Morgunblaðið - 03.03.2000, Síða 16

16 FÖSTUDAGUR 3. MARS 2000
MORGUNBLAÐIÐ
AKUREYRI
Stórt verslunarhús byggt við Langholt
Færa þarf götuna
og hitaveitulögn
EINKAHLUTAFÉLAGIÐ Hymir
ehf. ætlar að byggja um 1.500 fer-
metra verslunarhúsnæði á einni
hæð á 7.000 fermetra lóð sem fé-
lagið fékk úthlutað við Langholt á
Akureyri. Um er að ræða stálgr-
indarhús og er stefnt að því að
hefja framkvæmdir með vorinu og
að húsið verði tilbúið næsta haust.
Eins og fram kom í Morgunblað-
inu hefur verið rætt um að Bónus
setji upp verslun í nýja húsinu.
Guðmundur Marteinsson fram-
kvæmdastjóri Bónuss sagði að fyr-
irtækið hafi verið að skoða þann
möguleika á hverju ári að koma til
Akureyrar á ný. „Við teljum okkur
eiga fullt erindi norður en endan-
leg ákvörðun um hvort af því verð-
ur liggur þó ekki fyrir. Við ætlum
að hugsa okkar gang fram á vor-
ið,“ sagði Guðmundur. Einn af
þeim möguleikum sem hefur verið
til skoðunar hjá Bónus er fyrir-
hugað verslunarhús við Langholt.
Vegna fyrirhugaðra fram-
kvæmda þarf að færa hluta Lang-
holtsins til austurs um tæpa 40
metra og jafnframt að færa hita-
veitulögnina sem er í götunni til
vesturs, meðfram Hörgárbraut-
inni. Gunnar Jóhannesson á tækni-
deild Akureyrarbæjar sagði stefnt
að því að bjóða út flutning götunn-
ar um helgina en að framkvæmdir
á lóðinni gætu ekki hafíst fyrr en
búið yrði að flytja hitaveitulögn-
ina.
Hin nýja lega Langholtsins er
yfir mýrarsvæði og þarf að hækka
götuna nokkuð. Gunnar sagði að
gatan ætti vafalaust eftir að síga
nokkuð, bæði á framkvæmdartím-
anum og eins fyrstu mánuðina á
eftir. Parna verður því malarvegur
fyrst um sinn, eða fram undir vet-
urnætur, eins og Gunnar orðaði
það.
Innkeyrslan frá Undirhlíð verð-
ur tæpum 40 metrum austar en
gatan mun liggja í boga og koma
til baka upp undir Miðholt. „Þetta
er um 160 metra götukafli og mun
um helmingur leiðarinnar liggja í
boga,“ sagði Gunnar en skiladagur
á verkinu er áætlaður um mánaða-
mótin apríl/maí.
Margir sýnt áhuga
Bjarni Reykjalín arkitekt á arki-
tektastofunni Form teiknar nýja
húsið og hann sagði stefnt að því
hefja framkvæmdir um leið og
snjóa leysir. Hann sagði að hönn-
unarvinna væri í fullum gangi, auk
þess sem verið er að leita tilboða í
Morgunblaðið/Kristján
Gunnþór Hákonarson og Erling Erlingsson, starfsmenn Akureyrarbæj-
ar, voru að dýptarmæla á lóðinni við Langholt í gær, þar sem fyrirhugað
er að byggja verslunarhúsnæði á næstu mánuðum. Töluverðar breyt-
ingar verða á þessu svæði, því í húsnæði á móti fyrirhugaðri verslun
hefur Bónusvideo opnað myndbandaleigu og Domino’s pizzastað, þar
sem áður var rekin verslun með vélsleða o.fl. og dekkjaverkstæði.
stálgrindarhús erlendis frá. Bjarni svæðinu, eða 6-8 metrar að sögn
sagði þetta svæði mjög gott fyrir Bjarna og er nú m.a. verið að
verslunarrekstur og að margir hafi kanna hvernig hagkvæmast sé að
sýnt því áhuga. Nokkuð djúpt er standa að framkvæmdinni.
niður á burðarhæfan jarðveg á
Fjórða Vetraríþróttahátíð ÍSÍ
Setningarathöfn
í Skautahöllinni
VETRARÍÞRÓTTAHÁTÍÐ ÍSÍ
2000 verður sett í Skautahöllinni
á Akureyri laugardaginn 4. mars
kl. 17.15. Hestamenn og aksturs-
íþróttamenn verða með sýningu á
flötinni og tjöminni austan við
höllina kl. 17 sama dag. Við setn-
ingarathöfnina verða flutt ávörp,
þá verður skrautsýning og list-
danssýning auk þess sem veitt
verða verðlaun fyrir íþrótta-
keppni dagsins.
I tengslum við upphaf hátíðar-
innar verður íshokkímót í dag,
föstudaginn 3. mars, og hefst það
kl. 18 þar sem etja kappi lið
Skautafélags Akureyrar, Skauta-
félags Reykjavíkur og Bjarnarins
í 4. og 5. flokki en það heldur svo
áfram á laugardag frá kl. 8 til
14.30.
Opið verður fyrir almenning í
Skautahöllinni eftir setningarat-
höfn vetraríþróttahátíðar eða frá
kl. 18.30 til 21 á laugardag en
einnig er opið fyrir almenning á
sunnudag frá kl. 13 til 18.
Mikið verður um að vera um
helgina í tengslum við hátíðina.
Keppt verður í svigi barna 9 ára
og yngri í Hlíðarfjalli og þar fer
einnig fram Þórsmót í göngu fyrir
12 ára og yngri á laugardag, en
sama dag verður einnig snjó-
brettakeppni í fjallinu. Þá verður
Ferðafélag Akureyrar með létta
sklðaferð um Eyjafjarðarbakka á
laugardag.
Keppt verður í krullu (curling)
á snjóþrettum og skíðum á sunnu-
dag, en þann dag kl. 14 mun Bjöm
Bjamason menntamálaráðherra
taka nýjan veitingaskála, Strýtu í
Hlíðarfjalli, í notkun.
í næstu viku verður svo boðið
upp á skíðagöngunámskeið fyrir
alla fjölskylduna við gönguhúsið í
Hlíðarfjalli.
Kristnihátíð hefst í Þingeyjarprófastsdæmi
„Lifandi kirkja
í ljósi sögunnar“
HÁTÍÐAHÖLD í Þingeyjarprófasts-
dæmi vegna 1000 ára kristni í landinu
hefjast formlega á sunnudag, 5. mars.
Yfirskrift kristnihátíðarhaldanna er
„Lifandi kirkja í ljósi sögunnar“.
Öllum kirkjuklukkum í kirkjum
prófastsdæmisins, 24 að tölu, verður
hringt samtímis, kl. 13 á sunnudag,
en þær em á svæðinu frá Svalbarði á
Svalbarðsströnd við Eyjafjörð austur
að Sauðanesi á Langanesi. Þennan
dag verður messað í a.m.k. einni
kirkju í hverju prestakalli og munu
börn og unglingar taka þátt í helgi-
haldinu enda ber daginn upp á Æsku-
lýðsdag þjóðkirkjunnar.
Skipulagðir hafa verið nokkrir við-
burðir í tengslum við kristnihátíðina í
prófastsdæminu, en í lok apríl, þann
30., verður bamastarfshátíð þar sem
öll böm sem starfað hafa í kirkju-
starfi prófastsdæmisins koma saman.
Hátíðarguðsþjónusta verður í Húsa-
víkurkirkju í lok júlí í tilefni opnunar
kirkjumunasýningar í Safnahúsinu.
Þar verða sýndir kirkjumunir úr
kirkjum prófastsdæmisins auk þess
sem sýndar verða skuggamyndir af
kirkjum og kirkjumunum úr Þingeyj-
arprófastsdæmi sem Sigurður Pétur
Björnsson hefur tekið saman.
Ný kirkja, Þorgeirskirkja,
vígð við Ljósavatn
Ný kirkja á Ljósavatni, Þorgeirs-
kirkja, verður vígð 6. ágúst í sumar af
biskupi íslands, herra Karli Sigur-
bjömssyni. Þann dag verður hátíðar-
dagskrá við Goðafoss með fjöl-
breyttri dagskrá, en m.a. verður
fluttur stuttur leikþáttur um þann at-
burð er Þorgeir Ljósvetningagoði
kastaði goðum í Goðafoss. Jónas
Kristjánsson frá Fremstafelli í Kinn
skrifaði þáttinn en Amór Benónýs-
son frá Hömrum í Reykjadal leik-
stýrir. Leikþátturinn verður fluttur á
fossbrúninni.
Síðasti liður dagskrárinnar verður
unglingahátíð við Vestmannsvatn þar
sem unglingar úr Þingeyjai'- og
Eyjafjarðarprófastsdæmum koma
saman við leik og störf í ágústmánuði.
------------------------
Sýning Iðunnar
opin um helgina
SÝNING Iðunnar Ágústsdóttur í
Vín í Eyjafjarðarsveit verður opin
um helgina á afgreiðslutíma blóma-
skálans, en hún var framlengd vegna
óveðurs um síðustu helgi. Yfirskrift
sýningarinnar er Forréttur og þar
gefur að líta um 20 verk. Síðar á ár-
inu mun Iðunn efna til tveggja sýn-
inga og ber þá á borð fyrir gesti sína
aðal- ogábætisrétti.
Eigum örfáa PQLflRIS árg. 2000
Akureyri
Dalsbraut 1, sími 462 2840
Sfi
PofarisoM. Kópavogi
'•i/ Smiðjuvegi 4, sími 577 5040
Kirkjuvika hefst í Akureyrarkirkju í 21. sinn
Umhverfi og
hjálparstarf í
brennidepli
KIRKJUVIKA verður haldin í Ak-
ureyrarkirkju í tuttugasta og
fyrsta sinn og hefst hún á sunnu-
dag, 5. mars, með fjölskylduguðs-
þjónustu.
Kirkjuvika var fyrst haldin á
föstunni árið 1959 að furmkvæði sr.
Péturs Sigurgeirssonar, þáverandi
sóknarprests og siðar biskups, og
er hún hugsuð sem liður í því að
brjóta upp hefðbundna þætti fastra
dagskrárliða í kirkjunni og Ieggja
áherslu á sérstök málefni sem eru
ofarlega á baugi hverju sinni.
Að þessu sinni verður heimurinn
allur, umhverfi og hjálparstarf í
brennidepli og bæði er um að ræða
sérstaka dagskrá og einnig fléttast
atriðin inn f fasta liði kirkjunnar.
Kirkjuvikan er haldin annað hvert
ár en hitt árið á móti er haldin
Kirkjulistavika þar sem listrænir
atburðir eru áberandi.
Margir góðir gestir koma og
segja frá dvöl sinni í Afríku og á
Indlandi, tónlist verður flutt frá
ýmsum heimsálfum og munu einnig
tónlistarmenn og kórar koma við
sögu, en þar má nefna Beyene Kait-
assie og Galle Stoka frá Eþíópíu,
Gunnar Kvaran sellóleikara, Kór
Menntaskólans á Akureyri, Ommu-
kórinn, Kór Tónlistarháskólans í
Pitea í Norður-Svíþjóð, Barna- og
unglingakór Akureyrarkirkju og
Kór Akureyrarkirkju.
Öllum fimm ára börnum í sókn-
inni verður sérstaklega boðið á
upphafsatriði vikunnar, en þar fá
þau afhenta bókina Kata og Óli fara
í kirkju. Að auki er öllum nemend-
um í 7. bekk Lundar-, Oddeyrar- og
Brekkuskóla boðið í kirkjuheim-
sókn, sóknarprestar fara ásamt
Önnu Ólafsdóttur, framkvæmda-
stjóra Hjálparstarfs kirkjunnar, í
framhaldsskólana og þá verða bi-
blfulestrar, kyrrðarstund og opið
hús fyrir eldri borgara á sfnum
stað.