Morgunblaðið - 08.10.1999, Síða 24

24 FÖSTUDAGUR 8. OKTÓBER 1999
MORGUNBLAÐIÐ
ERLENT
Þingkosningar í Portúgal á sunnudag
Jafnaðarmönnum
spáð öruggum sigri
Lissabon. AP.
ALLT bendir til, að jafnaðarmenn
vinni öruggan sigur í þingkosningun-
um í Portúgal á sunnudag en minni-
hlutastjórn þeirra og landsmönnum
öllum hefur gengið flest í haginn á
síðasta kjörtímabili.
Skoðanakannanir síðustu daga
sýna, að jafnaðarmenn muni fá yfír
40% atkvæða en helsti keppinautur
þeirra, Sósíaldemókrataflpkkurinn,
um 30%. I Portúgal og á Italíu eru
sósíaldemókrataflokkar, sem svo
heita, hægriflokkar. Verði niðurstað-
an þessi í kosningunum geta jafnað-
armenn gert sér vonir um þingmeiri-
hluta.
„Sigur jafnaðarmanna er alveg ör-
uggur. Það eina, sem ekki er víst, er
hve stór hann verður,“ segir Sergio
Figueiredo, ritstjóri dagblaðsins Di-
arío Economico.
Góður gangur á flestum sviðum
Sósíaldemókrataflokkurinn, sem
fór með stjórn mála í Portúgal frá
1985 til 1995, er enn að sleikja sárin
eftir ósigur í öllum kosningum að
undanförnu, Evrópuþings-, forseta-,
sveitarstjórnar- og þingkosningum,
en jafnaðarmenn njóta aftur á móti
velgengninnar í portúgölsku þjóðlífi
síðustu árin.
Fyiir það fyrsta tókst stjórninni
öllum á óvart að uppfylla skilyi-ðin
fyrir aðild að Evrópska myntbanda-
laginu og heimssýningin í Lissabon,
Expo 98, þótti takast vel. Ekki lækk-
aði brúnin á Portúgölum er rithöf-
undurinn Jose Saramago fékk bók-
menntaverðlaun Nóbels og síðast en
ekki síst er bjart framundan í efna-
hagsmálunum. Búist er við, að hag-
vöxtur verði 3,3% á þessu ári, nokkru
meiri en í Evrópusambandsríkjunum
yfirleitt, og verðbólgan er komin nið-
ur í 2%. Þá er atvinnuleysið ekki
nema 4,9% eða helmingur þess, sem
það er að meðaltali innan ESB.
Ríkisstjórnin hefur einnig aukið
vinsældir sínar með framgöngunni í
málefnum A-Tímors en annars snýst
barátta flokkanna aðallega um hylli
miðstéttarinnar. Hefur hún stækkað
mikið og í takt við þá efnahagslegu
velsæld, sem fylgdi inngöngu Portú-
gals í ESB 1986. Kjósendur segjast
hins vegar ekki sjá mikinn mun á
stóru flokkunum tveimur. Báðir eru
þeir mjög Evrópusinnaðir, vilja
vinna að félagslegum umbótum og
bæta lífskjörin. Þjóðartekjur á mann
í Portúgal eru nú um það bil 70% af
meðaltalinu innan ESB.
65% kjósenda ánægð með
forstisráðherrann
Við þessar aðstæður leika leiðtog-
arnir stórt hlutverk og þar hafa jafn-
aðarmenn vinninginn. 65% kjósenda
eru ánægð með Antonio Guterres for-
sætisráðherra en 40% með Jose
Durao Barroso, íyrrverandi utanríkis-
ráðherra og leiðtoga Sósíaldemókra-
taflokksins. Það er helst, að finna
megi stjórninni það til foráttu, að hún
hefur ekki tekið á sumum gamalgrón-
um vandamálum eins og t.d. heilbrigð-
iskerfinu, sem er ákaflega óskilvirkt.
AP
Antonio Guterres forsætisráðherra og ieiðtogi jafnaðarmanna á kosn-
ingafundi í Lissabon. Hann vonast eftir að fá þingmeirihluta í kosning-
unum á sunnudag.
Þá eru ellilaun lág, rétt rúmar 11.000
ísl. kr. á mánuði, en meðallaun í land-
inu eru tæplega 50.000 kr.
Þótt Sósíaldemókrataflokkui'inn
sé hægriflokkur hefur hann lagt
mikla áherslu á þessi atriði í kosn-
ingabaráttunni og Barroso sagði ný-
lega á kosningafundi, að þegar fé-
lagslegt réttlæti væri annars vegar,
slægi hjarta hans vinstramegin.
Um helgina
höldum við upp á
bolludaginn...hinn síðafi!
Að því tilefni getur þú
keypt gómsætar *
rjómabollur með ekta
rjóma af öllum stærðum
og gerðum í bakaríinu á
Grensásvegi.
Grensásvegi 26 • Opið milli 7-18 alla helgina
HoElix-
Reuters
Bfll með Austur-Tímora fer framhjá brennandi olíubirgðastöð vestan
við Dili. Talið er að andstæðingar sjálfstæðis Austur-Tímors hafi
kveikt í stöðinni.
Friðargæsluliðið á A-Tímor sætir gagnrýni
V erst ásökun-
um um að sókn-
in sé of hæg
Dili. Reuters.
YFIRMAÐUR friðargæsluliðs
Sameinuðu þjóðanna á Austur-
Tímor sagði í gær að ekkert væri
hæft í ásökunum um að hersveitii-
hans hefðu sótt of hægt inn í landið.
Hjálparstofnanir hafa kvartað
yfir því að sókn friðargæsluliðsins
hafi gengið of hægt og það hafi
torveldað þeim að koma hundruð-
um þúsunda flóttamanna til hjálp-
ar.
„Eg hef heyrt þennan bænasöng
aftur og aftur,“ sagði Peter Os-
grove, yfirmaður friðargæsluliðsins.
„Þetta er þvaður. Friðargæsluliðar
okkar fai’a mjög hratt.“
Astrali komst naumlega lífs af
Tveir vígamenn úr röðum and-
stæðinga sjálfstæðis Austur-Tímors
biðu bana í átökum við hermenn
friðargæsluliðsins í bænum Suai í
suðvesturhluta landsins í fyrradag.
Vígamennirnir sátu um herbíla sem
höfðu verið notaðfr til að flytja fé-
laga þeirra úr fangelsi.
Astralskur hermaður varð fyrir
skoti í hálsinn í umsátrinu og læknir
sem hiúði að honum sagði að hann
hefði verið „ótrúlega nálægt því að
deyja“; aðeins hefði munað
nokkrum millímetrum að byssukúl-
an hefði orðið honum að bana.
Hermaðurinn og annar særður
Astrali voru fluttir á sjúkrahús í
Astralíu.
Osgrove ræddi í gær við Carlos
Belo biskup, handhafa friðarverð-
launa Nóbels, sem sneri aftur til
heimalandsins daginn áður. Belo
kvaðst hafa mestar áhyggjur af
spennunni í suðvesturhlutanum,
einkum í grennd við Suai.
Ali Alatas, utanríkisráðherra
Indónesíu, sagði í gær að stjórn
landsins myndi ekki leyfa austur-
tímorsku vígahópunum að nota
Vestur-Tímor „sem griðastað til að
gera árásir á Austur-Tímor“. Hann
bætti hins vegar við að stjómin
gæti ekki haft hemil á þeim víga-
mönnum sem eru enn á Austur-
Tímor.
Mannréttindasamtökin Amnesty
International sögðust í gær hafa
miklar áhyggjur af áformum
Indónesíustjórnar um að flytja
austur-tímorska flóttamenn á Vest-
ur-Tímor til annarra svæða í
Indónesíu.