Morgunblaðið - 15.09.1999, Blaðsíða 21

MORGUNBLAÐIÐ
MIÐVIKUDAGUR 15. SEPTEMBER 1999 21
VIÐSKIPTI
Fulltrúar úr eistnesku atvinnulífí hitta fulltrúa Verslunarráðs íslands
Vilja efla við-
skiptatengsl
landanna
Morgunblaðið/Asdís
„Það hentar okkur að mörgn leyti vel að eiga viðskipti í Eistlandi," segir
Vilhjálniur Egilsson, franikvæmdastjóri íslenska verslunarráðsins sem
sést hér t.h. ásamt eistneskum kollega sínum, Toomas Luman, við
undirritun samstarfssamnings um aukin viðskiptatengsl landanna í gær.
VERSLUNARRÁÐ íslands og
Eistlands undirrituðu í gær sam-
starfssamning sín á milli sem miðar
að því að auka og efla viðskipta-
tengsl landanna. Af sama tilefni var
haldinn eistneskur viðskiptadagur í
húsi verslunarinnar þar sem flutt
voru nokkur erindi um þróun- og
ástand efnahagsmála í Eistlandi.
Lennart Meri, forseti Eistlands,
sem kom til landsins ásamt við-
skiptasendinefnd á mánudag, flutti
stutt ávarp við upphaf ráðstefnunn-
ar. Hann sagði mikla undirbúnings-
vinnu liggja að baki heimsókn eist-
nesku sendinefndarinnar hingað til
lands og að miklar vonir væru
bundnar við aukið samstarf í fram-
tíðinni.
Toomas Luman, formaður eist-
neska verslunarráðsins, sagði
miklar endurbætur og uppbygg-
ingu hafa átt sér stað á eistnesku
viðskiptalífi á liðnum árum. Hann
benti á að verðbólga, sem var mik-
ið vandamál í upphafi áratugarins,
hefði hjaðnað mikið og sé nú á bil-
inu 4-5%. Þá hefur þjóðarfram-
leiðsla aukist verulega og mikil
gróska er nú í ýmiss konar há-
tækniiðnaði, s.s. fjarskiptamálum.
Luman nefndi sem dæmi að á síð-
asta ári voru 17 farsímar á hverja
100 fbúa í landinu, en 16 í Þýska-
landi, 19 í Frakklandi og 38 á ís-
landi. Tekjuskattur í landinu er sá
sami fyrir einstaklinga og fyrir-
tæki eða 26%. Virðisaukaskattur
er 18% auk þess sem vinnuveit-
endur greiða 33% skatt til hins op-
inbera.
Vilhjálmur Egilsson, fram-
kvæmdastjóri íslenska verslunar-
ráðsins, segir heimsókn Eistlend-
inganna ánægjulega og áhuga-
verða. Hann segir Eistland að
mörgu leyti áhugaverðan markað
fyrir íslensk fyrirtæki og bendir á
að þeir sem átt hafi viðskipti við
þarlenda aðila láti vel af þeirri
reynslu. „Það hentar okkur að
mörgu leyti vel að eiga viðskipti í
Eistlandi m.a. í ljósi þess að bæði
markaðssvæðin eru lítil. Að auki er
þarna nokkur sjávarútvegur.
Greinin hefur reyndar átt í erfið-
leikum þar eystra í kjölfar krepp-
unnar í Rússlandi. Þeir hafa því
verið að reyna að bæta sinn hag og
sýna mikinn áhuga á að fá íslenska
aðila inn í greinina," sagði Vilhjálm-
ur Egilsson.
Nýr tölvuhu^búnaður frá kanadísku hugbúnaðarfyrirtæki
Sjónvarpið
látið bíða
Toronto. Morgunblaðið.
NYR hugbúnaður gerir sjónvarps-
áhorfendum, sem horfa á sjón-
varpsútsendingu í einkatölvum,
kleift að stöðva sýningu sjónvarps-
efnisins meðan viðkomandi bregð-
ur sér frá að sinna öðrum erindum,
eins og til dæmis að svara í símann.
Það er MGI Software Corp. í
Toronto í Kanada sem hefúr þróað
hugbúnaðinn. Shelly Sofer, fram-
kvæmdastjóri almannatengsla
MGI, segir að hugbúnaðurinn verði
innifalinn þegar keypt verði ný
tölva frá Compaq-tölvufyrirtækinu
með hinum nýja Pentium III ör-
gjörva frá Intel, sem verði til sölu í
Norður-Ameríku fyrir næstkom-
andi jól.
Hugbúnaðurinn, sem ekki verð-
ur boðinn á almennum markaði
fyrst um sinn vegna þeirra krafna
sem hannn gerir til tölvu og ör-
gjörva, ber nafnið REAL DIVA.
MGI fyrirtækið framleiðir einnig
PhotoSuite III hugbúnað sem ætl-
aður er til að vinna með ljósmynd-
ir, og VideoWave hugbúnað sem
notaður er til að klippa tölvukvik-
myndir og búa til eigin sjónvarps-
efni.
Breytir tölvunni í upptökutæki
Hugbúnaðurinn breytir tölvunni
í raun í upptökutæki þar sem tölv-
an getur „tekið upp“ sjónvarpsefni
og vistað það á harða disknum, og
segir Shelley Sofer að ein klukku-
stund krefjist um þriggja gígabæta
(3.000 megabæta) minnispláss á
disknum, en plássþörf muni verða
minni eftir því sem örgjörvinn
verði hraðvirkari.
„Hugsum okkur notanda sem vill
sjá sjónvarpsþátt sem stendur yfir
frá klukkan níu til ellefu, en hann
kemur ekki heim til sín fyrr en
hálftíma eftir að þátturinn hefst.
Hann getur stillt tölvuna á að hefja
upptöku klukkan níu. Þegar hann
kemur heim til sín hálftíma síðar
getur hann byrjað að horfa á byi-j-
unina meðan tölvan heldur áfram
að taka upp þáttinn," segir Sofer.
Eins segir Sofer að hægt verði
að horfa á þátt sem tekinn hefur
verið upp áður, og taka annan þátt
upp á sama tíma, auk þess sem
unnt verði að stækka ákveðin
svæði á myndfletinum allt að átt-
falt. Þetta sé til dæmis kostur þeg-
ar horft er aftur á óvenjuleg atvik í
íþróttaleikjum.
Aðspurður telur Sofer þó ekki að
stafræn upptaka eigi eftir að ganga
af segulmögnuðum myndbands-
spólum dauðum. „Við hlustum enn-
þá á vínilhljómplötur. Þetta mun
því koma sem viðbót."
Samruni banka á
Norðurlöndum
FS-banken
gerir tilboð
ÍFIH
SÆNSKI Föreningssparbanken
(FS-banken) hefur gert tilboð í FIH
fjárfestingarbankann í Danmörku,
Finansieringsinstituttet for industri
og hándverk, sem sér helmingi allra
fyrirtækja í Danmörku fyrir lang-
tímalánum. Tilboð FS-bankans er
nýjasta útspilið í tilboðsstríði sem
staðið hefur milli norrænna banka
um FIH og enn sér ekki fyrir end-
ann á, að því er segir á vefsíðu Dag-
ens Industri.
Um þessar mundir á sér stað um-
fangsmikill samruni fjármálastofn-
ana á Norðurlöndum og er skammt
að minnast þess er Den Danske
Bank hafði betm- í tilboðsstríði við
Svenska Handelsbanken um norska
Fokus Bank á síðasta ári. Átökin um
FIH hafa staðið um nokkra hríð og
er danska fjárfestingarfélagið Kapi-
tal Holding, þar sem danski BG-
banken á hlut, einn þeirra aðila sem
lagt hafa fram tilboð í bankann. I
ágúst bauð Kapital holding 222
krónur danskar fyrir hvern hlut í
FIH, sem jafngildir 5,7 milljörðum
danskra króna fyrir allan bankann.
Upphæðin samsvarar um 58 millj-
örðum íslenskra króna.
Búíst við fleiri tilboðum
Forráðamenn FIH voru ekki
ánægðir með tilboð Kapital Holding
og leituðu eftir nýjum tilboðum. Á
mánudag lagði FS-banken fram til-
boð sem hljóðar upp á 255 krónur
danskar fyrir hvem hlut. Tilboðið
jafngildir því að FS-banken greiddi
jafnvirði rúmlega 66 milljarða ís-
lenskra króna fyrir öll hlutabréf í
FIH. FS-banken gerir þó aðeins ráð
fyrir að kaupa 60% í FIH en leggur
tilboðið fram í samráði við hluthafa-
hóp sem á um 40% hlut í bankanum.
Gert er ráð fyrir að fleiri tilboð í
FIH verði lögð fram á næstunni og
þykir Ijóst að verðið eigi enn eftir að
hækka. Aðeins fáeinum klukku-
stundum eftir að tilkynnt var um til-
boð FS-banken hafði gengi hluta-
bréfa í FIH hækkað töluvert í
dönsku kauphöllinni, Kabenhavns
Fondbors, og fór verðið á hlutinn í
um 260 danskar krónur á mánudag.