii lögreglu vísbending-
ar um að þar færi fram sala eða
dreifíng fíkniefna.
Málið sem hér um ræðir er liður í
svokölluðu götueftirliti lögreglunnar
þar sem unnið er úr upplýsingum
sem berast auk upplýsinga sem lög-
reglan býr yfir og hefur skilgreint og
metið svo að afskipti skuli höfð af
viðkomandi einstaklingum.
I hinum málunum fannst síðan
annars vegar eitt og hálft gramm af
ætluðu amfetamíni á manni á Lauga-
veginum, sem oft hefur komið við
sögu ííkniefnamála hjá lögreglunni
og hins vegar eitt gramm af ætluðu
hassi, sem fannst við leit á manni,
sem hafði læst sig inni á salerni á
veitingastað í miðborginni.
STOFNFUNDUR Samtaka at-
vinnulífsins (SA) verður haldinn í
dag á Grand Hotel í Reykjavík. Á
fundinum undirrita foi-menn Vinnu-
veitendasambandsins og Vinnumála-
sambandsins og aðildarfélaga SA
stofnsamning hinna nýju samtaka.
Jafnframt verður kjörið 100 manna
fulltrúaráð og 20 manna stjórn. í lok
fundar flytur Finnur Geirsson fram-
kvæmdastjóri ræðu, en samkomulag
er um að hann verði fyrsti formaður
SA.
Aðalfundir Vinnuveitendasam-
bandsins og Vinnumálasambandsins
hafa samþykkt að eiga aðild að hin-
um nýju samtökum. Þau mynda sjö
aðildarfélög, en þau eru Landssam-
band íslenskra rafverktaka (með 2%
aðildarfélaga innan SA), Landssam-
band íslenskra útvegsmanna (12%),
Samtök ferðaþjónustunnar (9%),
Enginn „leki“
hjá dýralækni
í TILEFNI af frétt Stöðvar 2 í
gærkvöldi, þar sem vitnað var í
Sunnlenska fréttablaðið, þess efnis
að staðgengill yfirdýralæknis hafl
upphaflega „lekið“ frétt um ástand-
ið á Ásmundarstöðum í blaðamann
Morgunblaðsins, er ástæða til að
geta þess, að þessi fullyrðing er
röng og er hún hér með leiðrétt.
Samtök fiskvinnslustöðva (11%),
Samtök iðnaðarins (31%), Samtök
fjármálafyrirtækja (8%) og Samtök
verslunar og þjónustu (28%). Tvö
síðasttöldu samtökin eru ný og voru
stofnuð nú í haust.
Samkvæmt skipulagi SA eiga öll
fyrirtæki, sem aðild eiga að samtök-
unum, aðild í gegnum aðildarfélögin.
Áfram er þó gert ráð fyrir að fyrir-
tækin geti haft bein áhrif á heildar-
samtökin.
Eitt af markmiðum með stofnun
samtakanna er að draga úr kostnaði.
Gert er ráð fyrir að árgjald SA verði
0,21% af launakjörum ársins á und-
an, en þetta hlutfall hefur verið
0,34% hjá VSÍ. Stefnt er að því að öll
EKKI hefur enn fengist niðurstaða
varðandi húsnæðismál Samtaka at-
vinnulífsins, sem verða formlega
stofnuð í dag. Samtökin munu því
fyrst um sinn verða til húsa í
Garðastræti 41 þar sem Vinnuveit-
endasamband Islands (VSI) hefur
verið til húsa. I gær var verið að
aðildarfélög greiði þetta árgjald, en
það þýðir að árgjald sjávarútvegs-
fyrirtækja, sem eru aðilar í gegnum
LIU, hækkar en þau hafa fram að
þessu greitt árgjald af kauptrygg-
ingu sjómanna, en ekki af heildar-
launum eins og aðrar atvinnugrein-
ar. Þessi breyting tekur gildi á
nokkrum árum.
Samþykktir SA gera ennfremur
ráð fyrir þeirri nýbreytni að fyrir-
tæki geti gerst aðilar að samtökun-
um án þess að fela þeim umboð til að
gera kjarasamninga. Fyrirtæki sem
óska eftir aðild með þessum hætti
munu eiga aðild að SA í gegnum
nýja deild sem kölluð er þjónustu-
deild.
flytja gögn Vinnumálasambands
samvinnufélaganna (VMS) inn í
höfuðstöðvar VSI í Garðastræti, en
Samtök atvinnulífsins munu taka
við hlutverki beggja sambandanna.
VMS hefur verið til húsa í Ki’ingl-
unni 7 í Reykjavík.
Langt komið
að byggja
yfir knatt-
spyrnuvöll
BYGGING íjölnofa íþróttahúss í
Reykjanesbæ er vel á veg komin
en gert er ráð fyrir að afhenda
það tilbúið til notkunar um
miðjan febrúar, að sögn Kristins
Baldurssonar, byggingarstjóra
hjá Verkfali, sem reisir húsið.
Að sögn Kristins var lokið við
að reisa stálvirki íþróttahússins
sjálfs um síðustu mánaðamót og
unnið er að því að loka því. Eftir
er þá að reisa stálvirki
þjónustubyggingar sem verður
500 fermetrar, en sjálft
íþróttahúsið er 7.300 fermetrar.
Að sögn Kristins er stálvirkið
fengið frá Finnlandi og vegur
það alls um 400 tonn. „Við gerum
ráð fyrir að vera búnir að
grófloka húsinu þegar vika
verður Iiðin af október og þá
verður hafist handa við frágang
innandyra,“ sagði Kristinn.
Skóflustunga að húsinu var
tekin 31. maí og framkvæmdir
hófust daginn eftir. Við þær hafa
starfað 20-30 manns, en
byggingarverktakinn, Verkafl,
er dótturfélag íslenskra
aðalverktaka.
Umboðsmaður Alþingis gagnrýnir málsmeðferð
kærunefndar jafnréttismála
VMS í Garðarstrætið
rillutestur í
og enskum
Word 97
TVÆR NÝJAR
TÖLVUORÐABÆKUR
Á GEISLADISKUM
Tölvuorðabókin er mjög
hentug námsmönnum,
fyrirtækjum og öðrum, t.d.
til þýðinga, glósusöfnunar,
villulestrar í Word 97 og
aðstoðar við beygingu orða.
Verð aðeins
5.980 kr.
hvor
Mál og menning
malogmennlng.ls
Fór út fyrir verksvið sitt
MÁLSMEÐFERÐ kærunefndar
jafnréttismála er gagnrýnd í áliti
umboðsmanns Alþingis í tilefni af
kvörtun Ingva Þorkelssonar yfir úr-
skurði nefndarinnar. í áliti sínu telur
umboðsmaður m.a. að kærunefnd
jafnréttismála hafí við meðferð máls-
ins farið út fyrir verksvið sitt eins og
það sé markað í lögum. Jafnframt að
nefndin hafi ekki uppfyllt þá skyldu
sína að rannsaka málið og gæta þess
að eigin frumkvæði að málið hafi
verið nægjanlega upplýst áður en
nefndin tók afstöðu til þess. Hefur
umboðsmaður beint þeim tilmælum
til kærunefndar jafnréttismála að
hún endurskoði niðurstöðu sína,
komi fram ósk þess efnis frá Ingva
Þorkelssyni.
Aðdragandi málsins er sá að vorið
1996 var auglýst tímabundin staða
áfangastjóra við Fjölbrautaskóla
Garðabæjar vegna afleysinga og var
Ingvi Þorkelsson ráðinn í stöðuna.
Hinn umsækjandinn, sem er kona,
kærði þá ráðningu Ingva til kæru-
nefndar jafnréttismála. Nefndin
ályktaði að konan væri hæfari í
starfið og að menntun hennar, sem
að áliti nefndarinnar væri meiri og
félli betur að starfslýsingu áfanga-
stjóra, réð úrslitum um að hún teld-
ist hæfari til að gegna stöðu áfanga-
stjóra.
Ingvi Þorkelsson lagði í framhaldi
af þessum úrskurði fram kvörtun til
umboðsmanns Alþingis og taldi að
málsmeðferð og niðurstaða kæru-
nefndai’ jafnréttismála væri óviðun-
andi, og að hann hefði ekki fengið
tækifæri til þess að skýra mál sitt
eða koma að andmælum.
I áliti umboðsmanns Alþingis er
tekið undir þessi umkvörtunarefni
Ingva og þar segir að kærunefnd
jafnréttismála hafi við meðferð máls-
ins farið út fyrir verksvið sitt eins og
það er markað í lögum nr. 28/1991.
„Var nefndinni ekki heimilt að
byggja álit sitt á öðrum sjónarmið-
um um einstaka hæfnisþætti eða
vægi þeirra innbyi’ðis varðandi þá
umsækjendur sem hér koma við
sögu heldur en byggt var á í ákvörð-
un skólameistara Fjölbrautaskólans
í Garðabæ um ráðningu í starf
áfangastjóra við skólann umrætt
sinn, enda var hún byggð á málefna-
legum sjónarmiðum.“
Þá segir að ekki hafi verið rétt hjá
nefndinni að fullyrða að konan „hefði
meiri menntun og starfsreynslu á
framhaldsskólastigi en Ingvi með til-
liti til þeirra gagna sem lágu fyrir
nefndinni".
Jafnframt segh’ í áliti umboðs-
manns að á nefndinni hvíli skylda til
að gæta þess að eigin frumkvæði að
mál séu nægilega vel upplýst áður en
hún tekur afstöðu til þeirra. „í þeim
þætti máls þessa er lýtur að reynslu
umsækjenda af verkstjórn, tjáningu
og umhyggju fyrir nemendum gætti
nefndin ekki nægilega rannsóknar-
skyldu sinnar.“
Stefán M. Stefánsson var settur
umboðsmaður Alþingis í þessu
máli.

L