Morgunblaðið - 14.04.2000, Page 16

16 FÖSTUDAGUR 14. APRÍL 2000
MORGUNBLAÐIÐ
HÖFUÐBORGARSVÆÐIÐ
Tilraunaverkefnið upplýsingatækni fyrir alla hefst f fjölhýlislnísi við Hjallabraut
Ibúar 44 íbúða sí-
tengdir við Netið
í þrjá mánuði
Hafnarfjördur
FRÁ og með gærdeginum
eru íbúar í 44 íbúðum í fjöl-
býlishúsinu við Hjallabraut
35-43 sítengdir við Netið í
gegnum loftnet Skýrr. Þá er
hafið þriggja mánaða til-
raunaverkefni þar sem íbúar
hússins hafa stöðugan að-
gang að Netinu, án þess að
teppa símalínur sínar, auk
þess sem sambandið er
margfalt hraðvirkara en með
hefðbundnum tengingum.
Tilraunin er hluti af verkefni
Skýrr hf., IceCom hf., Op-
inna kerfa og Hafnarfjarðar-
bæjar undir yfirskriftinni
„Upplýsingatækni fyrir alla“.
Húsið er tengt örbylgju-
sendi og eru símalagnir húss-
ins notaðar til að tengja
hverja íbúð. Hver tölva er
með sérstakt netkort og er
tengd tengiboxi í stað mót-
alds.
íbúar hússins greiða ekki
fyrir tenginguna i þá þrjá
mánuði sem á tilrauninni
stendur en að henni lokinni
mun metið hvernig best verði
staðið að því að bjóða upp á
tengingu af þessu tagi og á
hvaða verði.
fbúar afar ánægðir og
taka nær allir þátt
Jóhann Guðni Reynisson
upplýsingastjóri Hafnar-
fjarðarbæjar og verkefnis-
stjóri segir verkefni þetta til-
raun í orðsins fyllstu
merkingu því niðurstöður
þess verði notaðar til að meta
hvemig megi koma slíkri
tengingu á víðar á sem hag-
kvæmastan hátt. íbúarnir
muni taka þátt í viðhorf-
skönnunum þar sem árang-
urinn er metinn og meðal
annars kannað hve mikið þeir
væru reiðubúnir að borga
fyrir afnot af slíkri tengingu.
Gunnar Guðjónsson og
Inga Harðardóttir eru meðal
íbúa í húsinu og segjast þau
afar ánægð með þetta til-
raunaverkefni. Þau segja að
flestallir íbúar hússins séu
það einnig og það sýni sig í
því að íbúar í nær öllum íbúð-
um hússins taka þátt.
Frábært frumkvæði
bæjarins
„Mér finnst þetta frum-
kvæði sem Hafnarfjarðarbær
er að sýna alveg frábært,“
segir Inga og segir Gunnar
það muna gífurlega miklu að
hafa slíka sítengingu.
„Þá þarf ekki að stífla
símalínur og svo þegar að því
kemur að borga fyrir, verður
það alltaf föst greiðsla á mán-
uði, sama hvað maður notar
þetta mikið,“ segir Inga.
„Þetta nýtist okkur rosa-
lega vel. Nú get ég verið
tengdur við skrifstofuna og
unnið hérna heima,“ segir
Gunnar og Inga segist líka
Morgunblaðið/Jim Smart
Gunnar Guðjónsson og Inga Harðarddttir ásamt börnum sínum Herði Inga tveggja ára og
Ólöfu Rósu sex ára. Þau eru meðal íbúa í fjölbýlishúsinu við Hjallabraut og segja flestalla
fbúa hússins afar ánægða með þetta tilraunaverkefni.
geta notað sér tenginguna í
sinni vinnu.
Þau Gunnar og Inga segja
að dóttir þeirra Ólöf Rósa,
sem er sex ára, hafi mjög
gaman af því að leika sér í
tölvunni og segjast þau sann-
færð um að það nýtist börn-
um vel í námi að læra
snemma á tölvur. Inga segir
að Ólöf Rósa leiki sér mest
með teikniforrit og prófi sig
einnig áfram með ýmislegt,
meðal annars á Netinu.
„Það er náttúrlega mikil-
vægt að því sem krakkar
gera á tölvum, sé stjórnað
samviskusamlega af foreldr-
unum. En ég tel að það sé
mjög gott fyrir börn að
kunna á tölvur og að það gefi
þeim ákveðið forskot í skól-
anum,“ segir Gunnar.
Inga segist einnig afar án-
ægð með þjónustusíðu Hafn-
arfjarðarbæjar. Þar sé til
dæmis hægt er að fylgjast
með því hvar barn er statt á
biðlista fyrir leikskóla og
einnig hægt að sækja þang-
að eyðublöð af ýmsu tagi og
spara sér þannig sporin. Það
sé reyndar orðið hægt á
mjög mörgum öðrum sviðum
líka.
„Maður er kannski ekki al-
veg búin að gera sér grein
fyrir því hvílíkur munur
þetta verður en finnur það
örugglega um leið og maður
byrjar að nota þetta,“ segir
Inga.
Á fundi borgarstjóra á Kjarvalsstöðum kom í ljós að íbúar við Miklubraut eru þreyttir
Reykjavík
Borgaryfirvöld óska
eftir 1,1 milljarði í end-
urbætur á Miklubraut
FRAMTÍÐARSKIPULAG
Miklubrautarinnar var mjög
til umræðu á hverfafundi
borgarstjóra á Kjarvalsstöð-
um í fyrrakvöld. Á fundinum
kom berlega í ljós að íbúar,
sem búa í námunda við göt-
una, eru orðnir langþreyttir
á aðgerðarleysi yfirvalda.
Ingibjörg Sólrún Gísladóttir,
borgarstjóri Reykjavíkur,
sagði að fyrir Alþingi, sem
þessa dagana er að ræða um
vegaáætlun, lægi tillaga um
að 1,1 milljarði króna verði
veitt í endurbætur á þessari
miklu umferðargötu á næstu
fjórum árum.
Á fundinum sem um 120
íbúar frá Túna-, Holta-,
Norðurmýrar- og Hlíða-
hverfi sóttu, ræddi borgar-
stjóri um heildarskipulag
höfuðborgarinnar og út-
skýrði síðan hvaða fram-
kvæmdir væru fyrirhugaðar
í hverfinu sjálfu. Að lokum
var opnað fyrir fyrirspurnir.
Ýmsar framkvæmdir
á döfinni
„Það er ýmislegt á döfinni
í þessum borgarhluta," sagði
Ingibjörg Sólrún. „í nyrðri
hlutanum er að fara í gang
uppbygging í Sóltúninu. Þar
er verið að byggja um 250
nýjar íbúðir og þá verður
reist hjúkrunarheimili fyrir
um 90 vistmenn, þar sem
bækistöð gatnamálastjóra er
núna. Við gerum ráð fyrir því
að á þessu svæði verði
byggður skóli í tengslum við
íþróttahús Ármanns. Einnig
er ráðgert að byggja leik-
skóla á svæðinu og mun hann
tengjast skólanum og
íþróttahúsinu og við sjáum
fyrir okkur mjög spennandi
möguleika í að þróa það sam-
starf. Þetta gæti jafnvel ver-
ið skóli og leikskóli sem hefði
fimleika og íþróttir sem
uppistöðu.
I sunnanverðu hverfinu er
minna að gerast en við eigum
auðvitað eftir að taka
ákvarðanir varðandi Miklu-
brautina, en í aðalskipulagi
er gert ráð fyrir því að hún
fari í stokk frá Reykjahlíð og
langleiðina út að Bústaða-
vegi, en þetta er mjög fjár-
frek framkvæmd og mikil-
vægt að fá peninga á
vegaáætlun í þetta.
I skólamálum er verið að
hanna viðbyggingu við Hlíða-
skóla og gert er ráð fyrir því
að Hlíðaskóli og Vesturhlíð-
arskóli, sem er skóli fyrir
heyrnarlaus börn, verði tví-
buraskólar og sameinist síð-
ar.
Við erum að byggja leik-
skóla við Háteigsveg í sam-
starfi við námsmenn, en þeir
eru að byggja íbúðir þar fyr-
ir þá sem eru í Kennarahá-
skólanum og Sjómannaskól-
anum.“
Er Valur að flytja
úr hverfinu?
Eftir fundarhlé var gest-
um boðið að koma með fyrir-
spumir og létu þær ekki á
sér standa.
Smári Þórarinsson, íbúi í
Mávahlíð, sagðist hafa heyrt
í fjölmiðlum að íþróttafélagið
Valur væri jafnvel að flytja
úr hverfinu og upp í Grafar-
vog og vildi hann fá svör við
því hvar þau mál stæðu. Þá
vildi hann fá að vita hvort
það stæði ekki til að gera
eitthvað við Lönguhlíðina til
að draga úr umferðinni þar.
Ingibjörg Sólrún sagði að
hugmyndin að sameiningu
Vals og Fjölnis væri frá
íþróttafélögunum sjálfum
komin. Hún sagði að
forsvarsmenn félaganna
væru að ræða málin þessa
dagana og bætti því við að
Valsmenn hefðu rætt lítillega
við sig um málið fyrir nokkru
og að í þeim samræðum
hefðu þeir lýst yfir vilja til að
láta sameinguna ganga upp.
Ingibjörg sagði að ekki væri
komið á hreint hvort Vals-
menn hygðust flytja alla
starfsemina upp í Grafarvog
eða hvort þeir yrðu á tveimur
stöðum. Hún sagði hinsvegar
mjög brýnt að tryggja áfram
íþróttaiðkun í hverfinu og að
Valssvæðið yrði áfram notað
undir hana hvort sem Vals-
menn sæju um svæðið eða
einhverjir aðrir.
Varðandi Lönguhlíðina
sagði Ingibjörg Sólrún að
engar sérstakar fram-
kvæmdir væru fyrirhugaðar
við hana. Hún sagði að erfitt
væri að þrengja hana því það
myndi þýða aukna umferð
um minni hverfagötur.
Verið að mismuna
íbúum við Miklubraut
Einar Guðmundsson, íbúi í
Miðtúni, spurði hvers vegna
Túnahverfið væri ekki frekar
tengt Laugarneshverfinu, en
Hlíðahverfinu, þar sem böm-
in sæktu skóla þangað og
íbúarnir þjónustu. Einar
spurði einnig hvenær fram-
kvæmdir í Sóltúninu ættu að
hefjast.
Borgarstjóri sagði það rétt
að eflaust ætti Túnahverfið
meira sameiginlegt með
Laugarneshverfinu. Hún
sagði að hverfaskiptingin
væri mjög flókið fyrirbæri og
viðurkenndi að borgaryfir-
völd þyrftu að taka til í þeim
málum og skipuleggja skipt-
inguna betur.
Varðandi framkvæmdir í
Sóltúni þá sagði Ingibjörg
Sólrún að bygging hjúkrun-
arheimilisins myndi hefjast á
þessu ári, en að framkvæmd-
ir við nýjan skóla myndu
hinsvegar ekki hefjast fyrr
en kominn væri tilskilinn
fjöldi barna í hverfið.
Kristján Hjaltason, íbúi í
Blönduhlíð, spurði hvaða
hugmyndir væru uppi um
Miklubrautina.
Ingibjörg Sólrún sagði að,
þar sem viðhald Miklubraut-
arinnar væri á vegum ríkis-
ins, væri búið að gera tillög-
ur til Alþingis um að veita 1,1
milljarði króna í fram-
kvæmdir við veginn. Hún
sagði að þessi upphæð væri
hugsuð í framkvæmdir á
Miklubraut frá Grensásvegi
að Bústaðavegi, en að mis-
læg gatnamót við Kringlu-
mýrarbraut væru ekki tekin
með í reikninginn, enda væri
ekki gert ráð fyrir þeim í að-
alskipulagi. Hún bætti því
við að verið væri að endur-
skoða aðalskipulagið og m.a.
gatnamótin við Kringlumýr-
arbraut.
Dóra Hjálmarsdóttir, íbúi í
Barmahlíð, sagði að ef vel ætti
að vera þá væri nauðsynlegt
að setja Miklubrautina í stokk
eða gera göng frá Grensás-
vegi og að Bústaðavegi.
Ingibjörg Sólrún sagði það
mjög dýrt og ónauðsynlegt
því hægt væri að koma hljóð-
mönum fyrir víða við Miklu-
brautina, þar sem væri pláss
gott.
Sigríður Einarsdóttir, sem
búið hefur á horni Miklu-
brautar og Lönguhlíðar í 30
ár, sagði að ef Miklabrautin
yrði aðeins sett í stokk frá
Reykjahlíð og að Rauðarár-
stíg væri verið að mismuna
fólki sem byggi við götuna.
Ingibjörg Sólrún sagði að
það væri mikið álitamál
hvort verið væri að mismuna
fólki. Hún sagði að fram-
kvæmdir gætu aldrei gagn-
ast öllum jafnvel.
Endurhugsa þarf
skipulag almennings-
samgangna
Guðrún Árnadóttir, íbúi
við Bollagötu, spurði hvort
ekki ætti að gera eitthvað til
að efla almenningssamgöng-
ur.
Borgarstjóri sagði að
brýnt væri að endurhugsa
skipulag almenningssam-
gangna í borginni og gera
þær að valkosti fyrir almenn-
ing. Hún sagði að sérstök
akrein og sérstök umferðar-
ljós fyrir almenningsvagna
væri t.d. eitthvað sem menn
þyrftu að velta fyrir sér.
Arnór Víkingsson, íbúi við
Háteigsveg, spurði um fram-
tíðaráform KHÍ, hvort það
stæði til að stækka skólann.
Einnig spurði hann hvort
borgaryfirvöld hefðu athug-
að möguleikann á því að
koma upp sporvögnum í
borginni.
Ingibjörg Sólrún sagði að
búið væri að samþykkja
deiliskipulag fyrir Kennara-
háskólasvæðið sem gerði ráð
fyrir ákveðinni uppbyggingu,
en sagðist vel skilja það ef
menn hefðu áhyggjur af auk-
inni umferð í gegnum hverfið
vegna skólans. Varðandi
sporvagnana sagði hún að
franskir sérfræðingar hefðu
kannað þann möguleika fyrir
borgaryfirvöld, og útkoman
hefði verið sú að uppbygging
slíks kerfis væri alltof dýr.
Miklatúnið
fjölskylduvænna
Kári, íbúi á Flókagötu,
spurði borgarstjóra hvort
ekki stæði til að takmarka
hámarkshraða við 30 km/klst
í Norðurmýrinni. Einnig
spurði hann hvort borgaryf-
irvöld hefðu eitthvað skoðað
þann möguleika að setja
snjóbræðslukerfi í þröngar
götur, eins og í Norðurmýr-
inni.
Borgarstjóri sagðist ekki
geta svarað því hvenær
hámarkshraði yrði takmark-
aður við 30 km/klst í Norð-
urmýrinni, en að verið væri
að fara yfir þau mál. Þá
sagði Ingibjörg Sólrún að
verið væri að skoða mögu-
leikann á því að setja snjó-
bræðslukerfi undir gang-
stéttir í hverfum í borginni,
en hún sagði að það gæti
aldrei orðið allsstaðar, held-
ur þyrfti að velja hverfi.
Undir lok fundarins spurði
Páll Ólafsson, íbúi við Úthlíð,
hvort ekki stæði til að gera
Miklatúnið að fjölskyldu-
vænni stað, með því t.d. að
koma þar fyrir grilli, fleiri og
fjölbreyttari íþróttavöllum,
aðstöðu fyrir litla tónleika
o.s.frv.
Ingibjörg Sólrún sagði að
það væri ekki á dagskrá en
þakkaði kærlæga fyrir mjög
góða ábendingu og sagði að
það mætti velta þessu vel
fyrir sér og beindi því til
garðyrkjustjóra, sem var á
fundinum, að skoða þessi
mál.